প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমনা জে অমসুং কে অমসুং লদাখ য়ু.তি.শিং অসিগী এফ.ৱাই. ২০২৩-২৪ ফাওবগী চহি মঙাগী ওইগদবা লুপা করোর ৫২০গী অখন্নবা পেকেজ অমা অয়াবা পীখ্রে অমসুং হায়রিবা মতম অসিগী মনুংদা পভর্তী রিসিওগী এল্লোকেসনগা মরী লৈনহন্দনা জম্মু অমসুং কাশ্মির অমসুং লদাখ য়ু.তি.শিং অসিদা দিমান্দদা য়ুম্ফম ওইবা দীনদয়াল অন্ত্যোদয় য়োজনা – নেস্নেল রুরেল লাইফলিহুদস মিসন (দি.এ.ৱাই.-এন.আর.এল.এম.) শেন্থং ফংহল্লগনি।

মসিনা য়ু.তি.শিংগী মথৌ তাবগী মতুং ইন্না মিসন অসিগী মখাদা ফন্দশিং মরাং কায়না ফংহনবা ঙম্লগনি অমসুং মসি জে অমসুং কে অমসুং লদাখ য়ু.তি.শিংদা কেন্দ্রনা স্পোন্সর তৌবা বেনিফিসরী-ওরিয়েন্তেদ স্কিম পুম্নমক অকক্নবা মতমগী মনুংদা মীপুম খুদিংদা য়ৌহন্নবগী ভারত সরকারগী পান্দম অদুগসু মান্নরি।  

মসি মিসন অসিনা খুঙ্গংগী য়ুমথোংশিংগী পুন্সি মহি ফগৎহনবা অমসুং নুপীশিং থৌনা হাপা ঙমগদবা অমসুং জে অমসুং কে অমসুং লদাখ য়ু.তি.শিংদা অহোংবা অসি পুরকপদা ওইগদবা ফীভম অদু কুপ্না য়েংলগা ফংলকপা ফলশিংদা য়ুম্ফম ওইখি।

দীনদয়াল অন্ত্যোদয় য়োজনা – নেস্নেল রুরেল লাইফলিহুদস মিসন (দি.এ.ৱাই.-এন.আর.এল.এম.) অসিনা লৈবাক শিনবা থুংনা লৈরিবা খুঙ্গংগী লাইরবা য়ুমথোংশিংগী হিংনবগী পাম্বৈ মখল কয়া ফংহনবগী খুত্থাংদা খুঙ্গংদা লাইরবা মুত্থৎনবা পান্দম থম্লিবা কেন্দ্রনা স্পোন্সর তৌবা প্রোগ্রাম অমনি। খুঙ্গংগী লাইরবা কোকহন্নবা জুন ২০১১দা হৌদোকখিবা দি.এ.ৱাই.-এন.আর.এল.এম. অসিনা লাইরবগী ফীভম ফগৎহন্নবা প্রোগ্রামশিংদা পেরাদাইমদা অহোংবা অমা পুরকখি। দি.এ.ৱাই.-এন.আর.এল.এম.না য়ুমথোং করোর ১০রোম ওইগদবা খুঙ্গংগী লাইরবা য়ুমথোং খুদিংমক য়ৌশিন্নবা হোৎনরি অমসুং খুঙ্গংগী লাইরবা য়ুমথোং অমমমদগী নুপী মীহুৎ অমমম খনগৎতুনা সেল্ফ হেল্প গ্রুপশিং (এস.ঐচ.জি.শিং) য়াওহন্দুনা, মখোয়বু ত্রেনিং পীদুনা অমসুং কেপাসিতী বিল্দিং তৌদুনা, মখোয়গী অপীকপা হিংনবগী পাম্বৈশিংগী পোরম য়াৎপদা মতেং পাংদুনা য়ুনিবর্সেল সোসিএল মোবিলাইজেসন তৌবগী খুত্থাংদা মখোয়দা কান্নবা ফংহনবা হোৎনরি অমসুং মখোয় মশাগী ইন্সতিত্যুসনশিং অমসুং বেঙ্কশিংগী ফাইনান্সিএল রিসোর্সশিং ফংহন্দুনা মখোয়গী হিংনবগী পাম্বৈশিংগী পোরমশিং অদু ইমপ্লিমেন্ত তৌহনবা ঙমহনগনি।

মিসন অসিনা ইশানা ইশা মতেং পাংজনবা ৱাখল্লোন্দা কম্ম্যুনিতী প্রোফেস্নেলশিংগী খুত্থাংদা কম্ম্যুনিতী ইন্সতিত্যুসনশিংগা লোয়ননা থবক তৌমিন্নবা য়াওরি।মসি দি.এ.ৱাই.-এন.আর.এল.এম.গী তোপ-তোপ্পা মওংনি অমসুং অসুম্না মমাংগী লাইরবা মুত্থৎনবা প্রোগ্রামশিংদগী তোঙালহল্লি।প্রোগ্রাম অসিগী অতোপ্পা থোইদোক হেনদোকপা ফীচরশিংদি মসি দেদিকেতেদ ইমপ্লিমেন্তেসন সপ্পোর্ত য়ুনিৎশিংগা লোয়ননা অখন্নবা পর্পজ ভেহিকলশিংনা (ওতোনোমস স্তেৎ সোসাইতীশিং) জাতি, রাজ্য, জিলা অমসুং ব্লোক্কী থাকশিংদা প্রফেস্নেল হ্যুমেন রিসোর্সশিং শীজিন্নদুনা খুঙ্গংগী লাইরবা ইমুং-মনুং অমমমদা লেপ্তনা অমদি মতম শাংবা মতেং পীবা ঙম্নবা মিসন মোদ অমদা ইমপ্লিমেন্ত তৌখি।

বেকগ্রাউন্দ:

দি.এ.ৱাই-এন.আর.এল.এম. অসি হান্নগী রাজ্য জে. অমসুং কে.দা জম্মু অমসুং কাস্মীর স্তেৎ রুরেল লাইফলিহুদস মিসন (জে.কে.এস.আর.এল.এম.)না “উমীদ” প্রোগ্রাম ওইনা ইম্প্লিমেন্ত তৌখি। রাজ্যশিংগী মরক্তা লাইরবশিংগী মনুংগী চাকথুংশিংদা য়ুম্ফম ওইবা দি.এ.ৱাই-এন.আর.এল.এম.গী মখাদা হৌজিক লৈরিবা ফন্দ এলোকেসন প্রোসিদ্যুগী মতুং ইন্না দি.এ.ৱাই-এন.আর.এল.এম.গী মখাদা পীবা চহিগী এলোকেসন্দগী জে. অমসুং কে.গী শিয়র অসি ১% তারি। মিসন অসিগী মখাদা জে. অমসুং কে.গী ফন্দিংগী মতেং মতিক আনা ফংনবা অমসুং রাজ্য অসিদা লৈরিবা খুঙ্গংগী লাইরবা মীয়াম মতিক চানা কোনশিনবা ঙম্নবা জি.ও.আই.না এফ.ৱাই. ২০১৩-১৪দগী এফ.ৱাই. ২০১৭-১৮ ফাওবগী অকক্নবা মতম অমগী মনুংদা রাজ্য অসিদা লৈরিবা খুঙ্গংগী লাইরবা য়ুমথোং খুদিংমক (খুঙ্গংগী য়ুমথোংগী অপুনবা মশিংগী শরুক অহুম থোকপগী অনিদা হোৎলগা) জম্মু অমসুং কাশ্মীর রাজ্যগী দি.এ.ৱাই-এন.আর.এল.এম.গী মখাদা অখন্নবা পেকেজ অমা অয়াবা পীখি। মন্ত্রী মন্দলনা অখন্নবা পেকেজ অসি প্রোভর্তী রেসিওগা মরী লৈনহন্দনা ইম্প্লিমেন্ত তৌনবা তঙাইফদবা মওংদা দি.এ.ৱাই-এন.আর.এল.এম.গী মখাদা রাজ্য অসি ফন্দ পীথবগী অয়াবসু পীখি। প্রপোজল অসিগী অহানবা এপ্রুব তৌরবা ফাইনান্সিএল আউৎলে অসি চহি মঙাগী লুপা করোর ৭৫৫.৩২ (কেন্দ্রগী শিয়র করোর ৬৭৯.৭৮)নি।

তোঙান তোঙানবা মরমশিং অমসুং রাজ্য অসিগী তংদু লৈতদবা ফীভমশিংনা মরম ওইরগা অখন্নবা পেকেজ অসি মে ২০১৩দা অয়াবা পীখরি, লোয়ননা ২০১৮-১৯ ফাওবা চহি অমা শাংদোক্লবসু মপুং ফানা ইমপ্লিমেন্ত তৌবা ঙমখিদে।  ২০১৯দা জে অমসুং কেদা প্রোগ্রামশিং মাই পাকখিবা অদু তোঙানবা থর্দ পার্তী অমনা কুপ্না য়েংশিনখি অমসুং মখা তানা অখন্নবা পেকেজ অসি ইমপ্লিমেন্ত তৌনবা স্তেৎ মিসন্না শেম-শারিবা অদুগী এসেসমেন্ত ইন্সতিত্যুত ওফ রুরেল মেনেজমেন্ত (আই.আর.এম.এ.), অনন্দ, গুজরাতনা পাঙথোকখি। ইভাল্যুএসন অসি পাঙথোকপনা অতপ্পা রাজ্যশিংদা দি.এ.ৱাই-এন.আর.এল.এম. ইমপ্লিমেন্ত তৌবগী অফবা ফল কয়া পুথোকপা ঙমখি। মসিদা ইনকমগী চাংশিং, এসেৎ বেজশিং ফগৎহনবা, নু্পীশিংগী অনৌবা/মখল কয়াগী হিংনবগী পাম্বৈশিংগী খুদোংচাবশিং ফংহনবা, হেন্না তুংশিনবা ঙমহনবা, পোৎ পুথোকপগী হিরমশিংগী হেন্না ইনবেস্তমেন্তশিং তৌবা, পোৎ পুথোক্লিবা অদু শীজিন্নবা অসিনচিংবা য়াওখি। মসিগী মথক্তা কাংলুপকী থাক্তা থোকপা সমস্যাশিং কোকহনবা, বেনিফিসরীশিং খনবদা অরোৎপা লৈহন্দবা, খুন্নাইদা শন্তি পুরকপা অমসুং অমনা অমগী মতেং পাংনবা অসিগুম্বা অফবা ফলশিং ফংখি। এস.ঐচ.জি.শিংগী মেম্বরশিং অমসুং থৌ পুবাশিং ওইনা কম্ম্যুনিতী রিসোর্স পর্সনশিং অমসুং সোসিএল কেপিতেলগী অচৌবা কেদর অমা শেমখি।

****