نئی لّی ، 26 اکتوبر / قبائلی امور کے مرکزی وزیر   جناب ارجن منڈا   قبائلی امور کی وزارت  اور  آرٹ آف لیونگ  کے درمیان  ایک اشتراک سے    قبائلی بہبود کے لئے  بہترین کار کردگی کے دو مراکز کا کل یہاں  ویڈیو کانفرنس کے ذریعے آغاز کریں گے ۔  اس موقع پر آرٹ آف لیونگ کے گرو دیو  شری شری روی شنکر   بھی موجود ہوں گے ۔

          پہلا قدم پانچ اضلاع میں پی آر آئی کو مستحکم کرنے کے لئے شروع کیا جائے گا ، جس میں   جھار کھنڈ کی 30 گرام پنچایتوں  اور  150 گاؤوں کا احاطہ کیا جائے گا  تاکہ  پی آر آئی کے منتخب  نمائندوں کے درمیان    مختلف قبائلی قوانین  اور  فلاحی اسکیموں   کے  ضوابط  کے بارے میں بیداری  پیدا  کی جا سکے اور ان  قبائلیوں کو ، اِن اسکیموں تک رسائی حاصل کرنے میں مدد کی جا سکے ۔  یہ ماڈل قبائلی نو جوانوں کو  رضا کار بنانے  کے طور پر تیار کیا گیا ہے  ، جس میں  ، اِن نو جوانوں کو   پرسنلٹی  ڈیولپمنٹ کی تربیت  دی جائے گی اور ان میں   سماجی  ذمہ داری  کا احساس اجاگر کیا جائے گا ۔  اس طرح  قبائلی لیڈر    تیار کئے جائیں گے ، جو  اس بیداری میں اضافہ کرتے ہوئے اپنی برادری کے لئے کام کریں گے ۔   

          دوسرا اقدام  مہا راشٹر کے اورنگ آباد ضلع  میں   10000 قبائلی کسانوں کو     گو – آدھارِت   قدرتی کھیتی   اور کھیتی کی تکنیک کی تربیت  دی جائے گی ۔  کسانوں کو  نامیاتی سرٹیفکیٹ  حاصل کرنے   میں مدد دی جائے گی اور   انہیں آتم نربھر قبائلی کسان بنانے کے لئے اپنی اشیاء کی فروخت کے  مواقع  بھی دستیاب کرائے جائیں گے ۔

۔۔۔۔۔۔۔۔۔۔۔ ۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ ۔۔۔ ۔۔۔۔۔۔۔۔۔۔

( م ن ۔ و ا ۔ ع ا ) ( 26-10-2020 )

U. No. 6708