হকশেল অমসুং য়াইফ-য়ুম্বামগী কেন্দ্রগী মন্ত্রী দা. হর্শ বর্ধন্না ঙসি ‘ৱার্ল্দ ফুদ দে’গী থৌরমদা ময়াই তাংবল লৌখ্রে। হায়রিবা থৌরম অসি এফ.এস.এস.এ.আই.না শিনখিবনি। চহি অসিগী থিমদি গ্রো, নোরিশ, সস্তেন তুগেদর অসিনা ওইখি। হকশেল অমসুং য়াইফ-য়ুম্বামগী রাজ্যগী মন্ত্রী শ্রী অশ্বিনি কুমার চৌবেনে প্রোগ্রাম অসিদা ভিদিও কনফরেন্সকী খুত্থাংদা য়াওখি।

দা. হর্শ বর্ধন্না হায়খি লায়চৎ অসিনা মরম ওইরগা মালেমদা অমুক্তা থোকখিদ্রিবা অৱাবা মায়োক্নবা অসিনা চীঞ্জাক, মচি ওইবা চীঞ্জাক, হকশেল, ইম্ম্যুনিতী অমসুং সস্তেনেবিলিতীদা নৌহৌনা মীৎয়েং চংলি। মহাক্না হায়খি, “এফ.এস.এস.এ.আই.গী ইৎ রাইৎ ইন্দিয়া মুফমেন্ত অসিনা মহৌশাগী সস্তেনেবল ওইবা মওং অমদা মীপুম খুদিংমক অফবা অমসুং হকচাং ফবা চীঞ্জাক চানবা পান্দম থম্লি। প্রজা পুম্নমক্তা অফবা অমসুং মচি ওইবা চীঞ্জাক শোইদনা ফংহন্নবা হোৎনবা অদুগী শরুক অমনি। মসিনা ফুদ সেফতীগী ইকোসিস্তেমশিং ফগৎহনগনি অমসুং ঐখোয়গী প্রজাশিংগী লুনানবা অমসুং হকচাং ফগৎপা হেনগৎহনগনি।”

চহি অসিগী মরু ওইনা মীৎয়েং চংলিবা অসি ফুদ সপ্লাই চেন্দগী ত্রান্স ফেৎশিং লৌথোকপনি। পার্সিএলী হাইদ্রোজিনেতেদ বেজিতেবল ওইলশিং (পি.ঐচ.ভি.ও.শিং) (খুদম ওইনা বনস্পতি, শোর্তেনিং, মর্গারিন অসিনচিংবা), অহৌবা অমসুং অতাওবা চীঞ্জাকশিংদা য়াওরিবা ফুদ তোক্সিন অমা ওইরিবা ত্রান্স ফেৎ অসি ভারত্তা লৌনগন্দবা লাইনাশিং নাবা হেনগৎলক্লিবা অসিগী মরু ওইবা মরম অমা ওইরি।  দা. হর্শ বর্ধন্না ফোঙদোকখি, “ত্রান্স ফেৎ অসি কার্দিওবাস্কুলর দিজিজশিং (সি.ভি.দি.)গী হৌরকফম ওইরি। সি.দি.ভি. থোকহল্লিবা মরম অসি লৌথোকখিবা অসি মরু ওইনা কোবিদ-১৯গী মতম অসিগা চান্নৈ মরমদি সি.দি.ভি. লৈবা মীওইশিংদা শীবা ফাওবা য়ানা খুদোংথিবা থোকহনবা য়াই।” মহাক্না মীয়ামদা লৈবাক অসিগী ৭৫শুবা নীংখা তম্বাদা ন্যু ইন্দিয়া পুরক্নবা প্রধান মন্ত্রী শ্রী নরেন্দ্র মোদীগী ৱাখল্লোন অদুগা লোয়ননা সরকার অসিনা ভারতপু ২০২২ ফাওবদা, দবল্যু.ঐচ.ও.শিংনা থম্লিবা পান্দমদগী চহি অমা ঙনখৎনা, ত্রান্স ফেৎ ফ্রী ওইহন্নবা হোৎনরিবা অদু নীংশিংখি।

‘ইৎ রাইৎ ইন্দিয়া’ অমসুং ‘ফিৎ ইন্দিয়া মুফমেন্ত’গী অওনবা পুরকপা ঙম্বা মগুন অদু দা. হর্শ বর্ধন্না নৌহৌনা নীংশিংলদুনা হায়খি, “স্বচ ভারত অভিয়ান, জল জীবন মিসন অমসুং অতোপ্পা এনবাইর্মেন্তগী মন্ত্রালয়না হোৎনরিবশিং অসিগা লোয়ননা মুফমেন্ত অনি অসিনা ভারত মচাশিংগী হকচাং ফগৎহল্লগনি অমসুং মহৌশাবুসু ফগৎহনবা ঙম্লগনি।”

ইন্তর্নেৎকী তৌবা ঙম্বশিং অসিনা খুঙনীংবা-তমশিনবা পাম্বা প্রজাশিংনা লৈরিবা লৌশিং মপৈশিং অসিদগী খঙবা ঙহল্লিবা অসিদা মহাক্না অঙকপা পোকই হায়না ফোঙদোক্লদুনা মহাক্না এফ.এস.এস.এ.আই.না ওফিসিএলশিংদা তেক্নোলিজী শীজিন্নদুনা প্রজাশিংদা খঙহন-হৈহন্দুনা মখোয়না থৌদাং য়ানবা এৱের্নেস পীনবা অমসুং কঞ্জুমরদা তাকপী তম্বীনবা খঙহনখি।

মহাক্না স্কুলশিংগীদমক পোস্তর অমসুং ফোতোগ্রাফী কম্পিতিসন অমা ওইরিবা, ইৎ রাইৎ ক্রিএতিবিতী চেলেঞ্জ হৌদোকখি অমসুং অফবা মচি ওইবা চীঞ্জাক চান্নবা হৈনবীশিং থমহন্নবা পান্দম থম্লি। মহাক্না স্মার্ত সিতী মিসন অমসুং দি ফুদ ফাউন্দেসন, য়ু.কে.গা লোয়ননা খুৎশম্নদুনা এফ.এস.এস.এ.আই.না ‘ইৎ স্মার্ত সিতী’ (চেলেঞ্জ) হৌদোকখি, মসিনা ভারতকী স্মার্ত সিতীশিংদা অফবা চীঞ্জাক চান্নবা হৈনবীশিং লৈবা মফম অমা ওইহল্লগনি অমসুং অতোপ্পা সহরশিংগ মতৌ তমজনীংঙাই ওইবা খুদম অমা ওইরগনি।

থৌরম অসিদা দা. হর্শ বর্ধন্না লাইরিক/গাইদলাইন মশিং কয়া ফোঙখি:

•           দি ফুদ সেফতী এন্দ হাইজিন গাইদলাইন্স ফোর সেফ রিওপনিং ওফ স্কুল কেন্তীন/মেস- অসিনা স্তেকহোল্দর পুম্নমক্না ‘কোবিদ-১৯গী ন্যু নোর্মেল’দা ঙাক্না চৎকদবা অফবা খোঙথাংশিং তাক্লি। মসিদা ইশা অমসুং মহৌশা লুনান্না থম্নবা পাম্বৈশিং অমসুং লান্না থাজনবা কয়াগী মতাংদা মরিক চুম্না খঙহনবসু য়াওরি।

• ‘দো য়ু ইৎ রাইৎ?’ হায়বা লাইরিক অসিনা চান্নবা চীঞ্জাক অমসুং মচি ওইবা চীঞ্জাক্কী মতাংদা তেক্নিকেলগী ওইবা কনসেপ্তশিং অমসুং ইৎ রাইৎকী থৌরাং অসি মীচম প্রজাদা অরাইবা মওংদা হন্দোকপদা মতেং পাংলি।

• ইৎ রাইৎ কেম্পসকী ‘ওরেঞ্জ বুক’ অসিনা লৈবাক শিনবা থুংনা লৈরিবা থবক মফমশিং, কোলেজশিং, য়ুনিবর্সিতীশিং, ইন্সতিত্যুসনশিং, হোস্পিতালশিং অসিনচিংবদা লৈবা মীওইশিংগী মরক্তা হকচাং অমসুং মহৌশাদা অকায়বা পীদবা চীঞ্জাক ফংহন্নবা অমসুং এৱের্নেস পীনবা কেম্পস কেন্তীনশিংদা মথৌ তাবা ফুদ সেফতী অমসুং হাইজিনগী মথৌ তাবশিং শোইদনা ইমপ্লিমেন্ত তৌনবা রিসোর্স গাইদ অমা ওইরগনি।

• এফ.এস.এস.এ.আই.না ফোঙবা দেলী রেকমেন্দেসন্স এন্দ ফুদ ফেব্রিকেসন— হেনবুক ফোর স্তেৎস হায়বা অমা রাজ্য সরকারগী ওফিসিএলশিংদা ফুদ ফেব্রিকেসনগী মরমদা মরুওইবা ৱাহংশিংগী পাউখুম পীনবা পীখ্রে। মসিনা মখাতানা নুমিৎ খুদিংগী চারিবা চাকলেনশিংদা ফোর্তিফাইদ স্তেপলশিং য়াওবগা চাংদম্নবদা নুংতিগী শিজিন্নরিবা দাইৎতা বিতামিন এ., বিতামিন দি., আইরন, ফোলিক এসিদ অমসুং বিতামিন বি.১২গুম্বা মাইক্রোন্যুত্রেন্তশিং চাংচৎতা চাবগীগী খেন্নবা শন্দোক্না তাক্লি।   

কেন্দ্রগী হকশেলগী সেক্রেতরী শ্রী রাজেশ ভুশন, এফ.এস.এস.এ.আই.গী সি.ই.ও. শ্রী অরুন সিংহাল অমসুং হকশেল অমসুং য়াইফ-য়ুম্বাল মন্ত্রালয় অমসুং এফ.এস.এস.এ.আই.গী অতোপ্পা মকোক থোংবা ওফিসিএলশিংনা থৌরম অদুদা শরুক য়াখি। রাজ্যগী ফুদ সেফতী কম্মিস্নরশিং, এফ.এস.এস.এ.আই.গী রিজনেল দিরেক্তরশিং অমসুং ওফিসরশিং, ওইলস অমসুং ফেতসকী সাইন্তিফিক পেনেলগী প্রোফেস্নেলশিং, ইন্তরনেস্নেল পব্লিক হেল্থ ওর্গনাইজেসনশিংগী ওফিসিএলশিং; দবল্যু.ঐচ.ও., ৱর্ল্দ বেঙ্ক, বাইতেল স্ত্রেতেজীশিং, নেতৱার্ক ওফ প্রোফেস্নেলস ওফ ফুদ এন্দ ন্যুত্রিসন, মমিং লৈরবা ফুদ ব্যুজিনেস কোর্পোরেৎশিং, ইন্দস্ত্রী এসোসিএসনশিং, ইম্প্লিমেন্তেসন পার্নরশিং, ফুদ ফোর্তিফিকেসনগী দিবেলপমেন্ত পার্তনরশিংসু ভিদিও কনফরেন্সকী থোংদা থৌরম অসিদা শরুক য়াখি। 

****