সরকারনা লৌউশিংউগী এক্সপোর্ত হেনগৎনবা লেপতনা অমসুং চাং নাইনা হোৎনরকপশিং ঙসিদি কোবিদ-১৯ লাংফম লৈজরবসু এপ্রিল-সেপ্তেম্বর, ২০২০গী ওইনা লৌউশিংউগী পোৎচৈ এক্সপোর্ত তৌবগী চাং মমাং চহীগী মতম অসিমক্কা চাংদম্নবদা চাদা ৪৩.৪ হেনগত্তুনা মমাং চহী মতম অসিমক্তদা লুপা করোর ৩৭৩৯৭ ওইখিবদু লুপা করোর ৫৩৬২৬.৬তা হেনগত্তুনা মহৈ য়াল্লে। এপ্রিল-সেপ্তেম্বর, ২০২০-২১গা লোইননা এপ্রিল-সেপ্তেম্বর, ২০১৯-২০দগী হেন্না পোজিতিব ওইবা এক্সপোর্ত লাকখিবা মরুওইবা পোৎকী কাংলুপশিং অদুদি লৈবাক হৱাই (২৫%), রিফাইন্দ সুগর (১০৪%), গেহু (২০৬%), বাস্মতি চেঙ (১৩%) অমসুং বাস্মতি নত্তবা চেঙ (১০৫%) অসিনচিংবনি।

মখা তানা, এপ্রিল-সেপ্তেম্বর ২০২০দা লৈখিবা ত্রেদকী বেলেন্সসু ২০১৯গী মতম অসিদা ত্রেদ দিফিসিৎ লৈদুনা লুপা করোর ২১৩৩ ওইখিবদু হন্দক্তি লুপা করোর ৯০০২ ওইদুনা মশক থোক্না পোজিতিব চৎলে। থা-থাগী ওইনা য়েংবদা (এম.ও.এম., তঙাইফদবা লৌউশিংউগী পোৎ সেপ্তেম্বর ২০২০গী মনুংদা লৈখিবা ভারতকী এগ্রিকলচরেল এক্সপোর্ত অসি সেপ্তেম্বর ২০১৯দা লুপা করোর ৫১১৪ ওইখিবদুগী মাইয়োক্তা লুপা করোর ৯২৯৬ ওইখি।

এগ্রি এক্সপোর্ত হেনগৎনবগীদমক, সরকারনা এগ্রিকলচরেল এক্সপোর্ত পোলিসী, ২০১৮ লাউথোকখি, মসিনা মপুং ওইনা এক্সপোর্ত্তা মীৎয়েং থম্বা কেস ক্রোপশিং শম্না উহৈ-ৱাহৈ, মনা মশিং, মরু মরাং অসিনচিংবা কয়াদা ক্লস্তর ওইনা চঙশিলহল্লি মসিগী মতুংদা লৈবাক অসিদা লৈরিবা অখন্নবা লৌউশিংউগী পোত্থোক্কী ক্লস্তরশিং মশক খঙদোকখি অমসুং হায়রিবা ক্লস্তরশিং অসিদা মীৎয়েং চঙদুনা মতেং পাংখি।

এক্সপোর্ত প্রোমোসন ফোরম নিপালসু এপেদাগী মীৎয়েং মখাদা এগ্রিকলচর/হোর্তিকলচরগী পোত্থোকশিং মপালদা থাদোকপা হেনগৎনবা লিংখৎখি। ই.পি.এফ.শিংসু লফোই, অঙ্গুর, হৈনৌ, কফোই, তিলহৌ, শঙ্গোম, বাস্মতি চেঙ, বাস্মতি নত্তবা চেঙশিংগী শেমখি। ই.পি.এফ.শিং অসিনা মালেমগী কৈথেলদা এক্সপোর্ত মশক থোক্না হেনগৎনবা পুথোকপগী/সপ্লাই চেনগী থবক খুদিংমক্তা স্তেকহোল্দরশিং মশক খঙদোক্নবা, চে চাংশিং অমসুং মখোয়দা তাকপীনবা কন্না হোৎনরি।

হন্দক্তসু সরকার অসিনা অতেনবা মতমদা এগ্রি এক্সপোর্ত হেনগৎহনগদৌরিবা এগ্রি বিজিনেস ইনভাইরোন্মেন্ত ফগৎহন্নবা লুপা করোর লাখ ১গী এগ্রি ইনফ্রা ফন্দ লাউথোকখি।

মসিগী মথক্তা, দি.এ.সি. অমসুং এফ.দব্ল্যু.নসু মতীক চাবা এক্সন প্লান/স্ত্রেতেজী অমা মাইকৈ অনী লোংবা এগ্রি ত্রেদ হেনগৎনবা হোৎনরি মখোয়দুদি ভেল্যু এদিসনদা মীৎয়েং থমদুনা এগ্রি এক্সপোর্ত ফগৎহনবা অমসুং ইম্পোর্ত সবস্তিত্যুসনগী অকুপ্পা এক্সন প্লান্নি।

*****