জল জীবন মিশন(জে.জে.এম.) অসিগী থবক-থৌরাং য়াৎননবা অমদি থবক ওইনা পায়খৎপগী ওইবা চহি তঙ্খায়গী ওইবা হন্না য়েংশিন মীফম অমা ঙসি নাগালেন্দা পাংথোকখ্রে, মসিদা নাগালেন্দগী ওফিসিএলশিংনা নেস্নেল জল জীবন মিশনগী তীমদা থবক খুমাং চাউশিনবগী মতাংদা খংহনখ্রে।  জল জীবন মিশন অসি লৈবাক অসিগী খুঙ্গংদা লৈরিবা য়ুম খুদিংদা ২০২৪ ফাওবা ফঙ্কস্নেল হাউসহোল্দ তেপ কনেক্সন(এফ.ঐচ.তি.সি.) অসি ফংহন্নবা ভারত সরকারগী ফ্লেগশিপ ওইবা প্রোগ্রাম অমনি। মিশন অসিনা তোতী ঈশিং শমদুনা খুঙ্গংগী য়ুম খুদিংদা অফবা থক্নবা ঈশিং ফংহন্দুনা মীয়ামগী পুন্সি ফগৎহন্নবা পান্দম থম্লি। খুঙ্গং/খুলগী থাক্তা ময়ামগী ওইনা ফংহন্নবা, মীয়ামগী মথৌ তাবগী মতুং ইন্না, কাংলুপকী ওইনা থবক পায়খত্তুনা ঈশিং ফংহন্নবগী স্কীমশিংদগী থক্নবা ঈশিং ফংহন্নবগী লমদা অহোংবা পুরক্নবা প্রোগ্রামগী মওং ওইনা লৌনৈ।   

নাগালেন্দগী খুঙ্গং ১,০২গী মনুংদা ১,৩৫১দা পাইপ ৱাতর সপ্লাই(পি.দব্লয়ু.এস.) লৈরে, মসিগী মনুংদা লাখ ৩গী তোতী ঈশিংগী কনেক্সন ফংহনবা য়ারগনি। মতৌ অসিগুম্না অসিগুম্বা স্কীমশিংনা শেমজিনবা/ফগৎহনবনা এফ.ঐচ.তি.সি. লাখ ১.৪৭গী চহিগী ওইবা পান্দম অসি শোইদনা য়ৌহনবা ঙমগনি। অমত্তং ওইবা থবক পাংথোক্নিংবগী অপাম্বা লৈবা কিফিরে জিলাগী খুঙ্গং ১১১গী মনুংদা ৮৩(চাদা ৭৫)দা পি.দব্লয়ু.এস. লৈ। মসিদা নত্তনা জিলা অসিগী য়ুম ১৫,৮৪৫গী মনুংদা ১৩,৪৭৮(চাদা ৮৫)দা পি.দব্লয়ু.এস. ফংবা ঙম্লে অমদি লেমহৌরিবশিংনা তোতী শম্নহল্লগনি। লেমহৌরিবশিং অসিদা তোতী শম্নহন্নবা লৈরিবী ৱাতর সপ্লাইগী সিস্তেমশিং অসি শেমজিনবা/ফগহনবদা মিযেং চংবগা লোযননা লেপ্নখিবা মতমগী মনুংদা মিশন অসিগী পান্দম অসি ফংহন্নবগীদমক্তা নিংথিনা থৌরাং য়াৎপগী মথৌ তাবদা হেন্না লুম্না লৌরদুনা মকোক থোংবা ওফিসিএলশিংনা রাজ্য সরকারগী ওফিসিএলশিংদা থবক পাংথোকহনবা অসি য়াংশিলহন্নবা পাউতাক পীখি।

খুঙ্গংগী থাক্তা পাংথোকহনখিবা থৌরাং য়াৎখিবা অসিদা অমদি খুঙ্গং খুদিংগী ওইবা ভিলেজ এক্সন প্লান(ভি.এ.পি.) অসিদা মিৎয়েং থমদুনা মনরেগা, এস.বি.এম., পি.আর.আই.শিংদা গ্রান্ত পীবা ১৫শুবা ফাইনান্স কমিশন, সি.এ.এম.পি.এ. ফন্দশিং, লোকেল এরিয়া দিভেলপমেন্ত ফন্দনচিংবা তোঙান-তোঙানবা থৌরমশিং অসি লৈরিবা রিসোর্সশিং অসি মপুং ফাহন্দুনা শেম-শাগদবনি। মফমসিগী খুঙ্গংগী মীওই কাংলুপশি/খুঙ্গংগী পঞ্চায়েৎশিং নত্রগা ৱাতর সপ্লাই স্কীমশিং অসিগী থৌরাং য়াৎপা, মথৌ পাংথোকহনবা, থবক য়েংশিনবা, য়েংশিন্দুনা থবক তৌহনবা, থবক পাংথোকপা অমদি অৱাৎ-অপা য়েংশিন্নবা খুঙ্গংশিংদা থক্নবা ঈশিং অসি শোই-ঙামদনা তুং কোইনা ফংহন্নবা তৌরিবা য়ুজর গ্রুপশিং য়াওশিলহন্নবা থোইদোকপা মওংদা ৱাফম ফোংদোকখি। খুঙ্গং খুদিংদা মীয়ামগী ওইবা তেংবাংগা লোয়ননা আই.ই.সি.গী কেম্পেন অসি হৌনবা হায়খি।  ।

জল জীবন মিশনগী মখাদা মমাং থংনা থবক পাংথোক্লিবশিং অসিনা নিংথিনা শরুক য়াবগা লোয়ননা মফমদুগী মীওই কাংলুপ্না য়াওশিন্দুনা ঈশিং ফবা-ফত্তবা য়েংশিন্নবা তৌবা অসিনা হেন্না মরুওইনা লৌরি। খুঙ্গং খুদিংগী মীওই ৫ মরুওইনা নুপীশিংনা ঈশিং ফবা-ফত্তবা য়েংনবা তেক্স কীৎশিং অসি শিজিন্নবা তম্বিখ্রে। ফিজিকেল অমদি কেমিকেল ওইবা পেরামিতরশিংগী ওইনা সোর্স খুদিংমক চহি অমদা অমুরক অমদি মহিক-মতাই হাৎনবগী ওইনা অনিরক তেস্ত তৌবগী মথৌ তাই। হায়রিবা মফমশিং অসিদা হেন্না মরুওইনা লৌবগা লোয়ন-লোয়ননা মথংগী থা ৩-৪দা রাজ্য অমসুং জিলাগী লেবোরেতরীশিং অসি সরকারগী অয়াবা ফংনবা তৌরিবা অসিসু ফংহন্নবা অমদি মখোয়শিং অদু য়াম্না অচম্বা হন্থবা মমলদা ফংলিবা ঈশিং অসি তেস্ত তৌবা ফংহন্নবা মীয়ামগীদমক্তা হাংদোক্নবা পাউতাক পীখি।

জে.জে.এম.গী মখাদা ২০২০-২১গী মতমদা নাগালেন্দনা লুপা করোর ১১৪.০৯গী অয়াবা পীখ্রে, মসিদগী লুপা করোর ২৮.৫২দি রাজ্যদা পীখ্রে। মখা তানা মফমদুগী খুঙ্গং লুপশিংদা গ্রান্তশিং পীবা ১৫শুবা ফাইনান্স কমিশনগী মখাদা নাগালেন্দনা ২০২০-২১দা লুপা করোর ১২৫গী অয়াবা পীখ্রে, মসিগী মনুংদা চাদা ৫০ অসি শুংশোই শোইদনা থক্নবা ঈশিং ফংহনবা অমদি মহিক-মতাই লৈহন্দনবদা শিজিন্নগদবনি।

ইন্সতিত্যুসনশিংদা থক্নবা ঈশিং ফংহন্নবা নুমিৎ ১০০গী অখন্নবা কেম্পেন অসি ওক্তোবর ২, ২০২০দা হৌদোকখিবগী শরুক অমা ওইনা আঙ্গনৱাদী সেন্তরশিং অমদি স্কুলশিংদা পাইপকী ঈশিং অসি শোইদনা ফংহন্নবা রাজ্য অদুদা হায়খ্রে।

*****