ইনকম তেক্স দিপার্তমেন্তনা অরানবা বিল্লিংগী খুত্থাঙদা এন্ত্রী ওপরেসন অমসুং য়াম্লবা শেন তানবগী থৌওং চত্থবা লনাই মীওই কয়াগী অচৌবা নেতৱর্ক অমগী মায়োক্তা ২৬.১০.২০২০দা থি-হুম্বা অমদি পোৎলমশিং ফাগৎপগী থবক চত্থখ্রে‍। থি-হুম্বগী থবক অদু দিল্লী- এন.সি.আর., হরিয়ানা, পঞ্জাব, উত্তরাখন্দ অমদি গোৱাদা লৈবা মফম ৪২দা চত্থখিবনি‍।

থি-হুম্বগী থবক অদুদা এন্ত্রী ওপরেতরশিং, মরক্কী মীশিং, শেন পায়বা মীওইশিং কান্নবা ফংলিবা মীওইশিং অমদি মদুদা শরুক য়ারুরিবা ফর্ম অমদি কম্পেনীশিংগী নেতৱার্ক পুম্ববু তাক্কদবা খুদম চাংদমশিং ফাগৎপা ঙমখি‍। হৌজিক ফাওবদা লুপা করোর ৫০০ হেন্না এন্ত্রী তৌরমবগী খুদম চাংদম ওইগদবা চে-চাংশিং ফংদুনা ফাগৎখ্রে‍।

থিজিনখিবা এন্ত্রী ওপরেতরশিং অদুনা অরোনবা শেন্ফম অমদি শেমজিন শাজিনবা বিলশিং শীজিন্নদুনা অমসুং সিক্যুর তৌদবা লোনশিংগী পাম্বৈনা শেল লৌথোকখিবশিং কুপশিন্নবগীদমক তোঙান তোঙানবা সেল এন্তিতীশিং/ফর্মশিং শীজিন্নরমখি‍। স্তাফ/এমপ্লোয়ী/এসোসিএতশিংবু হায়রিবা সেল এন্তিতীশিং অসিগী মমিংতগী ওইবা দাইরেক্তর/পার্ত্নরশিং হাপ্তুনা বেঙ্ক একাউন্ত খুদিংমক হায়রিবা এন্ত্রী ওপরেতরশিং অসিনা শেন্নদুনা কন্ত্রোল তৌরমবনি‍। হায়রিবা এন্ত্রী ওপরেতরশিং, মখোয়গী মমিংতগী ওইবা পার্ত্নরশিং/শিন্মীশিং, শেল পায়রিবশিং অমদি লোৎশিন্দুনা থম্লমবা কান্নবা ফংলিবা মীওইশিংগী ৱারোল রেকোর্দ তৌশিন্দুনা শেলগী লীক্লম অসিবু ময়েক শেংনা তাক্লি‍।

থিজিল্লুরিবা মীওইশিং অসি মখোয়গী ইমুং মনুংগী মীওইশৎং, অমদি থাজবা শিন্মীশিং অমদি সেল এন্তিতীশিংগী মিংদা হায়বা দিজিতেল মিদিয়াগী খুত্থাঙদা বেঙ্ক ওফিসিএলশিংগা মান্নরগা মখোয়না শেন্নরিবা তোঙান তোঙানবা বেঙ্ক একাউন্ত অমদি লোকরশিং পান্নবা অমদি কান্নবা ফংগদবা মীওইশিং লোইনা ওইরমখি‍। হায়রিবা ৱাফম অসি মখা তানা থিজিল্লি‍।

কান্নবা ফংলিবা মীওইশিং অসি মরুওইবা সহরশিংদা লম লৈবা য়োনবগী হীরমদা শেন চাউনা থাদরমবা অমদি ফিক্স দিপোজিত্তা লুপা করোর চা কয়াগী খুজিংদা থমজিল্লমবা থেংনখি‍।

থি-হুমবগী থবক অদুদা, শেল ওইনা লুপা করোর ২.৩৭ অমদি লুপা করোর ২.৮৯গী ওইগদবা সনা লুপা কয়াগা লোয়ননা মথৌ তৌবা হৌদ্রিববা বেঙ্ক লোকর ১৭সু থেংনখি‍।

মখা তানা থিজিনবগী থবক চত্থরি‍।

****