কেমিকেলস অমসুং ফর্তিলাইজরস মিনিস্ত্রিগী কেমিকেল অমসুং পেত্রোকেমিকেলস দিপার্তমেন্তগী মখাদা লৈবা পি.এস.য়ু ঐচ.আই.এল(ইন্দিয়া)লিমিতেৎনা শেনবা চহি ২০-২১গী অহানবা ক্বাতর অনিদা মলাথিওন তেক্নিকেল খ্বাইদগী য়াম্না পুথোক্লে। কোবিদ-১৯ লাইচৎকী অথিংবশিং লৈজরবসু চহি অসিগী অহানবা ক্বাতর অনিদা কম্পেনি অসিনা মলাথিওন তেক্নিকেল মেত্রিক তিন ৫৩০.১০ পুথোকখি, মসি হৌখিবা শেনবা চহিদা মেত্রিক তন ৩৭৫.৫ পুথোকখিবা অদুগা চাংদম্নবদা চাদা ৪১ হেল্লে।

অহানবা ক্বাতর অনিদা কম্পেনি অসিনা মলাথিওন খ্বাইদগী য়াম্না য়োনখি অমসুং কাংনা থোকহনবা লায়নাশিং লাকশিন্নবা থবকশিংদা শীজিন্ননবা লৈবাক শীনবা থুংনা  মিউনিসিপাল কোর্পোরেসনশিং অমসুং এগ্রিকলচর মিনিস্ত্রিগী কৌজেং লাকশিন্নবা থবক্কীদমক পোৎথোক খুদিংমক পীখি। এক্সতরনেল এফেয়ার্স মিনিস্ত্রিগী খুৎথাংদা হায়রিবা মতম অসিগী মনুংদা কম্পেনি অসিনা ইরানদা মলাথিওন তেক্নিকেল য়োনখি।

মসিনা মাইপাকপা অসিগীদমক কেমিকেলস অমসুং ফর্তিলাইজরসগী য়ুনিয়ন মিনিস্তর শ্রী দি.ভি সাদানন্দা গৌরানা ঐচ.আই.এলগী কাংবু থাগৎখ্রে।

ঐচ.আই.এলনা তোঙান-তোঙানবা তেক্নিকেল অমসুং ফোর্মুলেসন গ্রেদশিংগী তিলহাৎ হিদাকশিং শুংবগী থবক পাংথোক্লি। লাইচৎনা মরম ওইদুনা তোঙান-তোঙানবা খুদোংচাদবশিং মায়োক্নরবসু, অকক্নবা শিন্মী খরগা লোয়ন্না ২০২০গী এপ্রিল থাদগী কম্পেনিনা পোৎথোক পুথোকপা হৌখি অমসুং সরকারগী তোঙান-তোঙানবা থবকশিং মতেং পাংনবা থমখিবা থাজবশিং থবক ওইনা পাংথোকখি অমসুং লৈবাক অসিগী লৌমীশিংদা লৌউ-শিংউগী হিদাক-লাংথকশিং ফংহনখি।

*****