শেল-থুম মন্ত্রালয়
শেনথুম মন্ত্রী শ্রী নির্মলা সিতরমন্না জি.২০ শেনথুম মন্ত্রীশিং অমসুং সেন্ত্রেল বেঙ্ক গভর্নরশিংগী মীফম ভিদিও কন্ফরেন্সিংগী খুত্থাঙদা শরুক য়াখ্রে
Posted On:
14 OCT 2020 9:36PM by PIB Imphal
শেনথুম অমসুং কোর্পোরেত এফ্যার্সকী কেন্দ্র মন্ত্রী শ্রীমতি নির্মলা সিতরমন সাউদি অরাবিয়ন প্রেসিদেন্সীগী মখাদা পাঙথোকপা জি.২০ শেনথুম মন্ত্রীশিং অমসুং সেন্ত্রেল বেঙ্ক গভর্নরশিংগী (এপ.এম.সি.বি.জি.) মীফম ঙসি মফমসিদা ভিদিও কন্ফরেন্সিংগী খুত্থাঙদা শরুক য়াখ্রে। জি.২০ লৈবাকশিংগী মন্ত্রীশিং অমসুং গভর্নরশিংনা হৌজিক ওইরিবা মালেমগী লাইচৎকী ফীভম অমসুং কোবিদ-১৯ লাইচৎ অসিদা জি.২০গী থৌওংশিং লোয়ননা অতৈ ইং ২০২০গী জি.২০ ফাইনান্স ত্রেক প্রাইওরিতীশিং খন্ননবগীদমক পুনখিবনি।
অহানবা সেসনদা, শেনথুম মন্ত্রীনা এপ্রিল ১৫, ২০২০দা জি.২০ শেনথুম মন্ত্রীশিং অমসুং সেন্ত্রেল বেঙ্ক গভর্নরশিংনা শৌগৎখিবা কোবিদ-১৯ লাইচৎকা মরী লৈননবা জি.২০ এক্সন প্লানগী ওইরিবা ফীভমশিংগী মতাঙদা ৱা ঙাঙখি। জি.২০ এক্সন প্লানদা নৌনা শেমদোক্লিবা খোঙফমশিং অসি কোবিদ-১৯গা মরী লৈনবা থৌশিল অমা ওইনা মথৌ নীংথিনা তৌহন্দুনা থম্নবগী এক্সন পোইন্তশিংগীদমক হৌজিক লৈরিবা পোলিসীগী ফীভমসিগা চুননা থমবা মথৌ তাই হায়না শ্রীমতি সিতরমন্না ফোঙদোকখি।
জি.২০ এক্সন প্লান কম্মিতমেন্তশিংদা অনৌবা ৱাফম হাপচিল্লকপগী নুংগী ওইবা চৎন-পথাপশিং শন্দোক্না তাক্লদুনা, শ্রীমতি সিতরমন্না রিকভরী থৌরাংদা হকশেল অমসুং শেন্মিৎলোনগী পান্দমশিং মপা চাননা থম্বগী মথৌ তাবা ৱাফম থমখি। মখা তারদুনা শেনথুম মন্ত্রীনা মেম্বর লৈবাকশিংগী মরক্তা পোলিসী রেসপোন্সতা তোঙান তোঙানবা মওং মতৌশিং খন্নবগী মথৌ তাবা, দোমেস্তিক পোলিসীগী থৌওংদগী মালেমদা হেন্দোরকপা অমদি মালেমগী রিগুলেতরী রেজিমদা মরুওইনা ক্রেদিত রেতিং হন্থহরকপগী মতাঙদা অকা অকুম নাইবগী মতাঙদা অহোংবা পুরকপগী তঙাই ফদবশিংগী মতাঙদা ৱা ঙাঙখি।
জি.২০ এক্সন প্লানগী মরুওইবা ৱাফমশিংগী মনুংদা অমা হায়রগদি মতম চোন্থনবা হায়জরকপা শেন্থোক নেমবা লৈবাকশিংগীদমক অকক্নবা মতমগী ওইনা শেন্দোন শিংবগী থবক লেপহল্লিবা দেব্ত সর্ভিস সস্পেন্সন ইনিসিএতিব )দি.এস.এস.আই.) অসিনা ওইরি। থৌরাং অসি অহানবগী ওইনা ২০২০ ফাওবা চৎনখিবনি। মীফম মনুংদা, শেন মরাং কায়দবগী ফীভম থেংনরিবা অসি য়েংলগা জি.২০ শেনথুম মন্ত্রীশিং অমসুং সেন্ত্রেল বেঙ্ক গভর্নরশিংনা দি.এস.এস.আই. অসি থা ৬ শাংদোক্নবা অমদি শেন্মিৎলোন অমসুং শেনথুমগী ফীভম মখাতানা দি.এস.এস.আই. অসি শাংদোকপা মথৌ তারিবরা হায়বা ৱাফম ২০২১গী আই.এম.এফ./দব্লিউ.বি.জি. য়েন্নিংথা মীফমদা য়েংশিন্নবা য়ানখি।
শেন্থোক নেমবা লৈবাকশিংগী শেন্দোনগী ফীভম শোকচিল্লকপা য়াবগী মতাঙদা ৱা ঙাঙলদুনা, শ্রিমতি সিতরমন্না অশাংবা মতমগী ওইনা শেন্দোনবু হেন্না মওং মরিল নাইবা মওংদা য়েংশিনবা মথৌ তাগনি হায়বা ৱাফম থমখি। থৌওং অসি লাইচৎ অসিনা শেনথুমগী ফীভম শোকহল্লবা লৈবাকশিংদা মতেং পাংনবগী পান্দম্না মরুওইবা লমজিং ওইফম থোকই হায়না মহাক্না হায়খি। শেন পুথোক্লিবা অমদি শেন পুরিবা অনিমক্কী লৈরিবা ফীভমশিং অমদি ৱাফমশিং অনিমক খন্নবা মরুওইগনি অমদি শেন্দোন রিস্ত্রিকচর তৌবগী থৌওংদা শেন পুরিবা লৈবাকশিংদা কা হেনবা পোৎলুম থোঙ্গত্তনবা চেকশিন্না য়েংবসু মরুওই হায়না শেনথুম মন্ত্রীনা ফোঙদোকখি।
****
(Release ID: 1664673)
Visitor Counter : 214