স্কিল দিবেলপমেন্ত অমসুং ইন্ত্রপ্রিনরশিপ মন্ত্রালয়
এম.এস.দি.ই. অমসুং এন.সি.ভি.ই.তি.না স্কিল্লিং ইকোসিস্তেম্বু হেন্না মপাঙ্গল কলহন্নবগীদমক এৱার্দিং বোদীজ অমসুং এসেস্মেন্ত এজেন্সীগী অনৌবা চৎন-পথাপ অমসুং ওপরেসন মেন্যুএল থোকখ্রে
"এৱার্দিং বোদীজ অমসুং এসেস্মেন্ত এজেন্সীজ হায়বসি স্কিল্লিং ইকোসিস্তেমগী মরুওইবা য়ূম্বীশিংনি, অনৌবা চৎন-পথাপশিংনা রিগুলেসন ফ্রেমৱার্কপু হেন্না মপাঙ্গল কলহল্লগনি": দা. মহেন্দ্র নাথ পান্দে
Posted On:
27 OCT 2020 3:40PM by PIB Imphal
ইকাইখুম্নজরিবা প্রধান মন্ত্রী শ্রী নরেন্দ্র মোদীগী ভারতপু মালেমগী স্কিলগী কোনুং ওইহন্নবগী মংলিবা মংলান অসিগী মাইকৈদা, স্কিল দিবেলপমেন্ত অমসুং ওন্ত্রপ্রিনর্শিপ (এম.এস.দি.ই.) মন্ত্রালয়না মখোয়গী য়ুনিফাইদ রিগুলেতর – নেসনেল কাউন্সিল ফোর ভোকেসনেল এজুকেসন অমসুং ত্রেনিং (এন.সি.ভি.ই.তি.)গা খুৎশম্নদুনা এৱার্দিং বোদী (এ.বি.) অমসুং এসেস্মেন্ত এজেন্সী (এ.এ.)গীহেন্না মপাঙ্গল লৈরবা চৎন-পথাপশিং দিজিতেল কনফরেন্স অমগী থোঙদা ঙসি ফোংখ্রে। চৎন-পথাপ অমসুং ওপরেসন মেন্যুএল অসি হায়রিবা স্কিল্লিং ইকোসিস্তেমগী মরুওইবা মচাক ওইরিবা এন্তাইতী অনিসিবু শকখঙনবা অমসুং রিগুলেৎ তৌনবগীদমক শেমখিবনি। চৎন-পথাপশিং অসিনা মগুন লৈবা, হেন্না ফরবা ফল অমসুং স্কিল ইন্দিয়া মিসনগী মখাদা পায়খৎলিবা থৌরাংশিং অসিগী থাক লেপ্নবগী পান্দম থম্লি।
স্কিল ইন্দিয়াগী পান্দমগী মখাদা হায়রিবা মায়কৈ লোংবা চৎন-পথাপশিং অসি য়াম্নমক তঙাইফদে হায়না ফোংদোক্লদুনা দা. মহেন্দ্র নাথ পান্দেনা হায়খি, "ঐখোয়গী লৈবাক অসি মরুওইবা স্তেকহোল্দর অমসুং ওর্গনাইজেসনশিংনা মতেং পাংদুনা স্কিল্লিং ইকোসিস্তেম অমা শাগৎলক্লি। মরম অসিনা, স্কিল্লিং নেৎৱার্কপু হেন্না ফগৎনবা অমসুং মরুওইবা অহোংবা অমা পুরক্নবগীদমক মতীক চাবা পোলিসী ফ্রেমৱার্ক অমা শেম্বা তঙাইফদে। মগুন ঙাক্নবগী অমসুং ক্বালিফিকেসনশিংবু ফোর্মেলাইজ তৌনবগীদমক রুগুলার এন.সি.ভি.ই.তি. অমা হাপ্পদা য়াম্না হরাওবা পোকচৈ। স্কিল্লিং ইন্সতিত্যুসনশিংগী মেনেজ তৌনবগীদমক অনৌবা মেথদ অমসুং কন্সত্রক্তিব তুল কয়া চৎন-পথাপশিং অসিদা য়াওরিবসিনা রুগুলেতেদ রেজিম অমা শেম্লগনি। ঐহাক্না এন.সি.ভি.ই.তি.বু চৎন-পথাপশিং অসি শেম্নবা হোৎনবদা কুপ্না খন্ন-নৈনবা হোৎনবীখিবা অমসুং লেপ্পা লৈতনা ৱাবীখিবগীদমক থাগৎপা ফোংদোকচরি।
দা. পান্দেনা মখা তানা হায়খি, "ঐখোয়গী ইকাইখুম্নজরিবা প্রধান মন্ত্রীনা হায়খি মদুদি 'স্কিল্লিং, রিস্কিল্লিং অমসুং অপস্কিল্লিং হায়বসি হৌজিক্কী মতম অসিদা চুন্ননা লৈনবগীদমক য়াম্না মরুওইবা অমনি।' অসিগুম্বা দাইনামিক ওইবা অমসুং লাক্কদবা ফলদা মীৎয়েং থম্বা দোক্যুমেন্ত অসিগা লোইননা ঐখোয়না অতেনবা মতমগী অমসুং অশাংবা মতমগী স্কিল্লিংদা অহোংবা পুরকপা অমসুং সেক্তরশিংদা লৈরিবা স্কিল লৈরবা কেন্দিদেৎশিংবু সর্তিফাই তৌরিবা বোদীশিংগী রিগুলেসন্দা অফবা রিফোর্ম অমা পুরকপা ঙম্লগনি। হৌখিবা চহী মঙারোমসিদা নহা করোর ৫.৫ ত্রেন তৌদুনা স্কিল্লিংগী পেরাদাইম অমা মাংজৌননা পুরকখ্রে। অসিগুম্বা রিফোর্মশিং অসিনা স্কিল্লিংগী হীরমদা অচৌবা অহোংবা পুরক্কদবা মওং অমা উহল্লগনি।"
ভারতকী পাক চাউরবা স্কিল্লিংগী ইকোসিস্তেম অসিনা তোঙান-তোঙানবা সেক্তরশিংদা স্কিল্লিংগী থাক ৱাংখৎহল্লগনি। মরম অসিদা হৌজিক তঙাইফদ্রিবা অসি পাক শন্না থাক ৱাংহন্নবা পুক্নিং থৌগৎকদবা মমাই লোঙবা মপাঙ্গল লৈবা স্ত্রেতেজী ফ্রেমৱার্ক অমনি। ঙসি ফোংলিবা চৎন-পথাপ অসিনা মরুওইবা স্তেকহোল্দর কয়াগী তঙাইফদবা কয়া কোকহল্লগনি অমসুং অফবা গবর্নান্স অমগী মায়কৈদা পুরগনি। শেম্লিবা চৎন-পথাপ অসিনা হৌজিক লৈরিবা সিস্তেম অসিদা স্কিল লৈহনবা তঙাইফদবা কেন্দিদেৎশিংদা অনৌবা অহোংবা অমা পীনবা মীৎয়েং থম্লি।
থৌরম অসিদা, সেক্রেতরী এম.এস.দি.ই. অমসুং চিয়র্মেন এন.সি.ভি.ই.তি., শ্রী প্রবিন কুমার, একজিক্যুতিব মেম্বর এন.সি.ভি.ই.তি. শ্রীমতি ভিনিতা অগর্ৱাল অমসুং শ্রীমতি সুনিতা সংঘি, প্রিন্সিপাল এদভাইজর, এম.এস.দি.ই.সু শরুক য়াখি।
স্কিল দিবেলপমেন্ত অমসুং ওন্ত্রপ্রিনর্শিপ (এম.এস.দি.ই.)গী মরমদা
এম.এস.দি.ই. অসি ২০১৪গী নবেম্বর ৯দা স্কিলশিংবু শীজিন্নবা য়ানবগী মায়কৈদা মীৎয়েং চঙনবগীদমক ভারত সরকারনা শেমখি। মসিনা হেক লৈরকপদগী এম.এস.দি.ই.না মশক থোকপা খোঙথাং কয়া অমসুং রিফোর্ম কয়া অমা পোলিসী, ফ্রেমৱার্ক অমসুং স্তেন্দার্দশিং অসিবু ফোর্মেলাইজ তৌনবা হোৎনখি; অনৌবা থৌরাং অমসুং স্কিমশিং লিংখৎপা; অনৌবা ইনফ্রাস্ত্রকচর শেম্বা অমসুং হৌজিক লৈরিবা ইন্সতিত্যুৎশিং ফগৎহনবা; রাজ্যশিংগা খুৎশম্ননা চৎপা; ইন্দস্ত্রীশিংগা পুনবা অমসুং খুন্নাই অসিনা থাজবা থমহনবা অমসুং স্কিলশিংবু পাম্নবা হেনগৎহন্নবা হোৎনরি। মন্ত্রালয় অসিনা স্কিল লৈরবা মেনপাৱরবু অনৌবা স্কিল শেমগৎনবা অমসুং হৌজিক লৈরিবা থবক অসিগী ইন্নোবেসন পীনবা হোৎনবদা নত্তনা নৌনা শেমগদবা থবকশিংগী দিমান্দ অমসুং সপ্লাইগী মরক্তা লৈরিবা অহাংবা মেনশিন্নবা হোৎনরি। মসিগী অনৌবা থৌরাং প্রধান মন্ত্রী কৌশাল বিকাস য়োজনা (পি.এম.কে.ভি.ৱাই.) ২০১৬-২০২০গী মখাদা মন্ত্রালয় অসিনা কেন্দিদেৎ লাখ ৯২গী মথক্তা হৌজিক ফাওবদা ত্রেন তৌখ্রে।
নেসনেল কাউন্সিল ফোর ভোকেসনেল এজুকেসনেল অমসুং ত্রেনিং (এন.সি.ভি.ই.তি.)
স্কিল দিবেলপমেন্ত অমসুং ওন্ত্রপ্রিনর্শিপ (এম.এস.দি.ই.) মন্ত্রালয়না দিসেম্বর ৫, ২০১৮দা নেসনেল কাউন্সিল ফোর ভোকেসনেল এজুকেসন অমসুং ত্রেনিং (এন.সি.ভি.ই.তি.) লাউথোকখি। এন.সি.ভি.ই.তি.না অতেনবা মতম অমসুং অশাংবা মতমগী ভোকেসনেল এজুকেসন অমসুং ত্রেনিং পীরিবা এন্তাইতীশিংগী মথৌ রিগুলেৎ তৌনবা অমসুং অসিগুম্বা এন্তাইতী মথৌ তৌনবগী তঙাইফদবা থাক অমা লেপনবা পুম্নমকপু য়েংশিনবা স্কিল রিগুলেতর অমা ওইনা মথৌ তৌই। এন.সি.ভি.ই.তি.না চৎন-পথাপ অমসুং ওপরেসনেল মেন্যুএল অসিবু শেম্নবা থমোই শেংনা হোৎনহবনা, লৈবাক অসিগী স্কিল্লিংগী ইকোসিস্তেম অসিনা স্তেকহোল্দর কয়াগী তঙাইফদবা পীবা ঙমগদবা মপাঙ্গল লৈরবা রিগুলেসন অমা পুরক্লগনি। এন.সি.ভি.ই.তি.না পুথোকপা য়ুনিফোর্ম সর্তিফিকেৎ ফোর্মেৎশিং অসি য়াম্নমক তঙাইফদ্রবা রিফোর্ম অমগী মায়কৈদা পুশিল্লক্লি। মসিনা সর্তিফিকেৎ পীবা মতমদা মান্নবা অমসুং তশেংবা হেনগৎহল্লগনি।
*****
(Release ID: 1667879)
Visitor Counter : 143