হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না ঙসি ভিদিও-কনফরেন্স অমগী থোংদা কোবিদ-১৯দা গ্রুপ ওফ মিনিস্তর্স (জি.ও.এম.)কী অৱাংবা থাক্কী ২১শুবা মীফমদা ময়াই তাংবল লৌখ্রে। মহাক্কা লোয়ননা মপাল থৌরমগী মন্ত্রী দা. এস. জাইশঙ্কর অমসুং সিবিল এবিএসনগী মন্ত্রী শ্রী হর্দীপ সিংহ পুরি, শিপ্পিং (ইন্দিপেন্দেন্ত চার্জ), কেমিকেল্স অমসুং ফর্তিলাইজর্সগী রাজ্যগী মন্ত্রী, হকশেল অমসুং য়াইফ-য়ুম্বালগী রাজ্যগী মন্ত্রী শ্রী অশ্বিনি কুমার চৌবে অমসুং মেম্বর (হকশেল), নিতি আয়োগ দা. বিনোদ কে পাউলনা ভর্চ্যুএল ওইনা শরুক য়াখি।

হৌরকপদা দা. হর্শ বর্ধন্না থা কয়াগী মমাংদগী লায়চৎ অসিগী মায়োক্তা খোঙফম চেৎনা লান্থেংনরিবা কোবিদ ৱারিয়র পুম্নমক্তা তৌবিমল খঙবা অমসুং ইকাই খুম্নবা উৎখি।মহাক্না মহাক্কী থবক তৌমিন্নরিবশিংদা ভারতনা লায়চৎ অসিগী মায়োক্তা লান্থংনবদা উৎলিবা থৌনা লৈবা পব্লিক হেল্থ রেস্পোন্স অমসুং হৌজিক ফাওবদা ফংলিবা কান্নরবা ফলশিং অসিগী মতাংদা পাউদমখি। “নাবা ফগৎলকখ্রবা কেস ৬২,২৭,২৯৫গা লোয়ননা ভারতনা মালেমগী ওইনা নাবা ফগৎলকপগী চাং ৮৬.৭৮% ওইদুনা খ্বাইদগী ৱাংবা ওইরি। শীবগী চাং ১.৫৩% ওইদুনা মালেমগী ওইনা খ্বাইদগী নেম্বা ওইরি অমসুং ঐখোয়না নুমিৎ হুমনিগী দব্লিং তাইম অসি মাই পাক্না হেনগৎহন্দুনা নুমিৎ ৭৪.৯গী রিপোর্ত তৌরক্লি।” “হৌজিক লৈরিবা অপুনবা লেব ১৯২৭ অসিনা তেস্ত তৌবদা হেনগৎহল্লি। ভারতকী তেস্ত তৌবা ঙম্বগী চাং অসি নোংমদা তেস্ত মিলিয়ন ১.৫দা হেনগৎখ্রে। হৌখিবা পুং ২৪দা সেম্পল লাখ ১১গী ময়াদা তেস্ত তৌখ্রে,” হায়না মহাক্না মখা তাখি।

কেন্দ্রগী হকশেল মন্ত্রী অমসুং জি.ও.এম.গী চ্যেরপর্সন্না লাক্কদৌরিবা হরাও-কুম্মৈগী পন্থা অমসুং ঈংথম থা অসিগী মনুংদা কোবিদকা চুনবা চৎন-লোনচৎ চেকশিন্না ঙাক্না চৎনবগী মতাংদা মীপুম খুদিং অপিল তৌরি, মতম অসিদা লায়না অসি হেনগৎলকপগী চাং য়াম্না ৱাংলবা য়াই হায়না মহাক্না নুংশা থিবা ফোঙদোকখি। “ইকাই খুম্নরবা প্রধান মন্ত্রীনা লৈবাক শিনবা থুংনা জন অনদোলন হৌদোক্তুনা মীয়ামনা হরাও-কুম্মৈ পাঙথোক্লিঙৈ মতম অসিদা লায়না অসি শন্দোকপা থিংনবা কোবিদকা চুনবা চৎন-লোনচৎশিং ঙাক্না চৎনবা থৌগৎলি”, হায়না মহাক্না ফোঙদোকখি।

দা. সুজীৎ কে সিংহ, দিরেক্তর (এন.সি.দি.)না দেতাদা য়ুম্ফম ওইবা তাঙ্কক নাইবা সরকারগী পোলিসীশিং অসিনা করম্না ভারতপু লায়চৎ অসি শীংথানিংঙাই ওইনা মওংদা লাকশিনবা ঙমহনবগে হায়বগী মতাংদা অকুপ্পা ৱারোল য়াওবা রিপোর্ত অমা উৎখি। মহাক্না কেসশিংগী মশিং, শীখিবগী মশিং, মখোয়গী গ্রোথ রেৎকা মরী লৈনবা মশিং অমসুং মথক্তা পীরিবা পোলিসীশিং অসি লৌখৎপনা মরম ওইরগা মালেমগা করম্না চংদম্নহল্লি হায়বা উৎখি। অমরোমদা ভারত পুম্বগী নাবা ফগৎলকপগী চাং অসি ৮৬.৩৬% ওই, ভারত্তা দদর অমসুং নগর হবেলি অমদি দমন অমসুং দিয়ুনা নাবা ফগৎলকপগী চাং ৯৬.২৫% ওইদুনা খ্বাইদগী ৱাংলি, এ এন্দ এন ঈথৎশিং (৯৩.৯৮%) অমসুং বিহার (৯৩.৮৯%) অনি অসিনা মতুং ইল্লি। হৌখিবা নুমিৎ খরা অসিদা অনৌবা কেসশিংগী মশিং হেনগৎলকপনা মরম ওইরগা কেরেলানা নাবা ফগৎলকপগী চাং ৬৬.৩১% ওইদুনা খ্বাইদগী নেম্লি।

পন্থা অসিদা মশিং হেগৎলকপা ইনফ্লু্য়েঞ্জা অমসুং বেক্তর-বোর্ন দিজিজশিংগী মওং মতৌ অদু পুথোক্লদুনা মহাক্না লৈবাক অসি কোবিদ-১৯ লায়চৎ অসিনা মরম ওইরগা ইনফ্লুয়েঞ্জাগী কেসশিং রিপোর্ত তৌরকপা হন্থরক্লি হায়না পাউদমখি। লৈবাক অসিদা লাক্কদৌরিবা ইনফ্লুয়েঞ্জাগী পন্থা অসি য়েংলগা সিজনেল ইনফ্লুয়েঞ্জা অসি কোবিদ-১৯গা লোয়ননা অমুক্তদা খঙদোক্নবা তেস্ত তৌবা অমসুং সর্বিলেন্সকী থবক থৌরমশিং ফগৎহন্নবা থোকখিবা এদবাইজরীশিংগী মতাংদা মন্ত্রীশিংদা মহাক্না খঙহনখি।

লাক্কদৌরিবা ঈংথম থা অমসুং হরাও কুম্মৈগী পন্থা অসি য়েংলগা অনৌবা খুদোংচাদবশিং অসি কোকহন্নবা হোৎনবগী মতাংদা দা. হর্শ বর্ধন্না ৱারিবা অদু অমুক হন্না ফোঙদোক্লদুনা লাক্কদৌরিবা চয়োল খরা অসিদা কা হেন্না শোকহল্লবা সহরশিংদা শন্দোকপা হন্থহন্নবা হোৎনরিবা অমসুং মীয়ামগী মরক্তা কোবিদকা চুনবা চৎন-লোনচৎশিং ঙাক্না চৎহন্নবা কেম্পেন চত্থবা অসিগী মতাংদা মহাক্না ফোঙদোকখি।

দা. বিনোদ কে. পোল নিতি আয়োগনা অকুপ্পা প্রজেন্তেসন অমগী খুত্থাংদা ভারত অমসুং মালেম পুম্বদা কোবিদ বেক্সিন পুথোক্নবা প্রোসেস অসিগী জি.ও.এম.বু থাগৎপা ফোঙদোকখ্রে। সেন্তর ফোর দিজিজ কন্ত্রোল (সি.দি.সি.), য়ু.এস.এ. অমসুং দবল্যু.ঐচ.ও.না পীবা রিকম্মেন্দেসনশিংগী মতুং ইন্না বেক্সিন অসি হন্না ফংগদবা মীওই কাংলুপ অদুদা অহানবা খুদোংচাবা পীনবগী সেক্সনশিং শেমদোকপগী স্তদী অমা উৎখি। মহাক্না চহিগী কাংলুপকী মতুং ইন্না কোবিদনা শীখিবা জেনদরগী কম্পোজিসন, হৌজিক লৈরিবা ভারতকী মীশিংগী নাবা য়াবা চহি-কাংলুপশিংগী কম্পোজিসন অমসুং মসিগী চহি-কাংলুপশিং অসিগী মনুংদা কোবিদ অমদি কো-মোর্বিদিতীশিং পুনশিনখিবা অদুসু উৎখি।

খ্বাইদগী নৌবা ভেক্সিনগী স্তোক পোজিসন, স্তোরেজ ফেসিলিতীদা লৈবা তেম্পরেচর, জিও-তেগ হেল্থ সেন্তরশিং অমসুং মেন্তেন ফেসিলিতী লেবেল দাশবোর্দ ত্রেক তৌবা ঙম্বা ইবিন নেতৱার্ক অসি কোবিদ বেক্সিন দেলিবর তৌনবা অমুক হন্না প্রপোজ তৌখ্রে। হেল্থক্যের ৱার্করশিং (ঐচ.সি.দবল্যু.এস.)গী লিস্ত শেম্বা অসি ওক্তোবর অরোইবদা নত্রগা নবেম্বর অহৌবদা লোইরগনি অদুগা ফ্রন্তলাইন ৱার্করশিং খন্দোকপা, দিজিতেল প্লেৎফোর্ম চাউথোকহনবা, নন-বেক্সিন স্প্লাইশিংগী লোজিস্তিক্স, কোল্দ চেন ওগমেন্তেসনগী থকবশিং অসি পীরিবা ইম্লিমেন্তেসন প্লানগী মতুং ইন্না পাংথোক্লি হায়না শরুক য়ারিবশিংদা থমখি।   

কেন্দ্রগী হেল্থ সেক্রেতরী শ্রী রাজেশ ভুশন্না পোজিতিবিতী চাং ৫%দগী তানা থম্নবা, লৈবাক পুম্বদা শীবগী চাং ১%দগী তানা অমসুং প্রজা মীয়ামগী মরক্তা কোবিদকা চুনবা চৎন-লোনচৎ মপুংফানা ঙাক্না চৎনবা তেস্ত তৌবা হেনগৎহনবগী মরুওইবগী মতাংদা ফোঙদোকখি। নৌনা কেসশিং হেনগৎপা উখিবা মরুওইবা রাজ্যশিং কেরেলা, কর্নাতকা, ৱেস্ত বেঙ্গল, রাজস্থান অমসুং ছত্তিশগরদা লায়না অসিগী ত্রেজেক্তরী য়েংশিনবা মথৌ তাবগী মতাংদা মহাক্না চেকশিন হায়খি। 

শ্রী প্রদীপ সিংহ খরোলা, সেক্রেতরী (সিবিল এবিএসন), শ্রী রবী কাপুর, সেক্রেতরী (তেক্সতাইলস), কুমারী এস. অপর্না, সেক্রেতরী (ফার্মা), দা. বলরাম ভার্গৱা, দি.জি. (আই.সি.এম.আর.), শ্রী অরুন কুমার দি.জি.সি.এ. (সিবিল এবিএসন), শ্রী অমিৎ য়াদব, দি.জি. ফোরেন ত্রেদ (দি.জি.এফ.তি.) অমসুং অতোপ্পা সরকারগী মকোকথোংবা ওফিসিএলশিংনা ভর্চ্যুএল মিদিয়া থোংদা শরুক য়াখি।  

****