রোদ ত্রান্সপোর্ত অমসুং হাইৱে মন্ত্রালয়
গদকরীনা ত্রিপুরাগী এন.ঐচ. প্রোজেক্ত ৯ উরেপ-উয়ুং তম্বা
প্রোজেক্ত অসিগী মতেংনা মফম অসিগী সোসিও-ইকোনোমিক্কী ফীভম ফগৎহল্লগনি হায়না মন্ত্রীনা ফোংদোকখি
তুরিজম, মফম অসিগী শেন্মিৎলোন অমসুং ইন্তর্নেস্নেল কনেক্তিবিতী অসিদা চাউনা অহোংবা লৈরক্লগনি
Posted On:
27 OCT 2020 3:36PM by PIB Imphal
রোদ ত্রান্সপোর্ত, হাইৱেজ অমসুং এম.এস.এম.ই.গী কেন্দ্র মন্ত্রী শ্রী নীতিন গদকরীনা ঙসি ভর্চুএল ওইনা ত্রিপুরাদা লুপা করোর ২৭৫২দগী হেন্না ওইগদবা কিলোমিতর ২৬২ শাংবা নেস্নেল হাইৱে প্রোজেক্ত ৯ উরেপ-উয়ুং তমখ্রে। থৌরম অসি কেন্দ্রগী রাজ্য মন্ত্রী দা. জিতেন্দ্র সিংহ অমসুং রিতায়র্দ জেনরেল দা. ভি.কে. সিংহ, রাজ্য অদুগী মন্ত্রীশিং, সংসদকী মীহুৎশিং, কেন্দ্র অমসুং রাজ্যগী এম.এল.এ.শিং অমসুং মকোক থোংবা ওফিসিএলশিংনা শরুক য়াদুনা মুখ্য মন্ত্রী শ্রী বিপ্লব কুমার দেবনা ময়াই তাঙবল লৌখি।
রোদ ত্রান্সপোর্ত, হাইৱেজ অমসুং এম.এস.এম.ই.গী কেন্দ্র মন্ত্রী শ্রী নীতিন গদকরীনা ঙসি ভর্চুএল ওইনা ত্রিপুরাদা নেস্নেল হাইৱে মাপলগী উরেপ-উয়ুং তম্নবগীদমক্তা প্লেগশিং হাংদোকপা। লাই অসিদা কেন্দ্রী রাজ্য মন্ত্রী দা. জিতেন্দ্রসু উরি। __________________________________________________________________________________________
থৌরম অসিদা ৱা ঙাংলদুনা কেন্দ্রগী রাজ্য মন্ত্রীনা হৌখিবা চহি তরুকসিদা চাউরাক্না কিলোমিতর ৩০০মুক শাংবা এন.ঐচ. অসি হেনগৎহনখ্রে হায়না ফোংদোকখি। ঙসি রাজ্য অসিদা কিলোমিতর ৮৫০দগী হেন্না শাংবা এন.ঐচ. লৈরে। ত্রিপুরাদা লুপা করোর ৮,০০০রোম চংবা লম্বিশিং শেমখ্রে অমদি রাজ্য অসিদা ২০১৫ অমদি ২০২০গী মরক্তা লম লৌশিনবগীদমক্তা লুপা করোর ৩৬৫মুক্তগী হেনবা চাংদা য়েন্থোকখ্রে হায়না মহাক্না ফোংদোকখি। এন.ঐচ.শিং অসিগী থাক হেনগৎহন্নবা অমদি ফীভম ফগৎহনবা অসিনা জিলাশিং অমদি শহরশিং পুম্নমক্কী কনেক্তিবিতী অসি ফগৎহনগনি।
য়াম্না থুনা রাজ্য অসিদা মরুওইবা প্রোজেক্ত অনি মপুং ফানা লোইশিল্লগনি হায়না শ্রী গদকরীনা ফোংদোকখি। মসিগীশিং অসি ফেনী থোং অমদি উদয়পুর-অগর্তলা লম্বিনি। মথংগী থাদা উদয়পুর-অগর্তলা লম্বিদা লুপা করোর ৭৫০ চংবা কিলোমিতর ৪৯গী মপাল য়াওবা ২-লেন অসি শাবা লোইশিল্লক্কদৌরে। ভারতলোম থংবদা সাব্রুম অমসুং বঙ্গলাদেশলোম থংবদা রামগড়দা কিলোমিতর ১.৮ শাংবা লুপা করোর ১২৯ চংবা ফেনী থোং অসি চহিসিগী দিসেম্বরদা লোইশিল্লগনি। থোং অসি ময়ামগী, শেন্মিৎলোনগী অমদি শোইদ-ঙামদনবগী য়েংবদা মরুওই হায়না মহাক্না ফোংদোকখি। সাব্রুম অমসুং চিতাগোং অসি কিলোমিতর ৭৫ লাপ্নৈ। থোং অসিনা চিতাগোং অমসুং কোলকত্তা হিথাংফমদগী পোৎশিং পুথোক-পুশিন তৌবদা লায়হল্লগনি। সাব্রুমগী মনাক্তা পুনশিল্লবা চেক পোস্ত অমা শানবগী ৱাফমসু পুখৎলক্লি।
রোদ ত্রান্সপোর্ত, হাইৱেজ অমসুং এম.এস.এম.ই.গী কেন্দ্র মন্ত্রী শ্রী নীতিন গদকরীনা ঙসি ত্রিপুরাগী এন.ঐচ. ৯গী প্রোজেক্তশিং উরেপ-উয়ুং তম্বা
__________________________________________________________________________________________
মন্ত্রীনা ফেনী থোং মথক্তা আর.সি.সি. থোং শাবা অসিনা বঙ্গলাদেশকা লোন্নবা ইন্তর্নেস্নেল বোর্দর অসিগী কনেক্তিবিতী অসি ফগৎহনগনি হায়না ফোংদোকখি। অগর্তলা শহরগী নোংচুপথংবা নাকলদা লৈরিবা লেন-৪গী ফাওনফম অসি দি.পি.আর.গী মখাদা শেম-শারিবা অসিনা ত্রিপুরাদা লৈরিবা এন.ঐচ.-৮গা এন.ঐচ.-১০৮বি.গী কনেক্তিবিতী অসি মখা তানা ফগৎহল্লগনি, অগর্তলা শহরদা লম্বি চিনবা হন্থহল্লগনি অমসুং মাতাবরীগা এয়র্পোর্তকা শম্নহল্লগনি। অগর্তলা শহরগা অসামগী ঙমখৈগা শম্নহল্লিবা এন.ঐচ.-১০৮বি., ২০৮ অমসুং ২০৮এ.না হেন্না তেনবা কনেক্তিবিতী ফংহল্লগনি। অগর্তলাদগী খোৱাই(এন.ঐচ. ১০৮বি.)গা অসামগী ঙমখৈ(এন.ঐচ.-২০৮.এ.) অসিগী থাক ফগৎহন্নবগী থবক অসি হান্ননা পীখ্রে অমদি কৈলাশহরদগী খোৱাই(এন.ঐচ.-২০৮)কী বেলেঞ্চ সেক্তসন অসিগী থাক ফগৎহনবগী ওইবা থবক অসি জে.আই.সি.এ.গী ফন্দিং মখাদা ৱা পুখৎখ্রে। মসিগী সেক্সন অসিগী বীদশিং অসি হান্না ফংখ্রে অমদি মসিগী থবক অসি য়াম্না থুনা পীরবা য়ানা লৈরে। অগর্তলাদগী চুরাইবারী ফাওবগী-ত্রিপুরাগী লাইফলাইন অসি এন.ঐচ.গী এন.ঐচ.-০৮গী লেন-৪ ওইহন্নবগী থবক অসি দি.পি.আর.গী মখাদা শেমগৎ-শাগৎলিবা অসিনা অসাম অমসুং অতোপ্পা রাজ্যশিংগগী মরক্তা অগর্তলাগী কনেক্তিবিতী অসি হেন্না থুনা অমদি অৱাবা লৈহন্দবা ইন্তর-স্তেত কনেক্তিবিতী অমা ফংহল্লগনি হায়না মহাক্না ফোংদোকখি।
রাজ্য অসিগী ওইনা লুপা করোর ৭৫২৩ শাংবা কিলোমিতর ৩৬৭গী প্রোজেক্ত মরী শেমগৎ-শাগৎলি হায়না মন্ত্রীনা ফোংদোকখি। সি.আর.আই.এফ.কী মখাদা পুন্না লুপা করোর ১১ থাদোকখ্রে অমদি মখা তানা লুপা করোর ২০ অমসুং ত্রিপুরাদগী য়ুতিলাইজেসন সর্তিফিকেৎ অসি পীশিল্লবা মতুংদা থুনা থাদোক্লগনি হায়না মহাক্না ফোংদোকখি।
রোদ ত্রান্সপোর্ত এন্দ হাইৱেজগী কেন্দ্রগী রাজ্য মন্ত্রী রিতায়র্দ জেনরেল দা. ভি.কে. সিংহনা ঙসি ত্রিপুরাদা নেস্নেল হাইৱেগী প্রোজেক্তশিং উরেপ-উয়ুং তম্বদা ৱা ঙাংবা
__________________________________________________________________________________________
অৱাং-নোংপোক্কী লমশিং চাউখৎহন্নবা অমসুং প্রধান মন্ত্রী ওফিসকী রাজ্য মন্ত্রী, প্রসোনেল, পব্লিক গ্রিভান্সেস অমসুং পেন্সন্স, এতোমিক ইনর্জী বিভাগ অমসুং স্পেস বিভাগকী রাজ্য মন্ত্রী দা. জিতেন্দ্রনা মদুদি রাজ্য ৮সিনা লম খুদিংমক্তা চাউখৎনবগী প্রোজেক্তশিং পায়খৎখ্রবা মরম্না অনৌবা অৱাং-নোংপোক্কী মংলান অমা মংলিবা প্রধান মন্ত্রীগী মীৎয়েং অসিদা মসিনা অচৌবা থৌদাং অমা লৌগনি হায়না ফোংদোকখি। ২০১৪দগী প্রধান মন্ত্রী শ্রী নরেন্দ্র মোদীনা লৈঙাক অসি পায়রকখিবদগী অৱাং-নোংপোক লমশিং অসিসু লৈবাক অসিগী অতোপ্পা মফমশিংগুম্না ওইহন্নবা থবক কয়া অমা পুল্লপ ওইনা পায়খৎখ্রেহায়না মহাক্না ফোংদোকখি অমদি কেন্দ্র অসিনা রাজ্য ৮ পুম্নমক অসি ভারতকী নোংচুপথংবা লমশিংগা মান্নবা মওংদা চাউখৎহন্নবগী ৱাশক শক্লি হায়না মহাক্না মখা তানা ফোংদোকখি।
দা. জিতেন্দ্রনা রোদ ত্রান্সপোর্ত এন্দ হাইৱেজগী কেন্দ্র মন্ত্রীবু হৌখিবা চহি ৬সিদা অৱাং-নোংপোক্তা অচৌবা ইনফ্রাস্ত্রকচরগী প্রোজেক্ত কয়া অমা সেঙ্কসন তৌরিবা অমদি মপুং ফানা লোইশিন্নবা তৌরিবা অসিগীদমক্তা থাগৎখি। অৱাং-নোংপোক লমদম চাউখৎনবা মন্ত্রী অমা ওইনা মহাক্কী মন্ত্রালয় অসিনা এন.ই.গী মফমশিং অসি লৈবাক পুম্বগী ওইনা অনৌবা মোদেল ওইনা শেমগৎনবা লৈরিবা মহৌশাগী লনশিংপুম্বা মশক থোকহন্নবা তৌরি।
ত্রিপুরা অসি “এক্ত ইস্ত পোলিসী”গী গেতৱে অমা ওইনা শিংথানরদুনা দা. জিতেন্দ্রনা য়াম্না থুনা অনৌবা লমায় অমা হাংদোক্লদুনা ত্রিপুরাদগী বঙ্গলাদেশফাওবা চেনবা ত্রেন অমা লৈহল্লগনি অমদি মফমসিদা সমুদ্রগী হিথাংফমশিং য়ৌবা ঙমহন্দুনা মসিগী মফমশিং অসি চাউখৎনবা অনৌবা থৌরাং অমা হৌদোক্লগনি। হায়না মহাক্না ফোংদোকখি। মসিনা ঙমখৈশিং অসিদা লল্লোন-ইতিক তৌবা অসি ফগৎহল্লগনি মরুওইনা নোংপোকথংবদা লৈরিবা য়ুম্লোন্নবশিংগা য়াম্না থুনা চাউখৎমিন্নদুনা হায়না ফোংদোকখি।
ঙসি ত্রিপুরাদা নেস্নেল হাইৱেগী প্রোজেক্ত মাপন উরেপ-উয়ুং তম্বগী থৌরমদা ত্রিপুরাগী মু্খ্য মন্ত্রী শ্রী বিপ্লব কুমার দেবনা ৱা ঙাংবা ।
__________________________________________________________________________________________
আর.তি.ঐচয়কী কেন্দ্রগী রাজ্য মন্ত্রী(রিতায়র্দ) দা. ভি.কে. সিংহনা মসিগী প্রোজেক্তশিং অসি লোইশিললক্লগা হেন্না থুবা অমদি অৱাবা লৈতবা ইন্তর-স্তেত অমসুং বঙ্গলাদেশকা শম্নবা ইন্তর্নেস্নেল কনেক্তিবিতী অমা ফংহল্লগনি অমদি রাজ্য অসিগী তুরিজম সেক্তর অসি চাউখৎহনবদা চাউনা চাউখৎহল্লগনি হায়না ফোংদোকখি। মসিগী অনৌবা প্রোজেক্তশিং অসিনা রাজ্য অসিদা হেন্না অফবা, হেন্না থুবা অমদি শোইনিংঙাই ওইদবা অসি তোঙান-তোঙানবা তুরিস্তকী মফমশিং, অরিবা মফমশিং অমসুং লাইনিং-লাইশোনগী ওইবা মফমশিংদা মী চিন্দনা চত্থোক-চৎশিন তৌবা ফংহল্লগনি। মফম অসিদা হৈথোই-শিংথোইদ্রিবা, খরা হৈথোই-শিংথোইবা অমদি নিংথিনা হৈথোই-শিংথোইরবা মী কয়াদা থবক অমদি মশানা থবক পীজবগী খুদোংচাবা কয়া অমা লৈহল্লক্লগনি। প্রোজেক্তশিং অসিনা চৎপদা চংবা মতম অমদি গারীশিং নিংথিনা য়েংশিন্দুনা থম্বগী অমদি থাও চংহন্দনা শেল চংবা হন্থহল্লগনি। প্রোজেক্ত অসি মথৌ পাংথোকহনবনা মফম অসিগী সোসিও-ইকোনোমিক্কী ফীভমশিং ফগৎহল্লগনি। মসিনা হেন্না চাউবা কৈথেল ফংহন্দুনা গুদ্স অমসুং সর্ভিসকী মমল অসি হন্থহন্দুনা লৌউ-শিংউগী পোত্থোকশিং অসি পুথোক-পুশিন তৌবা অসি ফগৎহল্লগনি। মসিনা লাইনা অমদি থুনা হেল্থ কেয়র অমসুং ইমর্জেন্সী সর্ভিসশিংসু শেম্লগনি। অতেনবা মতমগী মনুংদা মথক্কী প্রোজেক্তশিং অসি লোইশিল্লবা মতুংদা মফম অসিদা তুরিজম, শেম্নিৎলোন অমসুং ইন্তর্নেস্নেল কনেক্তিবিতী অসি য়াম্না থুনা চাউখৎহল্লগনি। অরোইবদা মসিনা ত্রিপুরাদা জি.দি.পি. অসি হেনগৎহল্লগনি।
মুখ্য মন্ত্রী শ্রী বিপ্লব কুমার দেবনসু থৌরম অসিদা ৱা ঙাংখি। ত্রিপুরাগী মীয়াম অসি চাউখৎনবগীদমক্তা হেন্না মরু ওইনা লৌবিরিবা অসিগীদমক্তা কেন্দ্রগী লমন তোল্লবনি হায়না মহাক্না ফোংদোকখি। অনৌবা লম্বিশিং অসিনা চিং অমসু নোং চুগনবা রাজ্যশিং অসি অইং-অশা পুম্নমক্কী কনেক্তিবিতী অসি ফংহন্দুনা মীয়ামদা থৌজাল অমা ফংহল্লগনি হায়না মহাক্না ফোংদোকখি।
য়াওরিবা প্রোজেক্তশিং অসিদি:
মথং-মনাও
|
প্রোজেক্তকী মমিং
|
কিলোমিতরদা অশাংবা
|
লুপা করোরদা ওইবা অপুনবা মমল
|
১
|
এন.ঐচ.-১০৮এ.গী জোলাইবারী-বেলোনিয়া
|
২১.৪
|
২০১.৯৯
|
২
|
এন.ঐচ.-২০৮গী কৈলাশহর – কুমারঘাৎ
|
১৮.৬০
|
২৭৭.৫০
|
৩
|
এন.ঐচ.-০৮গী খায়ের্পুরদগী অমতালীফাওবা (অগর্তলা ফাওনফম)
|
১২.৯০
|
১৪৭
|
৪
|
এন.ঐচ.-১০৮বি.গী অগর্তলা – খোৱাই
(পেকেজ ০৩)
|
৩৮.৮০
|
৪৮০.১৯
|
৫
|
এন.ঐচ.-২০এ.গী কৈলাশহরদগী কুর্তী থোংফাওবা
(পেকেজ ০৩)
|
৩৬.৪৬
|
৪৭৩.৪৯
|
৬
|
এন.ঐচ.-৪৪এ.গী মানু-সিমলুং
( পেকেজ-০২)
|
৩৬.৫৪
|
৫৯৫.১২
|
৭
|
মুহুরী তুরেলগী মথক্তা আর.সি.সি. থোং অমসুং গোমতী তুরেলগী আর.সি.সি. থোং
|
০২ no’s
|
৮৩.০৬
|
৮
|
এন.ঐচ.-০৮গী মপান য়াওবা চুরাইবারী-অগর্তলা সেক্সন অসি মপাঙ্গল কনখৎহনবা
|
৭৪.৮৫
|
২৫৭.৯৬
|
৯
|
এন.ঐচ.-৪৪গী চুরাইবারী-অগর্তলা সেক্সন জিওমেত্রিক ওইনা ফগৎহন্নবা
|
২১.৭৮৯
|
২৩৬.১৮
|
|
অপুনবা
|
২৬১.৩৩৯
|
২৭৫২.৪৯
|
য়ুত্যুব: https://twitter.com/nitin_gadkari/status/১৩২০৯৬৯১০৩০১৬৭৪২৯১২?s=২০
ভিদিও লিঙ্ক: https://twitter.com/OfficeOfNG/status/১৩২০৭৬০১৭০৪৮৬৫৩৪১৫১?s=২০
******
(Release ID: 1668016)
Visitor Counter : 141