হৌজিক্তি খুৎনা শাবা খাদিগী খোউপশিংগী নুংঙাইবা অদু ফংলগনি। এম.এস.এম.ই.গী য়ুনিয়ন মিনিস্তর শ্রী নিতিন গাদকারিনা ইন্দিয়াগী ওইনা ইহান হানবা য়াম্না ফবা মখলগী খাদিগী তোপ-তোপ্পা খোংউপ হায়রিবা অসি খাদি অমসুং ভিলেজ ইন্দস্ত্রীস কম্মিসন (কে.ভি.আই.সি.)না দিজাইন তৌবা অসি ভিদিও কনফরেন্সগী খুত্থাংদা হৌদোকখ্রে। খোংউপ অসি  খাদিগী ফেব্রিক হায়বদি মুগা, লংজম অমসুং শাম্তুনা শেম্বনি। শ্রী গাদকারিনা খাদিগী খোংউপ অসি ওনলাইন্দা য়োন্নবা কে.ভি.আই.সি.গী ই-পোর্তেল অমা   www.khadiindia.gov.in. হৌদোকখ্রে।

শ্রী গাদকারিনা খাদিগী ফেব্রিক খোংউপশিং অসি থাগদৎলদুনা হায়খি মদুদি অসিগুম্বা তোপ-তোপ্পা পোত্থোক অসিনা মালেমগী মার্কেৎশিং অসিবু লাকশিনবা ঙম্বগী অয়াবা লৈরি। অদুগা মতম অসিমক্তদা মহাক্না হায় মদুদি খাদিগী ফেব্রিক খোংউপশিং অসিনা ঐখোয়গী আর্তিসানশিংদা থবক পীবতা নত্তনা ইনকমশু হেনগৎহল্লগনি। 

“খাদিগী খোংউপ অসি তোপ-তোপ্পা পোত্থোক্নি। মালেমগী থাক্তা মগুন লৈরবা অমসুং হায়রিবা অসি য়াম্না ফবা ফেব্রিক মখল হায়বদি পাতোলা মুগা, বনারাসি মুগা, লংজম, দেনিম অসিনা ওনলাইন্দা লৈবা নহা কয়াগী পুক্নিং চিংশিল্লগনি। মসিগী খোংউপ অসি মমলগা চান্নৈ,” শ্রী গাদকারিনা হায়খি লোয়ননা মহাক্না কে.ভি.আই.সি.দা শউন্না শাবা পোৎলম হায়বদি নুপীগী হেন্দবেগ, শেনগাও, ৱালেত্নচিংবা অসি খুৎনা শাবা খাদিগী ফেব্রিক্না মহুৎ শিন্নবা তকশিনখি। “অসিগুম্বা পোত্থোকশিং অসি চাওখৎহনবা অমসুং য়োনবনা খাদি ইন্দিয়ানা লুপা করোর ৫০০০ হেন্না তানবা ঙমগনি,” হায়না এম.এস.এম.ই. মিনিস্তরনা হায়খি।

এম.এস.এম.ই.গী স্তেত মিনিস্তর শ্রী প্রতাপ চন্দ্র শরাঙ্গীনা হায়খি মদুদি খাদিগী ফেব্রিক খোংউপশিং অসি অকোইবদা অকাইবা পীদবা অমসুং ঐখোয়গী উনশাদসু অকাইবা পীদে অদুম ওইনমক খাদিগী আর্তিসানশিংনা খাদিগী ফেব্রিক খোংউপশিং অসি শাবগী য়াম্না কন্না হোৎনবগী মমি তারি। “ঐহাক্না খাদিগী ফেব্রিক খোংউপশিং অসি মালেমগী ওইনা চুনবা মওং অমদা কে.ভি.আই.সি.না শেমগৎলকপা অসিদা থাগৎপা ফোংদোক্লি। ঐহাক্না থাজবা লৈ মদুদি খোংউপকী ইন্দস্ত্রীশিংদা খাদিগী ফেব্রিক খোংউপশিং অসিনা মফম অমা কন্দুনা লৈবাক অসিগী শেন্মীৎলোন ফগৎহনবদা মতেং পাংলগনি,” হায়না শ্রী শরাঙ্গীনা হায়খি।    

হৌরকপদা খোংউপশিং অসি নুপীগী মখল ১৫গী দিজাইন্দা অমসুং নুপাগী দিজাইন ১০ পুথোকখি। য়াম্না ফজরবা খাদিগী পোত্থোকশিং অসি গুজরাতকী পাতোলা মুগা, বনারাসি মুগা, বিহারগী মধুবনি-নম্বা মুগা, খাদি দেনিম, তুসার মুগা, মাতকা-কাতিয়া মুগা, লংজম ফেব্রিক্কী মখল কয়া অমা, ত্বীদ শাম্তু, খাদিগী পোলি ভাস্ত্রা অসিনা খোংউপশিং অসি হেন্না ফজবা অমসুং তোপ-তোপ্পা মগুন অমা হাপ্লি। হায়রিবা খোংউপশিং অসি মচু কয়া, প্রিন্ত কয়া অমা অমসু দিজাইন কয়া অমা মসিনা মখল কয়াগী ফিজোলশিং –ফোর্মেল, কেজুএল অমসুং কুমহৈশিংগা চুনহল্লি। খাদিগী খোংউপশিং অসিগী মমল অসি  লুপা ১,১০০ দগীনা লুপা ৩,৩০০ ফাওবা লৈরি।

কে.ভি.আই.সি.গী চেয়রমেন শ্রী বিনাই কুমার সাক্সেনানা হায় মদুদি অনৌবা মায়কৈদা লাকপা, অনৌবা মার্কেৎ অমা চিংশিনবা, অমসুং প্রধান মন্ত্রীগী মিয়েং অসিনা খাদিগী মন্ত্র ওইনা চহি ৬ অসি মায় পাক্না লাক্লি।

 “খাদিগী ফেব্রিক খোংউপশিং অসিগী ৱাখল্লোন অসি মালেমগী মীপুম অয়াম্বা অসি মনা-মশিং চাবা হেনগৎলকপা অসিনা মরম ওইরদুনা খাদিগী পোৎলমশিং অসি অপাম্বা ওইনরক্লি। “খাদিগী ফেব্রিক খোংউপশিং অসি মীয়ামগী ওইনদি খোংকাপ মচা অমনি অদুবু খাদি আর্তিসানগী ওইনদি অচৌবা খোঙফম অমনি। অফবা ফেব্রিক হায়বদি লংজম, মুগা অমসু শাম্তু শিজিন্নবা অসিনা আর্তিসানশিং অসিনা পোত্থোক য়াম্না পুথোকপা ঙম্বা অমসুং ইনকম লাকপা ঙমগনি” হায়না সাক্সেনা হায়খি। ইন্দিয়াগী খোংউপকি ইন্দস্ত্রী অসিদগী চাওরাক্না লুপা করোর ৫০,০০০ মসিদা লুপা করোর ১৮,০০০ অমনা মপাল লমদা থাদোকপা য়াওরগা। সাক্সেনা হায়খি মদুদি অহানবা পান্দম অসি ২% ওইদুনা লুপা করোর ১০০০ পারি।

খাদিগী ফেব্রিক খোংউপশিংগী ৱাখল্লোন অসিগী মতুংদা প্রধান মন্ত্রীগী মিয়েং “লোকেল তু গ্লোবেল”গা চান্ননা থোক্লকপনি। হান্ননা কে.ভি.আই.সি. অসিনা মায় পাক্না অহানবা ওইনা খাদিগী খুদাং ঘরি তাইতানগা লোইননা মায় পাক্না পুথোকখ্রে।

****