চহিগী ওইনা ইন্দিয়ন নেভী (আই.এন.) – শ্রী লঙ্কা নেভী (এস.এল.এন.)গী মরক্তা পাঙথোকমিন্নবা মেরিতাইম এক্সর্সাইস স্লিনেক্স-২০গী নিপানশুবা ইদিসন অসি শ্রী লঙ্কাগী ত্রিঙ্কোমালীদগী লাপথোক্না লৈবা সমুদ্রদা ওক্তোবর  ১৯-২১, ২০২০দা পাঙথোক্লগনি। শ্রী লঙ্কা নেভীগী ওইনা রিয়ার এদ্মিরেল বন্দারা জয়াতিলক, শ্রী লঙ্কা নেভীগী ফ্লেগ ওফিসর কম্মান্দিং নেভেল ফ্লীৎনা লুচিংদুনা এস.এল.এস. জহাজ সায়ুরা (ওফশোর পেত্রোল ভেসেল) অমসুং গজাবাহু (ত্রেনিংগী জহাজ) না শরুক য়াগনি। ইন্দিয়ন নেভীগী ওইনা লমদম অসিদা শাজবা এ.এস.দবল্যু. কোর্ভেৎ কমোর্তা অমসুং কিলতননা ফ্লেগ ওফিসর কম্মান্দিং ইস্তর্ন ফ্লীৎ রিয়ার এদ্মিরেল সঞ্জয় বৎসয়ানগী লুচিং মখাদা শরুক য়াগনি। মসিগী মথক্তা ইন্দিয়ন নেভীগী আই.এন. জহাজকী মথক্তা লৈরিবা এদ্ভান্সদ লাইৎ হেলিকোপ্তর (এ.এল.ঐচ.) অমসুং চেতক হেলিকোপ্তর অমসুং দোর্নিয়র মেরিতাইম পেত্রোল এয়রক্রাফৎসু শরুক য়াগনি। মমাংগী স্লিনেক্সকী ইদিসন অসি সেপ্তেম্বর ২০১৯দা ভিশাখাপত্নমগী সমুদ্রদা পাঙথোকখি।

স্লিনেক্স-২০না নেভী অস্নি অসিগী মরক্তা থবক তৌমিন্নবা, অমগা-অমগা ভাব তানবা হেনগৎহনবা অমসুং শক্লোন য়াম্বা মেরিতাইম ওপরেসনশিংগী খ্বাইদগী ফবা থবক-থৌরম অমসুং থৌওংশিং লান্নবগী পান্দম থম্লি। মসিগী অহেনবা ওইনা এক্সর্সাইস অসিনা ঐখোয়গী লমদমদা শাজবা নেভেল জহাজ অমসুং এয়রক্রাফৎকী তৌবা ঙম্বশিংসু উৎকনি। কংফাল অমসুং এন্তি-এয়রগী এক্সর্সাইসকী মনুং চন্না খুৎলায় কাপ্পা, সীমেনশিপ ইভোল্যুসন, মেন্যুভর অমসুং ক্রোস দেক ফ্লাইয়িং ওপরেসনশিং অসি এক্সর্সাইস অসিগী মনুংদা পাঙথোক্নবা থৌরাং তৌরি অমসুং মসিনা মরী ফজনা লৈরিবা নেভী অনি অসিগী মরক্তা হান্নদগী লৈরক্লবা অৱাংবা থাক্তা লৈবা থবক তৌমিন্নবগী ফিভমশিং অসি অমুক্কা হেন্না হেনগৎহনগনি।

স্লিনেক্স এক্সর্সাইসকী পরিং অসিনা মেরিতাইমগী হীরমশিংদা তেংবাংনবগী মরী হেন্না কনখৎহনখ্রবা ভারত অমসুং শ্রী লঙ্কাগী মরক্তা লৈনরিবা অচেৎপা মরী অসিগী খুদম অমনি। হৌখিবা চহি খরা অসিদা ভারতকী ‘য়ুম্লোন্নবনা হান্না’গী পোলিসী অমসুং প্রধান মন্ত্রীগী ‘সেক্যুরিতী অমসুং গ্রোথ ফোর ওল ইন দি রীজন (এস.এ.জি.এ.আর.)’গী মঙলান অসিগী মতুং ইন্দুনা  এস.এল.এন. অমসুং আই.এন.গী মরক্তা পাউ-ফাওনবগী চাং য়াম্না হেনগৎলক্লি।

স্লিনেক্স এক্সর্সাইসকী মনুংদা শেমগৎখিবা পুন্না চৎমিন্নবগী থৌওং অসিনা সেপ্তেম্বর ২০২০দা এস.এল.এন.-আই.এন. পুন্না পাঙথোকমিন্নখিবা শ্রী লঙ্কাগী নোংপোক থংবা সমুদ্র তোর্বান মনাক্তা থোকখিবা অচৌবা ক্রুদ কেরিয়র (ভি.এল.সি.সি.), এম.তি. ন্যু দাইমন্দ মৈ চাকখিবগী থৌদোক অদুদা মপুং ওইনা তেংবাংবা ঙমখ্রিবনি।

কোবিদ-১৯গী লায়চৎ লৈবনা এক্সর্সাই অসি শোক্ন-শম্নদবা মওংদা ‘মসুদ্রদা খক্তা’ হায়বা থৌওংগী মখাদা পাঙথোক্কনি।

*****