সাইন্স অমসুং তেক্নোলোজী, হকশেল অমসুং য়াইফয়ূম্বাল মন্ত্রালয় অমসুং আর্থ সাইন্সেসকী মন্ত্রী দা. হর্শ বর্ধন্না ঙসি সন্দাইল পার্ক, সরাই কালে খান, নৈ দিল্লীদা "দি.বি.তি.-বিরাক ক্লিন তেক দেমো পার্ক" দিল্লীগী লেফতনেন্ত গবর্নর শ্রী অনিল বাইজাল য়াওবা ভর্চুএল ওইনা পাংথোকপা থৌরম অমদা শঙ্গাখ্রে। দা. রেনু স্বরুপ, সেক্রেতরী, দি.বি.তি. অমসুং অতোপ্পা ওফিসিএলশিং, সাইন্তিস্ত অমসুং ইন্নোবেতরশিংসু থৌরম অদুদা শরুক য়াখি।

থৌরম অদুদা ৱা ঙাংলদুনা দা. হর্শ বর্ধন্না হায়খি মদুদি "মসিগী ক্লিন তেক দেমো পার্ক অসিনা ইন্নোবেতর/ইনভেস্তরশিংগী পুক্নিং চিংশিনবদা নত্তনা মহৈরোই অমসুং মীচম মীয়ামগী পুক্নিংবুসু চিংশিন্দুনা অরেম্বা ফত্তবশিং শেমদোক শাদোকপগী লমদা ক্লিন তেক্নোলোজিকেল সোলুসন পুরকপগী মতাংদা ৱাখল লৌশিং পীরগনি।"নালা অমসুং ইন্দস্ত্রিশিংদগী থোক্লকপা ফত্তবা ঈশিংবু ত্রিৎমেন্ত তৌনবা পুথোকপা  অনৌবা লমদমসিদা শাজবা তেক্নোলোজীশিংবু ৱাংনা থাংগৎকদবনি অমসুং মখোয়বু কম্মর্সিএলাইজ তৌনবগীদমক অমসুং স্বছ ভারত অমসুং আত্মনির্ভরগী পান্দম ফংনবগীদমক মীয়াম হুপ্না খঙহন্নবা হোৎনগদবনি" হায়না মহাক্না হায়খি।

লেফতনেন্ত গবর্নর শ্রী অনিল বাইজান্না দি.বি.তি.না লৌখৎলক্লিবা থৌরাং অসিবু তরাম্না ওকখি অমসুং হায়খি মদুদি কংফাল অমসুং ঈশিং অসি মহৌশানা থম্বীরম্বা খুদোলনি অমসুং দি.দি.এ.না দিপার্ত্মেন্ত ওব বাইওতেক্নোলোজীনা লৌখৎলক্লিবা থৌরাং অসিদা শৌগত্তুনা অসিগুম্বা তাংলবা রিসোর্সশিং অসিবু ঙাক্নবা হোৎনবদা শরুক য়াগনি হায়খি।

দা. রেনু স্বরুপ, সেক্রেতরী, দি.বি.তি.না হায়খি মদুদি ক্লিন তেক্নোলোজী ৱেস্ত তু ভেল্যু দিমোন্সত্রেসন পার্ক অসি দিপার্ত্মেন্ত ওব বাইওতেক্নোলোজীনা অসিগুম্বা তেক্নোলোজী অসিবু থাক ৱাংহন্নবগীদমক লৌখৎলকপা মরুওইবা থৌরাং অমনি অমসুং মসিনা লোকেল বোদীশিং অমসুং অতোপ্পা স্তেকহোল্দরশিংগা খুৎশম্নদুনা অচৌবা তেক্নোলোজী খিনবদা পুক্নিং থৌগৎলগনি।

দি.বি.তি.-বিরাক ক্লিন তেক দেমো পার্ক অসি ইন্নোবেতিব ৱেস্ত তু ভেল্যু তেক্নোলোজী উত্থোক্নবা দিপার্ত্মেন্ত ওব বাইওতেক্নোলোজী (দি.বি.তি.), ভারত সরকার অমসুং বাইওতেক্নোলোজী ইন্দস্ত্রী রিসর্চ এসিস্তেন্স কাউন্সিল (বিরাক), দি.বি.তি.গী পি.এস.য়ু. অসিনা শৌগৎলি। মসিগী পার্ক অসি দি.বি.তি., বিরাক অমসুং তাতা পাৱরনা পুন্না শেমগৎমিন্নবা পব্লিক প্রাইবেৎ পার্ত্নর্শিপ ইঙ্ক্যুবেতর অমা ওইরিবা ক্লিন ইনর্জী ইন্তর্নেসনেল ইঙ্ক্যুবেসন সেন্তর (সি.ই.আই.আই.সি.)না য়েংশিনগনি।

অতোপ্পা দি.বি.তি. অমসুং বিরাক্না শেমগৎপা স্বছ ভারতকী পান্দম ফংনবা হোৎনবদা মতেং পাংগদবা ৱেস্ত ত্রিৎমেন্ত তেক্নোলোজীশিনবুসু থৌরম অদুদা ভর্চুএল ওইনা উৎখি।

দি.বি.তি.না স্বছ ভারত মিসনগী মখাদা ইন্নোবেতিব ক্লিন ৱেস্ত তু ভেল্যু তেক্নোলোজীশিং বাইওমিথানেসন, কন্সত্রক্তেদ ৱেৎলেন্দ, অলগেল ত্রিৎমেন্ত অমসুং ৱাতর মেম্ব্রেন ফিলত্রেসন য়াওনা চাউখৎনবা, উত্থোক্নবা অমসুং প্রোমোৎ তৌনবা খোঙথাং কয়া লৌখৎলি। দি.বি.তি.-দেস্মি প্রোজেক্তনা দেনমার্ককা খুৎশম্নদুনা বারাপুলাহ নালাদা তাউদুনা লৈবা ফত্তবশিং লৌথোক্নবা অমসুং নেদর্লেন্দগা খুৎশম্নদুনা বারাপুলা সাইৎতা  লোতস-ঐচ.আর. প্রোজেক্ত উত্থোক্লি। লৈবাক অসিগী তোঙান-তোঙানবা মফমশিংদা লৈবা স্তার্ত অপশিংনা পায়খৎপা তেক্নোলোজীশিংবুসু মফম অসিদা উৎকনি।

*******