কোরোনাভাইরসনা মরম ওইদুনা লোকদাউন থম্লুরবা মতুংদা ভারতকী ওলেম্পিক্তা থাজবা থম্লিবশিংদা অখন্নবা মিৎয়েং থমদুনা, লৈবাক শীনবা থুংনা শান্ন-খোৎনবগী খুদোংচাবশিং হাংদোক্লে। পুনেগী আর্মি স্পোর্তস ইন্সতিতুৎতা ভারতকী নুপা অমসুং নুপীগী রিকর্প অর্চরশিং ত্রেনিং পাংথোক্লি। অর্চরি কাংবুগী কেম্প অসি অগস্ত ২৫দগী হৌখিবনি অমসুং ত্রেনিং অমুক হন্না পাংথোকপদা অর্চরশিং য়াম্না হরাওরে।

চহি অসিগী অঙনবা শরুক্তা অর্জুন এৱার্দ পীদুনা ইকায়খুম্নবা উৎখ্রবা অতানু দাসনা হায়খি লোকদাউন থমদ্রিঙৈ মমাংদা মার্চতা ঐখোয়না য়াম্না কন্না ত্রেনিং পাংথোকখি লোয়ন্না ত্রেনিং অমুক হন্না পাংথোকপগী অহানবা নুমিৎ খরনি য়াম্না ৱাখি। মসি ঐগী ওইনা ত্রেনিংগী মরক্তা খ্বাইদগী শাংনা লেপ্পনি।

কোচ মাজহি সৱাইয়ান্না হায়খি হন্দক শান্নরোই খর মখোয়গী ক্বারেনতাইন লোইরকপগা লোয়ন্না ত্রেনিং অসি হৌজিক হৌরকপতা ঙাইরি। হৌজিক মশা-মউ খিং-খিং লাওনা থম্নবা মিৎয়েং চঙলি। শান্নরোইশিং তপ্না তপ্না ক্বারেনতাইন লোইরক্লে। পাঙ্গল অমসুং খাংবা কনবা লৈহন্নবা পান্দমদা ঐখোয়না মশা-মউ ফনা লৈহন্নবা ত্রেনিং পাংথোক্লি। পক্নিং-ৱাখলগীদমক শান্নরোইশিং য়োগা শান্নরি অমসুং ধ্যান তৌরি।

হান্নগী ৱার্ল্দ নম্বর ১ অমসুং নুপীগী রিকর্প অর্চর দিপিকা কুমারনিনা হায়খি কোরোনাইভারসতগী ঙাকথোক্নবা এ.এস.আইদা পায়খৎলিবা অশোই-অঙাম থোক্তনবা চৎন-পথাপশিং অমসুং অতোপ্পা চেকশিন-থৌরাংশিংদা অর্চরশিং হরাওই। মফম অসিদা অসিদা পায়খৎলিবা থৌরাংশিং অসি য়াম্না ফৈ। মফম অসি য়াম্না নাল্লি অমসুং অচা-অথকশিং য়াম্না ফৈ। মফম অসিদা ঐখোয় য়াম্না ফজনা য়েংশিল্লি।

অর্চরি অসি পুক্নিং-ৱাখলদা শিংনবা মশান্না অমা ওইনা, অনৌবা চেকশিন-থৌরাংগী চৎন-পথাপশিং অসি চুশিন্ননবা হোৎনবদা মখোয়দা খুদোংচাদবশিং মায়োক্নরি অদুবু মসিনা মখোয়দা অকায়বা অমা থোকহল্লোই হায়না অর্চরশিংনা থাজবা থম্লি অমসুং মখোয়গী হান্নগী ফিবম অদু য়ৌরক্নবা হোৎনবদা থা খরগী ত্রেনিং অসিনা মতেং পাংগনি।

২০২১গী জুলাই-অগস্তদা পাংথোক্কদৌরিবা ওলেম্পিক্সতা নুপাগী রিকর্প তিম অমসুং দিপিকা কোতা ফঙখ্রে। মথং চহিদা পাংথোক্কদৌরিবা ৱার্ল্দ ক্বলিফিকেসন তুর্নামেন্তদা নুপীগী রিকর্প তিম ওলেম্পিক্স শরুক য়ানবগী অরোইবা খুদোংচাবা অমা ফংগনি।

*****