প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী কেবিনেৎকী মীফম্না মখাগীশিং অসিবু অয়াবা পীখিঃ

• স্ত্রেন্থনিং তিচিং-লর্নিং অমসুং রিজল্ত ফোর স্তেৎস (স্তার্স) প্রজেক্তপু প্রোজেক্ত অসিগী অচঙবা শেনফম লুপা করোর ৫৭১৮ চঙনা ৱার্ল্দ বেঙ্কনা শেলগী তেংবাং ওইনা য়ু.এস. $ মিলিয়ন ৫০০ (চাউরাক্না লুপা করোর ৩৭০০) পুথোক্তুনা পায়খৎপা।
• স্তার্স প্রোজেক্ত অসি দিপার্ত্মেন্ত ওব স্কুল এজুকেসন অমসুং লিতরেসী, এজুকেসন মত্রালয় (এম.ও.ই.)গী মখাদা কেন্দ্রনা স্পোন্সর তৌবা স্কিম ওইনা পায়খৎকনি।
• লিংখৎপা অমসুং নেসনেল এসেস্মেন্ত সেন্তর, পরখক্তা মতেং পাংবা অসি দিপার্ত্মেন্ত ওব স্কুল এজুকেসন অমসুং লিতরেসী, এম.ও.ই.গী মখাদা লৈবা ইন্দিপেন্দেন্ত অমসুং ওতোনোমস ইন্সতিত্যুৎ ওইননি।

প্রোজেক্ত অসিনা রাজ্য ৬, মমিং ওইনা পল্লবদা, হিমাচল প্রদেশ, রাজস্থান, মধ্য প্রদেশ, কেরলা অমসুং ওরিশাবু কোনশিনগনি। শকখঙলবা রাজ্যশিং অসিবু এজুকেসনগী মগুন হেন্না লৈহন্নবা তোঙান-তোঙানবা থৌরাংশিংগা লোইননা মতেং পাংগনি। প্রোজেক্ত অসিগী মথক্তা, এ.দি.বি.না শেন্থং পীথবা মসিগা মান্নবা প্রোজেক্ত অমগা রাজ্য ৫ হায়বদি, গুজরাৎ, তমিল নাদু, উত্তরাখন্দ, ঝার্খন্দ অমসুং অসমদা পায়খৎনবা পান্দম থম্লি। রাজ্য খুদিংমক্না অতোপ্পা রাজ্য অমগা মখোয়গী খঙহৈবশিং অমসুং থবকশিং লান্ননবা পুনমিন্নগনি।

স্তার্স প্রোজেক্ত অসিনা রাজ্যশিংবু চাউখৎনবা, পায়খৎনবা, ইভালুএৎ তৌনবা অমসুং এজুকেসনগী আউৎকম ফগৎনবা অমসুং হকথেংননা মরী শম্নদুনা থবক লৌখৎপা অমসুং লেবর মার্কেৎ আউৎকমশিং হেনগৎনবগীদমক স্কুলশিংনা ত্রাঞ্জিসন স্ত্রেতেজিশিং পায়খৎনবা হোৎনগনি। স্তার্স মপুং ওইবা মীৎয়েং অমসুং কম্পোনেন্তশিং অসি নেসনেল এজুকেসন পোলিসী (এন.ই.পি.) ২০২০না ক্বলিতীদা য়ুম্ফম ওইবা লর্নিংগী আউৎকমশিং পুথোক্নবা হোৎনরিবসিগা চুন্নরি।

প্রোজেক্ত অসিনা ইন্দিয়ন স্কুল সিস্তেমগী মোনিতরিং অমসুং মিজর্মেন্ত এক্তিবিতীশিংবু অখন্নবা রাজ্যশিংদা থবক পায়খত্তুনা ফগৎহন্নবা মীৎয়েং থম্লি। প্রোজেক্ত অসিনা ইনপুৎকী প্রোবিজনশিং অমসুং আউৎপুৎ য়েংশিংবদগী মীৎয়েং হোংদোক্তুনা হায়রিবা আউৎকমশিং অসিগী রিসিৎ অমসুং ফন্দ থাদখিবশিং শম্নহনবদা মীৎয়েং থম্লি।

স্তার্স প্রোজেক্ত অসিগী মরুওইবা মচাক অনী লৈঃ

১) জাতিগী থাক্তা, প্রোজেক্ত অসিনা রাজ্য অমসুং য়ু.তি.শিংদা কান্নবা পীগদবা মখাগী থৌরাংশিং অসিদা পান্দম থম্লিঃ

• মহৈরোইশিংগী রিতেন্সন, ত্রাঞ্জিসন অমসুং কমপ্লিসন রেত্তা মপাঙ্গল লৈবা অমসুং অচুম্বা দেতা খোমগৎনবগীদমক এম.ও.ই.শিংগী নেসনেল দেতা সিস্তেম মপাঙ্গল কলহনবা।
• এস.আই.ফি. (স্তেৎ ইন্সেন্তিব গ্রান্তস)কী থোংদগী রাজ্যশিংগী গবর্নান্স রিফোর্ম এজেন্দাদা ইন্সেন্তিব পীদুনা রাজ্যশিংগী পি.জি.আই. স্কোর ফগৎহন্নবা হোৎনবদা এম.ও.ই.বু মতেং পাংবা।
• লর্নিং এসেস্মেন্ত সিস্তেমশিং মপাঙ্গল কলহন্নবা হোৎনবদা মতেং পাংবা।
• নেসনেল এসেস্মেন্ত সেন্তর (পরখ) অমা হাংনবা হোৎনরিবা এম.ও.ই.বু মতেং পাংবা। অসিগুম্বা সেন্তরশিং অসিগী থবকশিংগী অসিনা খনগৎখ্রবা রাজ্যশিংগী এক্সপরিএন্সতা হায়রিবা এক্সপরিএন্সশিং অসিবু অতোপ্পা রাজ্যশিংদা ওনলাইনগী পোর্তেলদা (খুদম ওইনা শগুন অমসুং দিকশা), সোসিএল অমসুং অতোপ্পা মীদিয়া এঙ্গেজমেন্তশিং, তেক্নিকেল ৱার্কশোপ, রাজ্যশিংদা চত্তুনা অমসুং কন্ফরেন্স পাংথোক্তুনা খোমগত্তুনা, ক্যুরেতিং তৌদুনা অমসুং শেয়র তৌদুনা মপাঙ্গল কলহনবনি।

মখা তানা, স্তার্স প্রোজেক্ত অসিদা নেসনেল কম্পোনেন্তকী মখাদা কন্তিঞ্জেন্সী ইমর্জেন্সী রেস্পোন্স কম্পোনেন্ত (সি.ই.আর.সি.) য়াওরি মসিনা নেচরেল, মেন-মেদ অমসুং হকশেলগী খুদোংথিবশিংদা খুদক্তা পাউখুম পীবা ঙমহনগনি। মসিনা লৈঙাকপু স্কুল থিংজিনবা/ইনফ্রাস্ত্রকচরদা অকাই অতোই থোকহনবা, খুদোংচাবা মপুং ফানা পীদবা অমসুং অথাপ্পদা তাকপী তম্বীবগী তেক্নোলোজী মতীক চানা ফংদবা মতমদা য়েংশিনবা ঙমহনগনি। সি.ই.আর.সি. কম্পোনেন্তনা শেলথুম থাদবদা থুনা কাংলুপ খায়দোকপা য়াহনগনি অমসুং স্ত্রিম্লাইন তৌরবা শেলথুমগী রিক্বেস্ত প্রোসিজ্যুরশিংবু শীজিন্নবা য়াহনগনি।

২) রাজ্যগী থাক্তা, প্রোজেক্ত অসিনা পান্দম থম্লিবশিংদিঃ

• অর্লী চাইল্দহুদ এজুকেসন অমসুং ফাউন্দেসনেল লর্নিং মপাঙ্গল কলহনবা
• লর্নিং এসেস্মেন্ত সিস্তেম ফগৎহনবা
• ওজাশিংবু শেমগত্তুনা অমসুং স্কুল লিদর্শিপকী থোংদা ক্লাসরুম ইন্সত্রক্সন অমসুং হন্না তাকপীবগী থবক ফগৎহনবা
• হেন্না ফরবা সর্বিস পীনবা গবর্নান্স অমসুং দিসেন্ত্রেলাইজ তৌরবা মেনেজমেন্ত
• মেনস্ত্রিমিং, কেরিয়র গাইদেন্স অমসুং কাউন্সেলিং, ইন্তর্নশিপ অমসুং স্কুল কাদ্রবা অঙাংশিংবু কোনশিনবীদুনা মহৈলোইশঙশিংদা ভোকেসনেল এজুকেসন হেনগৎহনবা

স্তার্স প্রোজেক্ত অসিনা পি.এম. ই-বিদ্যা, ফাউন্দেসনেল লিতরেসী অমসুং ন্যুমরেসী মিসন অমসুং নেসনেল করিক্যুলার অমসুং পেদাগোজিকেল ফ্রেমৱার্ক ফোর অর্লী চাইল্দহুদ কেয়র অমসুং এজুকেসনগী থৌরাংশিংবু আত্মনির্ভর ভারত অভিয়ানগী শরুক অমা ওইনা মীৎয়েং চঙনবগী পান্দম থম্লি।

প্রোজেক্ত অসিগী শিংথাবা য়াবা আউৎকমশিংদি খগৎলবা রাজ্যশিংদা গ্রাদ ৩ লোলদা মিনিমম প্রোফিসিএন্সী ফংবা মহৈরোই মশিং হেনগৎলকপা, সেকেন্দরী স্কুল মপুং ফানা লোইশিনবগী চাং হেনগৎলকপা, গবর্নান্স ইন্দেক্স স্কোরদা ফগৎলকপা, লর্নিং এসেস্মেন্ত সিস্তেম মপাঙ্গল ফগৎলকপা, রাজ্যশিংগী মরক্তা লান্নদুনা তম্মিন্নবগী খূদোংচাবা হেনগৎলকপা অমসুং রাজ্যগী থাক্তা সর্বিস পীবা ফগৎলকপা হায়বদি প্লান্নিং মপাঙ্গল ফগৎলকপা অমসুং দিসেন্ত্রেলাইজ মেনেজমেন্তশিং বি.আর.সি. অমসুং সি.আর.সি.শিং ত্রেনিং পীদুনা মেনেজমেন্ত কেপাসিতী ফগৎলকপা, হেদ তিচর অমসুং প্রিন্সিপালশিং ত্রেনিং পীদুনা স্কুল মেনেজমেন্ত মপাঙ্গল ফগৎহনবনি।

*******