দিজিতেল ইন্নোভেসনগী খুৎথাংদা সোসাইতেল চেলেঞ্জশিং অসি থেংন্নবগীদমক এমাজোন ৱেব সর্ভিসকা(এ.দবল্যু.এস.) লোইননা ফ্রন্তিয়র তেক্নোলোজিস্ত ক্লাউদ ইন্নোভেসন সেন্তর(সি.আই.সি.) মখল অদুগী ইহান হানবা ওইনা ভারত্তা শেমগৎনবা ঙসি নীতি অয়োগনা লাওথোকখ্রে৷

মসিগী সি.আই.সি. অসি সরকারগী এজেন্সীশিং, নন-প্রোফিৎ অমসুং ইজুকেস্নেল ইন্সতিত্যুতশিংনা চেলেঞ্জ অসি থেংন্নবা পুন্না চংশিন্নবা, দিজাইন থিঙ্কিং পাংথোক্নবা, অনৌবা ৱাখল্লোনশিং চাংয়েং তৌনবা অমসুং এ.দবল্যু.এস.কী তেক্নেলোজী এক্সপরতাইস অদু শিজিন্ননবগীদমক খুদোংচাবা পীরিবা এ.দবল্যু.এস. গ্লোবেল প্রোগ্রামগী শরুক অমনি৷

“লৈবাক মীয়ামগীদমক পব্লিক সর্ভিসশিং ওন্থোক্নবা, প্লোবেলশিং থেংন্নবা অমসুং য়াম্না লাইনা অমসুং অথুবা মওং অমদা পুথোকপা য়ানবা মালেম অসিদা লৈরিবা পব্লিক সেক্তর ওর্গনাইজেসনশিংনা ক্লাউদ তেক্নোলোজী শিজিন্ননবা ঐখোয়না উরে,” হায়না এমাজোন ৱেব সর্ভিসেস ইন্স., ৱল্দৱাইদ পব্লিক সেক্তর, ইন্তরনেস্নেল সেলগী উপ-রাস্ত্রপতি মেক্স পিতরসননা ফোংদোকখ্রে৷ “ চেলেঞ্জশিং অসি থেংন্নবা তেক্নোলোজী এক্সপর্তশিং পুন্না পুরক্তুনা পব্লিক সেক্তরদা ইন্নোভেসন পুথোক্নবা কেতলিস্ত অমা ওইনা মথৌ তৌনবা ঐখোয়গী ক্লাউদ ইন্নোভেসন সেন্তর প্রোগ্রাম অসি শেম্মী৷ নীতি অয়োগকা পুন্না থবক তৌমিন্নবা অসি ঐখোয় য়াম্না নুংঙাইবা ফাওই অমসুং ভারত্তা পাংথোক্লিবা পব্লিক সেক্তর মিসন অদু ঐখোয়না সপোর্ত তৌই৷”

‘অসিগুম্না হোৎনরিবা অসিদা এ.দবল্যু.এস.কা পুন্না থবক তৌমিন্নবা অসি ঐখোয় য়াম্না নুংঙাই৷ নীতি অয়োগ ফ্রন্তিয়র তেক্নোলোজিস্ত সি.আই.সি. অসি নৌনা থোকলক্লিবা ইন্নোভেতরশিংদা চাউনা মতেং পাংলগনি অমসুং স্তেত-ওফ-দি-আর্ত চাংয়েং তৌবদা, থোক্লক্লিবা তেক্নোলোজীশিং খুদম ওইনা এ.আই., আই.ও.তি.,রোবোতিক্স, ব্লোকচেন শিজিন্নদুনা ক্লাউদ-সেন্ত্রিক দিজিতেল ইন্নোভেসনশিং পুথোকপদা মতেং পাংলগনি৷ মসি প্রধান মন্ত্রীগী ভিজন অত্মনির্ভর ভারত অমসুং নীতি অয়োগ অমসুং অতল ইন্নোভেসন মিসন অদুগসু চৎমিন্নৈ,’ হায়না এইম(অতল ইন্নোভেসন মিসন)মিসনগী দাইরেক্তর আর. রমনননা ফোংদোকখ্রে৷

“নীতি অয়োগ ফ্রন্তিয়র তেক্নোলোজিস্ত ক্লাইদ ইন্নোভেসন সেন্তর অসিনা সরকারগী স্তেকহোল্দরশিং, স্পার্ত-অপশিং অমসুং ভারত্তা লৈরিবা লোকেল ওর্গনাইজেসনশিং অসিনা ইন্নোভেৎ তৌবা অমসুং প্রোব্লেমশিং থেংন্নবা অনৌবা থবক থৌরমশিং পাংথোকপা ঙমহল্লগনি,” নীতি অয়োগকী সেনিয়র এদভাইজর অন্না রোইনা ফোংদোকখ্রে৷ “এ.দবল্যু.এস. সি.আই.সি. প্রোগ্রাম অসিগী মতেংদগী, হৌজিক্তি ঐখোয়না খ্বাইদগী নৌবা তেক্নোলোজী এক্সপিরিমেন্ত তৌনবা অমসুং য়াম্না এদভান্স ওইরবা সিতিজন সর্ভিসশিং তৌদুনা ঐখোয়বু মতেং পাংগদবা ৱল্দ ক্লাস এক্সপর্তশিং কৌবগী অমসুং ঐখোয়গী লৈবাক অসিগী তঙাই ফদনা দরকার লৈরিবাশিং অদু ফ্রন্তিয়র তেক্নলোজিসনা করম্না থেংনগদগে হায়বদুগী মতাংদা হেন্না গ্যান তাহন্নবা খুদোংচাবা অদু পীরগনি,” হায়না মহাক্না ফোংদোকখ্রে৷

নীতি অয়োগ ফ্রন্তিয়র তেক্নোলোজিস্ত সি.আই.সি. অসিনা মরু ওইবা মিসন অমা পাংথোকই: সিতিজন সর্ভিসশিং ফংহনবদা লেপ্পা লৈতনা ইন্নোভেসন পুথোক্নবা মাংজিল থারিবা এদজ তেক্নোলোজী খন্দোকপদা অমসুং পীবদা নীতি অয়োগনা অচৌবা থৌদাং লৌরি৷ সেন্তর অসিনা প্রোজেক্তশিং খন্দোক্লগনি অমসুং অরুবা চেলেঞ্জশিং থেংন্নবা রাজ্য অমসুং জিলাগী লেভেলদা লৈরিবা সবজেক্ত মেতর এক্সপর্তশিং য়াওনা লোকেল লিদরশিংগা পুন্না চৎমিন্নরগনি৷ এ.দবল্যু.এস. ক্লাউদ অসিদা ভারত্তা লৈরিবা লোকেল এন্তরপ্রাইসশিং, স্তার্ত-অপশিং, রিসর্চ তৌরিবা মীওইশিং অমসুং য়ুনিভর্সিতীশিংনা এক্সপরিমেন্ত তৌবা অমসুং প্রোতোতাইপশিং শেম্বা য়ারগনি৷

“এ.দবল্যু.এস. ক্লাউদ  অসিগা লোইননা পব্লিক সেক্তর ওর্গনাইজেসনশিংনা মখোয়গী মিসন অদু হেন্না খোংজেল য়াম্না চৎনবা অকনবা অমসুং অফবা ক্লাউদ সর্ভিসকী পৱার অদু ফংলে অমসুং মালেম অসিবু হেন্না ফবা মফম অমা ওইহল্লে,” হায়না এ.দবল্যু.এস. ইন্দিয়া অমসুং সাউথ এসিয়া, এ.আই.এস.পি.এল. পব্লিক সেক্তরগী রিজনেল হেদ রাহুল শর্মনা ফোংদোকখ্রে৷ “ভারত্তা লৈরিবা পব্লিক সেক্তর ওর্গনাইজেসনশিংনা ত্রান্সফোর্মেস্নেল ইকোনোমিক অমসুং সোসাইতেল ইমপেক্ত ফংবদা ঐখোয়না মতেং পাংনবা কন্না হোৎনরি অমসুং লৈবাক অসিদা দিজিতেল ইন্নোভেসন অসি খোংজেল য়াংনা চৎনবা ঐখোয়গী গ্লোবেল এক্সপরিয়েন্স অদু শরুক য়ামিন্ননবা হোৎনরি৷”

নীতি অয়োগ ফ্রন্তিয়র তেক্নোলোজিস্ত সি.আই.সি.না ওস্ত্রেলিয়া, বহরেন, কনাদা, ফ্রাঞ্চ, জর্মনী, সাউথ কোরিয়া অমসুং য়ুনাইতেদ স্তেততা লৈরিবা এ.দবল্যু.এস. পব্লিক সেক্তর ক্লাউদ ইন্নোভেসন সেন্তরশিংগা খুৎশম্নখ্রে৷ এমাজোন ৱেব সর্ভিস ক্লাউদ ইন্নোভেসন সেন্তর প্রোগ্রামগী মরমদা অহেনবা ই-পাউগীদমক, মফম অসিদা চংবিয়ু https://aws.amazon.com/government-education/cloud-innovation-centers/৷ এমাজোন ইন্তরনেত সর্ভিস প্রাইভেৎ লিমিতেদ(এ.আই.এস.পি.এল.)না ভারত্তা এ.দবল্যু.এস. ক্লাউদ  সর্ভিস য়োনবগী থবক পাংথোকই৷

*****