লৌউ-শিংউ অমসুং লৌমীগী য়াইফ থৌরাং মন্ত্রালয়গী মখাদা লৈবা এপেক্স ওতোনোমস দিবেলপমেন্ত ফাইনান্স ইন্সতিত্যুসন ওইরিবা নেস্নেল কোওপরেতিব দিবেলপমেন্ত কোর্পরেসন (এন.সি.দি.সি.)না শেম্বা লৈবাক অসিদা হেল্থক্যের ইনফ্রাস্ত্রকচর শেমগৎপদা কোওপরেতিবশিংনা মরু ওইবা থৌদাং লৌবদা মতেং পাংনবা তোপ-তোপ্পা স্কীম অমা ওইরিবা অয়ুশমান সহকার অসি ঙসি লৌউ-শিংউগী কেন্দ্রগী রাজ্য মন্ত্রী শ্রী পর্শোত্তম রুপালানা হৌদোকখ্রে।

এন.সি.দি.সি.না লাক্কদৌরিবা চহিশিং অসিদা কোওপরেতিব ওইরকপা য়াবশিংদা লুপা করোর ১০,০০০গী শেনফম অসিদগী তর্ম লোনশিং ফংহনগনি হায়না শ্রী রুপালানা লাউথোকখি। মহাক্না হায়খি হৌজিক শন্দোরক্লিবা লায়চৎ অসিনা অহেনবা ফেসিলিতীশিং শেমগৎপগী মথৌ তারিবা অসিদা মীৎয়েং চংহল্লি। এন.সি.দি.সি. স্কীম অসিনা কেন্দ্র সরকারনা লৌমীগী য়াইফ থৌরাংগী থবক থৌরমশিং লৌখৎপা হেনগৎহন্নবা খোঙথাং অমা ওইরগনি। শ্রী রুপালানা হায়খি আয়ুশমান সহকার স্কীম অসিনা খুঙ্গংগী মফমশিংদা ফংলিবা হেল্থক্যেরগী মওং অসিদা অওনবা পুরক্লগনি। মহাক্না হৌজিক লৈরিবা কোওপরেতিবশিংনা হেল্থক্যের সর্ভিসশিং অসি লৌমীশিংগী থবক থৌরম অমা ওইনা লৌখৎনবা ফোঙদোকখি।

শ্রী সন্দীপ নায়ক, এম.দি., এন.সি.দি.সি.না মখা তারদুনা হায়খি লৈবাক অসিদা কোওপরেতিবশিংনা চল্লাইবা হোস্পিতাল ৫২রোম লৈ। মখোয়গী অপুনবা বেদকী মশিং অসি ৫,০০০দগী হেল্লি। এন.সি.দি.সি.গী ফন্দ অসিনা কোওপরেতিবশিংগী হেল্থক্যেরগী প্রোবিজন্দা হেনগৎহল্লগনি।

এন.সি.দি.সি.গী স্কীম অসি নেস্নেল হেল্থ পোলিসী, ২০১৭না মীৎয়েং থম্লিবা অদুগা মান্নবগা লোয়ননা হকশেলগী ওইবা সিস্তেমশিংগী লম পুম্নমক কোনশিল্লি – হকশেলগী লমদা শেল থাদবা, হেল্থক্যের সর্ভিসশিংগী ওর্গনাইজেসন, তেক্নোলোজীশিং শীজিন্নবা, হ্যুমেন রিসোর্সশিং শেমগৎপা, মেদিকেল প্লুরেলিজম শৌগৎপা, লৌমীশিংদা শেল চংদনা হেল্থ ক্যের ফংহনবা অসিনচিংবা। মখোয়গী ওইবা কমপ্রিহেনসিব এপ্রোচ - হোস্পিতালশিং, হেল্থক্যের, মেদিকেল এজুকেসন, নর্সিং এজুকেসন, পেরামেদিকেল এজুকেসন, হেল্থ ইনসুরেন্স লৈজৈ অমসুং আয়ুশ, আয়ুশমান সহকার স্কীম ফন্দ অসিগুম্বা হোলিস্তিক হেল্থ সিস্তেমশিংনা কোওপরেতিব হোস্পিতালশিংনা মেদিকেল/ আয়ুশ এজুকেসনগী থবক পাইখৎপদসু মতেং পাংগনি।

ইকাই খুম্নরবা প্রধান মন্ত্রীনা অগস্ত ১৫, ২০২০দা হৌদোকখিবা নেস্নেল দিজিতেল হেল্থ মিসনগা লোয়ননা এন.সি.দি.সি.গী আয়ুশমান সহকারনা খুঙ্গংগী মফমশিংদা অওনবা পুরক্কনি। খুঙ্গংগী মফমশিংদা মখোয় লৈবনা কোওপরেতিবশিংনা স্কীম অসি শীজিন্নদুনা হেল্থ ক্যের সর্ভিসকী অপুনবদা অওনবা পুরক্লগনি।

চান্নবা প্রোবিসনগা লোয়ননা কোওপরেতিব সোসাইতী অমা হেক্তনা মখোয়গী বাইলোশিংদা য়াওবা চান্নবা প্রোবিসনগা লোয়ননা হেল্থক্যেরগা মরী লৈনবা থবক থৌরমশিং পাইখৎলিবনা এন.সি.দি.সি. ফন্দ ফংবা য়াগনি।এন.সি.দি.দি.গী তেংবাং অসি রাজ্য সরকারশিং/ য়ু.তি. এদমিনিস্ত্রেসনশিংগী খুত্থাংদা নত্ত্রগা ইলিজিবল ওইবা কোওপরেতিবশিংনা হকথেংননা ফংগনি। অতোপ্পা সোর্সশিংদগী লাকপা সবসিদী/শেন্থংগা পুনশিন্নবা য়াগনি।

আয়ুশমান সহকারনা মরু ওইনা মখাদা পীরিবা অসি য়াওরগা হোস্পিতাল অমসুং হেল্থক্যের অমসুং এজুকেসন ইনফ্রাস্ত্রকচর লিংখৎপা, মতমগা চান্ননবা ওন্থোকপা, চাউথোকপা, শেমজিনবা, নৌনা শেমদোকপা কোনশিল্লি::

১.

1. 1. 1. য়ু.জি. অমসুং/নত্ত্রগা পি.জি. প্রোগ্রামশিং তম্নবা হোস্পিতাল অমসুং/ নত্ত্রগা মেদিকেল/অয়ুশ/দেন্তেল/নর্সিং/ফার্মাসী/পেরামেদিকেল/ফিজিওথেরাপী কোলেজশিং,
      2. য়োগ ৱেলনেস সেন্তর,
      3. অয়ুর্বেদ, এলোপেথী, য়ুনানি, সিদ্ধা, হোমিওপেথী অমসুং অতোপ্পা ত্রেদিস্নেল মেদিসিন হেল্থক্যের সেন্তরশিং,
      4. অহল ওইরবশিংগী হেল্থ ক্যের সর্ভিসশিং,
      5. পেলিএতিব ক্যের সর্ভিসশিং,
      6. মী মান্নদ্রবা মীওইশিংগী হেল্থ ক্যের সর্ভিসশিং, 
      7. মেন্তল হেল্থক্যের সর্ভিসশিং,
      8. ইমর্জেন্সী মেদিকেল সর্ভিসশিং/ ত্রোমা সেন্তর,
      9. ফিজিওথেরাপী সেন্তর,
      10. মোবাইল ক্লিনিক সর্ভিসশিং,
      11. হেল্থ ক্লব অমসুং জীম,
      12. আয়ুশ ফার্মাকোতিকেল মেন্যুফেকচরিং,
      13. দ্রগ তেস্তিং লেবোরেতরী,
      14. দেন্তেল ক্যের সেন্তর,
      15. ওফথালমিক ক্যের সেন্তর,
      16. লেবোরেতরী সর্ভিসশিং,
      17. দাইগ্নোস্তিক্স সর্ভিসশিং,
      18. ব্লদ বেঙ্ক/ ত্রান্সফ্যুজন সর্ভিসশিং,
      19. পঞ্চকর্ম/ থোক্কনম/ ক্ষার সুত্র থেরাপী সেন্তর,
      20. য়ুনানি (ইলাজ বিল তদবীর) সেন্তরগী রেজিমেন্তল থেরাপী, 
      21. মেতর্নেল হেল্থ অমসুং চাইল্দক্যের সর্ভিসশিং,
      22. রিপ্রদক্তিব অমসুং চাইল্দ হেল্থ সর্ভিসশিং,
      23. এন.সি.দি.সি.না মতেং পাংনবা মতিক চাই হায়না লৌবা য়াবা অতোপ্পা মরী লৈনবা সেন্তর নত্ত্রগা সর্ভিসশিং,
      24. তেলিমিদিসিন অমসুং রিমোৎ এসিস্তেদ মেদিকেল প্রোসিদ্যুরশিং,
      25. লোজিস্তিক হেল্থ, হেল্থক্যের অমসুং এজুকেসন,
      26. দিজিতেল হেল্থকা মরী লৈনবা ইনফোর্মেসন অমসুং কম্ম্যুনিকেসন তেক্নোলোজী,
      27. ইন্সুরেন্স রিগুলেতরী এন্দ দিবেলপমেন্ত ওথোরিতী (আই.আর.দি.এ.)না পীবা হেল্থ ইন্সুরেন্স।

স্কীম অসিনা চলাইবদা মথৌ তাবশিং অদু ফংহন্নবা ৱার্কিং কেপিতেল অমসুং মার্জিন মনীসু পীরি। স্কীম অসিনা নু্পীনা নম্না য়াওবা কোওপরেতিবশিংদা চাদা অমগী শেন্দোইগী চাং হন্থনা পীরি।

এন.সি.দি.সি. অসি কোওপরেতিবশিং প্রমোৎ অমসুং দিবেলপ তৌনবা ১৯৬৩দা পার্লিয়ামেন্তকী এক্ত অমগী মখাদা লিংখৎখিবনি। ১৯৬৩দগী হৌজিক ফাওবদা কোওপরেতিবশিংদা লোনশিং ওইনা লুপা করোর লাখ ১.৬০ পীথখ্রে।

অকুপ্পা মরোলগীদমক মসিদা নম্বীয়ু

********