প্রধানমন্ত্রীগী লোইশঙ

প্রধান মন্ত্রীনা কানাদাদা ইনভেস্ত ইন্দিয়া কন্ফরেন্সতা মরুওইবা ৱারোল পীখ্রে

ভারতনা ইনবেস্তমেন্তকী খ্বাইদগী হেন্না চুনরবা ক্লাইমেৎ লৈ হায়না প্রধান মন্ত্রীনা হায়রি

ভারত্তা রাজনিতীগী তং তাবা, ইনভেস্তমেন্ত তৌবশিংদা নুংঙাইবা, মনুং মপান ফাওনা উবা, স্কিল লৈরবা তেলেন্ত পুল লৈরেঃ প্রধান মন্ত্রী

ভারতকী ৱারী ঙসিদি মপাঙ্গল কল্লে, অমসুং হয়েংনা হেন্না কল্লখিগনিঃ প্রধান মন্ত্রী

লৌউশিংউ, লেবর অমসুং এজুকেসন সেক্তরদা ত্রিনিতী রিফোর্ম তৌখিবনা ভারত্তা ইনভেস্তমেন্তকী অচৌবা থোঙ অমা হাংলেঃ প্রধান মন্ত্রী

ভারতকী ৱাখল্লোন অমসুং কৈথেলদা অচৌবা অহোংবা অমা লৈরেঃ প্রধান মন্ত্রী

Posted On: 08 OCT 2020 8:11PM by PIB Imphal

প্রধান মন্ত্রী শ্রী নরেন্দ্র মোদীনা কানাদাগী ইনভেস্ত ইন্দিয়া কন্ফরেন্সতা ভিদিও কনফরেন্সকী থোংদা ঙসি মরুওইবা ৱারোল পীখি।

প্রধান মন্ত্রীনা হায়খি মদুদি ভারত্তা রাজনিতীগী তং তাবা, ইনভেস্তমেন্ত তৌবশিংদা নুংঙাইবা, গবর্নান্সতা মনুং মপান ফাওনা উবা, স্কিল লৈরবা তেলেন্ত পুল অমসুং অচৌবা কৈথেল লৈদুনা ইনভেস্তমেন্তকী পেরামিতর খুদিংমক মতীক চানা লৈবা মশক থোকপা লৈবাক অমা য়েৎননিংঙাই লৈতনা ওইরে। মহাক্না হায়খি মদুদি ইন্সতিত্যুসনেল ইনভেস্তর, মেন্যুফেকচরর, ইন্নোবেসন ইকোসিস্তেমশিংগী সপ্পোর্তর অমসুং ইনফ্রাস্ত্রকচর কম্পেনীশিং য়াওনা মীপুম খুদিংমক্কী খুদোংচাবা ফংলগনি।

প্রধান মন্ত্রীনা হায়খি মদুদি কোবিদকী মতুংগী মালেমদা, ভারতনা খাঙবা কনবা উৎখ্রে অমসুং মেন্যুফেকচরিং, সপ্লাই চেন, অসিনচিংবা কয়াদা লৈবা খুদোংচাদবশিংবু লোইশিনবা ঙম্বা লৈবাক অমা ওইনা ফাওগৎলকখ্রে। মহাক্না মখা তারদুনা হায়খি, পুথোক পুশিন্দা খুদোংচাদবা লৈজরবসু লৌমী, নুপী, লাইরবা অমসুং লৈজদ্রবা মীওই মিলিয়ন ৪০০ রোমদা নুমিৎ খরনিগী মনুংদা মখোয় মখোয়গী বেঙ্ক একাউন্ততা শেল থাজিনবীখি। লাইচৎ অসিনা থোকহনবা খুদোংচাদবশিং থেংননবা সরকার অসিনা লৌখৎখিবা খোঙথাং কয়া পনখি অমসুং মসিনা হৌখিবা চহী খরা অসিদা শেমগৎলকখিবা গবর্নান্স অসিগী স্ত্রকচর অমসুং সিস্তেমগী মপাঙ্গল উৎলে হায়খি।

প্রধান মন্ত্রীনা হায়খি মদুদি লৈবাক শিনবা থুংনা অকনবা লোকদাউন তৌরিঙৈদা, ভারতনা লৈবাক ১৫০ হেন্না হিদাক লাংথক পীদুনা মালেমদা ফার্মাসী অমগী শক্তম লৌখি। মহাক্না মখা তারদুনা হায়খি মদুদি চহী অসিগী মার্চ অমসুং জুন্দা ভারতকী লৌউশিংউগী পোত্থোক এক্সপোর্ত তৌবগী চাং অসি ২৩%নি। মহাক্না হায়খি মদুদি লাইচৎকী মমাংদা, ভারতনা পি.পি.ই. কিৎ অমত্তা শারমদে অদুবু ঙসিদি ভারতনা পি.পি.ই. কিৎ থা খুদিংগী মিল্লিয়ন্দা শাবদা নত্তনা মপান লৈবাকশিংদসু থাদোক্লে। মহাক্না ভেক্সিন পুথোকপগী খোঙজেল য়াঙখৎহন্দুনা মালেমগ পুম্ববু কোবিদ-১৯দগী কন্নবা মতেং পাংগনি হায়না থাজবা পীখি।

প্রধান মন্ত্রীনা লল্লোন ইতীক্তা নুংঙাইবা লম অমা ওইহন্নবা সরকার অসিনা লৌখৎলিবা খোঙথাং কয়া অসিবু পল্লদুনা ভারতকী ৱারী অসি নোংম-নোংমগী মপাঙ্গল কনখৎলক্লি হায়না শন্দোক্না তাকখি। মহাক্না এফ.দি.আই. রেজিম, সোবরিন ৱেল্থ অমসুং পেন্সন ফন্দগী ফেন্দলী ওইবা তেক্স রেজিম শেম্বা, মপাঙ্গল লৈরবা বোন্দ মার্কেৎ অমা শেমগৎপা, চেম্পিয়ন সেক্তরগী ইন্সেন্তিব স্কিমশিং শেমগৎপা য়াওনা খোঙথাং কয়া মমিং পনখি। মহাক্না হায়খি মদুদি ফার্মা, মেদিকেল দিভাইস, ইলেক্ত্রোনিক্স মেন্যুফেকচরিংগী সেক্তরশিংগী স্কিমশিং চল্লাইরি। মহাক্না ইনভেস্তরশিংগী ৱা অৱাংবা থাক্তা তাগনি অমসুং হেন্দ হোল্দিং তৌবদা মতীক চানা তৌনবগীদমক সেক্রেতরীশিংগী এম্পাৱর্দ গ্রুপ অমা শেম্লে হায়খি। মহাক্না এয়র্পোর্ত, রেলৱে, পাৱর ত্রান্সমিসন লাইন অসিনচিংবা কয়াদা প্রোএক্তিব মোনিতাইজ তৌরে হায়খি। মহাক্না হায়খি মদুদি রিএল ইস্তেৎ ইনভেস্তমেন্ত ত্রস্ত অমসুং ইনফ্রাস্ত্রকচর ইনভেস্তমেন্ত ত্রস্তসু পব্লিক অমসুং প্রাইবেৎ এসেৎকী ওইনা মোনিতাইজ তৌবা য়াহল্লে।

প্রধান মন্ত্রীনা হায়খি মদুদি ঙসিগী ভারতনা ৱাখল্লোন অমসুং কৈথেলদা অহোংবা অমা খোঙজেল য়াঙনা পুরক্লি। মসিনা কম্পেনীজ এক্তকী মখাদা ওফেন্স কয়া অমা দিরিগুলেসন অমসুং দিক্রিমিনেলাইজেসন তৌনবগী খোঙচৎ অমা শাগৎলি। মহাক্না হায়খি মদুদি ভারতনা গ্লোবেল ইন্নোবেসন ইন্দেক্স রেঙ্কিংদা ৮১দগী ৪৮তা কাখৎলে, অমসুং ৱার্ল্দ বেঙ্ককী ইজ ওব দুইং বিজিনেস রেঙ্কিংদা হৌখিবা চহী ৫রোম অসিদা ১৪২দগী ৬৩দা কাখৎলে।

প্রধান মন্ত্রীনা হায়খি মদুদি অসিগুম্বা হেন্না ফগৎলবা কয়া অসিনা, ভারত্তা জনুৱারী ২০১৯দগীনা জুলাই ২০২০ ফাওবসিদা ইন্সতিত্যুসনেল ইনভেস্তর কয়াদগী য়ু.এস.দি. বিলিয়ন ৭০ ফংখ্রে। হায়রিবসি ২০১৩ অমসুং ২০১৭গী চহী মরিগী মরক্তা ফংখিবদুগা মান্নরি। মালেমগী ইনভেস্তরশিংগী কম্ম্যুনিতীনা ভারত্তা থাজবা থম্লক্লিবসি ভারত্তা এফ.দি.আই.গী চাং অসি ২০১৯দা ২০% লৈখবননি মতম অসিদা মালেমগী এফ.দি.আই. ইনফ্লোনা ১%দা তাখি।

প্রধান মন্ত্রীনা হায়খি মদুদি কোবিদ-১৯না মতোন লোম্না মালেম শিনবা থুংনা শন্দোক্লকপা মতমদা মালেমগী মফম কয়াদগী ভারতনা চহী অসিগী অহানবা থা ৬তা য়ু.এস.সি. বিলিয়ন ২০ ফংখি। মহাক্না হায়খি মদুদি ভারতনা কোবিদ-১৯ লাইচৎ অসিনা পীরিবা চৈথেং অসি থেংননবা তোপ-তোপ্পা খোঙথাং অমা পায়খৎখি। মহাক্না হায়খি মদুদি তেংবাং অমসুং স্তিম্যুলস পেকেজ কয়া লাইরবা অমসুং অপীকপা লল্লোন ইতীক তৌবা কাংবুদা পীখি অমসুং মসিগা ইরোইননা স্ত্রকচরেল রিফোর্ম কয়া পায়খত্তুনা পুথোকপা হেন্নবা অমসুং লন হেনগৎনবগী খুদোংচাবশিং লৌখি।

প্রধান মন্ত্রীনা হায়খি মদুদি ভারতনা এজুকেসন, লেবর অমসুং লৌউশিংউগী লমদা ত্রিনিতী রিফোর্ম অমা লৌখৎখি। পুম্নমকসিনা ভারত্য মচা খুদিংমক্তা ইথিল পীখি। মহাক্না হায়খি মদুদি ভারতনা লেবর অমসুং লৌউশিংউদা লৈবা অরিবা আইন কয়া অমা শেমদোক শাদোকখি। মখোয়না প্রাইবেৎ সেক্তরশিং হেন্না শরুক য়াহন্নবগী খুদোংচাবা পীরি অদুগা মতম অমত্তদা সরকারগী সেফতী নেৎসু চেৎশিলহল্লি অমসুং মসিনা ওন্ত্রপ্রিনর অমসুং ঐখোয়গী হোৎনবা কনজবা মীয়াম অনীমক্তা কান্নবা পীরগনি। মহাক্না হায়খি মদুদি এজুকেসনগী হীরমদা শেমদোক শাদোকপা পুরকপনা ঐখোয়গী নহাশিংগী তেলেন্তশিং হেন্না উত্থোকপা ঙমহল্লগনি অমসুং মপালগী য়হুনিবর্সিতী কয়ানা ভারত্তা লাক্নবগী ফম্বাক অমা শেম্লগনি।

প্রধান মন্ত্রীনা হায়খি মদুদি লেবর লোদা শেমদোক শাদোকপা পুরকপনা লেবর কোদশিং মশিং কা হেন্না হন্থহল্লে অমসুং মসি ইমপ্লোয়ী অমসুং ইমপ্লোয়র অনীমক্তা হেন্না শাফহল্লে অমসুং মসিনা মখা তানা থবক তৌবদা লায়থোকহল্লগনি। মহাক্না মখা তানা হায়খি মদুদি লৌউশিংউদা শেমদোক শাদোক্লিবা অসি কাচিন কোয়া য়ৌনা কান্নবা ফংগনি অমসুগ্ন মসিনা লৌমীশিংদা অহেনবা খুদোংচাবা পীবদা নত্তনা এক্সপোর্ত্তসু হেন্না খোঙজেল য়াংহল্লগনি। মহাক্না হায়খি মদুদি রিফোর্মশিং অসিনা ঐখোয়না আত্মনির্ভর অমসুং মরোমদোম লেপচবা ভারত শেমগৎনবা হোৎনরিবসিদা মতেং পাংগনি অমসুং মরোমদোম লেপচবা ভারতকী মাইকৈদা হোৎনবনা ঐখোয়না মালেম পউম্বগী ফনবা অমসুং চাউখৎনবা হোৎনরি। ভারত অসি এজুকেসনগী লমদা চৎমিন্নবা য়াবা, অমসুং লৌউশিংউগী লমদা মেন্যুফেকচরিং নত্ত্রগা সর্বিসেস অমসুং পুন্না চৎমিন্নবা য়ারবা লৈবাক অমা ওইরে হায়না ফোংদোকখি।

প্রধান মন্ত্রীনা হায়খি মদুদি ভারত কানাদাগা লৈনরিবা লৈবাক অনীগী মরী অসি দিমোক্রেতিক ভেল্যু অমসুং অতোপ্পা মান্নবা ৱাখল্লোন কয়ানা পুদুনা চৎলি। মহাক্না হায়খি মদুদি ঐখোয়গী মরক্তা লৈরিবা ত্রেদ অমসুং ইনভেস্তমেন্তকী মরী অসি মাইথোং য়াম্বা মরী অসিগী মরুওইবা শরুক অমনি। মহাক্না হায়খি মদুদি কানাদা অসি খ্বাইদগী চাউবা অমসুং খ্বাইদগী এক্সপরিএন্স লৈরবা ইনভেস্তরশিংগী লৈফম ওইরি। মহাক্না হায়খি মদুদি কানাদাগী পেন্সন ফন্দ অসিনা ভারত্তা ইহান হানবা এনভেস্ত তৌখিবা ওইরি। মখোয়গী মরক্তগী কয়া অমনা হাইৱে, এয়র্পোর্ত, লোজিস্তিক্স, তেলিকোম অমসুং রিএল ইস্তেৎতা খুদোংচাবা কয়া পুথোকখ্রে। মহাক্না হায়খি মদুদি ভারত্তা মতম কয়াগী মমাংদগী লৈরক্লবা মেচ্যুর কানাদিয়ান ইনভেস্তরশিং অসি ঐখোয়গী খ্বাইদগী ফরবা ব্রান্দ এম্বাসেদোর ওইহনবা য়াই। মখোয়গী হৈশিংবা, মখোয়না পাকথোক চাউথোক্নবা য়াৎপা থৌরাংশিং অসি কানাদাগী অতোপ্পা ইনভেস্তরশিংনা ভারত্তা লাক্নিংহন্নবগী থাজবা য়াবা খুদম হায়বদু ওইরি। কানাদাগী ইনভেস্তরশিংনা ভারত্তা লাকপদা অথিংবা অমত্তা লৈরোই হায়না মহাক্না ৱাশকখি।

*****



(Release ID: 1662937) Visitor Counter : 4