কঞ্জ্যুমর এফ্যার্স, ফুদ অমসুং পব্লিক দিস্ত্রিব্যুসনগী কেন্দ্র মন্ত্রী শ্রী রাম বিলাস পাসৱান্না লৈখিদবা কেন্দ্রগী মন্ত্রীমন্দলনা অৱাবা ফোঙদোকখ্রে‍।

শ্রী রাম বিলাস পাসৱানবু নীংশিংদুনা কেবিনেতনা মীনত অনি তুমিন্না লৈখি‍।

শ্রী রামবিলাস পাসৱানগীদমক লৈবাক্কী থাক্কী অরোয়বা মথৌ মঙম পাঙথোক্নবা কেবিনেতনা অয়াবা পীখ্রে‍।

মখাদা পীরিবা ৱারেপশিং অসি ঙসি কেবিনেতনা পাস তৌখি:

“কঞ্জ্যুমর এফ্যার্স, ফুদ অমসুং পব্লিক দিস্ত্রিব্যুসনগী কেন্দ্র মন্ত্রী শ্রী রাম বিলাস পাসৱান্না লৈখিদবা কেবিনেতনা অৱাবা ফোঙদোক্লি‍।

মহাক্না চৎখিবদা লৈবাক অসিনা মশক নাইবা লুচিংবা অমা, তোপ তোপ্পা পার্লিয়ামেন্তরিয়ন অমা অমসুং মতিং লৈবা লৈঙাকপা অমা মাঙজরে‍।

খগারিয়া দিস্ত্রিক্তকী (বিহার) সহরবন্নিদা জুলাই ৫, ১৯৪৬তা পোকখিবা, শ্রী রাম বিলাস পাসৱান খগারিয়াগী কোসি কলেজ অমসুং পত্নাগী পত্না য়ুনিভর্সিতীদা মহৈ মশিং তম্লকখি‍। মহাক্না মাস্তর ওফ আর্তস (এম.এ.) অমসুং বেছেলর ওফ লো (এল.এল.বি.)গী দিগ্রী ফংখি‍। মাগী মফমদা ঝান্সিগী (উত্তর প্রদেশ) বুন্দেলখন্দ য়ুনিভর্সিতীনা দি. লিত.কী দিগ্রী (ওনরিস কাউসা) পীখি‍।

শ্রী রামবিলাস পাসৱান বিহারগী খ্বাইদগী মীয়াম্না য়াবা লুচিংবশিংগী মরক্তা অমনি অমসুং মহাক্না মীয়ামগী কল্লবা ঙাক্লৌ ফংখি‍। মহাক সময়ুক্তা সোসিএলিস্ত পার্তীগী মেম্বর অমা ওইনা ১৯৬৯দা বিহার স্তেত লেজিস্লেতিব এসেমব্লীদা মীখল কারকখি‍। মহাক ১৯৭৭দা রেকোর্দ ওইবা মার্জিন্দা হজিপুর কন্সতিত্যুএন্সীদগী ৬শুবা লোক সভাদা মেম্বর অমা ওইনা মীখল কারকখি‍। শ্রী পাসৱান ১৯৮০দা ৭শুবা লোক সভাদা অমসুং ১৯৮৪দা ৮শুবা লোক সভাদা অমুক হন্না মীখল কারকখি‍। মহাক অমুক হন্না ১৯৮৯দা ৯শুবা লোক সভাদা মীখল কারকখি অমদি শিন্মীশিংগী য়াইফ থৌরাংগী কেন্দ্র মন্ত্রী ওইনা হাপখি‍। ১৯৯৬তা মহাক রেলৱেজ মন্ত্রী ওইখি অমদি ফম অদু ১৯৯৮ ফাওবা পায়খি‍। মদুগী মতুংদা ওক্তোবর ১৯৯৯দগী সেপ্তেম্বর, ২০০১ ফাওবা কম্ম্যুনিকেসন মন্ত্রী ওইনা থৌ পুরম্মী, মদুগী মতুংদা মহাকপু কোইলা অমসুং খনিগী মন্ত্রী হাপ্তুনা ফম অদু এপ্রিল ২০০২ ফাওবা পায়রম্মী‍। ইং ২০০৪গী লোক সভা মীখল মতুংদা, শ্রী পাসৱান য়ুনাইতেদ প্রোগ্রেসিব এলাইয়ন্স লৈঙাক্তা য়াওখি অমদি কেমিকেল অমসুং ফর্তিলাইজরগী মন্ত্রী অমদি স্তীলগী মন্ত্রী হাপখি‍।

শ্রী পাসৱান ২০১৪দা ১৬শুবা লোক সভাদা মীখল মায় পাক্লকখি অমদি কঞ্জ্যুমর এফ্যার্স, ফুদ অমসুং পব্লিক দিস্ত্রিব্যুসন মন্ত্রী ওইনা থৌ পুখি‍। ইং ২০১৯দা শ্রী পাসৱান রাজ্য সভাদা মীখল কারকখি অমদি কঞ্জ্যুমর এফ্যার্স, ফুদ অমদি পব্লিক দিস্ত্রিব্যুসনগী মন্ত্রী ওইনা মখা তানা থৌ পুখি‍।

শ্রী পাসৱান ওৎপি নৈবিরবশিংগী খোঞ্জেল ওইরম্মী অমদি মতম পুম্বদা খুন্নাইগী তুহৎপিরবা কাঙলুপকীদমক লেপ্লম্মী‍।

কেবিনেত অসিনা লৈঙাক অমসুং লৈবাক পুম্বগী মহুৎ শিন্দুনা লৈখিদ্রবগী ইমুং মনুংদা থমোয় শেংনা অৱাবা ফোঙদোকচরি‍।”

******