এ.আই. অমসুং এম.এল. এনালাইতিক্স অসি মন্ত্রালয়গী চেম্পিয়ন্স পোর্তেলগী মখাদা পীরিবা লিঙ্কতা “এ.আই. কোর্নর”দা য়েংবিবা য়াগনি https://champions.gov.in/msme_grievances/news_opinion/analytics.htm

এম.এস.এম.ই. মন্ত্রালয়না অচৌবা মাইক্রো, স্মোল অমসুং মেদিয়ম ইন্তর্প্রাইজেজগী খুদোংচাদবশিং অসি তেংবাং পীনবা অমদি পাম্বৈশিং ফংহন্নবা আর্তিফিসিএল ইন্তলিজেন্স(এ.আই.) অমসুং মেছিন লর্নিং(এম.এল.)গী খ্বাইদগী নৌবা তুলশিং মথৌ পাংথোকপা হৌহনখ্রে। মন্ত্রালয় অসিনা প্রধান মন্ত্রীনা জুন ১, ২০২০দা হৌদোকখিবা মহাক্কী মপাঙ্গল লৈরবা সিঙ্গল সিস্তেম ৱিন্দো ‘চেম্পিয়ন’দা এ.আই. অমদি এম.এল. অসি মথৌ পাংথোকহনখ্রে। মসিগী মল্তী মোদেল সিস্তেম অসিগী লৈবাক অসিগী মফম ৬৯মুক্তা লৈবা ভর্চুএল ওইবা থাক্তা অমদি তেক্নোলোজী হাপ্লবা ফিজিকেল কন্ত্রোল রুমশিংদা পোর্তেল অমা লৈ। য়াম্না তেনবা মতমগী মনুংদা এম.এস.এম.ই.শিংগী ওইবা মমাং থানা লৈরিবা প্লেৎফোর্মশিংগী মনুংদা অমা ওইরকখ্রে। এম.এস.এম.ই. মন্ত্রালয়না কোবিদ-১৯ অসি শিংনবা অমা ওইনা লৌরে অমদি তুংলমচৎকী ওইবা থবক পাংথোক্নবশিংগা লোয়ননা খুদোংচাবা অমা ওইনা লৌরে।
লুরবা তানফম অসিদা মন্ত্রালয় অসিনা থৱায় য়াওনা এম.এস.এম.ই.বু  শৌগৎপদা নত্তনা মসিগী অরুবা থৌদোক অসি খুদোংচাবা অমদা ওন্থোক্নবা হোৎনরি অদুগা তশেংনমক অথিং-অপনশিং অসি লোইশিলহন্দুনা অমদি মাগী পেরাদাইম অদু ওন্থোক্তুনা চেম্পিয়ন ওইহন্নবা হোৎনরি। 

এম.এস.এম.ই.মন্ত্রালয়না মখা তানা হায়খি মদুদি মহাক অসি লৈবাক অমদি এম.এস.এম.ই. অসি ইন্দস্ত্রীগী মায়কৈরোমদা ওনশিন্নবগী মায়কৈরোমদা ওনশিলহন্নবা মপুং ওইনা লেপ্তনা হোৎনরি। মসিনা শুপ্নতগী ইন্দস্ত্রী ৪.০গী মওংদা ক্লাসিফাইদ তেক্নোলোজীশিং অসি লৌশিনবদা নত্তনা   এম.এস.এম.ই. অসি মসিবু লৌশিন্নবা পুক্নিং থৌগৎলি। মসিনা এম.এস.এম.ই. অসি সেন্সর, মোতোরশিং, কম্প্যুতর দিস্প্লে অমসুং অতৈ এনিমেসন তেক্নোলোজীশিংগুম্বা মরুওইবা অমদি থবক পাংথোকপা ঙন্বা প্রদক্তশিং শাবদা মতেংসু পীরি। মসিগী মথং-মনাওসিদা হান্না ৱাশকখিবা অদুগুম্না মন্ত্রালয়না মাগী চেম্পিয়ন্স পোর্তেলদা আর্তিফিসিএল ইন্তলিজেন্স(এ.আই.) অমসুং মেছিন লর্নিং(এম.এল.) অসি মথৌ পাংথোকহনখ্রে। মসিগী থবক অসিদা তেক্নোলোজী কম্পনী, ইন্তেল অসি মহাক্কী খোংবুরোইনি। হৌখিবা থা মঙাসিদা ইন্তেলনা এ.আই. অমসুং এম.এল.গী তুল খরা মথৌ পাংথোকহনবদা   মন্ত্রালয়বু লমজিং-লমতাকপিখিবা অসিনা ঙসি শিজিন্ননবা শেম-শাবা লৌইখ্রে।  মন্ত্রালয়না মসিসু হায়খি মদুদি ইন্তেল অমসুং মহাক্কী তেক্নোলোজী পীথোক-পীশিন তৌবনা মন্ত্রালয়গী চেম্পিয়ন্স পোর্তেলদা এ.আই. অমসুং এম.এল.গী দোমেন পুম্বা মমল তিংদনা মথৌ পাংথোকহনখ্রে।

 এম.এস.এম.ই.কী মন্ত্রী, নিতিন গদকরীনা ঙসি ইন্তেলদগী হৌদোকখিবা এ.আই. সবমিত্তা মসিগা মরি লৈননা মন্ত্রালয়না পাংথোকখিবা থবকশিং অসি পাকথোক-চাউথোকহনখ্রে। মহাক্না ইন্তেল অমসুং মাগী কোংবুরোইগী ‘ইন্দিয়া প্রো-বোনো’গীদমক্তা মসিগী সর্ভিস অসি ফংহন্নবগীদমক্তা থোইদোক্না তৌবিমল খংবা উৎখ্রে। মহাক্না মসিমসু হায়খি মদুদি এন.আই.সি.গী মতেংদগী অমদি  ইন্তেলগী প্রমনেন্ত তীমগী লমজিং-লমতাক্না  মন্ত্রালয় অসিদা ইনহাউসতগী ওইনা অদুম্মক মপুং ওইবা ৱাখল্লোন, স্কোপ এনালাইসিস অমদি দিজাইন শেম্বা ঙমখি। মহাক্না থম্মোইনুংদগী মসিগী তীমশিং অসিবু থাগৎপা ফোংদোকখি।

আর্তিফিসিএল ইন্তলিজেন্সগী মতাংদা-

•এ.আই. মেছিনশিং অসি মীওইবগুম ৱাখল খনবা ঙম্বা, থবক তৌবা অমদি তম্বা ঙম্নবগী ৱাখল্লোন অমনি। •মসিদা মেছিনশিং অসি তম্নবা, চুশিন্ননবা অমদি থবক পাংথোকপা ঙম্নবগী কেপাসিতী লৈরিবা অসি  “রুল বেজ (এম.আই.এস.) ওতোমেসন”না তৌবা ঙমদে।

ঙসি মথৌ পাংথোকহনখিবা অদু মসিগী তাঙ্কক অসিদনি:

1. এ.আই.না এম.এস.এম.ই.মন্ত্রালয় অসি এম.এস.এম.ই.গা মরি লৈনবা থৌশিল-থৌরাংগী থবক অসি চত্থনবগীদমক্তা ফেসবুক, ত্বিতর, ইন্সতাগ্রাম, ব্লোগ, ফোরম  অমসুং ওনলাইনগী ই-পাওশিংদগী ঐখোয়গীদা মপুং ফানা লৈরমদবা সোসিএল মেদিয়াগী ইনসাইতশিং অসি ফংহনবা হৌখি।
2. মন্ত্রালয়না হায়খি মদুদি হৌজিক ঐখোয় ৱাকৎশিং অসি রিদ্রেসেল তৌনবগীদমক্তা ঐখোয়গী চেম্পিয়ন্স পোর্তেলগী থোংদগী লাকপা ৱাকৎশিং অমসুং  দেতাশিংগ মখা পোল্লম্মি। অদুবু হৌজিক ঐখোয়না মপুং ওইনা এম.এস.এম.ই.গী সেক্তরগী ঈহুল অসি খংবা ঙম্লে, স্তেকহোল্দরশিংনা ঐখোয়গী পোর্তেলদা চংদনফাওবা।
3. মন্ত্রালয়গী ওফিসিএলশিংদা হায়বদা হৌজিক রিএল-তাইমদা এম.এস.এম.ই.গী সেক্তরগা মরি লৈনরিবা নত্রগা মসিগী মখা পোল্লিবা মীওইশিংগী অনিংবশিং অসি খংবা ঙম্লগনি।
4.  মসিদা নত্তনা এ.আই.গী তুলশিংনা খংবদা লায়হনবা দেতা-দ্রাইভন ইনসাইতশিং অসি ফংহল্লি।  মসিনা কয়ারক হন্না ইনফোর্মেসন মেনেজমেন্ত সিস্তেম(এম.আই.এস.)কী ত্রেদিস্নেল তুলশিংদা ফংদবা দেতা অসি স্লাইস অমসুং দাইস তৌবা ঙমগনি।
5. মসিনা ঐখোয়গী অখং-অহৈশিংসিগীদা নত্তনা চুম্নগী স্তাফশিংদসু লাইনা থবক পাংথোক্নবা পোইন্তশিং অদু থীবা ঙমহল্লি।
6. ওফিসিএল অমগী মতুং ইন্না দেতা এনালাইতিক্স অসি সেন্ত্রেল (হব লেভেল)গী তীমশিংগা লোয়ননা রিএল-তাইম লাইব দেতা লিঙ্ককী মওংদা লাইনা পীথোক-পীশিন তৌবা য়াই অমদি ভারত পুম্বদা শন্দোক্না লৈরিবা চেম্পিয়ন্স কন্ত্রোল রুমগা ৱারী শান্নবা য়াই।
7. মন্ত্রালয়না খনবদা হৌজিক্কী মতুংদগী এনালাইসিসগীদমক্তা দেতা শেম্বগী অৱাবা থবক অদু এ.আই.না তৌরগনি ; মতৌ অসিগুম্না হ্যুমেন রিসোর্সশিংদা মীশিংদগী হেন্না প্রদক্তিব ওইবা থবকশিংদা হাপচিন্নবগীদমক্তা মসিগী থবক অসিদগী নান্থোকপা ঙম্লগনি।

মন্ত্রালয়না ফোংদোকখি মদুদি মসিগী ৱাখল্লোনশিং অমসুং ওইরকপা য়াবা থবকশিং অসিগা লোয়ননা হৌজিক-হৌজিক  মসি হৌদোকখ্রে:

•ইনসাইত অসি ফংনবগীদমক্তা এ.আই. অমসুং এনালাইতিক্স তেক্নোলোজীগা কোন্ননা মশাগী চেম্পিয়ন্স পোর্তেল অসি থবক পাংথোকপা ঙম্বা অমসুং থবক্তা কান্নহনবা;

•মসিনা পাক-চাউবা মওংদা ফংলিবা সোসিএল মেদিয়া অমদি ওনলাইন দেতাদা য়ুম্ফমদা ইনফোর্মেসন ইন্তলিজেন্স অমসুং সেন্তিমেন্ত এনালাইসিস তৌবা য়াওরিবা মখোয়দা রিএল-তাইমগী ৱাফমশিং অদু খংবদা মতেং পীগনি।

ওফিসিএল অমগী মতুং ইন্না মসিগী ইনপুৎ অমসুং ইন্তর্ভেন্সন অসিনা ঐখোয়গী ইনফোর্মেসন রিসোর্সশিং অসি হেনগৎহনগনি অদুগা ঐখোয়গী হ্যুমেন রিসোর্সশিং অসি মনিং তমহল্লগনি।

 এম.এস.এম.ই.মন্ত্রালয়না মসিমসু হায়রি মদুদি হৌজিক মথংগী তাঙ্কক অসি মরি লৈনবা মওংদা হেন্না  লাইরে, মসিগীদমক্তা তোঙান-তোঙানবা ত্রাইএলশিং চত্থরি। অনিশুবা তাঙ্কক্তা রিএল-তাইমগী ৱাকৎশিং অসি রিদ্রেসেল তৌবা অমদি য়েংশিন্নবা তাক্লক্কনি। মসিদা য়াওরিবশিং অসিদি:

•পোর্তেল শিজিন্নরিবশিংগী ক্বেরীশিংগী থবক পাংথোক্লিবশিং হেন্না য়াংশিলহন্নবা এ.আই.গী থবক পাংথোকপা ঙম্বা চেতবোৎশিংগী থোংদগী কন্ত্রোল রুমশিং অমদি ওফিসরশিংগী প্রফোর্মেন্স অসি হেনগৎহন্নবা;

•চেম্পিয়ন্স পোর্তেলগী থোংদগী নিংথিনা রিজোলুসন তৌবা অমদি য়াম্লবদগী য়াম্লবা স্তেকহোল্দরশিংনা পেন্নবগীদমক্তা সিঙ্গল ৱিন্দো সিস্তেম অমদি ৱাকৎশিং অসি রিদ্রেসেল তৌনবা সিস্তেম অসি মপুং ফানা থবক তৌবগী খোংজেল অসিদা রিএল-তাইম অমসুং মরিক চুম্বা এনালাইতিক্স ফংহনবা।

******