প্রধান মন্ত্রী শ্রী নরেন্দ্র মোদীনা গ্রান্দ চেলেঞ্জেসকী চহিগী মীফম ২০২০গী থৌরমদা মরু ওইবা ৱারোল পীখ্রে। থৌরম অসিদা ৱা ঙাংলদুনা, প্রধান মন্ত্রীনা হায়খি সাইন্স অমসুং ইনোবেসন্দা ইনবেস্ত তৌরিবা খুন্নাইশিংনা তুংলমচৎ শেম্বা ঙমগনি। মতম খরগী ওইবা এপ্রোচ লৌখৎপগী মহুতা মাংজৌননা ইনবেস্ত তৌদুনা সাইন্স অমসুং ইনোবেসনগী কান্নবশিং অসি মতম চানা ফংবা য়াগনি হায়না মহাক্না ফোঙদোকখি। মহাক্না হায়খি ইনোবেসনশিং অসি চুংশিন্নদুনা অমদি মীয়াম পুন্না শরুক য়াদুনা শেমগদবনি। মহাক্না মখা তারদুনা হায়খি খুৎশম্ননা চৎমিন্নদ্রবদি সাইন্সনা কৈদৌনুংদা চাউখৎপা ঙমলোই অমসং গ্রান্দ চেলেঞ্জেস প্রোগ্রাম অসিনা হায়রিবা ৱাখল্লোনশিং অসি মমুৎ তানা খঙই। তোঙান তোঙানবা লৈবাকশিংনা মালেমগী থাক্তা য়াওরিবা প্রোগ্রাম অসিগী কান্নবা অসিগী মতাংদা থাগৎপা ফোঙদোকখি অমসুং এন্তিমাইক্রোবিএল রেজিস্তেন্স, মেতর্নেল অমসুং চাইল্দ হেল্থ, লৌউ-শিংউ, মচি ওইবা চীঞ্জাক, ৱাশ – (ৱাতর, সেনিতেসন এন্দ হাইজিন) অমসুং অসিগুম্বা তোঙান তোঙানবা সমস্যাশিংগী মতাংদা ৱা ঙাংখি।

প্রধান মন্ত্রীনা হায়খি মালেমগী ওইবা লায়চৎ অসিনা মরম ওইরগা ঐখোয়দা পুন্না থবক তৌমিন্নবগী কান্নবা অদু খঙহনবা ঙমহল্লি। মহাক্না হায়খি লাইনাশিং অসিদা লমগী ঙমখৈশিং অমসুং ধর্ম, কাংলুপ, জেন্দর নত্ত্রগা কুচুদা য়ুম্ফম ওইরবা খেন্নবা লৈতে। মহাক্না হায়খি লাইনাশিং অসিদা মীয়ামদা নাহল্লিবা তোঙান তোঙান কম্ম্যুনিকেবল অমসুং নন-কম্ম্যুনিকেবল লাইনাশিংসু য়াওরি। মহাক্না হায়খি মরু ওইনা হৌখিবা থা খরা অসিদা কোবিদ-১৯গা লান্থেংনবদা ভারত্তা লৈরিবা অফবা পাঙ্গল কনবা সাইন্তিফিক কম্ম্যুনিতী অমসুং অফবা সাইন্তিফিক ইন্সতিত্যুসনশিং অসিনা ভারতকী অচৌবা লন ওইখি । মহাক্না হায়খি মখোয়না লাকশিনবদগী হৌরগা কেপাসিতী বিল্দিংদা অঙকপা ফংনা মাই পাকখ্রে।

প্রধান মন্ত্রীনা হায়খি মীয়ামগী শক্তি অমসুং মীয়ামগী ওইবা খোঙথাংনা মরম ওইরগা মীশিং য়ামজরবসু ভারত্তা কোবিদ-১৯দগী শিবগী চাং অসি য়াম্না তাই। মহাক্না মখা তারদুনা হায়খি ঙসি নোংমদা থেংনবা কেসশিংগী মশিং অসি হন্থরে, কেসশিংগী গ্রোথ রেৎতা হন্থরে অমসুং চাদা ৮৮ ওইদুনা নাবা ফগৎপগী চাং খ্বাইদগী ৱাংবা অমা ওইরে। মহাক্না হায়খি মসি ওইরকপগী মরমদি ভারত: অসিনা শেমদোক-শেমজিন য়াবা লোকদাউন অমা থমখিবা লৈবাকশিংগী মরক্তা অহানবা ওইখি, মাস্কশিং শীজিন্নবা থৌগৎপা অহানবা ওইখি, কন্তেক্ত-ত্রেসিং তৌবদা মপুং ফানা থবক পায়খৎপা অমসুং রেপিদ এন্তিজেন তেস্তশিং ঙন্না শীজিন্নবা হৌখিবননি।

প্রধান মন্ত্রীনা হায়খি হৌজিক ভারত অসি কোবিদকী ভেক্সিন পুথোকপদা মাং থাদুনা হোৎনরি। মহাক্না লৈবাক অসিদা মশানা পুথোকচবা ভেক্সিন ৩০ হেন্না দিবেলপ তৌরে হায়না লাওথোকখি অমসুং মসিগী মনুংদা অহুম অমনা খুমাং চাউশিল্লবা তাঙ্কক অমদা লৈরে। মহাক্না হায় ভারত অসি মপুংফানা ইস্তাব্লিশ তৌরবা ভেক্সিন দিলিবরী সিস্তেম অমা চৎনবা হৌনবা থবক পায়খৎপা হৌখ্রে অমসুং দিজিতেল হেল্থ আই.দি.গা লোয়ননা মসিগী দিজিতাইজ তৌরবা নেৎৱার্ক অসিনা ঐখোয়গী প্রজাশিংদা ই্ম্যুনাইজেসন ফংহনবদা শীজিন্নগনি। মহাক্না হায়খি ভারত অসি ক্বালিতী লৈবা অমসুং অহোংবা মমলদা হীদাক লাংথক পুথোকপদা মশক খঙনরি। মালেমগী ইম্ম্যুনাইজেসনগী ভেক্সিনগী চাদা ৬০ হেনবনা ভারত্তা পুথোকই। মহাক্না হায় ভারতকী এক্সপিরিএন্স অমসুং রিসর্চকী হৈ-শিংবনা মালেমগী হেল্থক্যের ওইবা থৌরাংশিংদা ভারতনা মরুওইবা থৌদাং লৌরগনি অমসুং মসিগী সেক্তরশিং অসিদা অতোপ্পা লৈবাকশিংনা মখোয়গী কেপসিতীশিং হেনগৎহনবদা মতেং পাংবগী অপাম্বা লৈরি।

হৌখিবা চহি ৬ অসিদা সেনিতেসন ফগৎনবা, লুনানবা হেনগৎনবা, অমাংশঙ লৈবা হেনগৎনবা অসিগুম্বা খোঙথাং কয়া লৌখৎতুনা হেল্থক্যেরগী সিস্তেমদা ফগৎহনবদা মতেং পাংখ্রে হায়না প্রধান মন্ত্রীনা ফোঙদোকখি। মহাক্না হায়খি, মসিনা নুপীশিং, লাইরবা অমসুং শোত্থরবা কয়াদা মতেং পাংদুনা লাইনাশিং থোকহনবা হন্থহনখ্রে। মহাক্না মখা তারদুনা হায়খি সরকারনা লাইনা অসি হন্থহন্নবা অমসুং থক্নবা অফবা ঈশিং য়ুমথোং খুদিংদা পায়প পুদুনা ফংহন্নবা, খুঙ্গংগী মফমশিংদা মেদিকেল কোলেজশিং লিংখৎনবা অমসুং মালেমগী খ্বাইদগী চাউবা হেল্থ ইনসুরেন্স স্কিম চৎনহন্নবা অসিগুম্বা অসিনা খুঙ্গংশিংদা অফবা হেল্থক্যের ফংহন্নবা  লৌখৎলিবা খোঙথাংশিং অদু থমখি।

প্রধান মন্ত্রীনা মীপুম খুদিংমক থৌনা হাপনবা অমসুং পুম্নমক্কী য়াইফনবা অপুনবগী ওইবা থৌবা লিংজেল শীজিন্ননবা ফোঙদোকখি। মহাক্না মহৈ ফংগদবা অমসুং কান্নগদবা থৌরাংশিংগী অপাম্বা ফোঙদোকখি অমদি গ্রান্দ চেলেঞ্জেস প্লেৎফোর্ম অসিদগী অফবা অমসুং পুক্নিং থৌগৎনীংঙাই ওইবা অনৌবা সোলুসন কয়া পুরকপা ঙমগনি হায়না আশা তৌরি।

***