পেন্সন ফন্দ রিগুলেতরী এন্দ দেভেলপমেন্ত ওথোরিতী (পি.এফ.আর.দি.এ.)না এসেতস অন্দর মেনেজমেন্ত (এ.য়ু.এম.) লুপা করোর লাখ ৫ হেল্লে হায়না ঙসি লাউথোকখ্রে‍। নেসনেল পেন্সন সিস্তেম (এন.পি.এস.) অমসুং অতল পেন্সন য়োজনা (এ.পি.ৱাই.)গী মখাদা চহি ১২ চুপ্না সব্সক্রাইবরশিংনা খায়গৎলকপা শেনফম্না ফীভম অসি য়ৌরকপনি‍।

চহি কয়াসিদা এন.পি.এস. সব্সক্রাইবর মশিং হেনগৎলক্লিবসিসু লৈঙাক্কী সেক্তরদগী শিন্মী লাখ ৭০.৪০ অমদি নন-গভর্নমেন্ত সেক্তরদগী শিন্মী লাখ ২৪.২৪ লৈদুনা শিংথানিংঙাই ওইনা হেনগৎলক্লি‍।

সব্সক্রাইবর রেজিস্ত্রেসন, একজিৎকী থৌওং অমসুং অতৈ সর্ভিস রিক্বেস্তশিং প্রোসেস তৌবগী থৌওং অপনবা লৈতবা অমদি সব্সক্রাইবরশিংগা চুনবা ওইহন্নবা থৌরাংগী মখাদা রিগুলেতর, পি.এফ.আর.দি.এ.না ও.তি.পি./ইসাইনদা য়ুম্ফম ওইবা ওনবোর্দিং, ওফলাইনগী আধারদা য়ুম্ফম ওইবা ওনবোর্দিং, কে.ৱাই.সি. ভেরিফিকেসন তৌরবা মতুংদা থর্দ পার্তী ওনবোর্দিং, ই-নোমিনেসন, সব্সক্রাইবরশিংগী ই-একজিতনচিংবা সব্সক্রাইবর ওথেন্তিফিকেসনগী অনৌবা থৌওংশিং চাং নাইনা পুথোরক্লি‍।

শ্রী সুপ্রাতিম বন্দোপধ্যায়, চেয়রমেন, পেন্সন ফন্দ রিগুলেতরী এন্দ দেভেলপমেন্ত ওথোরিতী (পি.এফ.আর.দি.এ.)না এ.য়ু.এম. লুপা করোর লাখ ৫ য়ৌবা ঙম্বসি সব্সক্রাইবরশিংনা পি.এফ.আর.দি.এ. অমসুং এন.পি.এস.তা থাজবা থম্লিবা অসি নীংথিনা উৎপা অচৌবা মায় পাকপা অমনি‍ হায়না ফোঙদোকখি‍। ঐখোয়না মতিং চাবা সিস্তেম অমসুং প্রোফেসনেল ফন্দ মেনেজরশিংগা লোয়ননা পাক চাউরবা অমদি তোপ তোপ্পা অর্কিতেকচর লৈহন্দুনা কৈথেলদা য়ুম্ফম ওইবা রিতর্ন পীদুনা ঐখোয়গী সব্সক্রাইবরশিংবু মখোয়গী রিতাইয়রমেন্ত কোর্পস তুংশিনবা ঙমহল্লি‍। লাইচৎ মনুংসিদা, রিতাইয়রমেন্ত প্লান্নিং অসি ইচম চম্না শেন তুংশিনবা নৎত্রগা তেক্সকী কান্নবখক্কী নত্তে হায়বা ৱাফম কোর্পোরেত অমসুং লনাই মীওইশিংগী মক্তা খঙবা হেনগৎলকপনা অসিগুম্লবা শিংনবনা থল্লবা মতমসিদা এন.পি.এস. এনরোলমেন্ত চাদা ১৪গী চাংদা হেনগৎলকপা থেংনরি‍।

পি.এপ.আর.দি.এ.গী মরমদা

পেন্সন ফন্দ রিগুলেতরী এন্দ দেভেলপমেন্ত ওথোরিতী (পি.এফ.আর.দি.এ.) অসি নেসনেল পেন্সন সিস্তেম (এন.পি.এস.) অমদি এক্ত অসিনা কোনশিনগদবা পেন্সন স্কিমশিং রিগুলেত, প্রমোত তৌনবা অমদি মওং মরিল নাইনা চাউখৎলক্নবা স্তেতুতরী ওথোরিতী ওইনা পার্লিয়ামেন্তনা এক্ত অমা পাস তৌরগা লিংখৎখিবনি‍। এন.পি.এস. হৌরকপদা জনুৱারী ১, ২০০৪গী মতুংদা থবক লৌখিবা কেন্দ্র লৈঙাক্কী শিন্মীশিংগীদমক্তা হৌদোকখিবনি, অমদি মতুং তারকপদা স্তেত লৈঙাক অয়াম্বনা মখোয়গী শিন্মীশিংগীদমক্তা লৌশিনখিবনি‍। এন.পি.এস. ভারতকী মী খুদিংমক্তা (রেসিদেন্ত/নন-রেসিদেন্ত/ওভরসীজ) ভোলুন্তরী বেসিসতা অমদি কোরপোরেতশিংদা মখোয়গী শিন্মীশিংগীদমক্তা ফংহল্লি‍।

ওক্তোবর ১০, ২০২০ ফাওবদা এন.পি.এস. অমসুং অতল পেন্সন য়োজনাগী মখাদা লৈবা সব্সক্রাইবর মশীং করোর ৩.৭৬ অমসুং এসেতস অন্দর মেনেজমেন্ত (এ.য়ু.এম.) লুপা করোর ৫,০৫,৪২৪ য়ৌখ্রে‍।

****