কোইলা মন্ত্রালয়

কোয়লা মন্ত্রালয়না কোয়লাগী সেক্তরদা রিসর্চকী থৌওংশিং পাঙথোক্নবা ৱেবসাইৎ লোঞ্চ তৌখ্রে

লোয়শিনখ্রবা অমসুং চত্থরিবা রিসর্চ প্রোজেক্তশিংগী অকুপ্পা ৱারোলশিং ৱেবসাইৎ অসিদা ফংগনি

আর. অমসুং দি. প্রোজেক্তশিংদা মনুং-মপাং ফাওনা উবা হেনহল্লগনি

Posted On: 09 OCT 2020 5:32PM by PIB Imphal

“মসিগী ৱেবসাইৎ অসিনা কোয়লাগী সেক্তরদা পাঙথোক্লিবা রিসর্চকী থবকশিং অসিগী মতাংদা লৌশিং পীবদা তেংবাংগনি”, হায়না কোয়লা মন্ত্রালয়গী সেক্রেতরী শ্রী অনিল জেন্না হায়খ্রে। ঙসি কোয়লাগী সেক্তরদা পাঙথোক্লিবা আর. অমসুং দি.গী থবকশিং অসিবু খুমাং চাউশিলহন্নবা ৱেবসাইৎ অসিবু লোঞ্চ তৌবা মতমদা শ্রী জেন্না ৱেবসাইৎ অসিবু শারিবা সি.এম.পি.দি.আই.গী থৌওংশিং অসি থাগৎপা ফোঙদোকখি অমসুং কোয়লাগী সেক্তরদা তোঙান তোঙানবা লুপশিংনা পাঙথোক্লিবা আর. অমসুং দি.গী থবকশিংগী ৱেব-লিঙ্কসু ৱেবসাইৎ অসিদা হাপ্নবা ৱাফম হৌদোকখি।

কোয়লা মন্ত্রালয়না মন্ত্রালয় অসিগী রিসর্চ অমসুং দিবেলপমেন্তকী থৌওংশিংবু খুমাং চাউশিলহন্নবা অমসুং কোয়লাগী সেক্তরদা আর. অমসুং দি.গী থৌওংশিং পাঙথোক্নবা রিসর্চ ইন্সতিত্যুৎশিংগী পুক্নিং চীংশিন্নবা হায়দুনা ৱেবসাইৎ অসি লোঞ্চ তৌখিবনি। শ্রী অনিল জেন্না মন্ত্রালয় অসিগী স্তেন্দিং সাইন্তিফিক রিসর্চ কম্মিত্তীগী ৫৬শুবা মীফমগী মনুংদা ৱেবসাইৎ (https://scienceandtech.cmpdi.co.in/) অসি লোঞ্চ তৌখি।  কোল ইন্দিয়াগী আর. অমসুং দি.গী থবক পাঙথোক্লিবা সেন্ত্রেল মাইন্স প্লান্নিং অমসুং দিজাইন ইন্সতিত্যুৎ লিমিতেদ (সি.এম.পি.দি.আই.)না ৱেবসাইৎ অসি শেম-শাবনি।

ৱেবসাইৎ অসিদা মীওই অমা হেক্তনা তঙাই ফদবশিংগী মতুং ইন্দুনা তোঙান তোঙানবা ফোর্মশিং শিজিন্নদুনা কোয়লাগী রিসর্চ প্রোজেক্ত পাঙথোকপগী কাঙলোনশিং নীংথিনা উৎলি। নুং-ফাওনা উনবা মওং লৈহন্নবা অমসুং হান্না পাঙথোকখ্রবা প্রোজেক্ত অমবু অমুক হঞ্জিন্দনবা মসিদা লোয়শিনখ্রবা প্রোজেক্তশিংগী পরিং অমসুং মখোয়গী মহৈশিং উৎলি। মসিদা কোয়লা অমসুং লিগ্নাইৎ সেক্তরগা মরী লৈনবা ফোতো, ভিদিও অমসুং পাউগী ক্লিপ্পিং কয়া য়াওরি অমসুং ৱেবসাইৎ অসিদা তোঙান তোঙানবা চেফোঙ কয়া অমসু য়াওরি। মসিগা লোয়ননা মসিদা লৈবাক্কী কোয়লাগী তঙাই ফদবা লৈরিবা অসি য়েংলদুনা তুংদা পাঙথোকপা য়াবা মশক খঙদোক্লবা মরু ওইবা হীরমশিংগী ৱারোল কয়া অমসু য়াওরি।

এম.ও.সি.না মখোয়গী কোল সাইন্স অমসুং তেক্নোলোজী (এস. অমসুং তি.) প্লাননা কোয়লা পুথোকপগী থৌওং ফগৎহনবা, হেলহনবা, তেক্ত-কায়দবা, কোয়লাবু কান্ননা শিজিন্নহনবা, অকোয়বা অমসুং ইকোলোজীবু ঙাক-শেনবা, ক্লিন কোল তেক্নোলোজী অমসুং মরী লৈনবা হীরমশিংনচিংবগী থৌওংশিং পাঙথোক্লিবা অসিগী খুত্থাংদা কোয়লা অমসুং লিগানিৎ সেক্তরদা আর. অমসুং দি.গী থৌওংশিং পাঙথোকপদা খুমাং চাউশিলহনলি। এম.ও.সি.না হায়রিবা হীরমশিং অসিদা রিসর্চকী থবক পাঙথোকপগী শেলসু থাদরি।

হৌজিক্কী ওইনদি আই.আই.তি.শিং, এন.আই.তি.শিং, এন.আর.এস.সি., সি.এস.আই.আর. লেবোরেতরীশিং, মমিং লৈবা অতোপ্পা য়ুনিবর্সিতীগুম্বা লৈবাক্কী রিসর্চ তৌবা অমসুং একাদমিক ইন্সতিত্যুসনশিং অসিনা কোয়লা অমসুং লিগ্নাইৎ পুথোকপা কম্পেনীশিংনা থৱাই য়াওনা শৌগত্তুনা রিসর্চ প্রোজেক্তশিং অসি পাঙথোকহল্লি। এম.ও.সি.না খনবা অৱাংবা থাক্কী তেক্নিকেল কম্মিত্তী অমনা রিসর্চ প্রোজেক্তশিংগী মরু ওইবা হীরমশিং মশক খঙদোকপগী থবক পাঙথোক্লি। মসিগী ৱারোলশিং অসি সি.এম.পি.দি.আই.গী ৱেবসাইত্তা য়াওরি অমসুং মসিদা য়ুম্ফম ওইদুনা চহি চুপ্পগী মনুংদা রিসর্চ তৌনিংবগী ৱাহৌদোক পীশিল্লকপা য়াগনি।

****



(Release ID: 1663219) Visitor Counter : 1