অকোইবগী ফিভম অমসুং ঊমংগী মন্ত্রালয়
ভারতকী চাউথোকচনিংঙাই ওইবা মীৎকুপ; সরকারনা হায়জখিবা সমুদ্র তোর্বান ৮মক মালেমগী ব্লু ফ্লেগ সর্তিফিকেসন ফংলেঃ শ্রী প্রকাশ জাবাদেকর
Posted On:
11 OCT 2020 5:34PM by PIB Imphal
ভারতকী রাজ্য মঙা অমসুং য়ুনিয়ন তেরিতরী ২শিনবা থুংনা লৈবা ভারতকী সমুদ্র তোর্বান ৮বু য়ু.এন.ই.পি., য়ু.এন.দবল্যু.তি.ও., এফ.ই.ই., আই.য়ু.সি.এন.গুম্বা মমিং লৈরবা মেম্বরশিং য়াওবা মালেমগী জ্যুরীনা “ব্লু ফ্লেগ”কী মনা পীরকপা অসি ভারতকী য়াম্না চাউথোকচনিংঙাই ওইবা মীৎকুপ্নি।
“ব্লু ফ্লেগ”কী মনা ফংলবা সমুদ্র তোর্বানশিং অদুদি শিবরাজপুর (দ্বারকা-গুজরাত), ঘোঘলা (দ্যু), কসারকোর অমসুং পারুবিদ্রি (করনাতকা), কপ্পর (কেরলা), রুশিকোন্দা (আন্ধ্র প্রদেশ), গোল্দন (পুরি-ওরিশা) অমসুং রাধানগর (অন্দমান অমসুং নিকোবর ইথৎ)নি।
সমুদ্র তোর্বানগী মফমশিংদা অমোৎ-অকায় তৌশিনবদা লাকশিনবগী মতাংদা “মালেমগী খ্বাইদগী নীংথিবা থৌওং”গী মখাদা মালেমগী জ্যুরীনা ভারত্তা অহুমশুবা মকোক-মথঙ তাবগী মনাসু পীরকখ্রে।
“সমুদ্র মপাল ৮দা অমুক্তদা পুন্না মনা পীখিবা ‘ব্লু ফ্লেগ’কী লৈবাক অমত্তা হান্না লৈখিদ্রিবা অসিগী ওইনা য়েংলুরগদি হন্দক্কী থৌওং অসি য়াম্না মশক থোকপা মাই-পাকপা অমনি”, হায়না ইনবাইরনমেন্ত, ফোরেস্ত অমসুং ক্লাইমেৎ চেঞ্জকী কেন্দ্রগী মন্ত্রী শ্রী প্রকাশ জাব্রেকরনা মহাক্কী ত্বীৎ অমদা হায়খি অমসুং মসিগী মখা তারদুনা অসুম্না হায়খি, “মসিগী মনা অসি ভারতকী মহৌশাবু য়োকখৎপা অমসুং তুং কোইনা চৎকদবা চাউখৎপা পুরক্নবা হোৎনবগী থৌওংশিং অসিবু মালেমগী থাক্তা শক-খঙবনি”।
Proud moment for India; all 8 beaches recommended by government gets coveted International #Blueflag Certification.@narendramodi pic.twitter.com/j38BTnibl0
— Prakash Javadekar (@PrakashJavdekar) October 11, 2020
“ভারত অসি “এসিয়া-পেসিফিক” মফমগী মরক্তা শুপ্নগী চহি ২গী মনুংদা অসিগুম্বা মাই-পাকপা ফংবা খ্বাইদগী অহানবা লৈবাক অমনি”, হায়না শ্রী জাব্রেকরনা অতোপ্পা ত্বীৎ অমদা মখা তানা হায়খি।
জপান, খা-কোরিয়া অমসুং য়ু.এ.ই. অসিনা ব্লু ফ্লেগকী সমুদ্র মপান অনি লৈবা এসিয়াগী অতোপ্পা লৈবাকশিংনি অদুবু মখোয়গী মনা অসিদি চহি ৫দগী ৬কী মনুংদা ফংখিবনি।
ভারত অসি হৌজিক্তি “ব্লু ফ্লেগ” লৈবাক ৫০গী মনুং চল্লে অমসুং ঐখোয়গী লৈবাকপু ইকায় খুম্নবগী অসিগুম্বা মওং অসিদা ঐখোয়না য়াম্না চাউথোকচৈ অমসুং মথংগী চহি ৫দা অসিগুম্বা সমুদ্র তোর্বান ১০০ লৈহন্নবা থৌরাং য়াৎপগী থবক চত্থরি।
ভারতনা পাইলোৎ বিচ (সমুদ্র তোর্বান লৈবা রাজ্য/য়ু.তি.শিংদা অমমম লৈহনবা) শেমগৎপগী খোঙথাং অসি ইং ২০১৮দগী হৌখিবনি অমসুং লাক্কদৌরিবা লম-কোয়বগী কুম ২০২০গী ওইনা মশক-খঙনবগীদমক্তা সমুদ্র তোর্বান ৮গী অহানবা কাঙলুপ অমা থাজিনখিবনি।
এস.আই.সি.ও.এম., এম.ও.ই.এফ.সি.সি.না ভারতকী সমুদ্র তোর্বানগী মফমশিংবু “তুং কোইনা চাউখৎপা” ওইহন্নবা লৈবাক অসিগী আই.সি.জেৎ.এম. (ইন্তিগ্রেতেদ কোস্তেল জোন মেনেজমেন্ত) প্রোজেক্তকী মখাদা “বি.ই.এ.এম.এস.” (বিচ ইনবাইরনমেন্ত অমসুং এস্থেতিক মেনেজমেন্ত সর্বিস) হায়রিবা য়াম্না থাগৎনবা অমসুং ফ্লেগশিপ প্রোগ্রাম ওইরিবা অসিগী মতাংদা থবক পায়খৎপা হৌখি। মসিগী থৌওং অসি এফ.ই.ই. দেনমার্ক্কী ফাউন্দেসন ওফ ইনবাইরনমেন্ত এজুকেসন্না পীবা ইকায় খুম্ননিংঙাই ওইরবা মালেমগী ইকো-লেবেল “ব্লু ফ্লেগ” ফংবগী পান্দম থমদুনা পাঙথোকখিবনি।
বি.ই.এ.এম.এস. প্রোগ্রাম অসিগী পান্দমদি সমুদ্র তোর্বানশিং অমসুং মসিগী মফমশিংগী সমুদ্রগী ঈশিংদা অমোৎ-অকায় থোকহনবা হন্থহনবা অমসুং সমুদ্র মপানগী খুদোংচাবশিংবু তুং কোইনা চাউখৎহনবদা খুমাং চাউশিলহনবা অমসুং কোস্তেল ইকোসীস্তেম অমসুং মহৌশাগী রিসোর্শিংবু ঙাক-শেন্দুনা থম্বা অমসুং লোকেলগী মরী লৈনবা মীওইশিং অমসুং স্তেকহোলদরশিংদা সমুদ্র তোর্বানগী অকোয়বগী কাঙলোনগী মতুং ইন্না লু-নান্না লৈবা, হাইজিন শেন্নবা, তোর্বান অসিদা লাকপা মীওইশিংগী তেক্ত-কায়দবা অমসুং ঙাক-শেনবগী হীরমদা থাক ৱাংবা থৌওং পাঙথোকপগী ফিভম লৈহন্নবা পুক্নিং থৌগৎপনি। মসিগী প্রোগ্রাম অসিনা মহৌশাগী ওইবা মওং ইন্দুনা সমুদ্র তোর্বান্দা লম-কোয়বা অমসুং ঙৈহাক অৱা-পোত্থাবা লাকপগী চৎনবীবু খুমাং চাউশিলহনগনি অমসুং হীরম অসিগী মতাংদা য়াম্না তোপ তোপ্পা থৌওং অমসু ওইগনি।
***
(Release ID: 1663555)
Visitor Counter : 261
Read this release in:
English
,
Urdu
,
Hindi
,
Marathi
,
Assamese
,
Bengali
,
Gujarati
,
Odia
,
Tamil
,
Telugu
,
Kannada
,
Malayalam