কেন্দ্রগী এজুকেসন মন্ত্রী শ্রী রমেশ পোখ্রিয়াল 'নিশাঙ্ক'না ঙসি আই.আই.তি. রোপারগী পার্মনেন্ত কেম্পস লৈবাক মীয়ামদা শিন্নখ্রে। শ্রী সঞ্জয় ধোত্রেসু থৌরম অদুদা শরুক য়াদুনা মপুং ফাহনখি। প্রোফেসর সরিৎ কে. দাস, দিরেক্তর, আই.আই.তি. রোপার অমসুং শ্রী রবিন্দর কুমার, রিজিস্ত্রার, আই.আই.তি. রোপার অমসুং অতোপ্পা দিগনিতরীশিংনা থৌরম অদুদা শরুক য়াখি।

শরুক য়ারিবশিংগী মফমদা ৱা ঙাংলদুনা শ্রী পোখ্রিয়ালনা আই.আই.তি. রোপারগী ফ্রেতর্নিতীবু হরাউবা ফোংদোকখি অমসুং মহৈরোইশিং অমসুং রিসর্চরশিংবু মাংজিল থানা চঙশিন্দুনা ভারতপু মপাঙ্গল কনবা অমসুং মালেমদা মশক থোকপা লৈবাক অমা ওইহন্নবা হোৎনমিন্ননবা পুক্নিং চিংশিনখি। কেন্দ্রগী মন্ত্রীনা তকশিনখি মদুদি ভারত অসি অরিবা মতমদগী ফংহৌবা লৌশিংনা য়োম্বা লৈবাক অমনি অমসুং মালেমদা হেরিতেজ অমসুং কলচর ইনাক খুনবা লৈবাক অমনি হায়না লৌনরি। মহৈরোইশিংবু "লৈবাকসিগী লান্মীশিংনি" হায়রদুনা, মহাক্না মখোয়বু লৈবাক অসিগী চাওখৎলোন্দা মতেং পাংনবগীদমক পুক্নিং চিংশিনখি।

শ্রী পোখ্রিয়ালনা আই.আই.তি. রোপারনা চাং নাইনা লৈবাকসিগী অমসুং মপানগী মকোক থোংবা এজুকেসনেল  ইন্সতিত্যুসনশিংগী মনুং চনবা ঙম্লি হায়না ফোংদোকখি। আই.আই.তি. রোপারনা আই.আই.এস.সি. বেঙ্গলোরগী মথংদা লৈদুনা তাইমস হায়র এজুকেসন ৱার্ল্দ য়ুনিবর্সিতী রেঙ্কিং ২০২১দা রেঙ্ক ৩৫১-৪০০তা লৈদুনা ভারত্তা মকোক্তা চেল্লি হায়না মহাক্না মখা তাখি। মহাক্না মখা তানা হায়খিবদা, আই.আই.তি. রোপার অসি সিসর্চ সাইতেসন্দা মালেমগী মকোক্তা লৈ হায়খি। এন.আই.আর.এফ.তা, আই.আই.তি. রোপারনা ভারত পুম্বগী ইঞ্জিনীয়রিং ইন্সতিত্যুসনেল রেঙ্কিং ২০১৯-২০দা ২৫শুবা মফম কনখি। ক্যু.এস. ইন্দিয়া রেঙ্কিং ২০২০দনা ভারতকী মপুং ওইবা রেঙ্কতা ২৫শুবদা তাদুনা আই.আই.তি. রোপারনা রিসর্চ ক্বালিতীদা আই.আই.তি. পুম্বদগী পেপর অমমমদা খ্বাইদগী ৱাংনা সাইতেসন ফংলি।

মন্ত্রীনা এন.ই.পি. ২০২০গী মতাংদা ৱা ঙাংলদুনা এন.ই.পি. ২০২০দা য়াওরিবা ক্রেদিৎ বেঙ্ককী মতাংদা পনখি, হায়রিবসি গ্লোবেল এজুকেসন প্রোগ্রামগা চুন্ননা চৎলি। মসিনা ভারতপু মরোমদোম লেপচনবা হোৎনবদা অচৌবা থৌদাং লৌগদবা এন.ই.পি. ২০২০দা ভোকেসনেল কোর্সশিং হাপচিল্লগনি অমসুং ভারতকী মহৈরোইশিংবু মালেমগী থাক্তা পুখৎনবা এজুকেসন সেক্তর অসিবু অনৌবা মাইয়োন্দা পুরক্কনি।

"এন.ই.পি. ২০২০ অসিনা মরোমদোম লেপচবা ভারত অমগী য়ুম্বী ওইগনি অমসুং মসিনা আত্মনির্ভর ভারতকী অশেংবা পান্দম অদু ফংনবা হোৎনবদা মতেং পাংগনি," হায়না এজুকেসন মন্ত্রীনা শঙ্গাবগী থৌরম অদুদা ৱা ঙাংলদুনা হায়খি।

"এন.ই.পি. ২০২০ অসিগা লোইননা ভারতনা এজুকেসনগী শক্তি লৈরবা ময়োল লম অমা ওইনা হৌরক্লগনি অমসুং মন্ত্রালয় অসিনা হায়রিবা পান্দম অসি লৈবাক অসিগী অসিগী হেরিতেজশিংবু শক্তাক্তুনা মালেমগী মহৈরোইশিংবু ভারত্তা চিংশিনবগা লোইননা পান্দম অসি ফংনবগীদমক মাইকৈ কয়াদা কন্না হোৎনরি," হায়না মহাক্না ফোংদোকখি।

মন্ত্রীনা আই.আই.তি. রোপারনা কোবিদ-১৯ লাংফমগী মনুংদা লৌখৎখিবা থবকশিংগীদমক থাগৎখি। মহাক্না ফোংদোকখি মদুদি তেক্নোলোজীশিংগী মরক্তা কোবিদ-১৯না আইসোলেসন ৱার্দ অমসুং তেস্তিং লেবশিংদা নুংশিত্তা শন্দোক্তনবগীদমক নেগেতিব প্রেসর রুম য়াওরি, অসুম্না মেদিকেল স্তাফশিংবু লাইনা অসিনা নাহনবদগী ঙাকথোক্লি। মসিদা কোবিদ-১৯ নারবা মীওই অমবু পুবা মুতমদা এম্বুলেন্সতা মখোয়বু সেবা তৌরিবা য়াওরিবা হেল্থ ৱার্করশিংদা অকায়বা পীদনবা নেগেতিব প্রেসর এম্বুলেন্স য়াওরি। মহাক্না মখা তানা হায়খি মদুদি আই.আই.তি. রোপারদা য়ুনিক য়ু.ভি.জি.আই.দা য়ুম্ফম ওইবা রুম দিসইনফেক্তেন্ত দিভাইস অমা পুথোকখি। অখন্নবা পেতেন্ত লৌরবা দিজাইন অসিনা জিরো-সেদো ৩৬০­­­­­­^০ দিসইনফেক্তেন্ত পীবা ঙম্মি অমসুং হায়রিবসি আই.পি.এল. দুবাইদা শীজিন্নরি। মমল নেম্বা লমদম অসিদা শাজবা ওতোনোমস ওইবা কোবিদ অনাবশিংগী অনাবা মীওইগা হেল্থ কেয়র ৱার্করশিংগা শোক্নবা হন্থনবগীদমক অমসুং অকোইবদা কন্তামিনেৎ তৌবা হন্থহনগদবা অনৌবা গারী অনী, "মেদি-সাথি' অমসুং "এ.আই. পাৱর্দ ত্রোলী" অমসু মন্ত্রীনা পনখি। মন্ত্রীনা আই.আই.তি. রোপারনা লেপ্পা লৈতনা ইন্নোবেসন অমসুং রিসর্চতা মীৎয়েং চঙদুনা "মেক ইন ইন্দিয়া" ইনিসিএতিবকীদমক লৌখৎলিবা খোঙথাংশিংগীদমক শিংথাখি।

থৌরম অদুদা ৱা ঙাংলদুনা শ্রী সঞ্জয় ধোত্রেনা হায়খি মদুদি, "আই.আই.তি.শিং অসি মালেমগী থাক্তা একাদেমিক এক্সিলেন্স ফংবগীদমক প্রেমিয়র ইন্সতিত্যুৎনি হায়না শকখঙনরি। মহাক্না মসিমসু হায়খি মদুদি মন্ত্রালয় অসিনা আই.আই.তি.শিং অসিনা মালেমগী রেঙ্কিংদা মকোক থোংনবগীদমক আই.আই.তি.শিংগী মীৎয়েং ফগৎনবগীদমক হোৎনরি।"

শ্রী ধোত্রেনা আই.আই.তি. রোপারনা দি.এস.তি.দগী "লৌউশিংউ অমসুং ঈশিং, পাইওনিয়রিং অমসুং য়ুনিক্কী লমদা তেক্নোলোজী ইন্নোবেসন হব (তি.আই.ঐচ.)শাগৎনবা লুপা করোর ১১০গী শেন্থং ফংখিবগীদমক থাগৎপা ফোংদোকখি, হায়রিবা সেত অপ অসি নেসনেল মিসন ওন ইন্তর্দিসিপ্লিনরী সাইবর ফিজিকেল সিস্তেম (এন.এম.-আই.সি.পি.এস.)কী ফ্রেমৱার্ক্কী শরুক অমা ওইনা হৌদোকখিবনি।

প্রোফেসর সরিৎ দাস, দিরেক্তর আই.আই.তি. রোপারনা ইন্সতিত্যুৎ অসিগী চগী তরা হেন্না লেপ্পা লৈতনা কেম্পস মাস্তর প্লানগী মরুওইবা মচাক অমা ওইবগী মায় পাকপগী ৱারী তমখি। মহাক্না তুং কোইনা চৎপা য়াবা, সোলার পাৱর, ইকো ফ্রেন্দলী কম্ম্যুৎ ওপসন, ইফিসেন্ত ৱাতর মেনেজমেন্ত, হেল্দি ৱেস্ত মেনেজমেন্ত প্রেক্তিস, জিরো-দিসচার্জ, অমসুং অতোপ্পা খোঙথাং কয়াদা মরুওইবা মীৎয়েং চংবা অশংবা কেম্পস অমগী ভিদিও পুথোকখি। আই.আই.তি. রোপার কেম্পস অসি কেম্পস প্লানগী  ইন্তিগ্রেতেদ হেবিতেৎ এসেস্মেন্ত ফোর লার্জ দিবেলপমেন্ত (গৃহ এল.দি.)গী স্তার ৫গী গ্রীন রেতিং ফংখ্রে। ইন্সতিত্যুৎ অসিনা রেংকিংদা মনা কয়া অমা ফংখ্রে অমসুং হৌজিকসু রিসর্চ অমসুং দিবেলপমেন্তদা শরুক য়াদুনা হৌবদগী হোৎনরক্লি। ইন্সতিত্যুৎ অসিনা তোঙান-তোঙানবা তেক্নোলোজীদা য়ুম্ফম ওইবা কোবিদ-১৯গী লাংফম থেংননবা থৌরাং কয়া পুথোকখ্রে অমসুং মসিনা মখোয়দা খুন্নাই অসিনা কান্নগদবা কয়া পীখ্রে হায়না মহাক্না ফোংদোকখি।

ইন্দিয়ন ইন্সতিত্যুৎ ওব তেক্নোলোজী রোপার অসি ২০০৮তা লিংখৎখিবনি অমসুং হায়রিবসি সুৎলেজ তুরেল ময়াদা লৈ। কেম্পস অসি লম একর ৫০০ পাক চাউই। ইন্সিতিত্যুৎ অসিগী পার্মনেন্ত কেম্পসকী লম অসি ২০০৮তা খুৎশিন্নখি, শাবনা জনুৱারী ১৫, ২০১৫দা হৌখি অমসুং ইন্সতিত্যুৎ অসিনা মশাগী পার্মনেন্ত কেম্পস্তা ২০১৭দা অনৌবা বিল্দিং অমসুং লেবশিংগা লোইননা হোংজিনখি। মহৈরোই ২৩২৪, ফেকলতী ১৭০ অমসুং স্তাফ মেম্বর ১১৮না লৈনবা য়াওরবা অনৌবা ইনফ্রাস্ত্রকচরগা লোইননা লম স্ক্বার মিতর লাখ ১.৩৭ অসিদা, অচৌবা চঙফম, খ্বাইদগী নৌবা লেবোরেতরী, লাইব্রারী, শান্নখোৎনবগী খুদোংচাবা, অতোপ্পা এক্সত্রা কো-করিক্যুলার এক্তিবিতীশিংগী লম অমসুং অখন্নবা হোস্তেলগী দিজাইন লৈবা অচৌবা ময়ামগী মফম অমা লৈবা ইন্সতিত্যুৎ অমা ওইনা থোক্লকখি। ইন্সতিত্যুৎ অসি ২০২১ ফাওবদা মহৈরোই ২৫০০, ফেকলতী ২২০ অমসুং স্তাফ মেম্বর ২৫০গী লৈফম পীগদবা লম স্ক্বার মিতর লাখ ২.৩২গী জগা অমা অথুবদা লোইশিন্নবা হোৎনরি।

সুপর একাদেমিক ব্লোক অমসু একাদেমিক দিপার্ত্মেন্ত ৭ লৈদুনা অপুনবা লম স্ক্বার ফিৎ লাখ ৪.৭৬কী মফম অমা শাগৎলগনি। মীওই ৮০০না ফম্বা চনবা সেন্ত্রেল লাইব্রারী অমসুং ওদিতোরিয়মসু ২০২০গী নিংথম্থা ফাওবদা লোইশিল্লবা য়াই। আই.আই.তি. রোপার অসি ২০১৭দা তাকপী তম্বীবদা ইন্তর্দিসিপ্লিনরী ওইবা, হ্যুমেনিতীদা চাউনা য়ুম্ফম থোনবা, খুন্নাইগী শরুক য়াওবা অমসুং প্রোজেক্ততা য়ুম্ফম ওইবা তম্বীবগী মওংগা লোইননা ইন্নোবেতিব অমসুং অখন্নবা করিক্যুলম অমা ওইনা শকতাকখি। 

***************