ইন্দিয়া মেতিওরোলোজিকেল দিপার্ত্মেন্ত (আই.এম.দি.)না ওন-লাইন প্রি-সাইক্লোন এক্সর্সাইস মীতিং অমা ওক্তোবর ৬তা দা. মৃত্যুঞ্জয় মোহপাত্রা, দিরেক্তর জেনরেল ওব মেতিওরোলোজী (দি.জি.এম.), আই.এম.দি.গী লুচিং মখাদা সাইক্লোন কুম ওক্তোবর-দিসেম্বর, ২০২০গীদমক শেম শারিবা, চঙ্গদব, থৌরাংশিং য়েংশিন্নবা অমসুং আই.এম.দি.গী অনৌবা খোঙথাংশিং স্তেক হোল্দরশিংদসু শিন্ননবা পাংথোকখি। মীফম অদুদা আই.এম.দি., নেসনেল সেন্তর ফোর মেদিয়ম রেঞ্জ ৱেদর ফোর্কাস্তিং (এন.সি.এম.আর.দব্ল্যু.এফ.), ইন্দিয়ন এয়র ফোর্স (আই.এ.এফ.), ইন্দিয়ন নেভী (আই.এন.), সেন্ত্রেল ৱাতর কম্মিসন সর্বিসেস (ইঙ্কোইস), নেসনেল দিজাস্তর মেনেজমেন্ত এজেন্সী (এন.দি.এম.এ.), নেসনেল দিজাস্তর রেস্পোন্স ফোর্স (এন.দি.আর.এফ.), ফিসরিজ দিপার্ত্মেন্ত, পঞ্চুএলিতী সেল, ইন্দিয়ন রেলৱে অমসুং সেন্ত্রেল ৱাতর কম্মিসন (সি.দব্ল্যু.সি.)দগী অখঙ-অহৈশিংনা শরুক য়াখি।

দি.জি.এম., আই.এম.দি.না মহাক্কী হৌদোক ৱারোলদা ফোর্কাস্তিংদগীনা লাস্ত মাইল কন্নেক্তিবিতী ফাওবদা লৈবা খুদোংচাদবশিংগী মরমদা ঙাংখি অমসুং হেন্না ফগৎহনবা মথৌ তারিবা মফমশিংগী মতাংদা নৈনখি। মহাক্না শরুক য়ারিবশিংগী মফমদা হায়খি মদুদি আই.এম.দি.না অকনবা নোং, অকনবা নুংশিৎ অমসুং নোংলৈ নুংশিৎ মাংজৌননা তাকপা য়াওনা ত্রেকিং, লেন্দফোল, ইন্তেন্সিতী অমসুং শাথিবা ঈশিং নুংশিৎকী লমদা আই.এম.দি.না মশক থোক্না ফগৎহনবা ঙমখ্রে হায়না ফোংদোকখি। মহাক্না লাক্লিবা সাইক্লোনগী কুম অসিদা আই.এম.দি.না জি.আই.এস. প্লেৎফোর্মদা সাইক্লোনগী লম্বী অমসুং কনবগী চাং য়েংনবগীদমক ইন্তরেক্তিব দিস্প্লে সিস্তেম শীজিন্নরগনি হায়না পাউদমখি।

মহাক্না স্তেকহোল্দরশিংদা আই.এম.দি.না হৌদোকখিবা খাকপা লাউবগী মাংজৌননা তাক্নবা দামিনি, সাইক্লোণ ৱার্নিং য়াওনা অইং অশা মাংজৌননা তাক্নবা মোসম অমসুং উমং অমসুং এগ্রোমেতিওরোলোজেকেল এদভাইজরীশিং য়াওনা তোঙান-তোঙানবা মোবাইল এপশিংগী মতাংদা পাউদমখি। শরুক য়ারিবশিংগী মফমদা রিজনেল স্পেসিএলাইজ মেতিওরোলোজিকেল সেন্তর (আর.এস.এম.সি.)গী ৱেবসাইৎ www.rsmcnewdelhi.imd.gov.inতা লেম্না রেজিস্তর তৌদুনা সাইক্লোন এলর্তশিং খঙবা য়াহল্লিবসিগী মতাংদসু পাউদমখি।

দা. মোহপাত্রানা হৌখ্রবা থৌদোক্তগী তমশিন্নবা অমসুং হৌজিক লৈরিবা অশোইবশিং শেমজিন্নবা হোৎনবগী তঙাইফদবা লৈ হায়না পুক্নিং চিংশিনখি। মহাক্না শোইনাইদ্রবা ত্রিগরিং অমসুং স্তেকহোল্দর খুদিংমক্না শরুক য়াবা রেস্পোন্স মেকানিজম অমা শেমগত্তুনা মীওইবগী পুন্সি অমসুং লন থুম মাং তাকপা হন্থহন্নবা হোৎনবগী অপাম্বা ফোংদোকখি।

শ্রীমতি সুনিথা দেবী, হেদ, সাইক্লোন ৱার্নিং দিবিজন, আই.এম.দি.না ফিবম, তুংগী থৌরাং অমসুং হৌখিবা নুমিৎ খরনিসিদা লৌখৎখিবা অমসুং হৌখিবা চহী খরদা আর.এস.এম.সি.না পীখিবা ফোর্কাস্ত পার্ফোরমেন্সলশিংগী মতাংদা থমখি।

মীফম অদুদা শরুক য়াখিবা স্তেকহোল্দরশিংনা হৌখিবা চহী খরসিদা সাইক্লোন য়েংশিনবদা কানবা পীরবা সাইক্লোন ৱার্নিং সিস্তেম পীবীবগীদমক আই.এম.দি.নবু থাগৎপা ফোংদোকখি। মীফম অদুগী মনুংদা স্তেকহোল্দরশিংনা থৱাই য়াওনা শরুক য়াবগা লোইননা অকুপ্পা ৱাফম কয়া খন্ননৈনখি অমসুং স্তেকহোল্দরশিংদগী কান্নরবা সজেসন কয়াসু লাকখি।

*****