ইন্দিয়ন আর্মীগী খ্বাইদগী চাউবা লান্মী ওইরিবা ইনফেন্ত্রীগী থৌদাংশিংবু নিংশিংনবগীদমক ইনফেন্ত্রীগী নুমিৎ পালন ওক্তোবর ২৭, ২০২০দা পাঙথোকখ্রে। নুমিৎ অসি ইনফেন্ত্রীশিংগীদি য়াম্না অখন্নবা মশক থোকপা নুমিৎ অমনি, মরমদি ১৯৪৭গী নুমিৎ অসিমক্তদা ইন্দিয়ন আর্মীগী ইনফেন্ত্রীগী ইহান হানবা ত্রুপশিংনা শ্রীনগর এয়র্পোর্ত্তা থুংখি, মসিনা শ্রীনগরগী অকোইবদগী ইনভেদরশিংবু মনিং হলহনখি অমসুং জম্মু অমসুং কাশ্মিরবু পাকিস্তান্না ঙাক্লৌ পীবা ত্রাইবেল ইনভেজন অমদগী কনবীখি।

       ইনফেন্ত্রী নুমিৎ থৌরম অসিগী শরুক অমা ওইনা, তোঙান-তোঙানবা লানফম কয়াদা লৈবাক অসিগীদমক থৱাই থাখ্রবা থৌনা ফরবা ইনফেন্ত্রীশিংবু ইকাই খুম্নবা উৎপা ওইনা নেসনেল ৱার মেমোরিএলদা "লৈ পরেং কৎপা"গী থৌরম অমা পাঙথোকখি। জেনরেল বিপিন রাৱৎ, চীফ ওব দিফেন্স স্তাফ, অমসুং জেনরেল এম.এম. নরাবানেনা লেমজনিংঙাই ওইরবা থৌরম অসিদা হৈকৎ লৈকৎ তমখি। ওপরেসন বিজয় অমসুং ওপরেসন মেঘদুৎকী দেকোরেতেদ ভেতরান অহুম, ব্রিগেদিয়র উমেশ সিংহ বাৱা, বির চক্র (রিতায়র্দ), সুবেদার (ওনোররি কেপ্তেন) সন্সর চান্দ, মহা বির চক্র (রিতায়র্দ) অমসুং নাইক জৈন রাম সিংহ, বির চক্র (রিতায়র্দ)না ভেতরান ইনফেন্ত্রীশিংগী মহুৎ শিন্দুনা লৈ পরেং কৎখি।

       দিরেক্তর জেনরেল ওব ইনফেন্ত্রীনা থৌরম অসিদা ইনফেন্ত্রীমেনশিংদা পীবা ৱারোলদা মখোয়বু থৌনা ফবা, কত্থোকপা, মশাগী খন্দনা থৌদাংদা পুক্নিং লুপ্পা অমসুং থৌদাং মশক খঙদুনা নৌহৌননা কত্থোক্নবগীদমকঙ্গমসুং লৈবাক অসিগী অপুনবা অমসুং নীং তম্বা ঙাক্নবগীদমক হনবা লৈতনা হোৎননবগীদমক পুক্নিং চিংশিনখি।

*****