স্তীল মন্ত্রালয়

শ্রী ধরমেন্দ্র প্রধান্না হায়রি, লৈবাক অসিদা মীকোক অমদা স্তিল শীজিন্নবা হেনগৎহন্নবগী চুপ্লি ভারতকী খুঙ্গংনা পায়রি


‘অত্মনির্ভর ভারত: খুঙ্গংগী শেন্মিৎলোন-লৌউ-শিংউ, খুঙ্গং চাউখৎহনবা, শা-ষন লোইবা অমসুং শঙ্গোম পুথোকপা, চীঞ্জাক শেম-শাবদা স্তিল শীজিন্নবা হেনগৎহনবা’ হিরমদা ৱেবিনার পাংথোকখ্রে

Posted On: 20 OCT 2020 2:45PM by PIB Imphal

ঙসি কনফিদেরেসন ওফ ইন্দিয়ান ইন্দস্ত্রি(সি আই আই)গা লোয়ন্না স্তিল মিনিস্ত্রিনা শীনবা ‘অত্মনির্ভর ভারত: খুঙ্গংগী শেন্মিৎলোন-লৌউ-শিংউ, খুঙ্গং চাউখৎহনবা, শা-ষন লোইবা অমসুং শঙ্গোম পুথোকপা, চীঞ্জাক শেম-শাবদা স্তিল শীজিন্নবা হেনগৎহনবা’ হায়বা ৱেবিনার অমদা স্তিল অমসুং পেত্রোলিয়ম অমসুং নেচরেল গ্যাসকী মিনিস্তর শ্রী ধরমেন্দ্র প্রধান্না ৱা ঙাংখ্রে অমসুং ঐখোয়গী খুঙ্গংশিং চাউখৎহনবা অমসুং ঐখোয়গী খুঙ্গংগী শেন্মিৎলোন মপাঙ্গল কনহনবা অমসুং মশাগী ওক্নবা পুথোকচবা ঙম্নবা হোৎনবদা ভারতকী স্তিলগী সেক্তরগী থৌদাংগী মতাংদা মহাক্কী ৱাখল্লোনশিং ফোঙদোকখি।

থৌরম অদুদা রুরেল দিবলপমেন্ত, এগ্রিকলচর অমসুং ফার্মর ৱেলফিয়ারগী মিনিস্তর নরেন্দ্র সিংহ তোমারনা গেস্ত ওফ ওনর ওইনা শরুক য়াখি। স্তিলগী রাজ্য মন্ত্রী ফাগান সিংহনা থৌরম অদুদা অখন্নবা ৱারোল পীখি। স্তিল শীজিন্নবা হেনগৎহন্নবা খুঙ্গংদা খুদোংচাবা কয়া মরাংকাইনা লৈরি হায়না থৌরমগী চীফ গেস্ত ওইখিবা শ্রী প্রধান্না ফোঙদোকখি।

মহাক্না হায়খি মসিগী ৱেবিনার অসিদা স্তিল, লৌউ-শিংউ, খুঙ্গং চাউখৎহনবা, শা-ষন লোইবা অমসুং শঙ্গোম পুথোকপা, চীঞ্জাক শেম-শাবগী লমদা থবক তৌরিবা মরী লৈনবশিং শরুক য়াবা উবদা ঐ হরাওই। অনৌবা হিরমশিংদা সরকারনা লুপা করোর ১০,০০০গী এগ্রিকলচর ইনফ্রাস্ত্রকচর ফন্দ য়েন্থোকপা হৌরে। ঐখোয়না লৈবাক শীনবা থুংনা কমপ্রেস বাইও-গ্যাস(সি বি জি) ৫০০০ শেমগৎলি। হন্দক মরুওইবা হিরমদা রিজার্ব বেঙ্ক ওফ ইন্দিয়ানা সি.বি.জি হাপচিল্লে। চেংদগী ইথানোল পুথোক্নবা ঐখোয়না থবক পায়খৎলি। মী খুদিংমক য়ুম লৈহন্নবা, খুঙ্গংগী লম্বীশিং শেম্বা, রেলৱেজগী মচাক-মথুমশিং ফগৎহনবা অমসুং লৌউ-শিংউগী থবকশিং হেনগৎহনবা অসিনা স্তিল দরকার ওইবা হেনগৎহনগনি। লৈবাক অসিদা মী অমনা স্তিল শীজিন্নবা হেনগৎহন্নবগী চুপ্লি ভারতকী খুঙ্গংনা পায়রি।মসিনা খুন্নাই, খুঙ্গং চাউখৎহনবা অমসুং থবক ফংহনবা হেনগৎহনগনি।

নরেন্দ্র সিংহ তোমারনা হায়খি অত্মানির্ভর খুঙ্গংশিংগী খুৎথাংদা প্রধান মন্ত্রী শ্রী নরেন্দ্র মোদীগী অত্মানির্ভর ভারত থবক ওইনা পাংথোকপা ঙমগনি। ঐখোয়গী খুঙ্গংশিং মপাঙ্গল কনখৎহনবা অমসুং মশাগী ওক্নবা পুথোকচনবা থৌনা পীবদা স্তিলনা মরুওইবা থৌদাং অমা লৌরি। হৌখিবা চহি খর অসিদা খুঙ্গংদা শীজিন্নবগী চাং হেনগৎলক্লে। থৌশিলনা মতেং পাংবা, চাউখৎ-থৌরাংগী থবকশিং, লোন কোকপা, মিনিমম সপোর্ত প্রাইজ ৱাংখৎলকপা, দাইরেক্ত বেনিফিৎ ত্রান্সফর অমসুং খুঙ্গংদা মিৎয়েং থম্বা বজেৎকী থবকশিংনা খুঙ্গংগী মীয়াম্না পোৎ-চৈ লৈবা ঙম্বগী থৌনা হেনগৎলে। স্তিল শীজিন্নবা হেনগৎহন্নবা খুঙ্গংদা খুদোংচাবা কয়া মরাংকাইনা লৈরে। খুঙ্গংগী শেন-থুমগী ফিবম ফগৎলকপা অসিনা স্তিল হেন্না শীজিন্নবগী অনৌবা খুদোংচাবা কয়া পীরে। প্রধান মন্ত্রী অৱাস য়োজনা, জল জিবন মিসন, এম.এস.পিনা পুন্সি মহিং ফগৎহল্লে অমসুং খুঙ্গংগী শেন-থুমগী মপাঙ্গল কনখৎহল্লে অমসুং স্তিল শীজিন্নবা হেনগৎলে।

মহাক্না হায়খি খুঙ্গংশিংদা স্তিল শীজিন্নবা হেনগৎহনবদা অতোপ্পা হিরমশিং হায়বদি ইনর্জি, শঙ্গোম পুথোকপা, ঙা য়োকপা, চীঞ্জাক শেম-শাবা, লৌউ-শিংউগী খুৎলায়শিংনা মরুওইবা থৌদাং লৌরি। খুঙ্গংদা স্তিল দরকার ওইবা য়েংশিন্নবা অমসুং লৈবাক অসিদা স্তিল পুথোকপা হেনগৎহন্নবা ৱার্কিং গ্রুপ অমা শেমগদবনি। মসিনা খুঙ্গংশিংদা স্তিল শীজিন্নবা হেনগৎহন্নবা থবক পায়খৎপা ঙমহনগনি। ঙসি খন্নরিবা ৱাফমশিং অসিনা খুঙ্গংদা লৈবাক অসিদা পুথোকপা স্তিল শীজিন্নবা হেনগৎহন্নবদা থেংনরিবা খুদোংচাদবশিং অমসুং শীজিন্নবা হেনগৎহন্নবা মরুওইবা মরমশিংগী মতাংদা খন্নগনি হায়না থাজবা থম্লি।

মিনিস্তর ফাগান সিংহ কুলাস্তেনা হায়খি খুঙ্গংগী অওনবশিং পুরক্নবা প্রধান মন্ত্রীগী লমজিং মখাদা ঐখোয়গী সরকারনা থবক কয়া পায়খৎলে। খুঙ্গংগী শেন্মিৎলোন্দা আইরন অমসুং স্তিলগী য়াম্লবা খুদোংচাবশিং লৈরিবা অসি লৌনবা ‘অত্মানির্ভর ভারত: খুঙ্গংগী শেন্মিৎলোন্দা স্তিল শীজিন্নবা’ হায়বা হিরমদা ৱেবিনার পাংথোকখ্রে।

মহাক্না হায়খি ৱেবিনার অসিনা ইন্দস্ত্রি অমসুং মরী লৈনবশিং হায়রিবা হিরমশিং অসিদা তুংদা স্তিল দরকার ওইরকপা ফংহনবা ঙম্নবা ৱা খন্ননবা মফম অমা পীরগনি। মহৈ-মরোংশিগী এম.এস.পি হেনগৎলকপা, নেসনেল রুরেল ইমপ্লোইমেন্ত গরেন্তি এক্তকী মখাদা থবক শুবা হেনগৎলকপা অমসুং সরকারগী অতৈ স্কিমশিংনা মরম ওইদুনা খুঙ্গংদা শেন-থুমগী ফিবম ফগৎলক্লে অমসুং মসিনা খুঙ্গংদা স্তিল শীজিন্নবা হেনগৎলকপদা মতেং চাউনা পাংলে।

স্তিল ইন্দস্ত্রিগী লুচিংবশিং, স্তিল মিনিস্ত্রি, রুরেল দিবলপমেন্ত মিনিস্ত্রি, এগ্রিকলচর অমসুং ফার্মর ৱেলফিয়ার মিনিস্ত্রি, পঞ্চয়াতি রাজ মিনিস্ত্রি, ফুদ প্রোসেসিং ইন্দস্ত্রি মিনিস্ত্রি অমসুং ফিসরিজ মিনিস্ত্রিগী সেনিয়র ওফিসিএলশিং অমসুং য়ু.পি, বিহার, কর্নাতাকা অমসুং মহারাস্ত্রা রাজ্যশিংগী সরকারশিংগী সেনিয়র ওফিসিএলশিং অমসুং সি.আই.আইগী মীওইশিং ৱেবিনার অদুদা শরুক য়াখি।

*****



(Release ID: 1666206) Visitor Counter : 176