হোংলক্লিবা ইকোলোজীগী ফিবম অসিনা 'তুং কোইনা চৎপা ম্যুনিসিপাল সোলিদ ৱেস্ত প্রোসেসিং' তৌনবগী মতাংদা অখন্নবা মীৎয়েং অমা চঙবগী তঙাইফদবা লাক্লি। মসি ফত্ত-হাউথীবু কান্নবা পোৎশক অমা ওইনা ওন্থোক্নবগীদমক তঙাইফদবা পোৎচাক অমা ওইবতা নত্তনা হেন্না লু নানবা ইনভাইরোন্মেন্ত অমা ওইনবা অমসুং লৈহাও, নুংশিৎ অমসুং ঈশিং মোৎশিনবা থিংনবসু ওইরি।

হীরম অসিগী মতাংদা অহেনবা ৱাফম ফোংদোক্লদুনা, প্রোফেসর (দা.) হরিশ হিরানি, দিরেক্তর, সি.এস.আই.আর.-সি.এম.ই.আর.আই., দুর্গাপুরনা মসিগী ফেসবুক পেজদা থাংজ নুমিত্তা লাইব স্ত্রিমিং তৌখিবা 'কৃশিজগ্রন' থৌরমগী মরুওইবা ৱাফম ফোংদোকপা মতমদান হীরম অসিগী মতাংদা কুপ্না নৈনদুনা ঙাংখি। মহাক্না ৱেস্ত প্রোসেসিং তেক্নিকশিংগী মমাংদগী চত্থদুনা লাকপা মওংশিং পুথোকখি অমসুং হৌজিক্কী ওইরক্লিবা ফিবম অসিনা অখন্নবা শেমদোক্লবা মওং অমদা ম্যুনিসিপাল সোলিদ ৱেস্তশিং প্রোসেস তৌবগী তঙাইফদবা লাক্লিবসিগী মতাংদা পনখি।

প্রোফেসর হিরানিনা হায়খি মদুদি "ফত্ত-হাউথীশিংবু কান্নবা ফংদবা মওংদা প্রোসেস তৌবনা লেন্দফিলশিং অসি পেথোজেন, বেক্তরিয়া অমসুং ভাইরসশিংগী তুংশিনফম ওইরকপনা লায়না কয়া পোক্লকপগী মরুওইবা মরম অমা ওইরি। মসিগী নাকন্দনা মখোয় অসি কম্পোস্তিংগী থৌওং চত্থনবা চর্নিং মেকানিজমশিং পায়খৎপা মতমদা  মিথেন গ্যাসকী খাংজাউ অমা ওইরক্লি। কম্পোস্তিং তৌবনা ওন্ত্রপ্রিনরশিংদা মহৈ য়ানবা শেন্মিৎলোন পীবা ঙমদে। হৌজিক্কী মতমগী ফত্ত-হাউথীশিং অসিগী য়ানশিন্নবগী মওং অসিনা লৌউশিংউগী পোত্থোকশিংদা হেভী মেতলশিংবু তোখাই-তোখাই খাইদোক্তনা কম্পোস্ত শেম্বনা ইরাই লায়না য়ানশিনবা য়াহল্লি। সি.এস.আই.আর.-সি.এম.ই.আর.আই.না ম্যুনিসিপাল সোলিদ ৱেস্ত প্রোসেসিং ফেসিলিতী অমা পুথোকপসিনা সোলিদ ৱেস্তশিংবু দিসেন্ত্রেলাইজ দেসিমেসন ফংহন্নবা হোৎনবগী মথক্তা অকংবা উনা, অকংবা নাপীশিংদগী মরাং কায়না মমল লৈবা পোত্থোক কয়া পুথোকপা য়াহল্লি। সি.এস.আই.আর.-সি.এম.ই.আর.আই.গী মরুওইবা পান্দমদি এদভান্স সেগ্রেগেসন তেক্নিক শীজিন্নদুনা সেগ্রেগেসনগী থৌদাং লৌবগী পোৎলুম হন্থহনবনি। পায়খৎলিবা বাইও-দাইজেসনগী থৌওং অসি পোলুসনগী চাং নেম্না থোকহল্লি। এম.এস.দব্ল্যু.গী ফেসিলিতীদা মাস্ক, সেনিতরী নেপকিন, দাইপর অসিনচিংবশিং য়াওনা পায়খৎপা য়াবগী খুদোংচাবা পীরি। এম.এস.দব্ল্যু. ফেসিলিতী অসিদা কোবিদ চেনবু য়ু.ভী.-সি. লাইৎ অমসুং হোৎ এয়র কনভেন্সন মেথদ শীজিন্নদুনা অখন্নবা দিসইনফেক্তেন্ত কেপেবিলিতীশিংসু হাপ্লি। ঐখোয়না এম.এস.দব্ল্যু. ফেসিলিতীদা খ্বাইদগী ইনর্জী শীজিন্নদনা পায়খৎপা য়ানবা সোলার ইনর্জী তেক্নোলোজী হাপ্লে, মসিনা মিনি-গ্রিদ অমদা অহেনবা ইনর্জী সপ্লাই পীবা ঙম্মি।"

"সি.এস.আই.আর.-সি.এম.ই.আর.আই.না পুথোকপা দিসেন্ত্রেলাইজ ৱেস্ত মেনেজমেন্ত তেক্নোলোজী অসিনা পুথোক পুশিন্দা চঙবা শেলগী চাংসু কা হেন্না হন্থহল্লি অমসুং মসিনা ফোসিল ফ্যুল শীজিন্নবা হন্থহন্দুনা কার্বোন দাইওক্সাইদ থাদোকপা হন্থহল্লি। সান্তিফিক ওইনা য়েংবদা, দিসেন্ত্রেলাইজ ৱেস্ত প্রোসেসিং হবশিং অসিনা মফম কয়াদা য়ৌহনবা ঙম্মি অমসুং মসিনা লমদম অসিদা লৈরিবা মীয়ামদসু পুথোকপা ঙম্বগী শক্তি পীরি। সি.এস.আই.আর.-সি.এম.ই.আর.আই. এম.এস.দব্ল্যু. তেক্নোলোজীনা থবক্কী খুদোংচাবা পীবগী মথক্তা জিরো-লেন্দফিল অমসুং জিরো ৱেস্ত সিতী অমা ওইহনবগী পান্দম থম্লি। মসিগী তেক্নোলোজী অসিনা গ্রীন ইনর্জীদা তাংজবা ভারত অমা অমুক হন্না ওইহন্নবা হোৎনবদা মতেং পাংলগনি।"

ইন্সতিত্যুৎ অসিনা মফম চানা মাংহনবা য়ানবগীদমক ফত্তবশিংবু প্লাজমা স্তেৎ ওইবা মওং অমদা ওন্থোক্নবা সোলিদ ৱেস্ত দিস্পোজেলশিংবু প্লাজমা আর্ক শীজিন্ননবা পুথোক্লে। কার্বোন কন্তেন্ত চাং ৱাংনা য়াওবা অরেম্বশিং অসি লৌউশিংউদা ফর্তিলাইজর ওইনা শীজিন্নৈ অমসুং শীজিন্নবা য়াদ্রবশিংদুবুনা কন্সত্রক্সনগীদমক চেক শাবদা শীজিন্নৈ। অসুম্না, মসিনা সাইন্স শীজিন্নদুনা অরেম্বা ফত্তবশিংদগী লন ওন্থোকহল্লে। ২-১৩দগীনা ১৬ ফাওবদা লৈরম্বা তেক্নোলোজী অদু শেল চঙবগী চাং য়াম্না ৱাংলম্মি। মরম অসিনা সি.এস.আই.আর.-সি.এম.ই.আর.আই.না পীরিবা মমল কা হেন্না চঙদবা অতোপ্পা উপাই অসিনা মেকানাইজ সেগ্রেগেসন প্রোসেস্নি। হৌজিক লৈরিবা ৱিন্দ্রো কম্পোস্তিং প্রোসিজ্যুর অসিদা লম কা হেন্না চঙবা, দিসইনফেক্সন তৌনবগীদমক পেত্যুরাইজেসন চঙবা, লেবর চঙবা, অমসুং হেভী মেতলশিং চঙবনা শীজিন্নবদা নুংঙাইতবা খরা লৈ। নোংজুগী মতমদা, হায়রিবসি মথৌ তৌহন্নবা হোৎনবা মতমদা ঈশিং মনিল লৈবনা অরুবা ওই। মিসগী অতোপ্পা উপাই হায়বা তারবদি বাইও-মিথেনেসন প্লান্তনি। সি.এস.আই.আর.-সি.এম.ই.আর.আই.না নাপী অমসুং ৱীদতগী বাইওগ্যাস পুথোকপা অমসুং প্লান্ত প্রোসেস অসিগী স্লরীদগী ভর্মি কম্পোস্তিং তৌবগী অনৌবা তেক্নোলোজী অমা পুথোক্লে। উকুপ, মকুম তাহল্লবা উনা, বাইওগ্যাস স্লরী শীজিন্নদুনা চেক পুথোক্নবা হৌদকখ্রে। মৈখু চেন্দবা স্তোব অমসু হায়রিবা চেকশিং অসি শীজিন্ননবা পুথোকখ্রে। অসিগুম্বা স্তোবশিং অসিনা এল.পি.জি. পুশিল্লকপা হন্থহন্নবা অমসুং পোলুসন থোকহনবা হন্থহনবগী খুদোংচাবা পীরি।

জিরো লেন্দফিলগী পান্দম ফংনবা মায়কৈদা ওনশিল্লদুনা ইন্সতিত্যুৎ অসিনা খ্বাইদগী নৌনা শীজিন্নরিবা তেক্নোলোজীদি পাইরোলাইসিস প্রোসেসনি, মসিদা প্লাস্তিকপু গ্যাস অমসুং ফ্যুল ওইনা ওন্থোকপগী থবক পায়খৎলি। হায়রিবসি অকোইবদা অকায়বা পীদবা থৌওং অমনি অমসুং ওন্থোকপগী থবক অসি এনারোবিক চেম্বরদা পাঙথোকপনা মরম ওইদুনা অকায়বা পীদবা তোক্সিনগী চাং ফাওবদা পুথোকই। পাইরোলাইসিস তৌবদা শীজিন্নরিবা হেভী ওইল, গ্যাসশিং অসি ইরোমদোম লেপচবা ঙম্নবা হোৎনবদা মতেং পাংই। প্লাজমা গ্যাসিফিকেসনগী থৌওংগী থোংদা অকোইবদা অকায়বা পীদবা সোলিদ ৱেস্ত প্রোসেস তৌবগী থৌওং অসি তোক্সিক দাইওক্সিন অমসুং ফুরানশিং শেম্বা অমসুং নৌনা শেম্বগী থৌওং য়াওদনা পাঙথোকই। সি.এস.আই.আর.-সি.এম.ই.আর.আই.না পুথোক্লিবা দিসেন্ত্রেলাইজ সোলিদ ৱেস্ত মেনেজমেন্ত প্লান্ত অসিদা ফত্তবদা য়াওরিবা কন্তামিনেন্ত অমহেক্তবু মেনেজ তৌবগী শক্তি লৈ।

*****