কমর্স অমসুং ইন্দস্ত্রী মন্ত্রালয়

ফোরেন দাইরেক্ত ইনভেস্তমেন্তকী ইনফ্লো

Posted On: 20 OCT 2020 3:36PM by PIB Imphal

ফোরেন দাইরেক্ত ইনভেস্তমেন্ত (এফ.দি.আই.) হায়বসি শেন্মিৎলোন চাওখৎনবগী মরুওইবা থৌরাং অমনি অমসুং ভারতকী শেন্মিৎলোন চাওখৎনবগী নোন-দেৎ ফাইনান্সকী মরুওইবা হৌরকফম অমনি। মশক থোকপা অমসুং ইনভেস্তর ফ্রেন্দলী ওইবা এফ.দি.আই. পোলিসী অমা শেম্নবগীদমক সরকার অসিনা কন্না হোৎনরক্লি। হোৎনরিবা পুম্নমকসিগী পান্দমদি এফ.দি.আই. পোলিসীবু ইনভেস্তরশিংদা নুংঙাইহনবা অমসুং লৈবাক অসিদা ইনভেস্তমেন্ত চঙলক্নবা পোলিসীদা অয়েৎপা পীবশিংবু লৌথোকপনি। মসিগী মায়কৈ অসিদা হৌখিবা চহী তরুক্লোম অসিদা ভারত্তা এফ.দি.আই.গী ইনফ্লো হেনগৎলক্লিবনা লৌখৎখিবা খোঙথাংশিং মহৈ য়াল্লে হায়বা য়াই। এফ.দি.আই. মনিং তমহন্নবা অমসুং লায়থোকহন্নবগী লম্বীদা চঙশিল্লদুনা, সরকার অসিনা তোঙান-তোঙানবা সেক্তরশিংদা এফ.দি.আই. রিফোর্মশিং পায়খৎখ্রে।

সরকার অসিনা এফ.দি.আই. পোলীসী রিফোর্ম, ইনভেস্তমেন্ত ওকপা অমসুং থবক তৌবদা লায়হন্নবগী লৌখৎলিবা খোঙথাংশিং অসিনা লৈবাক অসিদা এফ.দি.আই. চঙলকপা হেনগৎলকপনি। মখাদা পীরিবা ভারতকী ফোরেন দাইরেক্ত ইনভেস্তমেন্তকী ত্রেন্দশিং অসি মালেমগী ইনভেস্তরশিংগী মরক্তা খ্বাইদগী পাম্নবা ইনভেস্তমেন্তকী মফম অমগী ফিবম উৎলি।

ক) হৌখিবা চহী ৬কী মতমদা (২০১৪-১৫দগীনা ২০১৯-২০)

  • অপুনবা এফ.দি.আই.গী ইনফ্লো অসি চাদা ৫৫ হায়বদি য়ু.এস. $ বিলিয়ন ২৩১.৩৭দগী ২০১৪-২০দা য়ু.এস. $ বিলিয়ন ৩৫৮.২৯।
  • এফ.দি.আই. ইক্বিতী ইনফ্লো অসি চাদা ৫৭ হেনগত্তুনা ২০০৮-১৪দা য়ু.এস. $ ১৬০.৪৬ লৈরম্বদগী য়ু.এস. $ বিলিয়ন ২৫২.৪২ (২০১৪-২০)দা হেনগৎলে।

খ) শেনবা চহী ২০২০-২১ (এপ্রিলদগী ওগস্ত ২০২০)

  • ২০২০গী এপ্রিলদগী ওগস্ত ফাওবদা, য়ু.এস. $ বিলিয়ন ৩৫.৭৩গী অপুনবা এফ.দি.আই. ইনফ্লো ফংখি। মসি শেনবা চহী অমগী অহানবগী থা মঙাগী ওইনা খ্বাইদগী ৱাংবা ওইরে অমসুং ২০১৯-২০ (য়ু.এস.$ বিলিয়ন ৩১.৬০) লৈখিবা অহানবগী থা মঙাগা চাংদম্নবদা চাদা ১৩ হেল্লে।
  • শেনবা চহী ২০২০-২১ (এপ্রিলদগী ওগস্ত ২০২০)দা ফংখিবা এফ.দি.আই. ইক্বিতী ইনফ্লো অসি য়ু.এস. $ বিলিয়ন ২৭.১০নি। মসিনা শেনবা চহী অমগী অহানবগী থা মঙাগী ওইনা খ্বাইদগী ৱাংবা ওইরে অমসুং ২০১৯-২০ (য়ু.এস.$ বিলিয়ন ২৩.৩৫) লৈখিবা অহানবগী থা মঙাগা চাংদম্নবদা চাদা ১৬ হেল্লে।

****



(Release ID: 1666222) Visitor Counter : 42