নিতি আয়োগ, ন্যু এন্দ রিন্যুএবল ইনর্জী মন্ত্রালয় (এম.এন.আর.ই.) অমসুং ইনবেস্ত ইন্দিয়ানা শিন্দুনা ভারত্তা মালেমগী পি.ভি. ইন্দস্ত্রীদা লৈরিবা খুদোংচাবশিং অসি খঙহন্নবা ওক্তোবর ৬তা সোলর পি.ভি. মেন্যুফেকচরিংদা সিম্পোজিয়ম অমা, “ইন্দিয়া পি.ভি. এদজ-২০২০” পাঙথোকখ্রে।

‘প্লেনরী সেসন’দা ৱারোল পীরদুনা আর.কে. সিংহ, পাৱর অমসুং ন্যু অমদি রিন্যূএবল ইনর্জী মন্ত্রালয়শিং অসিগী কেন্দ্রগী রাজ্য মন্ত্রী (ইন্দিপেন্দেন্ত চার্জ)না হায়খি, মালেমদা ভারতনা খ্বাইদগী খোঙজেল য়াংনা রিন্যুএবল ইনর্জীনা কেপাসিতীনা শরুক তম্লি অমসুং পাৱরগী দিমান্দগী গ্রোথ অসি মখা তানা হেনগৎলকপা উবা ফংলি।” “ইকাই খুম্নরবা প্রধান মন্ত্রী নরেন্দ্র মোদীগী লুচিং মখাদা ভারতনা ক্লিন ইনর্জীদা ওন্থোক্নবা হোৎনরি। ২০৩০ ফাওবদা ৪৫০ জি.দবল্যু.গী রিন্যুএবল কেপাসিতী ইনস্তোল তৌনবা মঙলানগী মথক্তা ভারতনা গ্রিদ-কন্নেক্ত তৌবা সোলর অমসুং রিন্যুএবলশিংগী থৌরাং খক তৌবা নত্তনা মোবিলিতীগী অচৌবা মঙলান, মতুংদা ইলেক্ত্রিসিতীনা চাক থোংবা অসিনি। সরকারনা আত্মানির্ভর ভারত মাই পাক্নবা লৌখৎপা খোঙথাংশিংগী ফল অমা ওইনা ২০ জি.দবল্যু.গী মোদ্যুল অমসুং সেল মেন্যুফেকচরিংগীদমক ই.ও.আই.শিং হান্না পীথখ্রে। ভারতনা মখা তানা রিন্যুএবলশিংগী লমদা ইনবেস্তমেন্ত তৌবা য়াবা খ্বাইদগী থুনা অমসুং খ্বাইদগী চাউনা খুমাং চাউশিল্লক্লিবা কৈথেল ওইরগনি।”

মালেমগী পি.ভি./ মেন্যুফেকচরর, দিবেলপর, ইনবেস্তর, থিঙ্ক তেঙ্ক অমসুং মকোক থোংবা পোলিসীমেকর মশিং কয়াগা লোয়ননা ভারতকী অমসুং মালেমগী মমিং লৈরবা সি.ই.ও. ৬০রোমনা থৌরম অসিদা শরুক য়াখি। সোলর মেন্যুফেকচরিংদা কেপিতেল থাদহন্নবা লম্বীশিং কুপ্না খন্ননবা পিৎচিং সেসনগী মতুংদা ইনবেস্তরশিংগী রাউন্তেবল অমসু শীনখি।

থৌরম অসিদা অনৌবা তেক্নোলোজীশিংগা লোয়ননা ভারতপু সোলর পি.ভি. মেন্যুফেকচরিংদা মালেমগী হব অমা ওইহন্নবা অমসুং লমদম অসিগী অমদি মালেমগী ফর্মশিংনা গিগা-স্কেল ফেক্তরীশিং লিংখৎনবা ইকোসিস্তেম অমা শেমগৎপগী মতাংদা খন্নখি।

শরুক য়ারিবা কম্পনীশিংনসু মেন্যুফেকচরিং স্কিমশিং পুথোকপদা য়াওরিবা ভারতকী পোলিসীমেকরশিংগা লোয়ননা ৱারী ৱাতাই শাবগী খুদোংচাবা ফংখি।

মালেমদা হৌজিক ভারতনা খ্বাইদগী চাউনা সোলর ইনস্তোল তৌবগী কেপাসিতীদা অহুম শুবদা লৈরি। ২০৩০ ফাওবদা - নন-ফোসিল-ফ্যুলদা য়ুম্ফম ওইরবা পাৱর ইনস্তোল তৌবগী কেপাসিতীদা ৪০% ফংবা ঙম্বা, ইমিসন ৩৩%-৩৫% হন্থহনবা, অমসুং কার্বোন দাইওক্সাইদকী ২.৫তগী ৩ বিলিয়নগী কার্বোন সিঙ্ক অমা শাবা- মরু ওইবা এম.দি.সি.গী তর্গেৎ অহুম ফংহন্নবা হোৎনরিবা লৈবাক খরগী মরক্তা অমা ওইরি। ভারতনা পান্দমশিং অসি অথুবদা ফংবা ঙমগনি হায়না থাজৈ।

হৌখিবা চহি তরা অসিদা সোলর দিপ্লোইমেন্ত অসি মরু ওইবা গ্রীন গ্রোথকী স্তোরী ওইদুনা লাক্লি, অমসুং মালেমদা ক্লাইমেৎ-রিজিলেন্ত অমা শেমগৎনবা হোৎনবদা কান্নগনি।সোলর পি.ভি. মেন্যুফেকচরিং অসি আত্মানির্ভর ভারতকী শরুক ওইনা সরকারনা লাউথোকখিবা খ্বাইদগী কান্নবা মকোক থোংবা সেক্তরশিংগী মরক্তা অমনি।

সিম্পোজিয়ম অসিদা সেসন অহুম য়াওরি। প্লেনরী সেসনদা ভারতকী খ্বাইদগী মমিং লৈবা পোলিসীমেকরশিংনা শরুক শাখি অমসুং লৈবাক অসিনা রিন্যু্এবল ইনর্জীদা লৈরিবা অচৌবা মপাঙ্গল, ইনবেস্তমেন্ত ক্লাইমেৎ অমসুং ভারতকী সোলর মেন্যুফেকচরিংদা লৈরিবা খুদোংচাবশিং অদু থমখি।

“ঐখোয়না থাজৈ পি.ভি. তেক্নোলোজীনা চাউখৎলকপনা কৈথেলদা লৈরিবা অসিদগী হেল্লকনি অমসুং সোলর দিপ্লোই তৌবদা চংবা শেলশিং হন্থহনবদা মরু ওইবা থৌদাং লৌগনি। লৈরিবা অচৌবা কৈথেল অমসুং মরী লৈনবা মেন্যুফেকচরিংগী খুদোংচাবশিং অসিগা লোয়ননা ভারতনা লৈরিবা অপুনবা ভেল্যু চেন অসিদা অনৌবা পি.ভি. তেক্নোলোজীশিংগী গিগা-স্কেল মেন্যুফেকচরিংগী মফম অমা ওইবা ঙমগনি।ভারতকী ইন্দস্ত্রীদা মখোয়গী হৌজিক লৈরিবা তেক্নোলোজীশিং অসি উৎনবা মালেমগী তেক্নোলোজী প্রোবাইদরশিং, ইক্বিপমেন্ত মেকরশিং অমসুং মকোক থোংবা পি.ভি. কম্পনীশিং পুনশিন্নবা লৈরিবা লুচিংবা অসিগী মখাদা মতাং য়াম্না চারে,” হায়না নিতি আয়োগকী সি.ই.ও. অমিতাব কান্তনা ফোঙদোকখি।

ন্যু অমসুং রিন্যুএবল ইনর্জী মন্ত্রালয়গী সেক্রেতরী ইন্দু শেখর চতুর্বেদীনা হায়খি, “হৌখিবা চহি তরুক অসিদা ভারতনা ইনস্তোল তৌখিবা রিন্যুএবলশিংগী কেপাসিতী অসি শরুক ২.৫ অমসুং ইনস্তোল তৌখিবা সোলরগী কেপাসিতী অসি শরুক ১৩ হেনগৎখ্রে। লাক্কদৌরিবা চহিশিংদা চহি খুদিংগী ৩০ জি.দবল্যুগী সোলর কেপাসিতী হেনগৎহন্নবা আশা থম্লি। ঐখোয়না ইম্পোর্ত তৌদুনা মীপাল তাংবা অসি হন্থহন্নবা দোমেস্তিক মেন্যুফেকচরিং ফগৎহনবা মরু ওই অমসুং সরকারনা মখল কয়াগী সপ্লাই ইমপ্লিমেন্ত তৌনবা অমসুং সোলর সেলশিং, ৱেফরশিং অমসুং ইনগোৎশিং শাবগী খোঙথাংশিং লৌখৎলি।তেক্নোলোজীগী লমনা লৌরিবা মরু ওইবা থৌদাং অমসুং অহোংবশিংনা সোলর পাৱর মরা চেৎহনবা অমসুং হোংদোকহনবদা মরু ওইগনি হায়বা খঙজিন্নবা মথো তাই।”

ইনবেস্ত ইন্দিয়া এম.দি. অমসুং সি.ই.ও. দীপক বাগ্লানা হায় ইনবেস্তরশিংগী ইনবেস্তমেন্ত খোংচৎতা মখোয়বু লমজিংনবা অখন্নবা সেলশিং সরকারনা লিংখৎখ্রে। মহাক্না হায়, “এফ.ৱাই.১৯-২০গী অরোইবদা ভারতনা লৈবাক অসিগী পুৱারীদা খ্বাইদগী ৱাংবা ওইনা য়ু.এস.দি. বিলিয়ন ৭৪গী এফ.দি.আই. অমা ফংগনি হায়না মহাক্না ফোঙদোকখি। মসি মালেমগী এফ.দি.আই.না ৮%দা হন্থরগা ভারতকী এফ.দি.আই.গী সিয়রনা ১৮%দা হেনগৎপা মতমদনি। ঙসি মালেমনা ভারত্তা চাউনা ইনবেস্তমেন্ত তৌনিংবগী অপাম্বা অমা লৈরে। মসিগী মরুওইবা মরমদি হৌখিবা চহি খরা অসিদা লাইথোকহনখিবা ইনবেস্তরগী খোংচৎননি। মালেমদা খ্বাইদগী থুবা ওইনা সোলার প্রোজেক্তশিংগী খ্বাইদগী চাউবা অমা ভারত্তা থা নিপালদা লিংখৎখি। মসি ইনবেস্তরগী খোংচৎ লাইথোকহনবা পোলিসী ফ্রেমৱার্কতা অহোংবা অমা পুরকপগী অচৌবা খুদম অমনি। মিনিস্ত্রী খুদিংমক্তা অখন্নবা সেলশিং হাংদোকখ্রে। মসিগী সেলশিং অসিগী মথৌশিংগী মরক্তা অমদি ইনবেস্তমেন্ত তৌহনবনি অমসুং করিগুম্বা অথিংবা লৈরবদি মদু লৌথোকপনি। অনিশুবদা প্রোজেক্তশিং তাঙ্কক নায়না শেম শাহনবনি। অহুমশুবদা ইনবেস্তরশিংগী প্লগ এন্দ প্লে ইনফ্রাস্ত্রকচরশিংগী খুদোংচাবা পীবনি”।

অনিশুবা সেসন্দা ঈশিং/সেল মেন্যুফেকচরিং, মোদ্যুল/প্রদক্সন ইকুইপমেন্ত অমসুং সপ্লাই চেন অমসুং বিল ওফ মেতরিএলস (বি.ও.এম.)দা থংনবা পিৎচিং সেসন অহুম য়াওই। আর এন্দ দি কম্পনী ২০ মথক্তা অমসুং মালেম পুম্বদগী এক্সপর্তশিংনা সোলর মেন্যুফেকচরিংগী তুংদা ওইরক্কদবা ফীভম উৎখি অমসুং মখোয়গী তোপ-তোপ্পা তেক্নোলিজীশিং ভারতকী স্তেকহোল্দরশিংদা উৎখি। সেসনশিং অসিদা ভারতকী কম্পনীশিংনা পেতেন্ত পীখিবা অনৌবা ইন্দিজিনস তেক্নোলোজীশিং উৎখি। পিৎচিং সেসনশিং অসিদা গিগা-স্কেল সোলর মেন্যুফেকচরিং অসি য়ুম্বী অহুমদা য়ুম্ফম ওই হায়বা উৎখি: (i) দিসরপ্তিব পি.ভি. কেমিস্ত্রীজ; (ii) কস্তম ইঞ্জিনিয়র এভান্স প্রদক্সন ইকুইপমেন্তনা মেন্যুফেকচর তৌব; (iii) অখন্নবা গ্লাসশিং অমসুং কোতিংশিংগুম্বা ইনোবেতিব বি.ওএম. কম্পোনে্তশিং শিজিন্নবা।

নিতি আয়োগকী এদিস্নেল সেক্রেতরী দা. রাকেশ সর্ৱালনা হায়খি মদুদি “ভারতকী ইনর্জী শিজিন্নবগী চাং অসি মালেমগী চাংচৎকী শরুক অহুম থোকপগী অমখক্তনি অমসুং য়াম্না চাউনা চাউথোকপা য়াবগী স্কোপ লৈ। অসিগুম্বা অনেম্বা থাক অসিদা লৈবাক অসিগী গ্রীনহাউস গ্যাস ইমিসনশিংগী ৭৫% অসি ইনর্জী পুথোকপদগীনি, অফবা ফ্যুলশিংদগী চাউনা ইলেক্তিফিকেসন তৌনবা অমসুং ঐখোয়গীশেন্মীৎলোন হেগৎহন্নবা পুক্নিং চিংশিল্লি”।  

ন্যু অমসুং রিন্যুৱেবল ইনর্জী মন্ত্রালয়গী জোইন্ত সেক্রেতরী অমিতেশ কুমার সিনহানা মালেমগী খ্বাইদগী চাউবা রিন্যুৱেবলস এক্সপান্সন প্লান মাংজিন থানা পুবদা ভারতনা হৌজিক লৌখৎলিবা খোঙথাংশিংগী মতাংদা থমখি অমসুং “ সোলার পি.ভি. মেন্যুফেকচরিং প্রমোৎ তৌনবা প্রদক্সন লিঙ্ক ইন্সেন্তিবসতগী স্কেল কত্তিং এজ সোলর পি.ভি. তেক-বেজ ন্যু মেন্যুফেকচরিং য়ুনিৎস অমসুং ইন্তরেস্ত সববেন্সন স্কিমদগী ওফসেত হাইয়র লেন্দিং কোস্ত ইন ইন্দিয়াগুম্বা স্কিমশিং অসি সরকারনা এক্তিব কন্সিদরেসনগী মখাদা থম্মি হায়না মহাক্না ফোঙদোকখি”। মহাক্না মন্ত্রালয়দগী ইনবেস্তরশিংদা পাংবা য়াবা মতেং খুদিংমক পাংগনি অমসুং ইনবেস্তমেন্তকীদমক ভারতকী কৈথেল অসি চান্নবা অমসুং অথিংবা লৈতবা ওই হায়না ফোঙদোকখি। 

অহুমশুবা সেসন ‘ইনবেস্তমেন্ত কনক্লেব’দা তামিল নাদু অমসুং অন্ধ্র প্রদেশ রাজ্যশিং অসিগী সরকারশিংগী ওফিসিএলশিংনা ইনবেস্তমেন্তশিং লাক্নবা মখোয়না হোৎনরিবশিং অদু ফোঙদোকখি। সেসন অসিনা ভারতকী সোলর মেন্যুফেকচিং সেক্তর অসিনা মালেমগী ইন্সতিত্যুসনেল ইনবেস্তরশিংগী পুক্নিং করম্না চিংশিনবগে হায়বা উৎখি অমসুং মসিদা অনৌবা পি.ভি. তেক্নোলোজীশিংদা ইনবেস্তমেন্ত তৌবা করম্না হেনগৎহনগনি হায়বগী মতাংদা ইন্তরনেস্নেল ফাইনান্স কোর্পরেসনশিং, অচৌবা দিবেলপরশিং অমসুং কোইল ইন্দিয়া লিমিতেদকী একজিক্যুতিবশিং য়াওবা অৱাংবা থাক্কী পেনেল দিসকসন অমা য়াওখি।

২০১৫গী পেরিস এগ্রীমেন্তগী মখাদা ভারতনা তৌখিবশিং অদুনা অঈং-অশাগী থোক্লিবা অহোংবা অসি লাকশিন্নবা থোইদোক হেন্দোকপা মঙলান, লুচিংবা, মীনুংশি অমসুং লৌশিং উবা ফংখি। ইন্দিবা পি.ভি. এদজ-২০২০না মঙলান অসিদা খোঙথাং মচা অমা মতেং পাংদুনা কত্তিং-এদজ আর এন্দ দি কম্পনীশিং, আর.ই. দিবেলপরশিং, পোলিসীমেকরশিং অমসুং ইনবেস্তরশিং পুনশিনদুনা প্লেৎফোর্ম অমগী মখাদা পুশিল্লক্লি অমসুং ভারতপু অনৌবা পি.ভি. তেক্নোলোজীশিংগী গিগা-স্কেল মেন্যুফেকচরিংগী মদম ওইহনবদা চাউনা মতেং পাংলগনি।

****