ভারতকী তোঙান তোঙানবা প্রিমিয়র একাদেমিক ইন্সতিত্যুসনশিংনা লমদম অসিদা এসেম্বল তৌজরিবা অমসুং শাজরিবা অসিগা অথুবদা খোঙলোয় ওইদুনা লৈবাক অসিদা সুপরকম্প্যুতিং ইনফ্রাস্ত্রচর লিংখৎনবা অমসুং ফেসিলিতীশিং অসি অহোংবা মমলদা ফংহন্নবা হোৎনরগনি।

ইলেক্ত্রোনিক্স অমসুং ইনফোর্মেসন তেক্নোলোজী (এম.ই.আই.তি.ৱাই.) মন্ত্রালয়গী মখাদা লৈবা সেন্তর ফোর দিবেলপমেন্ত ওফ এদভান্স কম্প্যুতিং (সি-দেক)না ওক্তোবর ১২, ২০২০দা ভর্চ্যুএলগী ওইবা থৌরম অমা পাঙথোক্তুনা ভারত্তা এশেম্বল তৌজবা অমসুং শাজবা সুপরকম্প্যুতিং ইনফ্রাস্ত্রকচর লিংখৎনবা অমসুং নেস্নেল সুপরকম্প্যুতিং মিসনগী মরু ওইবা মচাকশিং শানবা প্রিমিয়র একাদেমিক অমসুং ভারতকী আর এন্দ দি ইন্সতিত্যুসনশিংগা লোয়ননা পুন্না এম.ও.য়ু. ১৩ খুৎয়েক পীনখ্রে।

শ্রী সেঞ্জে শমরাও ধোত্রে, ইলেক্ত্রোনিক্স অমসুং ইনফোর্মেসন তেক্নোলোজীগী রাজ্যগী মন্ত্রীনা হায়খি, প্রিমিয়র ইন্সতিত্যুতশিংগা লোয়ননা খুৎয়েক পীনরিবা এম.ও.য়ু. অসিনা “আত্মানির্ভর ভারত” ওইনবগী অহৌবনি অমসুং  সেন্তর ফোর দিবেলপমেন্ত ওফ এদভান্স কম্প্যুতিং (সি-দেক) অমসুং ইন্দিয়ন ইন্সতিত্যুত ওফ সাইন্স (আই.আই.এসসি.) বেঙ্গলোরগী খুত্থাংদা সাইন্স অমসুং তেক্নোলোজী বিভাগ (দি.এস.তি.) অমসুং ইলেক্ত্রোনিক্স অমসুং ইনফোর্মেসন তেক্নোলোজী বিভাগ (দি.ই.আই.তি.ৱাই.) অসিনা হৌদোকখিবা নেস্নেল সুপরকমপ্যুতিং মিসন অসি খুমাং চাউশিনবদা মহাক্না অপেনবা পোকই হায়না ফোঙদোকখি।

সাইন্স অমসুং তেক্নোলোজী বিভাগকী সেক্রেতরী প্রোফেসর অশুতোশ শর্মনা হায়খি এম.ও.য়ু. ১৩ খুৎবেল পীনরিবা অসিনা মিসন অসি চংশিল্লিবা খোঙজেল অদু তাক্লি অমসুং মসিনা কম্প্যুতিংগী ফেসিলিতীদা চাউনা খুমাং চাউশিলহল্লিবা অমনি। “হৌখিবা চহি ৫ অসিদা মিসন অসিদা অচৌবা অহোংবশিং পুরকখ্রে মসিদা ভারতকী সুপরকম্প্যুতরশিংগী হর্দৱেয়র অমসুং সোফৱেয়রগী দিজাইন অমসুং ফেব্রিকেসনদা মীৎয়েং চংলি। মসি প্রধন মন্ত্রীগী ‘আত্মানির্ভর ভারত’কী অপাম্বা অদুগী মায়কৈদা তশেংনা চংশিনবা খোঙথাং অমা ওইরি,” হায়না মহাক্না মখা তাখি।

“কম্প্যুতেস্নেল বাইওলোজী, মোলিক্যুলর দাইনামিক্স, নেস্নেল সেক্যুরিতী, কম্প্যুতেস্নেল কেমেস্ত্রী, সাইবর ফিজিকেল সিস্তেমশিং, অচৌবা দেতা এনালাইতিকশিং, গভর্নমেন্ত ইনফোর্মেসন সিস্তেমশিং, অমসুং মখা তাবা কয়াদা অসিগুম্বা লম কয়াদা সুপরকম্প্যুতিং অসি য়াম্না মরু ওই। আর্তিফিসিএল ইন্তেলিজেন্স অমসুং মেছিন লর্নিং য়াওবগা লোয়ননা মসি শক্তি লৈবা খুৎলায় অমা ওইহল্লি। মিসন অসিদা খুমাং চাউশিনবনা পলশিং থুগাইদুনা মীয়ামবু থৌনা হাপতুনা অমসুং ভারতপু ফ্যুচর-রেদী ওইহন্দুনা তুংলমচৎতা লাক্কদবা খুদোংচাদবশিং মায়োক্নবা ঙম্লগনি,” হায়না মহাক্না ফোঙদোকখি।

“ঐখোয়গী পান্দমদি মপুং ফানা মরোমদোম লেপচবা ঙম্নবা লমদম অসিগী মশাগী ওইবা এক্সাস্কেল  চিপ দিজাইন তৌবা অমসুং এক্সাস্কেল  সর্ভর বোর্দশিং শাবা, এক্সাস্কেল  ইন্তরকন্নেক্ত য়াওরিবা হর্দৱেয়র অমসুং সিলিকোন-ফোতোনিক্স য়াওরিবা স্তোরেজ দি-দেক্তা শাবনি,” হায়না দা. হিমন্ত দার্বরী, দিরেক্তর জেনরেল, সি-দেক্না ফোঙদোকখি।

আই.আই.এস.সি. বেঙ্গলোর, আই.আই.তি. কানপুর, আই.আই.তি. রোর্কী, আই.আই.তি. হায়দরবাদ, আই.আই.তি. গুৱাহাতি, আই.আই.তি. মন্দি, আই.আই.তি. গান্ধীনগর, এন.আই.তি. ত্রিচী, এন.এ.বি.আই. মোহালিগুম্বা হোস্ত ওইরিবা ইন্সতিত্যুতশিং অমসুং আই.আই.তি. মদ্রাস, আই.আই.তি. খরকপুর, আই.আই.তি. গোৱা অমসুং আই.আই.তি. পলক্কাদতা ঐচ.পি.সি. অমসুং এ.আই.গী ত্রেনিং পীনবা এন.এস.এম. নোদেল সেন্তরশিংগা লোয়ননা এম.ও.য়ু.শিং খুৎয়েক পীনখি অদুদা এম.ই.আই.তি.ৱাই.গী স্পেসিএল সেক্রেতরী অমসুং এফ.এ. শ্রীমতি জোতি অরোরা, এম.ই.আই.তি.ৱাই.গী এদিস্নেল সেক্রেতরী দা রজেন্দ্র কুমার য়াওখি।

মিসন অসিনা হায়-পর্ফোর্মেন্স ৱাংবা কম্প্যিুতিং ফেসিলিতী ৭০ হেনবা য়াওরিবা অচৌবা সুপরকম্প্যুতিং গ্রিদ অমা লৈবাক শিনবা থুংনা ইন্সতোল তৌদুনা ঐখোয়গী লৈবাক অসিগী একাদেমিক অমসুং আর এন্দ দি ইন্সতিত্যুসনশিং খুমাং চাউশিনহন্নবা পান্দম থম্লি। মিসন অসিদা এপ্লিকেসনশিং অসি পুথোকপদা থেংনবা খুদোংচাদবশিং কোকহন্নবা য়াম্না প্রোফেস্নেল হাইয়-পর্ফোর্মেন্স কম্প্যুতিং (ঐচ.পি.সি.) এৱের হ্যুমেন রিসোর্স দিবেলপ তৌবা য়াওরি। মিসন অসি ইমপ্লিমেন্ত তৌবনা লৈবাক অসিগী অচৌবা সাইন্তিফিক অমসুং তেক্নোলোজী কম্ম্যুনিতীদা সুপরকম্প্যুতিংগী খুদোংচাবা ফংহল্লগনি অমসুং লৈবাক অসিদা মল্তি-দিসিপ্লিনরীগী ওইবা অচৌবা খুদোংচাদবগী সমস্যাশিং কোকহন্নবা কেপাসিতী পীবা ঙম্লগনি।

মিসন অসিনা ভারতপু সুপরকম্প্যুতিংদা মালেমগী লুচিংবা ওইরিবশিংগী মরক্তা অমা ওইহন্নবা চহি তরেৎ চংনা লুপা করোর ৪৫০০রোম চংহন্দুনা সাইন্স অমসুং তেক্নোলোজী বিভাগ (দি.এস.তি.) অমসুং ইলেক্ত্রোনিক্স অমসুং ইনফোর্মেসন তেক্নোলোজী বিভাগ (দি.ই.আই.তি.ৱাই.)না মিসন অসি পুন্না ইমপ্লিমেন্ত তৌরি অমসুং য়েংশিলি।

*****