কেন্দ্রগী মন্ত্রী শ্রী রামেশ পোখ্রিয়ল ‘নিশঙ্ক’না ঙসি আই.আই.তি ইন্দোরগী ৮শুবা কনভোকেসন্দা ভর্চ্যুএল ওইনা শরুক য়াখি। মন্ত্রীনা কেন্দ্রিয়া বিদ্যলয়, কম্প্যুতর এন্দ ইনফোর্মেসন তেক্নোলোজী সেন্তর, সেন্ত্রেল ৱার্কশোপ, অভিনন্দন ভাবন অমসুং তক্সশিলা লেকচর হোল কম্প্লেক্স বিল্দিং মঙা অসিসু শঙ্গাখি। থৌরম অসিদা বোর্দ ওফ গভর্নর্সকী চিয়রমেন প্রোফেসর দীপক বি. ফাতকনা ময়াই তাংবল লৌখি অমদি সিনেৎকী চিয়রমেন প্রোফেসর নীলেশ কুমার জেন্না দিগ্রীশিং পীখি।

গ্রেজ্যুৎ লোইরবা মহৈরোয় পুম্নমক্তা থাগৎপা ফোঙদোক্লদুনা মন্ত্রীনা হায়খি খঙহৈরিবা লৌশিং অদু খুন্নাইগী অফবা তৌবদা শীজিন্নগদবনি। মহৈরোয়শিংগী তশেংবা চাংয়েংদি তানশিল্লুরিবা লৌশিং অদু তশেংনা পুন্সিদা শীজিন্নবা মতমদগী হৌই। শ্রী পোখ্রিয়লনা মহৈরোয়শিংনা খুমাং চাউশিন্দুনা মখোয়গী লৌশিং অদু ভারতপু লৌশিং লৈবা ওইহন্নবা মিসন্দা ব্রান্দ এম্বেসেদর অমা ওইদুনা শন্দোরক্কনি হায়না আশা তৌরি ।

মন্ত্রীনা হায়খি মদুদি আই.আই.তি. ইন্দোরনা রিসর্চ পেপর ২৭৪০ অমসুং লাইরিক ৩৫ অমদি মশাগী ওজানা ইখিবা চেপতর ১৭৫ লৈবগা লোয়ননা রিসর্চকী লমদা অফবা থবক তৌরি। অনিশুবা অমসুং অহুমশুবা জেনরেসন আই.আই.তি. ইন্সতিত্যুসনশিংদা সাইতেসন ইন্দেক্স পর ফেকল্তী খ্বাইদগী ৱাংলি। ইন্সতিত্যুত অসিনা পেতেন্ত ৬১ ফাইল তৌখ্রে অমসুং মখোয়গী পেতেন্ত অমা অয়াবা পীখ্রে। একাদেমী অমদি ইন্দস্ত্রীগী মরক্তা লৈরিবা খেৎনবা হন্থহন্নবা অমসুং মরোমদোম লেপচবা ভারত অমা ওইনবা অমসুং ইনোবেসনগীদমক আই.আই.তি.ইন্দোরনা হোৎনরিবশিং অসি মহাক্না থাগৎখি। মন্ত্রীনা ইন্সতিত্যুত অসিনা ইং কুমজা ২০২০গী এন.আই.আর.এফ. রেঙ্কিংদা ১০শুবা মফম কনবা ঙমখিবা, এসিয়ন য়ুনিবর্সিতী রেঙ্কিং-২০২০দা ৫৫শুবা রেঙ্ক অমসুং তাইম্স হায়র এজুকেসনগী য়ং য়ুনিবর্দিতী রেঙ্কিংদা ৬৪শুবা রেঙ্ক ফংখিবা অসিদা নুংঙাইবা ফোঙদোকখি।

মন্ত্রীনা আই.আই.তি. ইন্দোরগী অনৌবা বিল্দিংশিং (কেন্দ্রিয়া বিদ্যলয়, কম্প্যুতর এন্দ ইনফোর্মেসন তেক্নোলোজী সেন্তর, সেন্ত্রেল ৱার্কশোপ, অভিনন্দন ভাবন অমসুং তক্সশিলা লেকচর হোল কম্প্লেক্স), ইনোবেতিব ওইবা প্রোগ্রামশিং অমসুং কনভোকেসন অসিগীদমক থাগৎপা ফোঙদোকখি। মহাক্না হিরম পুম্নমক্তা ফগৎনবা হোৎনরিবা অসিদা অঙম্বা মতেং পুম্নমক এজুকেসন মন্ত্রালয়না পাংদুনা মখোয়গীদমক লেপকনি হায়না থাজবা পীখি।

প্রোফেসর দীপক বি. ফাতক, চিয়রমেন, বোর্দ ওফ গভর্নর্স, আই.আই.তি. ইন্দোরনা হায়খি, “ঙসি গ্রেজ্যুৎ লোইরবা মহৈরোয় পুম্নমকপু ঐহাক্না থাগৎপা ফোঙদোক্লি অমসুং নখোয়না হেন্না অফবা অৱাংবা ফংবা ঙমগনি হায়না থাজৈ অমসুং নখোয়বু হিরমশিং অসিদা মীৎয়েং চংহনবা পাম্মি। হৌজিক ওইরিবা কোবিদ-১৯ লায়চৎ অসি য়েংলগা , ঐখোয়না অখাং কন্দুনা অমসুং পুকচেল ফাথদুনা লায়চৎ অসি লান্থেংমিন্নসি। লৌশিং হায়বা অসি লেপ্তনা অওনবা নাইবা প্রোসেস অমনি। ঐহাক্না নখোয় পুম্নমক্তা নখোয়গী সবজেক্ততা খক্তা নত্তনা মখা তানা অতোপ্পা সবজেক্তশিংদসু লৌশিং তানশিন্নবা হায়জরি। ঙসিদগী হৌদুনা নখোয়না ইন্সতিত্যুত অসিগা মহৈরোয় অমা ওইবগী মরী অদু নত্তনা অহেনবা অনৌবা মরী থম্লগনি। নখোয়না ইন্সতিত্যুত অসিগা মরী তৎনরোইদবনি অমসুং ইন্সতিত্যুত অসি ফগৎহনবদা শরুক য়াগদবনি। অরোইবদা ঐহাক্না নখোয়দা পীনীংবা পাউতাক অদুদি অফবা ৱাখল খল্লু, অফবা থবক তৌ অমসুং অফবা মীওইবা অমা ওইবা ঙম্নবা হোৎনৌ হায়বা অসিনি। ”

কনভোকেসনগী থৌরম অসিদা তোঙান তোঙানবা স্ত্রীমশিং অমসুং কোর্সশিংগী মহৈরোয়শিংদা পুন্না দিগ্রী ৪১২ পীখি। গ্রেজ্যুৎ লোইরবা মহৈরোয়শিং অদুদা ২৩৩না বি.তেক, ৫৮না এম.এসসি., ৫৭না এম.তেক, ৬না এম.এস. (রিসর্চ) অমসুং ৫৮না পিঐচ.দি. ওইখি। বি.তেক্কী মহৈরোয়শিংদা অহানবা বেচকী ৩৪ অমসুং ৩১না মথং শিৎনা সিবিল ইঞ্জিনীয়রিং অমসুং মেতল্লর্জী ইঞ্জিনীয়রিং অমসুং মেতরিএল্স সাইন্স ওইখি। এম.তেক মহৈরোয়শিংদা মেকানিকেল সিস্তেম্স দিজাইন অমসুং মেতল্লর্জী ইঞ্জিনীয়রিংদা স্পেসিএলাইজেসন ওইবা অহানবা বেচকী মহৈরোয় ১০-১০ য়াওখি। এম.এসসি. মহৈরোয় ৫৮দা এস্ত্রোনোমীগী অহানবা বেচকী মহৈরোয় ৭ য়াও্খি। কম্প্যুতর সাইন্স অমসুং ইঞ্জিনীয়রিংগী অহানবা বেচকী এম.এস. (রিসর্চ)কী মহৈরোয় ৬সু কনভোকেসন অসিদা গ্রেজ্যুৎ লোইশিনখি। পিঐচ.দি মহৈরোয়শিংগী মরক্তা মিস্তর অনন্দ পেতরেনা ইন্সতিত্যুত অসিগী স্তাফ কেতগোরীগী মখাদা পি.ঐচ.দি লো‌ইখিবা ইন্সতিত্যুত অসিগী অহানবা স্তাফ মেম্বর ওইখি।

গ্রেজ্যুৎ লোইরবা য়ু.জি. মহৈরোয় পুম্নমক্কী মরক্তা বেস্ত একাদেমিক পর্ফোর্মেন্সকী প্রসিদেন্ত ওফ ইন্দিয়া গোল্দ মেদল অসি কম্প্যুতর সাইন্স এন্দ ইঞ্জিনীয়রিংদগী মিস্তর সপতার্শি ঘোশনা ফংখি। অকক্নবা দিসসিপ্লিন অমগী গ্রেজ্যুৎ লোইরবা য়ু.জি. মহৈরোয় পুম্নমক্কী মরক্তা ইন্সতিত্যুতকী বেস্ত একাদেমিক পর্ফোর্মেন্সকী সিলবর মেদল অসি কম্প্যুতর সাইন্স এন্দ ইঞ্জিনীয়রিংগী অরুশি জেন, ইলেক্ত্রিক ইঞ্জিনীয়রিংগী খুশবু অহুজা, মেকানিকেল ইঞ্জিনীয়রিংগী অগম গুপ্তা, সিবিল ইঞ্জিনীয়রিংগী শালে গুপ্তা অমসুং মেতল্লর্জী ইঞ্জিনীয়রিংগী অশুতোশ গুপ্তানা ফংখি। অকক্নবা দিসসিপ্লিন অমগী গ্রেজ্যুৎ লোইরবা পি.জি. মহৈরোয় পুম্নমক্কী মরক্তা ইন্সতিত্যুতকী বেস্ত একাদেমিক পর্ফোর্মেন্সকী সিলবর মেদল অসি এম.তেককী ওইনা মনিশ বদোলে অমসুং এম.এস.সি. প্রোগ্রামগী ওইনা অনচল সক্সেনানা ফংখি। চহি অনিগী মাস্তরগী প্রোগ্রাম অসিগী গ্রেজ্যুৎ লোইরবা মহৈরোয় পুম্নমক্কী মরক্তা খ্বাইদগী ৱাংবা সি.পি.আই. ফংবা নুপী মহৈরোয়গী ওইনা ‘বুতি ফাউন্দেসন গোল্দ মেদল’ মিস স্রিজা তেৱারিনা ফংখি। চাইতন্য মেহতানা “দিজাইন এন্দ দিবেলপমেন্ত ওফ এ ত্রী ক্লাইম্বিং ক্বাদ্রুপ রোবোত”কীদমক বেস্ত বি.তেক প্রোজেক্তা মনা ফংখি। লোয়ননা মহৈরোয় পুম্নক্না থৌরম অসি ওনলাইন মোদকী খুত্থাংদা য়াওখি, মনা ফংলনা মকোক ওইরবশিংনা দিগ্রী অমসুং মনা লৌনবা মশা লাকখি।

মেদল ফংখ্রবা পুম্নমক্না অথোইবা মীথুংলেন্দগী মেদলশিং লৌখি অমরোমদা বেস্ত বি.তি.পি.গী মনা অমসুং দিগ্রীশিংনা দিরেক্তরনা পীগনি।

নৌনা শঙ্গাখিবা বিল্দিংশিংগী অকুপ্পা মরোল মখাদা পীরি:

১- কেন্দ্রিয়া বিদ্যলয়

মথোল ৩গী বিল্দিং অসিগী পাক চাউবা স্ক্যের মিতর ৮,৬২৮নি অমসুং শাবদা চংখিবা শেনফম্না লুপা করোর ২৩.৩৫নি।

২. কম্প্যুতর এন্দ ইনফোর্মসন তেক্নোলোজী সেন্তর

মথোন অনিগী বিল্দিংগী পাক চাউবা অসি স্ক্যের মিতর ২,০০০ ওই অমসুং শাবদা চংখিবা শেনফম লুপা করোর ৪.৯০ ওইখি। মসি এম/এস এন.ঐচ. ব্রদর্স মুম্বাইনা শাখি। কম্প্যুতিং অমসুং ইনফোর্মেসন তেক্নোলোজী ফংহন্নবা অমসুং সর্ভিসশিং ফংহন্নবা বিল্দিং অসিদা হায়-এন্দ পর্ফোর্মেন্স কম্প্যুতিং (ঐচ.পি.সি.) ফেসিলিতীশিং, ইমেল, ইন্তর্নেৎ অমসুং একাদেমিক সর্ভরশিং, অতোপ্পা কম্প্যুতিং সর্ভরশিং, সেক্যুরিতীগী সি.সি.তি.ভি. কন্ত্রোল সেন্তর, ইমর্জেন্সী ওপরেসন রুম, কম্ম্যুনিকেসন রুম, দি.বি.এম., ইন্তিগ্রেতেদ বিল্দিং মেনেজমেন্ত সিস্তেমশিং (আই.বি.এম.এস.), ইলেক্ত্রিকেল পেনেল, বেত্তরী অমসুং য়ু.পি.এস. রুমশিং, অমসুং স্তেফ মেম্বরশিংগী ওফিসশিং লৈরি।

৩. সেন্ত্রেল ৱার্কশোপ

বিল্দিং অসি পাক চাউবা স্ক্যের মিতর ২,৫৯৪ ওইবগা লোয়ননা লুপা করোর ৮.০২ চংনা শাখি। বিল্দিং অসিগী মরু ওইবা শরুক্তা মেছিনিং সেক্সন, ফাউন্দ্রী সেক্সন, ৱেল্দিং সেক্সন, ফোর্মিং সেক্সন, প্লাসতিক পার্তশিং শানবা সেক্সন, কার্পেন্তরী সেক্সন, ফিত্তিং সেক্সন  য়াওবা মপুং ফানা মথৌ তৌবা মেকানিকেল ইঞ্জিনীয়রিং ৱার্কশোপ লৈরি। ২০১১-১২গী মনুংদা প্রোফেসর নীলেশ কুমার জেন্না সেন্ত্রেল ৱার্কশোপ অপুনবগী ওইবা প্লানিং তৌখি অমসুং থবক লৌখৎখি। সেন্ত্রেল ৱার্কশোপ অসিদা লৈরিবা তোঙান তোঙানবা মেছিনশিং অসি তোঙান তোঙানবা একাদেমিক প্রোগ্রামশিংগী মহৈরোয়শিংনা শীজিন্নদুনা মখোয়গী এপ্পেরেতস, সেৎ-অপ, ইক্বিপমেন্ত অসিনচিংবা মেন্যুফেকচর অমসুং/নত্ত্রগা ফেব্রিকেৎ তৌরি। মসি শীজিন্নদুনা তোঙান তোঙানবা এসেসরীশিং, ইক্বিপমেন্ত মদুদি য়ু.ভি.দা বেজ তৌবা দিসইনফেক্সন, পেদেল ওপরেতেদ সেনিতাইজর দিস্পেন্সর, দস্তবিনশিং, কী চেনশিং অসিনচিংবা ফেব্রিকেৎ তৌখি।

৪. অভিনন্দন ভাবন

মসি পাক চাউবা স্ক্যের মিতর ৭,৩৪৭ ওইবা মথোল তরাগী বিল্দিংনি লোয়ননা শাবদা চংবা শেনফমনা লুপা করোর ৪৬.৯৬নি। মসি আই.আই.তি. ইন্দোরদা খ্বাইদগী ৱাংবা বিল্দিং ওইরি। বিল্দিং অসিগী কনসল্তেন্ত অসি এম/এস পিথাভদিয়ন এন্দ পার্তনর্স, চেন্নাইনা ওইখি অমদি সেন্ত্রেল পব্লিক ৱার্কস দিপার্তমেন্তগী (সি.পি.দবল্যু.দি) খুত্থাংদা শাখি। বিল্দিং অসি এদমিনিস্ত্রেসনশিংগী তোঙান তোঙানবা সেক্সনশিংগী ওফিসশিং, তোঙান তোঙানবা দীনশিং, এসোসিএৎ দীনশিং, জোইন্ত/দিপুতী/এসিস্তেন্ত রেজিস্তারশিংগী ওফিসশিং, রেজিস্তারগী ওফিস, দিরেক্তরগী ওফিস ওইনা অমসুং ইন্সতিত্যুত অসিগী ফঙ্কসনরীশিংদা শীজিন্নগনি।

৫. তক্সশিলা লেকচর হোল কম্প্লেক্স

লেকচর হোল ক্লস্তর অসি পাক চাউবা স্ক্যের মিতর ১৯,৭০৬ ওইবা মথোল অহুমগী বিল্দিংন। বিল্দিং অসিগী কনস্তেন্ত অসি এম/এস একা কনসল্তেন্তস ইন্দিয়া প্রাইবেৎ লিমিতেদনা ওইখি অমসুং লুপা করোর ১২৫.৫৬কী শেনফমদা দিপোজিৎ বেসিস্তা সেন্ত্রেল পব্লিক ৱার্কস দিপার্তমেন্তগী (সি.পি.দবল্যু.দি) খুত্থাংদা শাখি।

*****