কমর্স অমসুং ইন্দস্ত্রী মন্ত্রালয়
শ্রী পিয়ুশ গোয়লনা অমেরিকাগী বিজিনেসশিংদা ভারতপু মখোয়গী মথংগী ইনবেস্তমেন্ত তৌফম ওইহন্নবা হায়খ্রে
ঙসিদি ভারত অসি য়েলহৌঙৈদা লৈরম্বা ৱাখল্লোন অদু থাদোক্তুনা অফবা ক্বালিতীগী প্রদক্তশিং পুথোকপা, মালেমগী থাক্তা থবক তৌবা অমসুং মালেমগী ওইবা ললোন-ইতিক্তা শরুক য়াবা হেনগৎলকপগী ৱাখল্লোন লৈরে
Posted On:
08 OCT 2020 9:33AM by PIB Imphal
কম্মর্স অমসুং ইন্দস্ত্রী অমদি রেলৱেজকী কেন্দ্রগী মন্ত্রী শ্রী পিয়ুশ গোয়লনা অমেরিকাগী বিজিনেসশিংবু প্রধান মন্ত্রীগী ৱাখল্লোন অসিগী শরুক অমা ওইনবা অমসুং ভারতপু মখোয়গী মথংগী ইনবেস্তমেন্ত তৌনবা মফম ওইহন্নবা হায়জখি। য়ুমশকৈশা নুমিৎকী ইন্দিয়া চেম্বর ওফ কম্মর্স য়ু.এস.গী গ্লোবেল ফাইনান্সিএল এন্দ ইনবেস্তমেন্ত লীদরশিপকী সম্মিৎ অসিদা ভর্চ্যুএল ওইনা ৱারোল পীখিবদা মহাক্না হায়খি ভারত সরকারনা অচৌবা, অফবা অমসুং অওনবা পুরক্নবা কত্থোক্লি। “ঐখোয়না অমত্তা ওইবগী ৱাখল্লোনগা লোয়ননা পুন্না থবক তৌমিন্নসি। অমনা অমগী মতেং পাংলসি অমসুং ঐহাক্না থাজৈ য়ু.এস. অমসুং ভারতকী মীয়ামগী পুন্না য়াইফবা ওইনবা অফবা তুংলমচৎ অমা লৈ।”
য়ু.এস.-ভারতকী মরী অসি লাক্কদৌরিবা চহি অসিদা মপাঙ্গল কনখৎপা হেল্লগনি হায়না ফোঙদোক্লদুনা শ্রী গোয়লনা হায়খি অফবা মরী অমা শেমগৎহন্নবা অওনবা পুরক্নবা তানফমদা ঐখোয়না লৈরি। মহাক্না হায়খি আত্মানির্ভর ভারতকী মখাদা প্রধান মন্ত্রী শ্রী নরেন্দ্র মোদীনা লৌখৎখিবা অচৌবা অওনবগী থবক পাঙথোক্নবা য়ু.এস অমসুং ভারতকী খোঙচৎ অসি য়াম্না শাংঙি। মহাক্না হায়খি য়ু.এস. অমসুং ভারতকী মরক্তা লৈরিবা পোতেন্সিএল অসিগী ঙমখৈ লৈতে। “ঐখোয়না অমগা অমগী মরক্তা থাজবা থমদুনা খোঙলোয় ওইখি অমসুং ঐখোয়না অমেরিকাগী বিজিনেসশিংনা রুলদা য়ুম্ফম ওইবা ললোন—তিক অমসুং দাইলোগ তৌরিআ ত্রান্সপরেন্ত ওইবা লৈবাক অমগা লোয়ননা থবক তৌমিন্নবা থাজবা য়াবা সোর্স অমা ওইহন্নবা কন্না হোৎনরি। য়ু.এস. অমসুং ভারতকী মরক্তা লৈরিবা বাইলেতরেলগী ললোন-ইতিক অসি ২০১৭দা দোলর বিলিয়ন ১২৬ হেনগৎখি অমসুং ২০১৯দা দোলর ১৪৫ হেনগৎখি। মথংগী চহি ৫দা দোলর বিলিয়ন ৫০০ হেনগৎনবা চাউনা পান্দম থম্লি।”
মন্ত্রীনা হায়খি ঙসিদি ভারত অসি য়েলহৌঙৈদা লৈরম্বা ৱাখল্লোন অদু থাদোক্তুনা অফবা ক্বালিতীগী প্রদক্তশিং পুথোকপা, মালেমগী থাক্তা থবক তৌবা অমসুং মালেমগী ওইবা ললোন-ইতিক্তা শরুক য়াবা হেনগৎলকপগী ৱাখল্লোন লৈরে। মহাক্না হায়খি কনজর্বেতিব এপ্রোচকী মতম ওইদ্রে, হৌজিক্তি অচৌবা ৱারেপ অমসুং অচৌবা ইনবেস্তমেন্তশিং তৌবা মতম ওইরে। শ্রী গোয়লনা হায়খি মোদী সরকারনা হোলিস্তিক এপ্রোচ লৌখৎলি। “ঐখোয়না রেদ-তেপতগী রেদ-কার্পেৎতা হোংলক্লে। ঐখোয়না য়েলহৌঙৈগী লৈরম্বা মওং অদুদগী হোংলক্তুনা হেন্না ওপন ওইবা অমসুং লিবরেল ওইবা ফোরেন ইনবেস্তমেন্তগী মফম ওইবা ঙম্লে। প্রধান মন্ত্রীনা হায়খি “ঐখোয়না ভারতকী শেন্মীৎলোন অসি কম্মান্দ অমসুং কন্ত্রোল লৈহন্নদনা প্লগ অমসুং প্লে ওইহনবা তাই।”
লৈবাক অসিদা পুরক্লিবা অহোংবশিং অসিগী মতাংদা ৱা ঙাংলদুনা, শ্রী গোয়লনা হায়খি, “ভারতকী লৈঙাকপগী সিস্তেমশিং, মাইনিং, স্পেস তেক্নোলোজী, ঙাকশেল, বেঙ্কিং, ফাইনান্সিএল সেক্তরশিংগী লৈরিবা পোলিসীশিং অমসুং লোশিং, লেবর অমসুং লৌউশিংউগী অওনবশিং অসিদা অওনবা পুরক্নবা ভারতনা হোৎনরি। ঐখোয়না ভারতপু অমুক্তা ওইখিদ্রিবা থাক্তা অমদা পুখৎনবা লম্বী অমদা চংশিল্লি। লোজিস্তিক্কী অচংবা মমল হন্থহন্নবা ঐখোয়না লোজিস্তিক্সতা অওনবা পুরক্নবা হোৎনরি। ঐখোয়না তেক্সকী অওনবশিং পুরক্নবা হোৎনরি। ঐখোয়না ইনসোলবেন্সী লোশিং থম্লি। ভারতকী কোর্পরেৎ তেক্স অসি মালেমগী ওইনা খ্বাইদগী নেম্বনি। ঐহাক ইশাগী মন্ত্রালয়না 'প্লগ এন্দ প্লে' ’অমসুং ক্লস্তর দিবেলপমেন্ত পুরক্নবা থবক লৌখৎলি। ঐখোয়না তশেংবা সিঙ্গল-ৱিন্দো সিস্তেম অমা ওইহন্দুনা ভারত্তা কম্পনীশিং অমসুং বিজিনেসশিং তৌবা লায়নবা হোৎনরি। ঐখোয়না ইনফ্রাস্ত্রকচর ফগৎনবা থৌরাং তৌরি। ঐখোয়না থুনা য়াংনা রেজিস্ত্রেসন তৌনবা অমসুং ইনফ্রাস্ত্রকচর লায়না ফংহন্নবা ৱাশক্লি।”
শ্রী গোয়লনা লৈবাক অনিগী মরক্তা লৈরিবা মরী অসিগী মতাংদা পল্লদুনা হায়খি, হৌখিবা চহি কুন অসিদা ভারত অমসুং য়ু.এস.না হীরম খুদিংমক্তা, ন্যুক্লিয়র সুপ্লাইয়র গ্রুপশিংদা নত্রগা য়ু.এন. সেক্যুরিতী কাউন্সিলদা ভারতকী মেম্বরশিপ ফংহনবা নত্রগা লায়চৎ অসিদা অমেরিকাগী মেদিকেলগী তঙাই ফদবশিং ফংহনবদা ওইরবসু, অমনা অমগী মতাং পাংদুনা লাক্লি। ক্বেদকী মতাংদা তোকিয়োদা পায়ু.এস. সেক্রেতরী ওফ স্তেৎ মিস্তর এম. পোমপিয়ো অমসুং ভারতকী মপাল থৌরম পুবা মন্ত্রী দা এস. জেসঙ্করগা পাঙথোকখিবা বাইলতেরেলগী খন্নবা নৈনবা অমসুং অহুমশুবা ভারত-য়ু.এস.কী ২+২ দাইলোগ অসি থাগী অরোইবা শরুক ওক্তোবর ২৬ অমসুং ২৭তা পাঙথোক্কদবা অসিনা ভারত-য়ু.এস.কী মরী অসি ফৈ হায়বা তাক্লি হায়না মহাক্না ফোঙদোকখি।
*******
(Release ID: 1662658)
Visitor Counter : 111