রোদ ত্রান্সপোর্ত, হাইৱে অমসুং এম.এস.এম.ই.গী কেন্দ্রগী মন্ত্রী শ্রী নিতিন গদকরিনা ঙসি কেরলাদা নেস্নেল হাইৱে প্রোজেক্ত ৮গী উরেপ-উয়ুং তমখ্রে অমসুং শঙ্গখ্রে৷ থৌরম অদুদা রাজ্যপাল শ্রী অরিফ মোহামদ খান, মুখ্য মন্ত্রী শ্রী পিনারাই ভিজয়ন অমসুং কেন্ত্রগী মোস জেনেরেল(রিতাইয়দ) দা. ভি.কে. সিংহ অমসুং শ্রী ভি. মুরালীধারন, রাজ্য অদুগী মন্ত্রীশিং, পার্লিয়ামেন্তগী মেম্বরশিং, এম.এল.এ.শিং অমসুং কেন্দ্র অমসুং রাজ্য অদুগী সেনিয়র ওফিসিয়েলশিংনা শরুক য়াখ্রে৷

https://twitter.com/nitin_gadkari/status/1315896472819257344?s=19

থৌরম অদুদা ৱা ঙাংলদুনা অনৌবা ভারত অমা ওইন্নবগীদমক প্রধান মন্ত্রীগী ভিজন অদুগী মতুং ইনবা ওইনা ইনিসিয়েতিবশিং খুদম ওইনা ভারতকী ঙসি ফাওবদা খ্বাইদগী চাওবা ইফ্রাস্ত্রকচর দিভেলপমেন্ত প্রোগ্রাম ভারতমলা পারিয়োজনা অসি শিজিন্নদুনা ৱল্দ ক্লাস ত্রান্সপোর্ত ইনফ্রাস্ত্রকচর শেমগৎপা অসিনা খ্বাইদগী হান্না তৌগদবা থবক ওইনা থমখ্রে হায়না শ্রী গদকরিনা ফোংদোকখ্রে৷  ফ্রইত অমসুং পেসেঞ্জরগী চত্থোক চশিন অদু নিংথীজনা তৌবা য়ানবা মরু ওইবা ওরিজিন-দেস্তিনেসন জুরাশিং অদুগী মরক্তা ফ্রইত ত্রাফিক্কী চত্থোক চশিন অদু সাইন্তিফিক ওইনা নৈনরবা মতুংদা ভারতমলা পারিয়োজনাগী ৱাখল্লোন অদু শাগৎখিবনি হায়না মহাক্না ফোংদোকখি৷ লৈবাক অসিদা ভারতমলা পারিয়োজনাগী শরুক অমা ওইনা কি.মি. ৩৫,০০০ শাংবা নেস্নেল হাইৱেশিং অদু শাগৎলি হায়না মন্ত্রী অদুনা ফোংদোকখ্রে৷ মসিগী মনুংদা কেরলা রাজ্যদা ভারতমলা পারিয়োজনাগী শরুক অমা ওইনা কি.মি. ১,২৩৪ শাংবা নেস্নেল হাইৱেশিং শাগৎলি৷ অসিগীসু মথক্তা ভারতমলা/সাগরমলাগী মখাদা কি.মি. ১১৯ শাংবা হিথাংফম শম্নহনগদবা লম্বীশিং এপগ্রেদ তৌনবা প্লনিং তৌরি৷ ভারতমলা পারিয়োজনাগী শরুক অমা ওইনা ফ্লেগসিপ কোরিদোর ময়াম অমা খুদম ওইনা দিল্লী মুম্বাই এক্সপ্রেসৱে, দিল্লী অমিৃতসর কত্রা এক্সপ্রেসৱে, চেন্নাই- বেঙ্গলুরু এক্সপ্রেসৱেশিং অসিসু শেমগৎ শাগৎলি৷

কি.মি. ১,৭৬০ শাংলিবা মুম্বাই- কন্যকুমরি ইকোনোমিক কোরিদোর অসি ভারতমলা পারিয়োজনাগী শরুক অমা ওইনা শেমগৎলিবা কোরিদোর অমনি হায়না শ্রী গদকরিনা মখাতানা ফোংদোকখি৷ লৈবাক অসিগী মপুং ওইবা নোংচুপ থংবা সমুদ্র মপালগী শরুক অয়াম্বা মু্ম্বাইদগী কন্যকুমরি ফাওবা হেন্না শমজিল্লক্লিবা কোরিদোর অসিনা মফম অদুগী শেল-থুম কা হেন্না চাওখৎপা পুরকপা ঙম্লগনি৷ মুম্বাই- কন্যকুমরি ইকোনোমিক কোরিদোর  অসিগী শরুক অমা ওইনা লুপা কোতি ৫০,০০০গী শেনফম থাদদুনা কি.মি. ৬৫০ শাংবা প্রোজেক্ত ২৩ কেরলা রাজ্যদা শাগৎলি৷ কেরলাগী মপুং ওইবা শরুক অয়াম্বা অৱাংদগী খাদা চৎলিবা কোরিদোর অসি কেরলাগী লাইফ লাইন ওইরগনি হায়না থাজনরি হায়না মহাক্না ফোংদোকখ্রে৷ কোরিদোর অসিনা অচৌবা সহরশিং/তাউনশিং খুদম ওইনা কসরগোদ, থালসেরী, কন্নুর, কোজীকোদ, ইর্নকুলম, কোচি, অলাপুঝা, কোলম অমসুং থিরুভনন্থপুরমগা হেন্না শমজিন্নহল্লগনি৷

থবকশিং সেঙ্কসন তৌখ্রে অমসুং লুপা কোতি ১১,৫৭১ থাদদুনা কি.মি. ১১৭ শাংবা অতোপ্পা প্রোজেক্ত ৭ শাবা হৌখ্রে হায়না মন্ত্রী অদুনা ফোংদোকখ্রে৷ সাউথৱেস্ত মুন্সুন সিজনগী মতমদা ২০১৮গী জুন ১দগী ওগস্ত ১৯ ফাওবা থোকখিবা নেচরেল কলামিতী অদুনা মরম ওইরগা পুম্নমক মাং তাকহন্দুনা তাওথোকখ্রবা চেরুথোনি তুরেল মথক্তা শারিবা থোং অদু কা হেন্না ৱাংনা শাগদবা য়াওরি৷ রাজ্য অসিদা শেল-থুম চাওখৎপা পুরকপা ঙম্নবা হায়রিবা প্রোজেক্তশিং অসি মতম চানা লোইশিন্নবা সরকার অসিনা হোৎনরি হায়না মহাক্না ফোংদোকখি৷ হায়রিবা প্রোজেক্তশিং অসিনা কেরলাগী শকফম হোংহল্লগনি৷ হৌজিক হৌজিক্কী ওইনা কেরলাদা কি.মি. ১৭৮২ শাংবা এন.ঐচ. লৈ হায়না শ্রী গদকরিনা ফোংদোকখ্রে৷ ২০১৪-২০ ফাওবদা শাগৎখ্রবা কি.মি. ৪৮৮ শাংবা এন.ঐচ. অসিগা য়েংনবদা ২০০৯-১৪ ফাওবগী মতমদা শাখ্রবা অদুগী চাদা ৫৬৯ হেঙ্গৎলকখি৷ ২০১৪-২০ ফাওবগী মনুংদা লুপা কোতি ৩,৮২০ চংনা এন.ঐচ. শাবদা চাদিং তৌখি অমসুং রাজ্য অদুদা এন.ঐচ. শেমজিনবদা লুপা কোতি ৬৭১ চাদিং তৌখি হায়না মহাক্না ফোংদোকখি৷ ইশিং ইচাউ/ চুম্নগী শেমজিনবগী মতুং ইন্না চংখ্রিবা শেনফম অসি লুপা কোতি ৯৬.৫০নি৷ ২০২৪ ফাওবগী মনুংদা লুপা কোতি ১৯,৮০০ চংবা থবক লোইশিন্নবা পান্দম থম্লি অমসুং লুপা কেতি ৫৩২৭ চংনা পুন্না কি.মি. ৫৪৯ শাংবা প্রোজেক্ত ৩০দি চৎন্নবগী ঙাইদুনা লৈরি হায়না শ্রী গদকরিনা ফোংদোকখ্রে৷ ইনফ্রাস্ত্রকচর শেমগৎপদা কেপিতেল হেন্না পুরক্কদৌরিবা পি.পি.ই. মোদেল অসি লম্বী শেমগৎপদা খন্ননবা মুখ্য মন্ত্রীদা মহাক্না হংখ্রে৷

কেরলাদা লম্বী শানবগী লম লৌশিনবা অদুগী মমল অদু কা হেন্না ৱাংলিবা অদু পল্লদুনা লম্বীশিং অসি শেমগৎ শাগৎপদা চংলিবা শেল অদু হন্থনবগীদমক কেরলাদা য়াম্না কান্নগদৌরিবা লম্বী শেম্বদা চংলিবা পোৎচাকশিং খুদম ওইনা য়োৎ/স্তিল, সিমেন্সিংদা রাজ্যগী জি.এস.তি. লৌদনবা অমসুং লৈঙোইগী রোয়েল্তী অদু ফ্রী ওইনবা শ্রী গদকরিনা হায়জখ্রে৷ হায়রিবা ইসুশিং অসি খন্না নৈন্নবগীদমক মন্ত্রী অদুনা মুখ্য মন্ত্রী অদুবু দিল্লীদা লাক্নবা হায়খ্রে৷ কেন্দ্রগী রোদ অমসুং হাইৱে মন্ত্রালয়না মপুং ফানা সপোর্ত তৌরি হায়না মহাক্না থাজবা পীরকখ্রে৷ লম্বী লোইশিনবদা থেংনরিবা ইসুশিং অদু লোইশিন্নবা কেরলাগী মুখ্য মন্ত্রীদা শ্রী গদকরিনা হায়খ্রে৷ হায়ৱেশিংদা লৈরিবা ব্লেক স্পোত অদু খন্দোক্নবা রাজ্য অদুদা শ্রী গদকরিনা হায়খ্রে৷ এক্সিদেন্তশিং হন্থনবা অমসুং পুন্সি কন্নবা অফবা লম্বী মরু ওইনা হায়না মহাক্না ফোংদোকখ্রে৷

হায়রিবা প্রোজেক্তশিং অসিনা কেরলাদা কান্নবা ময়াম অমা পীরগনি হায়না মোস-আর.তি.ঐচ. জেনেরেল(রিতাইয়দ) দা.ভি.কে. সিংহনা ফোংদোকখ্রে৷ মসিনা ইকোনোমিক কোরিদোরশিং অসি শিজিন্নদুনা কন্নেক্তিভিতী, ত্রেদ অমসুং কম্মর্স ফগৎহল্লগনি৷ কেরলা ফাওদুনা অৱাংদগী খাদা চৎলিবা মুম্বাইদগী কন্যকুমরি কোরিদোর অসি পনবা য়াই হায়না মহাক্না ফোংদোকখ্রে৷ কি.মি. ১৭০০ শাংবা কোরিদোর অসিগী মনুংদা চাওরাক্না লুপা কোতি ৫০০০০মুক ওইগদবা কি.মি. ৬৫০ শাংবা প্রোজেক্ত ২৩দি কেরলাদা লৈখ্রে, মসিনা কেরলা অসি অচৌবা শহরশিং খুদম ওইনা অসরগোদ, কোজিকোদ, ইর্নকুলম, কোলম শমজিন্নহন্দুনা কেরলাবু হেন্না চাওখৎপা পুরক্লগনি৷

https://twitter.com/OfficeOfNG/status/1315685197329829890?s=19

রাজ্য অদুগী মীয়ামগী অনিংবা অপাম্বা অদু থুংহনবগীদমক কেরলাগী রাজ্যপাল শ্রী অরিফ মোহামদ খাননা কেন্দ্র সরকারবু থাগৎপা ফোংদোকখ্রে৷ থৌরম অদুদা মুখ্য মন্ত্রী শ্রী পিনারাই ভিজয়ন, এক্সতর্নেল এফিয়র্স অমসুং পার্লিয়ামেন্তরীগী কেন্দ্রগী এম.ও.এস. শ্রী ভি. মুরালীধারন অমসুং পব্লিক ৱর্কস্কী কেরলাগী মন্ত্রী শ্রী জি. সুধাকরননা থৌরম অদুদা ৱা ঙাংখ্রে৷

প্রোজেক্তশিং অদুগী অকুপ্পা মরোলশিং:

লৈবাক অসিদা কৎখ্রবা:

মসিগী প্রোজেক্ত ত্রান্সপোর্তেসন ইফিসিয়েন্সী হেঙ্গৎহল্লগনি, ত্রান্সপোর্তেসন কেস্ত হন্থহল্লগনি, মফম অদুগী অপুনবা চাওখৎ থৌরাং অদু হেঙ্গৎহন্দুনা ইনফ্রাস্ত্রকচর শেমগৎলিবা অদু হেন্না মপুং ফাহল্লগনি, লম্বী শিজিন্নরিবশিংদা সেফতী ওইহন্দুনা এক্সিদেন্ত হন্থহল্লগনি, তুরিজমদা হেন্না শম্নহল্লগনি(কোবালম বিচ/ভর্কালা বিচ) অমসুং হিস্তোরিকেল/ রিলিজিয়র্স ওইবা মফমশিং খুদম ওইনা পদমনধা স্বামি তেমপল, মদ্রে দি দিয়ুস চর্চ( ভেত্তুকাদু চর্চ) অমসুং বীমপল্লী মোক্সশিংদা হেন্না শম্নহল্লগনি৷

উরেপ-উয়ুং তমগদৌরিবশিং:

এন.ঐচ.৬৬ অসি খাদনা তামিল নাদু অমসুং অৱাংদনা কর্নতকা শম্নহন্দুনা কন্যকুমরিগী মুম্বাই কোরিদোরগী শরুক অমা ওইনা শম্নহন্দুনা কেরলাগী লাইফ লাইন ওই অমসুং মসিনা লৈবাক অসিদা লৈরিবা য়াম্না মরু ওইরিবা ইকোনোমিক কোরিদোরশিংগী মনুংদা অমা ওই৷ কন্যকুমরিগী মুম্বাই কোরিদোরগী য়াম্না মরু ওইবা শরুক অমা ওইনা রাজ্য অসিদা শেল-থুম চাওখৎপদা মতেং পাংলগনি৷ পার্সিয়েল এসেস-কন্ত্রেল ৪/৬ লেন অসিনা ত্রাফিক চিল্লম্বা ঙন্থহল্লগনি, ইন্তর-স্তেত শম্নহল্লিবা অদু হেন্না কোম্লগনি অমসুং ফরগনি, ব্যুজিনেস সেন্তরশিং খুদম ওইনা কোজিকোদ, কোচি অখন্ননা কান্নরগনি, লৌউ-শিংউ অমসুং ঙা য়োকপদা অচৌবা অওনবা পুরক্লগনি, কেরলাগী স্পাইসেস আইতেমশিংগীদমক খুদোংচাবশিং হেন্না ফংহল্লগনি৷

অতোপ্পা কান্নবশিং অদুদি  রোদ-পোর্ত ত্রান্সপোর্তেসনগী মরক্তা লৈরিবা সীনর্জী অদু মখাতানা পোর্ত-লেদ দিভেলপমেন্তদা হেন্না ফবা সীনর্জী ওইহল্লগনি, রাজ্য অদুগী তুরিজম সেক্তর অদু হেন্না ফনবা মসিনা অচৌবা স্ত্রাইদ অমা ওইরগনি অমসুং মী ময়াম অমা থবক ফংহল্লগনি অমসুং সেল্ফ এমপ্লোইমেন্তগী খুদোংচাবশিং ফংহল্লগনি৷ অনৌবা প্রোজেক্তশিং অসিনা তোঙান তোঙানবা তুরিস্ত মফমশিং, হিস্তোরিকেল ওইবা মফমশিং অমসুং ধর্মগী ওইবা মফমশিং হেন্না শম্নহল্লগনি৷ এন.ঐচ.৬৬ পাকথোক চাওথোকহনবা অসি কেরলাদা লৈরিবা মীয়ামগী মতম শাংনদগী নিংজরকপা মংলান্নি৷ কোরলাগী লাইফ লাইন ওইরিবা এন.ঐচ.৬৬ পাকথোক চাওথোকহল্লকপা অসিনা অতোপ্পা ইনফ্রাস্ত্রকচরশিং শেমগৎপা ঙম্লগনি৷

অনৌবা প্রোজেক্তশিং অসিনা মফম অদুদা লৈরিবা অনস্কিল, স্কিল অমসুং সেমি-স্কিল মীওইশিংদা থবক পীরগনি৷ মসিনা ময়াই খাইদোক্তবা হাইৱেশিংদা থেংজিন্নবা হন্থহন্দুনা অমসুং চৎপগী মতম হন্থহনবতা নত্তনা গীরিশিং শেমজিনবগী মমল হন্থহন্দুনা অমসুং থাওগী শিজিন্নবগী চাং হন্থহন্দুনা সেফ ওইবা ত্রাফিক ফ্লো লৈহনবদা হেন্না কান্নহল্লগনি৷ প্রোজেক্ত অসি চৎনবা অসিনা লৈকাই অদুগী সোসিয়ো-ইকোনোমিক্কী ফিভম ফহল্লগনি৷ প্রোজেক্তশিং অসিনা লৌউ-শিংউগী পোৎশিং পুথোক পুশিন তৌবা হেঙ্গৎহল্লগনি অমসুং পোৎ-চৈ অমসুং সর্ভিসকী মমল হন্থহন্দুনা কৈথেলশিংদা হেন্না য়ৌবা য়ারগনি৷

*****