শিপ্পিং মন্ত্রালয়
কেন্দ্রগী মন্ত্রী শ্রী মনসুখ মন্দাবিয়ানা ভি.ও. চিদম্বরনার পোর্ত্তা ‘দাইরেক্ত পোর্ত এন্ত্রী ফেসিলিতী’ শঙ্গাখ্রে
দি.পি.ই. ফেসিলিতী অসি ললোন-ইতিক তৌবদা লায়থোকহনবা হেনগৎনবা অমসুং শেন্মীৎলোন্দা খুমাং চাউশিনহন্নবগীদমক লোজিস্তিক্তা চংবা শেল হন্থহল্লিবা অমসুং কার্গোগী খোঙজেল য়াংখৎহল্লিবা শীংথানিংঙাই ওইবা খোঙথাংনি: শ্রী মন্দাবিয়া
Posted On:
27 OCT 2020 1:18PM by PIB Imphal
শিপ্পিংগী কেন্দ্রগী রাজ্য মন্ত্রী (আই/সি) শ্রী মনসুখ মন্দাবিয়ানা ভি.ও. চিদম্বরনার পোর্ত ত্রস্তকী ই-প্লেক মাইখুম হাংদোক্তুনা ‘দাইরেক্ত পোর্ত এন্ত্রী ফেসিলিতী’ শঙ্গাখ্রে।
শঙ্গাবগী থৌরম অদুদু ভিদিও কনফরেন্সকী খুত্থাংদা ৱা ঙাংলদুনা শ্রী মনসুক মন্দাবিয়ানা হায়খি মসি লোজিস্তিক্তা চংবা শেল হন্থহন্নবা অমসুং কার্গোগী খোঙজেল য়াংখৎহন্নবা শীংথানিংঙাই ওইবা খোঙথাং অমনি। ফেসিলিতী অসিনা কান্নবা পুরক্কনি অমসুং মতম চংবা, তারিফ কোস্ত হন্থহনগনি, অমসুং মালেমগী থাক্কী ললোন-ইতিক্তা শিপ্পরশিংগী হিদান্নবা হেনগৎহনগনি মসিনা মরম ওইরগা দি.পি.ই.না এক্সপোর্তরশিংগী ললোন-ইতিক তৌবদা লায়থোকহনবা হেনগৎহনবদা মতেং পাংগনি।
খ্বাইদগী নৌবা দিরেক্ত পোর্ত এন্ত্রী (দি.পি.ই.) ফেসিলিতীনা ফেক্তরীশিংদগী কন্তেনরশিং সি.এ.এস. অমা হেক্তদা মরক্তা হেন্দল তৌবা য়াওদনা হকথেংননা পুথোক-পুশিন তৌবা য়াহনগনি, অসুম্না পুং ২৪ চুপ্না কন্তেনর তর্মিনেলদা হকথেংননা শিপ্পরশিংনা মখোয়গী ফেক্তরী স্তফ এক্সপোর্তশিং গেৎ-ইন তৌবা য়াহনগনি। ফেক্তরী স্তফ/ই-সিল কন্তেনরশিং অসিগুম্বা এক্সপোর্ত কার্গোগী কস্তম ক্লিয়রেন্স পীনবা ‘সগরমলা’গী মখাদা শেমগৎখিবা ত্রক পার্কিং তর্মিনেলগী মনুংদা সক্বের মিতর ১৮,৩৫৭ চাউবা লম অমদা ফেসিলিতী অসি শাখি। মসিনা থা অমদা তি.ই.য়ু. ১৮০০০ হেন্দল তৌবা ঙমগনি। সেন্ত্রেল ৱেরহাউসিং কোর্পোরেসনগী খুত্থাংদা ইন্দিয়ন কস্তমগী দি.পি.ই. ফেসিলিতীনা অৱাবা অমত্তা য়াওদনা মফম অমদা লেৎ এক্সপোর্ত ওর্দর (এল.ই.ও.) পীগনি। ভি.ও.সি. পোর্তকা লোয়ননা সি.দবল্যু.সি. অমসুং কস্তমগী ওফিসিএলশিংগা পুন্নবা শেম্বা তিম অমনা তায়র- II, তায়র- III (এ.ই.ও.) সর্তিফাইদ তৌরবা এক্সিম ক্লাইন্তশিংগী মতেং পাংগনি।
মমাংদা ফেক্তরী স্তফ (সেল্ফ-সীল) কন্তেনরশিং অসি তুতিকোরিন্দা মথৌ তৌরিবা কন্তেনর ফ্রাইৎ স্তেসনশিং (সি.এফ.এস.শিং)/ ইনলেন্দ কন্তেনর দিপোৎ (আই.সি.দি.) অমদা পুরমখি। সি.এফ.এস.শিং অসি ৱার্কিং দেশিংদা খক্তা অয়ুক পুং ১০দগী নুমিদাং পুং ৮ ফাওবা হাংঙি। মরম অসিনা কন্তেনর তর্মিনেলশিংদা সেল্ফ-সীল এক্সপোর্ত কন্তেনরশিং অসি হাপচিনবদা থিন্থরম্মি। মসিদগী পোর্তনা পুং ২৪ চুপ্না ফেক্তরী স্তফ ই-সীল কন্তেনরশিংগী এক্সপোর্ত ক্লীয়রেন্স পীদুনা হেন্না খোঙজেল য়াংবা অমসুং শেল চংদনা এক্সপোর্ত তৌবা ঙমহন্নবা দি.পি.ই. ফেসিলিতী লিংখৎখি। পোর্ত অসিনা ফেসিলিতী অসি চহী ৩০ চল্লাইনবা এম/এস সেন্ত্রেল ৱেরহাউসিং কোর্পোরেসন (সি.দবল্যু.সি.)গা লোয়ননা এম.ও.য়ু. অমা ইন্নখি অমসুং পোর্ত অসিদা দি.পি.ই. ফেসিলিতি অসি চল্লাইনবা কস্তম বিভাগনসু অয়াবা পীখি।
শিপ্পিং মন্ত্রালয়গী সেক্রেতরী দা. সঞ্জীব রঞ্জন্না মহাক্কী ৱারোলদা হায়খি আই.তি. ইনেবল ওইরবা পোর্তশিংগী ইনফ্রাস্ত্রকচরনা ঐখোয়গী পোর্তশিং অসি শোইদনা মালেমগী থাক্কী পোর্তশিং ওইহন্নদুনা শিপ্পিং মন্ত্রালয়গী ‘মেরিতাইম বিজন ২০৩০’ মঙ ফাওবনা ঙমহল্লিগনি।
শিপ্পিং মন্ত্রালয়গী মকোক থোংবা ওফিসিএলশিং, ভি.ও. চিদম্বরনার পোর্ত ত্রস্তকী চিয়রমেন শ্রী তি.কে. রামাচন্দ্রন, সেন্ত্রেল ৱেরহাউসিং কোর্পোরেসনগী মেনেজিং দিরেক্তর শ্রী অরুন কুমার শ্রীভাস্তবা অমসুং পোর্তকী ওফিসিএলশিংনা ভর্চ্যুএল ওইনা শঙ্গাবা অসিদা শরুক য়াখি।
***
(Release ID: 1667901)
Visitor Counter : 227