প্রধানমন্ত্রীগী লোইশঙ
মৈসুর য়ুনিবর্সিতীগী সেন্তিনরী কনবোকেসন্দা পি.এম.না ৱা ঙাংগনি
Posted On:
17 OCT 2020 7:39PM by PIB Imphal
প্রধান মন্ত্রী শ্রী নরেন্দ্র মোদীনা ওক্তোর ১৯গী অয়ুক্কী পুং ১১.১৫দা মৈসুর য়ুনিবর্সিতীগী সেন্তিনরী কনবোকেসন ২০২০দা ভিদিও কনফরেন্সিংগী থোংদা ৱা ঙাংগনি। কর্নাতকাগী গবর্নরগা লোয়ননা য়ুনিবর্সিতী অসিগী অতোপ্পা দিগনেতরীশিংনা থৌরম অসিদা শরুক য়াগনি। সিন্দিকেৎ অমসুং একাদেমিক কাউন্সিলগী মেম্বরশিং, এম.পি.শিং, এম.এল.এ.শিং, এম.এল.সি.শিং, স্তেত্যুতরী ওফিসরশিং, দিস্ত্রিক্ত ওফিসরশিং, য়ুনিবর্সিতী অসিগী হান্নগী ভাইস চাঞ্চেলরশিং অমসুং মহৈরোয়শিং অমসুং মমা-মপাশিংনা কনবোকেসন অসি ওনলাইন্দা উবা ফংগনি।
য়ুনিবর্সিতীগী মরমদা
মৈসুর য়ুনিবর্সিতী অসি ১৯১৬গী জুলাই ২৭দা লিংখৎখি। মসি লৈবাক অসিগী তরুকশুবা য়ুনিবর্সিতীনি অমসুং কর্নাতকা রাজ্যগীনা অহানবনি। য়ুনিবর্সিতী অসিগী মোতোদি “নহি ঝানেন সদ্রিশম” হাববদি ‘লৌশিংগা মান্নবা অমত্তা লৈতে’ হায়বনি। য়ুনিবর্সিতী অসি মতম অদুগী নিংথৌ পানবা মৈসুর রাজ্যগী মিৎয়েং শানবা নিংথৌ হিজ হাইনেস শ্রী নালৱাদী কৃষ্ণরাজ ৱাদিয়ার অমসুং মতম অদুগী দিৱান সর এম.বি. বিস্বেস্বার্যনা লিংখৎলম্বনি।
*****
(Release ID: 1665602)
Visitor Counter : 164
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam