ইলেক্ত্রোনিক্স অমসুং আই.তি. মন্ত্রালয়
নেস্নেল ইনফোর্মেতিক্স সেন্তর (এন.আই.সি.), আই.ই.ই.ই. কম্প্যুতর সোসাইতী অমসুং ওরেকলনা ওক্তোবর ৩০দগী নবেম্বর ১, ২০২০ ফাওবা গোভ তেক-থোন ২০২০ পাঙথোক্কনি
ভর্চ্যুএল হেকাথোন অসিনা অনৌবা ৱাখল্লোনশিং ইনক্যুবেৎ তৌনবা, ইন্নোবেসন হেনগৎহন্নবা অমসুং লৌউ-শিংউ অমদি মরী লৈনবা সেক্তরশিংদা তেক্নোলোজী শীজিন্ননবা পান্দম থম্লি
এম.ই.আই.তি.ৱাই.গী সেক্রেতরীনা ওনলাইন রেজিস্ত্রেসন পোর্তেল ‘https://www.computer.org/education/oracle_hackathon_2020’ হাংদোকখ্রে; হেকাথোন অসিগী রেজিস্ত্রেসন তৌবা হৌরে
Posted On:
14 OCT 2020 2:22PM by PIB Imphal
প্রধান মন্ত্রীগী ৱাখল্লোন অমসুং পাউতাক অমদি ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় (এম.ই/আই.তি.ৱাই.), নেস্নেল ইনফোর্মেতিক্স সেন্তর (এন.আই.সি.), আই.ই.ই.ই. কম্প্যুতর সোসাইতী অমসুং ওরেকলগী লুচিং মখাদা অনৌবা ৱাখল্লোনশিং ইনক্যুবেৎ তৌনবা, ইন্নোবেসন হেনগৎহন্নবা অমসুং লৌউ-শিংউ অমদি মরী লৈনবা সেক্তরশিংদা তেক্নোলোজী শীজিন্ননবা গোভ তেক-থোন ২০২০ লাউথোক্নবা ঙরাং পুন্না খুৎশম্নখ্রে।
ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়গী সেক্রেতরী শ্রী অজে সৌহনেনা ওনলাইন রেজিস্ত্রেসন পোর্তেল ‘https://www.computer.org/education/oracle_hackathon_2020’ হাংদোক্তুনা হেকাথোন লাউথোকখ্রে।শ্রী সৌহনেনা হেকাথোন অসি শিন্নবা নেস্নেল ইনফোর্মেতিক্স সেন্তর (এন.আই.সি.), আই.ই.ই.ই. কম্প্যুতর সোসাইতী অমসুং ওরেকলনা খুৎশম্নদুনা হোৎনরিবা অসি থাগৎখি। হৌগৎলক্লিবা নহাশিং অসি ভারতকী দিজিতেল ইকোসিস্তেমগী মরু ওইবা শরুক অমনি অমসুং মখোয়না হেকাথোন অসিদা শরুক য়ারক্কনি অমদি মখোয়গী সোলুসনশিংনা অৱাবশিং কোকহনবা ঙমগনি হায়না মহাক্না আশা তৌরি হায়না ফোঙদোকখি।
এন.আই.সি.গী দিরেক্তর জেনরেল দা, নীতা ভর্মানা ‘গোভ তেক-থোন ২০২০’গী ওনলাইন পোর্তেল অসি হৌদোকপগী মহাক্কী ৱারোলদা হায়খি মদুদি হেকাথোন অসি অনৌবা তেক্নোলোজী কয়াগা লোয়ননা দিজিতেল ইকোসিস্তেম অমা শেমগৎনবা মায়কৈদা চংশিনবা খোঙথাং অমনি।মহাক্না হায়খি গোভ তেক-থোন ২০২০ অসিনা ৱাখল্লোন, প্রুফ ওফ কন্সেপ্ত, কয়া পুথোরক্কনি, সরকার সর্ভিসশিংদা ইন্নোবেস অমসুং ইনক্লুজনগী ৱার্কিং মোদেলশিং ফংহনগনি।
এন.আই.সি.গী দিপুতী দিরেক্তর জেনরেল দা. সবিতা দাৱারনা লৌউ-শিংউ অমসুং লৌমীশিংগী য়াইফ থৌরাং মন্ত্রালয়, এজুকেসন মন্ত্রালয় অমসুং রোদ ত্রান্সপোর্ত অমসুং হায়ৱেজ মন্ত্রালয়দগী এ.আই.দা য়ুম্ফম ওইবা মহৈ-মরোংগী পাউতাকশিং, ব্লোকচেন্দা য়ুম্ফম ওইবা সীদ সর্তিফিকেসন, একজামশিং/তেস্তশিংদা ওতোমেতেদ ওইনা য়েংশিনবা, ওতোমেতেদ ওইবা মওংদা কম্মের্সিএল ওইবা গারীশিংগী ফিৎনেস চেক তৌবা অমসুং চে-চাংশিং লাইনা অপলোদ তৌহনবা য়াওনা ভারত্তা খুদক্তা সোলুসনশিং মথৌ তারিবা খুদোংচাদবা মঙাগী মরমদা মহাক্না তেন্তক্না ফোঙদোকখি।
আই.ই.ই.ই. ইন্দিয়া ওপরেসন্সকী সিনিয়র দিরেক্তর অমসুং হেদ শ্রী হরিশ মাইসুরনা হায়খি, “চহিচা কয়া অসিদা আই.ই.ই.ই.না ইঞ্জিনীয়রশিং থৌনা হাপ্লি অমদি সেক্তরশিংদা তেক্নোলোজী চাউখৎহনবদা মতেং পাংলি। এন.আই.সি. অমসুং ওরেকলগী পার্তনর্শিপনা তেক্নোলোজী শীজিন্নবা হেনগৎহনবা, লৌউ-শিংউ, ত্রান্সপোর্তেসব অমসুং এজুকেসন্দা দিজিতেলনা দিবাইদ হন্থহনবদা মতেং পাংগনি অমসুং ভারতকী প্রজাশিংদা ঐখোয়না হেন্না অফবা লৈঙাক অমা ফংহনবদা মতেং পাংগনি।”
ওরেকলগী রিজনেল মেনেজিং দিরেক্তর শ্রী শাইলেন্দর কুমারনা হায়খি, “ভারত্তা দিজিতেল অমসুং নোলেজ ইকনোমীদা অওনবা পুরক্নবা, ঐখোয়না মীয়াম পুম্বা, মরু ওইবা শেন্মীৎলোনগী সেক্তরশিং অমসুং মরী লৈনবা কাংলুপশিং অহানবদা দিজিতেল ওইনবা থৌনা হাপ্পা তাই।গোভ তেক-থোন ২০২০ অসিগীদমক এন.আই.সি. অমসুং আই.ই.ই.ই.ইনা পুন্না খুৎশম্ননা হোৎনবা অসিদা ঐখোয়না চাউথোকচৈ অমসুং মরু ওই হায়না খনগৎলবা লম পুম্নমক্তা লোকেল ইন্নোবেসন শৌগৎনবা ফোঙদোকখি।”
পান ইন্দিয়াগী পুং ৩৮কী ভর্চ্যুএল হেলাথোন অমা ওইরিবা গোভ তেক-থোন ২০২০ অসি ওক্তোবর ৩০দগী নবেম্বর ১, ২০২০ ফাওবা পাঙথোক্কনি। হেকাথোন অসি ইঞ্জিনীয়রিং, কম্প্যুতিং অমসুং তেক্নোলোজী ইনফোর্মেসনগী অপুনবা অমা ওইরিবা আই.ই.ই.ই.না হৌদোক্কনি। গোভ তেক-থোন ২০২০গী রেজিস্ত্রেসন তৌবা য়ারগনি।
ভর্চ্যুএল হেলাথোন অসিদা মহৈরোয়শিং, থবক তৌরিবা প্রোফেস্নেলশিং, স্তার্তঅপশিং, ফ্রীলেন্স তেক্নোলোজিস্তশিং, ফেকল্তী অমসুং অতোপ্পা ভারতকী আই.তি. সর্বিস ফর্মশিংনা য়াওবা য়াগনি। হেকাথোন অসিগী মনুংদা শরুক য়ারিবশিংনা এন,আই,সি, আই.ই.ই.ই. অমসুং ওরেকলগী তেক্নিকেল এক্সপর্তশিং লোয়ননা ভারত সরকারগী লৌউ-শিংউ, এজুকেসন মন্ত্রালয়শিং অমসুং ত্রান্সপোর্ত বিভাগশিং অসিগী সিনিয়র দোমেন এক্সপর্তশিংনা মেন্তর্শিপ অমসুং পাউতাক ফংগনি।
শরুক য়ারিবা তিমশিংনা ওরেকলগী খ্বাইদগী নৌবা তুলশিং, ওতোনোমস দেতাবেজ, বিল্ত-ইন অমসুং লাইনা শীজিন্নবা য়াবা ক্লাউদ সিক্যুরিতী অমসুং কম্প্যুৎ একসেস তৌবা য়াহন্দুনা মখোয়না শীজিন্নবা য়াবা অমসুং কান্নগদবা প্রোতোতাইপশিং দিবেলপ তৌবদা মতেং পাংগনি। মসিগী মথক্তা মখোয়না পর্ফোর্মেন্স ফগৎহনবা, থাজবা য়াবা অমসুং দেতা সিক্যুরিতীগী কান্নবা ফংহনগদবা ওপন সোর্স তেক্নোলোজীশিং শেমগৎপা ঙমগনি।
নেস্নেল ইনফোর্মেতিক্স সেন্তর (এন.আই.সি.)গী মতাংদা
নেস্নেল ইনফোর্মেতিক্স সেন্তর (এন.আই.সি.) অসি মিনিস্ত্রী ওফ ইলেক্ত্রোনিক্স এন্দ ইনফোর্মেসন তেক্নোলোজী (এম.ই.আই.তি.ৱাই.)দা এতেচ তৌবা ওফিস অমনি। এন.আই.সি. অসি ১৯৭৬তা লিংখৎখি অমসুং হৌখিবা চহি ৪০ রোম অসিদা সরকারদা আই.সি.তি. পীবা অমসুং ইগভর্নেন্সকী মতেং পীবদা অমসুং দিজিতেল দিবাইদ শমজিন্নবদা মতেং পাংবগী অৱাংবা মখলগী এক্সপিরিএন্স লৈরে। মসি সস্তেনেবল দিবেলপমেন্তগী দিজিতেল প্রমোতর ওইনা হৌরকখি। এন.আই.সি.না সোসিএল অমসুং পব্লিক এদমিনিস্ত্রেসন্দা আই.সি.তি. এপ্লিকেসনশিং ইপ্লিমেন্ত তৌদুনা অমসুং সরকার(জি.২.জি.), ললোল-ইতিক (জি.২.বি.), প্রজা (জি.২.সি.) অমসুং সরকারগী কর্মাচারী খুদিংমক (জি.২.ই.)তা ইলেক্ত্রোনিক্সকী খুত্থাংদা সর্ভিসশিং পীদুনা “ইনফোর্মেতিক্স-লেদ-দিবেলপমেন্তরোমদা চংশিল্লি। এ.আই.সি.না মসিগী আই.তি.সি. নেতৱার্ক “নিকনেত”কী খুত্থাংদা মন্ত্রালয় খুদিংমক/কেন্দ্র সরকারগী দিপার্তমেন্ত খুদিংমক, রাজ্য সরকার ৩৭/য়ুনিয়ন তেরিতোরীশিং অমসুং ভারত দিস্ত্রিক্ত এদমিনিস্ত্রেসন ৭২০ হেনবগা ইন্সতিত্যুস্নেলগী ওইবা মরী থম্মি।
এন.আই.সি.না খ্বাইদগী নৌবা আই.সি.তি. ইনফ্রাস্ত্রকচর অমা শেমগৎপগী মথক্তা সরকারগা লোয়ননা লৈঙাক্কী ওইবা তোঙান তোঙানবা হিরমশিংদা পুন্না চৎমিন্নরি, মসিনা প্রজাশিংদা সরকারগী সর্ভিসশিং ফংহন্নবা তোঙান-তোঙানবা থাকশিংদা সরকারবু মতেং পাংনবা মশিং য়াম্লবা দিজিতেল সোলুসশিংসু শেমগৎখ্রে।
আই.ই.ই.ই. কম্প্যুতর সোসাইতীগী মরমদা
আই.ই.ই.ই. অসি মীওইবা খুনাইগী কান্নবা এদভান্স ওইরবা তেক্নোলিজীদা কত্থোক্লবা মালেমগী খ্বাইদগী চাউরবা তেক্নিকেল প্রোফেস্নেল ওর্গনাইজেসন অমনি। আই.ই.ই.ই. অমসুং মসিগী মেম্বরশিংনা লৈবাক ১৬০গী মথক্তা লৈবা মেম্বর ৪১৯,০০০গী খুত্থাংদা তুংগী য়াইফনবা ৱাখল্লোন পুথোক্নবা মালেমগী কম্ম্যুনিতীদা ইথিল পীরি। আই.ই.ই.ই.গী মরমদা অহেনবা ই-পাউগীদমক www.ieee.org.দা চংবীয়ু।
আই.ই.ই.ই. কম্প্যুতর সোসাইতী অসি ইনফোর্মেসন, ইন্সপিরেসন অমসুং কম্প্যুতর সাইন্স অমসুং ইঞ্জিনিয়রিং খুৎশম্নবগী অফবা মখলগী সোর্স অমনি। মালেম পুম্বদা মেম্বরশিং শম্নহন্দুনা কম্প্যুতর সোসাইতী অসিনা মীওইশিংগী মখোয়গী প্রোফেস্নেল কেরীয়রগী তাঙ্কক খুদিংমক্তা তুলশিং পীদুনা তেক্নোলোজী খুমাং চাউশিলহল্লিবা মীওইশিংদা ইনোৎ হাপ্লি। আই.ই.ই.ই. কম্প্যুতর সোআইতীগী মরমদা অহেনবা ই-পাউগীদমক www.computer.orgদা চংবীয়ু।
ওরেকলগী মরমদা
ওরেকল ক্লাউদনা সেলস, সর্ভিস, মার্কেতিং, হ্যুমেন রিসোর্সেস, ফাইনান্স, সপ্লাই চেন অমসুং মেন্যুফেকচরিংগা লোয়ননা ওরেকল ওতোনোমস দেতাবেজ য়াওবা য়াম্না ওতোমেতিক ওইবা অমসুং সিক্যুর জেনেরেসন ২ ইনফ্রাস্ত্রকচরগী মপুং ফারবা অপুনবা এপ্লিকেসনশিং পীরি। ওরেকল (এন.ৱাই.এস.ই:ও.আর.সি.এল.)গী মরমদা অহেনবা ই-পাউ খংনবা www.oracle.com.দা চংবীয়ু।
*****
(Release ID: 1664401)
Visitor Counter : 211