ਕੇਂਦਰੀ ਕਿਰਤ ਤੇ ਰੋਜ਼ਗਾਰ ਮੰਤਰਾਲੇ ਨੇ ਮੀਡੀਆ ਦੇ ਇੱਕ ਸੈਕਸ਼ਨ ਵਿੱਚ "ਸਰਕਾਰੀ ਮੁਲਾਜ਼ਮਾਂ ਨੂੰ ਵਧੇਰੇ ਡੀ ਏ ਮਿਲੇਗਾ" ਸਿਰਲੇਖ ਹੇਠ 16/10/2020 ਨੂੰ ਛਪੀਆਂ ਰਿਪੋਰਟਾਂ ਦਾ ਖੰਡਨ ਕੀਤਾ ਹੈ । ਇਸ ਸਬੰਧ ਵਿੱਚ ਕੇਂਦਰੀ ਕਿਰਤ ਤੇ ਰੋਜ਼ਗਾਰ ਮੰਤਰਾਲੇ ਨੇ ਰਿਪੋਰਟ ਨੂੰ ਰੱਦ ਕਰਦਿਆਂ ਕਿਹਾ ਕਿ ਸਰਕਾਰ ਨੇ ਇਹ ਕਦੇ ਵੀ ਨਹੀਂ ਕਿਹਾ ਕਿ ਨਵੇਂ ਇੰਡੈਕਸ ਨਾਲ ਉਦਯੋਗਿਕ ਕਾਮਿਆਂ ਅਤੇ ਸਰਕਾਰੀ ਮੁਲਾਜ਼ਮਾਂ ਦੀਆਂ ਤਨਖ਼ਾਹਾਂ ਵਿੱਚ ਵਾਧਾ ਹੋਵੇਗਾ ।

ਮੰਤਰਾਲੇ ਵੱਲੋਂ ਹੇਠ ਦਿੱਤਾ ਸਪਸ਼ਟੀਕਰਨ ਦਿੱਤਾ ਗਿਆ ਹੈ ,"ਕਿਰਤ ਅਤੇ ਰੋਜ਼ਗਾਰ ਮੰਤਰਾਲੇ ਨਾਲ ਅਟੈਚਡ ਦਫ਼ਤਰ ਲੇਬਰ ਬਿਊਰੋ ਨੇ ਕਿਹਾ ਹੈ ਕਿ ਜਦ ਕਿ ਇਹ ਸੱਚ ਹੈ ਕਿ ਕਿਰਤ ਅਤੇ ਰੋਜ਼ਗਾਰ ਮੰਤਰਾਲਾ 2016 ਨੂੰ ਅਧਾਰ ਸਾਲ ਮੰਨ ਕੇ 21 ਅਕਤੂਬਰ 2020 ਤੋਂ ਉਦਯੋਗਿਕ ਕਾਮਿਆਂ (ਸੀ ਪੀ ਆਈ—ਆਈ ਡਬਲਯੂ) ਲਈ ਖ਼ਪਤਕਾਰ ਕੀਮਤ ਅੰਕ ਦੀਆਂ ਨਵੀਂਆਂ ਲੜੀਆਂ ਜਾਰੀ ਕਰ ਰਿਹਾ ਹੈ । ਇਹ ਅੰਕ ਸੰਗਠਿਤ ਖੇਤਰ ਵਿਚਲੇ ਕਾਮਿਆਂ ਤੇ ਸਰਕਾਰੀ ਮੁਲਾਜ਼ਮਾਂ ਨੂੰ ਡੀਅਰਨੈੱਸ ਅਲਾਉਂਸ ਦੇਣ ਲਈ ਕੀਤੀ ਸੋਧ ਲਈ ਵਰਤਿਆ ਗਿਆ ਹੈ ਪਰ ਕਿਰਤ ਮੰਤਰਾਲੇ ਨੇ ਇਹ ਕਦੇ ਵੀ ਨਹੀਂ ਕਿਹਾ ਕਿ ਨਵੇਂ ਇੰਡੈਕਸ ਨਾਲ ਉਦਯੋਗਿਕ ਕਾਮਿਆਂ ਅਤੇ ਸਰਕਾਰੀ ਮੁਲਾਜ਼ਮਾਂ ਦੀਆਂ ਤਨਖ਼ਾਹਾਂ ਵਿੱਚ ਵਾਧਾ ਹੋਵੇਗਾ । ਇਹ ਨਵੀਂਆਂ ਲੜੀਆਂ ਦੇ ਵਿਵਹਾਰ ਤੇ ਨਿਰਭਰ ਕਰਦਾ ਹੈ , ਜਿਸ ਬਾਰੇ ਇਸ ਵੇਲੇ ਕੁਝ ਕਹਿਣਾ ਜਲਦੀ ਹੋਵੇਗਾ"।

ਆਰ ਸੀ ਜੇ / ਆਰ ਐੱਨ ਐੱਮ / ਸੀ ਕੇ ਆਰ