প্রধান মন্ত্রী শ্রী নরেন্দ্র মোদীনা ওক্তোবর ১৯গী নুমিতাং পুং ৭:৩০ তাবা মতমদা ভিদিও কনফরেন্সিংগী থোংদা গ্রান্দ চেলেঞ্জেসকী চহীগী মীফম ২০২০গী হৌদোকপগী থৌরমদা মরু ওইবা ৱারোল পীগনি

গ্রান্দ চেলেঞ্জেসকী চহীগী মীফম অসিনা হৌখিবা চহি ১৫ অসিদা হকশেল অমসুং চাউখৎ থৌরাংগী অচৌবা সমস্যাশিং কোকহন্নবা মালেমগী ওইবা অনৌবা ৱাখল্লোন পুথোক্লিবশিং চুংশিন্নরিবা অসিদা মীৎয়েং চংদুনা লাক্লি। “ইন্দিয়া ফোর দি ৱর্ল্দ” ফ্রেম তৌদুনা কোবিদ-১৯দা অহেনবা মীৎয়েং চংবগা লোয়ননা মালেমগী ওইবা হকশেলগী সমস্যাশিং অসি কোকহন্নবা সাইন্সকী লমদা চুংশিন্ননবা পোলিসী শেম্লিবশিং অমসুং সাইন্সকী লমদা লৈরিবা লুচিংবশিং অমত্তা ওইনা পুনশিন্ননবা গ্রান্দ চেলেঞ্জেসকী চহীগী মীফম ২০২০ অসি ওক্তোবর ১৯-২১ ফাওবা ভর্চ্যুএল ওইনা পাঙথোক্কনি। লায়চৎ মতুংদা মালেম অসিগী সস্তেনেবল দিবেলপমেন্ত গোলশিং খুমাং চাউশিন্নবা মরু ওইবা হিরমশিং অমসুং কোবিদ-১৯ লাকশিনবদা থেংনরিবা খুদোংচাদবশিং কোকহন্নবা মীৎয়েং চংনবা চহীগী মীফম অসিদা মালেমগী মফম কয়াদা লৈরিবা লুচিংবশিং, মমিং লৈরবা সাইন্তিস্তশিং অমসুং রিসর্চরশিং পুনশিন্নগনি। নুমিৎ হুমনি পাঙথোক্কদবা প্রোগ্রাম অসিদা লীদর্স তোক, পেনেল দিসক্সনশিং অমসুং লায়চৎ অসি লান্থেংনবদা সাইন্তিফিক্কী ওইবা খোঙথাংশিংদগী হৌরগা লায়চৎ লাকশিনবা অমসুং লায়চৎ অসি লান্থেংনবা ঙম্নবা মালেমগী ওইবা পাম্বৈশিং পুথোকপা অমসুং ইমপ্লিমেন্ত তৌবা হেনগৎহন্নবা অমসুং মথংদা ঙাকথোকপা ঙম্নবা হিরমশিংদা ভর্চ্যুএল ওইনা ৱারী ৱাতাই শাবা য়াওগনি। চাউরাক্না লৈবাক ৪০দগী মীওই ১৬০০না চহীগী মীফম অসিদা শরুক য়াগনি।

গ্রান্দ চেলেঞ্জেসকী চহীগী মীফম ২০২০ অসি বিল এন্দ মেলিন্দা গেৎস ফাউন্দেসন, ভারত সরকারগী সাইন্স অমসুং তেক্নোলোজী মন্ত্রালয়গী বাইতেক্নোলোজী বিভাগ, ইন্দিয়ন কাউন্সিল ওফ মেদিকেল রিসর্চ অমসুং নিতি আয়োগ লোয়ননা গ্রান্দ চেলেঞ্জ কেনেদা, য়ুনাইতেদ স্তেৎস এজেন্সী ফোর ইন্তরনেস্নেল অমসুং ৱেলকমগা পুন্না হোস্ত  তৌগনি।গ লোনিতি আওফ মেদিকেল রিসর্চ ্রালবদা  মরু ওইবা

সাইন্স অমসুং তেক্নোলোজী, আর্থ সাইন্সেস অমসুং হকশেল অমসুং য়াইফ-য়ুম্বালগী কেন্দ্রগী মন্ত্রী, দা. হর্শ বর্ধন্না থৌরম হৌদোকপগী ৱারোল পীগনি। বিল এন্দ মেলিন্দা গেৎস ফাউন্দেসনগী কো-চিয়র মিস্তর বিল গেৎনা প্লেনরী ফ্রেমিংগী মতাংদা ৱারোল পীগনি।

গ্রান্দ চেলেঞ্জ ইন্দিয়া অসি ভারত সরকারগী বাইতেক্নোলোজী বিভাগ অমসুং বিল এন্দ মেলিন্দা গেৎস ফাউন্দেসনগা খুৎশম্নদুনা ২০১২দা লিংখৎখিবনি, অমদি ৱেলকমসু মসিদা য়াওশিনখি। গ্রান্দ চেলেঞ্জ ইন্দিয়ানা লৌউ-শিংদগী হৌরগা মচি ওইবা চীঞ্জাক, লুনানবা, চাবোকপী অমসুং অঙাংগী হকশেল ফাওবা লমশিং অসিদা লৌনগনবা লাইনাশিংদগী ঙাকথোক্নবা হকশেল অমসুং চাউখৎ থৌরাংদা মীৎয়েং চংদুনা থবক তৌরি।

***