খরিফ মার্কেতিং কুম (কে.এম.এস.) ২০২০-২১ অসি হৌখ্রে অমসুং মমাংগী কুমদা পাঙথোকখিবগুম হৌজিক লৈরিবা এম.এস.পি.দা য়ুম্ফম ওইদুনা লৌউবশিংদগী সরকারনা খরিফ ২০২০-২১গী লৌরোক লৈবগী থবক লেপ্তনা চত্থরি।

কে.এম.এস. ২০-২১গী ওইনা ফৌ লৈবগী থবক অসি কেরলাগুম্বা রাজ্যশিংদগী ফৌ লৈবগী থবক হৌখিবগা লোয়ননা খুমাং চাউশিনলক্লি অমসুং লৈবগী থবক চত্থরিবা রাজ্যশিংদা চাং অসি হেনগৎলকপগী মতুং ইন্না লৈবাক অসিগী লৌউবা লাখ ১.৭মুক্তগী অপুনবা ওইনা এম.তি. ২০,৩৭,৬৩৪ অসি এম.এস.পি.গী শেনফম লুপা করোর ৩৮৪৭.০৫গী লৈখ্রে। মসিগী থৌওং অসি মমাংগী চহিগা চাংদম্নবদা য়াম্না হেনবা ওইনা ৩৩%গী চাংদা হেনগৎলে।

মখা তাবা ওইনা অতোপ্পা রাজ্যশিংনা হায়রকপদা য়ুম্ফম ওইদুনা খরিফ মার্কেতিং কুম ২০২০গী ওইনা হৱাই অমসুং ওইলসীদ এল.এম.তি. ৩০.৭০ লৈবগীদমক্তা তমিল নাদু, করনাতকা, মহারাস্ত্রা, তেলঙ্গানা, গুজরাত, হরয়ানা, উত্তর প্রদেশ অমসুং আন্ধ্র প্রদেশকী ওইনা অয়াবা পীখ্রে। মসিগী মথক্তা কোপ্রা (পেরেনিএল ক্রোপ) এল.এম.তি. ১.২৩ লৈবগী ওইনসু আন্ধ্র প্রদেশ, করনাতকা, তমিল নাদু অমসুং কেরলাগীসু অয়াবা পীখ্রে। অতোপ্পা রাজ্য/য়ু.তীশিংগী ওইনসু মখোয়না খরিফকী হৱাই, ওইলসিদ অমসুং কোপ্রা মতাংদা হৌদোরকপগী ৱাফম ফংলবা মতুংদা অয়াবা পীগনি অমসুং খঙহনখিবা লৌরোকপগী মতমগী মনুংদা কৈথেলগী মমল অসিনা এম.এস.পি.দগী তাখিবা থোক্লগদি এফ.এ.ক্যু.  গ্রেদকী পোত্থোকশিং অসি ইং ২০২০-২১গী ওইনা থোকখিবা এম.এস.পি.গী মতুং ইন্না লৌউবশিংদগী হকথেংননা লৈগনি।

সরকারনা ৭/১০/২০২০ ফাওবগী ওইনা মখোয়গী নোদেল এজেন্সীশিংগী খুত্থাংদগী তমিল নাদু অমসুং হরয়ানাগী লৌউবা ২৬৯দা কান্নবা ফংহন্দুনা এম.এস.পি.গী মমলদা অপুনবা শেনফম লুপা করোর ২.৭১ তাদুনা এম.তি. ৩৭৬.৬৫গী মুং লৈখি।মসিগা মান্নবা ওইনা, আন্ধ্র প্রদেশ, করনাতকা, তমিল নাদু অমসুং কেরলাদা অয়াবা পীখিবা এল.এম.তি. ১.২৩গী মনুংদগী করনাতকা অমসুং তমিল নাদুগী লৌউবা ৩৯৬১দা কান্নবা ফংহন্দুনা লুপা করোর ৫২.৪০গী এম.এস.পি.গী শেনফমদা এম.তি. ৫০৮৯গী কোপ্রা (পেরেনিএল ক্রোপ) লৈখি। মরী লৈনবা রাজ্য সরকারশিংনা মুং অমসুং অতোপ্পা খরিফ হৱাই অমসুং ওইলসিদ লৈবগী শেম-শাদুনা লৈরে।

ইং ২০২০-২১গী খরিক মার্কেতিংত কুমগী লশিং লৈবগী থবক অসি ওক্তোবর ১, ২০২০দগী হৌখ্রে

অমসুং ওক্তোবর ৭, ২০২০দা কত্তন কোর্পোরেসন ওফ ইন্দিয়ানা (সি.সি.আই.) লৌউবা ৭৫৩ কান্নহন্দুনা অপুনবা শেনফম লুপা লাখ ৯৯৪.২৮গী বেল ৩৫২৫ অসি এম.এস.পি.গী মখাদা লৈখি।

****