কেন্দ্রগী এজুকেসন মন্ত্রী শ্রী রমেশ পোখ্রিয়াল ‘নিশাঙ্ক’না শগোলশেল নুমিত্তা ভিদিও কনফরেন্সিংগী খুত্থাংদা কেন্দ্রিয় বিদ্যালয়াগী অনৌবা বিলদিং মরি শঙ্গাখ্রে। রাজ্য অহুমদা নৌনা শঙ্গাখ্রবা বিলদিং মরি অদুদি  কে.ভি. নয়াগরহ (ওরিশা), কে.ভি. মাহুলদিহা, রাইরংপুর (ওরিশা),কে.ভি. হনুমানগরহ (রাজস্থান) অমসুং কে.ভি. মশিং ৩ ফরিদাবাদ (হরয়ানা)নি।

থৌরম অদুদা ভিদিও কনফরেন্সিংগী খুত্থাংদা লাইব ওইনা ৱা ঙাংলদুনা শ্রী রমেশ পোখ্রিয়াল ‘নিশাঙ্ক’না হায়খিবদা অপুনবা লুপা করোর ৭০ চঙনা শারিবা কে.ভি. মরি অসি হৌজিক ফাওবগী ওইনা মতম খরগী ওইনা শিজিন্নবা বিলদিংশিংদা চলায়রম্বনি হায়খি। ওরিশা, রাজস্থান অমসুং হরয়ানাদা নৌনা শেমগৎলিবা কেম্পসশিং অসিনা চাউরাক্না মহৈরোয় ৪০০০দা কান্নবা ফংহল্লগনি হায়না মহাক্না মখা তাখি। মন্ত্রীনা মহৈরোয়শিং, মখোয়গী মমা-মপাশিং, ওজাশিং, প্রিন্সিপালশিং অমসুং বিদ্যলায়া মেনেজমেন্ত কম্মিত্তীশিংগী মেম্বরশিংদা য়াইফ পাউজেল পীখি। মহাক্না হায়খিবদা অনৌবা ফেসিলিতী কয়া অমা য়াওরবা অনৌবা বিলদিংশিং অসিনা কে.ভি. মরি অসিদা ওজাশিংগা মহৈ তম্মিন্নবগী থৌওংশিং হেন্না ফগৎহল্লগনি অমসুং মসিনা ঐখোয়গী মহৈরোয় কয়াগী অনৌবা খুদোংচাবা কয়া অমা পীরগনি হায়না হায়খি। শ্রী পোখ্রিয়ালনা মরু ওইবা ওইনা মতম খরগী ওইবা বিলদিংশিংদা চলায়রিবা অসিগুম্বা অয়াবা পীরবা কে.ভি.শিংদা লম পীবগী থৌওংশিংবু খোঙজেল য়াঙখৎহন্নবা রাজ্য সরকারশিংদা ৱাফম কয়া থমখি।

শ্রী পোখ্রিয়ালনা পাউদমখিবদা কে.ভি.গী অনৌবা বিলদিং মরিমক ‘গ্রীন বিলদিং’গী কাঙলোনগী মতুং ইন্না শাখিবনি অমসুং মসিদা নোংগী ঈশিং য়োকশিনবগী খুদোংচাবা কয়া লৈহন্দুনা ঈশিং য়াম্না তুংশিনবা ঙমহন্নবা খুদোংচাবা কয়া য়াওরি হায়খি। বিলদিংশিং অসি অপনবা লৈতবা মওংদা শাদুনা নাম্মা শোয়রবা মীওইশিংগী খুদোংচানবা মওংদা শারি।  মহৈরোয়শিংদা হকশেল ফনা লৈহনবদা পুক্নিং থৌগৎনবা শান্ন-খোৎনবা অমসুং হকচাং শাজেল তৌবা য়ানবা মতিক চাবা অহাংবসু লৈহল্লি।

নৌনা শারিবা কে.ভি. বিলদিংশিংগী অকুপ্পা ৱারোলশিং মখাদা পীরিঃ

১) কে.ভি. নয়াগরহ (ওরিশা)

মসিগী বিদ্যালয়া অসি ইং ২০১০-১১দা লিংখৎখিবনি। মসিনা ক্লাস ১দগী ১২ ফাওবা অসি মতম খরগী ওইবা বিলদিংদা চলায়দুনা লাক্লি। কে.ভি.এস.না মতমগা চান্নবা ফেসিলিতী খুদিংমক য়াওবা অচৌবা বিলদিং অমা লুপা করোর ১৬.৩৯গী শেনফম চঙদুনা শারে। হৌজিক হৌজিক ওরিশাদা কে.ভি. ৬২ লৈরি।

২) কে.ভি. মাহুলদিহা, রাইরংপুর (ওরিশা)

মসিগী বিদ্যালয়া অসি ইং ২০১৬-১৭তা লিংখৎখিবনি। মসিনা ক্লাস ১দগী ১২ ফাওবা অসি মতম খরগী ওইবা বিলদিংদা চলায়দুনা লাক্লি। কে.ভি.এস.না মতমগা চান্নবা ফেসিলিতী খুদিংমক য়াওবা অচৌবা বিলদিং অমা লুপা করোর ১৬.০৬কী শেনফম চঙদুনা শারে। হৌজিক হৌজিক ওরিশাদা কে.ভি. ৬২ লৈরি।

৩) কে.ভি. হনুমানগরহ (রাজস্থান)

মসিগী বিদ্যালয়া অসি ইং ২০১৪-১৫দা লিংখৎখিবনি। মসিনা ক্লাস ১দগী ১০ ফাওবা অসি মতম খরগী ওইবা বিলদিংদা চলায়দুনা লাক্লি। কে.ভি.এস.না মতমগা চান্নবা ফেসিলিতী খুদিংমক য়াওবা অচৌবা বিলদিং অমা লুপা করোর ১৬.০৬কী শেনফম চঙদুনা শারে। হৌজিক হৌজিক রাজস্থান্দা কে.ভি. ৭৭ লৈরি।

৪) কে.ভি. মশিং ৩ ফরিদাবাদ (হরয়ানা)

মসিগী বিদ্যালয়া অসি ইং ২০০৩-০৪দা লিংখৎখিবনি। মসিনা ক্লাস ১দগী ১১ ফাওবা অসি মতম খরগী ওইবা বিলদিংদা চলায়দুনা লাক্লি। কে.ভি.এস.না মতমগা চান্নবা ফেসিলিতী খুদিংমক য়াওবা অচৌবা বিলদিং অমা লুপা করোর ২০.১৯গী শেনফম চঙদুনা শারে। হৌজিক হৌজিক হরয়ানাদা কে.ভি. ৩৪ লৈরি।

******