মন্ত্রীমন্দল

মন্ত্রীমন্দলনা স্তোকহোল্ম কনভেন্সনগী মখাদা পীবা পর্সিস্তেন্ত ওর্গানিক পোলুতেন্ত ৭ চৎনহনবগী অয়াবা পীখ্রে অমসুং থৌওং অসিবু মওং মরিল তাহন্নবা তুংদা পাঙথোক্কদবা চৎহনবগী থৌওংগী শক্তি পীখ্রে

Posted On: 07 OCT 2020 4:33PM by PIB Imphal

প্রধান মন্ত্রী শ্রী নরেন্দ্র মোদীনা লুচিংবা মন্ত্রী মন্দলনা স্তোকহোল্ম কনভেন্সনগী মখাদা পীবা পর্সিস্তেন্ত ওর্গানিক পোলুতেন্ত (পি.ও.পি.) ৭ চৎনহনবগী অয়াবা পীখ্রে। কেবিনেৎনা স্তোকহোল্ম কনভেন্সনগী মখাদা কেমিকেলশিং চৎনহনবগী অয়াবা পীবগী শক্তি অসি এক্সতর্নেল এফিয়র্স (এম.ই.এ.) অমসুং ইনবাইরনমেন্ত, ফোরেস্ত অমসুং ক্লাইমেৎ চেঞ্জ (এম.ই.এফ.সি.সি.) কেন্দ্রগী মন্ত্রালয়দা হান্নদগী দোমেস্তিক রীগ্যুলেসনগী মখাদা চৎনরবা পি.ও.পি.গী ওইনা পীদুনা থৌওং অসিবু হেন্না মওং মরিল তাহন্নবা শিনখ্রে।

 

স্তোকহোল্ম কনভেন্সন অসি অকোয়বদা লৈবা, অহিংবা জীবশিংদা য়াওদুনা লৈবা অমসুং মীওইবগী হকশেল/অকোয়বদা শোকহনবা অমসুং অশাংবা মফমদা চৎপা ঙম্বা (এল.ই.আর.তি.) কেমিকেল সবস্তেন্সনি হায়না মশক খঙলবা পি.ও.পি. অসিদগী মীওইবগী হকশেল অমসুং অকোয়ববু ঙাক-শেন্দুনা থম্নবা মালেমগী ওইবা য়ানবা অমনি। পি.ও.পি. চঙবা অসিনা কেন্সর থোকহল্লি, সেন্ত্রেল অমসুং পেরিফরেল নর্বস সীস্তেমদা শোকহল্লি, ইম্ম্যুন সীস্তেমদা লায়না নাহল্লি, অঙাং পোকপদা চাং নাইহন্দবা অমসুং পিক্লিবা অঙাং অমসুং অঙাং চাউখৎপদা অয়েৎপা কয়া পী। পি.ও.পি.শিং অসি অকুপ্পা সাইন্তিফিক রিসর্চ, য়েংশিনবা অমসুং মেম্বর লৈবাকশিংগী মনুংদা খন্নরবা তুংদা স্তোকহোল্ম কনভেন্সনগী তোঙান তোঙানবা এনেক্সশিংদা য়াওরি।

ভারতনা ইং ২০০৬কী জনুৱারী ১২দা আর্তিকল ২৫(৪)গী মতুং ইন্না স্তোকহোল্ম কনভেন্সন চৎনবগী অয়াবা পীখ্রবনি অমসুং মসিনা মসিবু মশাগী ওইবা ‘ওপ্ত-আউত”কী ফমদা থমদুনা তোঙান তোঙানবা এনেক্স কয়াদা য়াওরিবা শেমদোকপশিং অসি য়ু.এন. দিপোজিতরীদা রেতিফিকেসন/এক্সেপ্তেন্স/এপ্রুবেল নত্ত্রগা এসেসনগী থৌওং অমা য়াওদ্রিবা ফাওবা চৎনহবা য়াদনবগী মওং লৈহল্লি।

অকোয়বা অমসুং মীওইবগী হকশেলদা লৈগদবা শিংনবশিং অসিবু তেক্ত কায়দনা থম্বগী থৌওংদা খোঙফম চেৎপা ওইনা ইনবাইরনমেন্ত, ফোরেস্ত অমসুং ক্লাইমেৎ চেঞ্জ (এম.ও.ই.এফ.সি.সি.) মন্ত্রালয়না মার্চ ৫, ২০১৮দা ইনবাইরনমেন্ত (প্রোতেক্সন) এক্ত, ১৯৮৬কী মতুং ইন্না “রীগ্যুলেসন ওফ পর্সিস্তেন্ত ওর্গানিক রুলস”কী ৱারোল অমা থোকখ্রবনি। মসিগী কাঙলোন অসিনা স্তোকহোল্ম কনভেন্সনগী মখাদা হান্ননা য়াওরবা পি.ও.পি.গী কেমিকেল তরেৎ, মিং ওইনা পল্লবদা-১) ক্লোরদেকোন, ২) হেক্সাব্রোমোবাইফিনাইল, ৩) হেক্সব্রোমোদাইফিনাইল ইথর অমসুং হেপ্তাব্রোমোদাইফিনাইল ইথর (কম্মর্সিএল ওক্তা-বি.দি.এফ.), ৪) তেত্রাব্রোমোদাইফিনাইল ইথর অমসুং পেন্তাব্রোমোদাইফিনাইল (কম্মর্সিএল পেন্তা-বি.দি.ই.), ৫) পেন্তাক্লোরোবেঞ্জিন, ৬) হেক্সাব্রোমোসাইক্লোদোদেকেন অমসুং ৭) হেক্সাক্লোরোব্যুতাদিন অসিবু শাবা, লল্লোন-ইতিক তৌবা, মীরমদগী পুশিল্লকপা অমসুং মপান লমদা থাদোকপগী অথিংবা থম্বনি।

 

পি.ও.পি. চৎনহনবগী কেবিনেৎনা অয়াবা পীবা অসিনা অকোয়বা অমসুং মীওইবগী হকশেলবু তেক্ত কায়দনা থম্বগা মরী লৈনবা মালেমগী কাঙলোনশিংবু ইনবগী ভারতকী খোঙফম চেৎপা উৎলি। মসিনা সরকারনা পি.ও.পি.গী মতাংদা লৌখৎপা লাকশিনবগী থৌওং, শানিংদনা শাবা কেমিকেলশিংগী ওইবা থৌরাং য়াৎপগী থৌওং শিনবা, পৈদুনা লৈরিবা কেমিকেলশিংগী ইনভেন্তরী শেম্বা অমসুং মসিগী মতাংদা নেস্নেল ইমপ্লিমেন্তেসন প্লান (এন.আই.পি.)দা য়েংশিনবা অমসুং অপদেৎ তৌবগী থৌওং পাঙথোকপগী মওংসু উৎলি। রেতিফিকেসন তৌবগী থৌওং অসিনা ভারতপু এন.আই.পি. অপদেৎ তৌবগী মতাংদা গ্লোবেল ইনবাইরনমেন্ত ফাসিলিতী (জি.ই.এফ.)কী শেল-থুমগী তেংবাংশিং শিজিন্নবা য়াহনগনি।

******



(Release ID: 1662406) Visitor Counter : 102