ন্যুক্লিয়র ৱেপনশিংগী ইফেক্ত অদু উফুলনা হন্থহনবা ঙম্মী৷ মসি চহী অমা পোথরুরগা অমু্ক হন্না সাইন্স নৈনবদা য়াওরক্লিবা নুপী সাইন্তিস অমনা প্রমান তৌখ্রে৷

অসিগুম্বা ব্রেক অসি জেন্দর খেন্নবনা মরম ওইরগা তোঙান তোঙানবা মরমশিংনা থবক্তগী ইমুং মনুংনা হেন্না মরু ওই হায়না লৈরিবা ভারতকী নুপীশিংগী মনুংদা য়াম্না তোইনা থোকপা থৌদোক অমনি৷ দিপার্তমেন্ত ওফ সাইন্স অমসুং তেক্নোলোজী(দি.এস.তি.)গী ফেলোশিপ ৱুমেন সাইন্তিস স্কিম(দবল্যু.ও.এস.এ.)না থবক্তগী মতম খরা পোথরুরবা অদুবু  অমুক হন্না থবক অদুদা হল্লকপা পাম্বা নুপী সাইন্তিস অমসুং তেক্নোলোজিস্তশিংদা থবক অদুদা হল্লকপা য়ানবগী খুদোংচাবশিং পী৷

ন্যু দিল্লীগী নেতাজী সুভাস ইন্সতিত্যুত ওফ তেক্নোলোজীদগী দা. মীরা চধানা মতম খরা কেরিয়র গেপ লৈরুরবা মতুংদা মেনস্ত্রিম সাইন্স অসিদা অমুক হল্লকপা য়ানবা খক্তগী খুদোংচাবা অসি লৌখিবা নত্তে৷ মহাক্না উফুলগী পার্তিকলশিংনা ন্যক্লিয়র ৱেপনশিংগী শিবা য়াবা ইফেক্তশিং অদু হন্থহনবা ঙম্মী হায়বসি মেথমেতিকেল মোদেলিং শিংজিন্নদুনা ইহান হান্না উৎপা য়ানবা খুদোংচাবশিং লৌখিবনি৷

‘প্রোসিদিংস ওফ রোয়েল সোসাইতী এ, লন্দন’দা ফোংখিবা মহাক্কী মমাংগী স্তদী অদুনা উফুলগী পার্তিকলশিং অসি শিজিন্নদুনা য়াম্না শাথিবা মওং অমদা পোখাইবদগী(মরু ওইনা ন্যুক্লিয়র পোখাইবা) শোকহল্লকপা য়াবা রেদিয়স অমসুং থাদোরক্লিবা ইনর্জী অদু হন্থহনবা য়াই হায়না উৎলি৷ থৌওং অদুদা পোখাইবা অদুদগী থোকলক্লিবা ব্লাস্ত ৱেবশিং অদু মাংখিবগে হায়বদু মহাক্না উৎখ্রে৷

“ঐগী পি.ঐচ.দি.গী মতমদা, ঐনা সোক্ত ৱেবশিংগী মতাংদা নৈনখ্রে অমসুং উফুলগী পার্তিকলশিংনা মতৌ কমদৌনা মখোয়গী শাফু অদু হন্থহনবদা করম্বা থৌদাং লৌবগে হায়বদু নৈনখ্রে৷ মমাংগী লৈখিদ্রবা রাস্ত্রপতি দা. এব্দুল কলামদা হংখিবা ‘য়াম্না শাথিনা অশি-অনা থোকহল্লিবা এতোম বোম্ব অসি দিফ্যুস নত্রগা দিএক্তিভেৎ তৌবা ঙম্বা কুল বোম্ব অমা সাইন্সনা শেম্বা ঙমগদ্র?’ অসিগী মতাংদা 'সাইন্স তুৱার্দস স্পিরিচুয়েলিতী' হায়না মমিং থোনবা লাইরিক অমা ঐনা পাখ্রে, মসিনা ঐবু ৱাখল খনহল্লে,” হায়না মহাক্কী রিসর্চকী ৱাখল্লোন অদু দা. চধানা শন্দোক্না তাকখ্রে৷

মহাক্না মহাক্কী কেরিয়র ব্রেক অদু পোখাইরিবশিং অমসুং মখোয়দা উফুলগী পার্তিকলশিংনা করম্বা ওইথোকপা য়াবা শাফু পীবগে হায়বা অসিগী মতাংদা নৈনখি৷ মহাক্কী রিসর্চ অসি চৎথনবা অমসুং মহাক্কী মংলান অসি মংফাওন্নবা দবল্যু.ও.এস. স্কিম অসিনা মঙোন্দা মতম অমসুং রিসোর্স মরাং কাইনা ইক্যুইপমেন্ত অমসুং ফন্দশিং পীখি৷

[ফোংবগী লিঙ্ক: https://royalsocietypublishing.org/doi/10.1098/rspa.2020.0105

অকুপ্পা মরোলগীদমক, দা. মীরা চধা (meerachadha01[at]gmail[dot]com) পাউ লৌবা য়াগনি]

*****