ঙসি য়ুনিয়ন মিনিস্তর দোক্তর জিতেন্দ্র সিংহনা হায়খি কোবিদ লাইচৎ মনুংদা মোদী সরকারনা মহৈ-মরোং য়াম্না লৈরে, মসি অৱাবা তারবা মতমদা প্রধান মন্ত্রী নরেন্দ্র মোদী অমসুং মহাক্না লুচিংবা কাংবুনা লৌমীশিংগী য়াইফনবা থবক পাংথোকপগী খুদম অমনি।

বাসোহলি অমসুং রিয়াসিগী লৌমীশিং, পঞ্চায়তকী মীহুৎশিং অমসুং মফম অদুগী মীওইশিংগা ৱারি শানবদা দোক্তর জিতেন্দ্রনা হায়খি, কোবিদ-১৯ লৈরবসু মমাং চহিদগী গেহু লৈবা চাদা ১৫ হেনগৎখি অমসুং লৈবাক শীনবা থুংনা গেহু তন লাখ ৩৯০ রোম লৈরে। লোকদাউন লৈরবসু কেন্দ্রনা লৌমীশিংগী থোংজিলদগী পোৎথোকশিং লৈরে।

লাইচৎ মনুংদা লৌউ-শিংউগী লমদা সরকারনা পায়খৎলিবা থবকশিংগী মতাংদা মিনিস্তরনা হায়খি লৌমীশিংগী য়াইফনবা অমসুং দরকার ওইবশিং লৈনবা কেন্দ্রনা লুপা করোর ৭৫,০০০ কাইথোকখ্রে। কোরোনাগী অৱাবা মরক্তা গেহু লৈবা শরুক অহুম হেনগৎলে অমসুং লাইচৎ মনুংদা গেহু, হৱায়শিং অমসুং থাউ থোকপা মরু লৈবা শরুক অহুম হেনগৎলে।

মিনিস্তরনা হায়খি সোইল হেল্থ কার্দ, পি এম কিষান সম্মান নিধি য়োজনা, কিষান কার্দ, নীম তৈরবা য়ুরিয়া,মাইক্রো-ইরিগেসন, ই-মন্দিশিং শেমগৎপা অমসুং এফ.পি.ওশিং য়াওনা হৌখিবা চহি ৬ অসিদা মোদী সরকারনা নৌবা থবক কয়া পাংথোক্লে। মিনিমম সপোর্ত প্রাইজ(এম এস পি) অমসুং এ.পি.এম.সি(এগ্রিকলচর প্রদুস এন্দ লাইভস্তোক মার্কেত কম্মিতি) অসি মখা চৎথগনি অমসুং কৈদৌঙৈদা লৌথোকলোই। মশাগী খনবা মীওই খরনা মখোয় মুৎথৎলগনি হায়না অরানবা ৱাফমশিং শন্দোক্লি। হৌখিবা চহি ৬ অসিদা মোদী সরকারনা মহৈ-মরোংগী এম.এস.পি হেনগৎহল্লে।

লৌমীশিং মশা মরোমদোম শিজবগী মতাংদা য়ুনিয়ন মিনিস্তরনা হায়খি লৌমীশিংগী য়াইফনবা থবকশিং অমসুং অনৌবা ফার্ম লোশিংদা লৌমীশিং কন্নবা খন্নবা প্রোবিজনশিং য়াওরে, লৌমীশিং খুদোংচাবা অমা ফংলগনি অমসুং নুংঙাইবা ফংলগনি। অনৌবা থবকশিং অসিনা লৌউ-শিংউগী থবকশিং অনৌবা অওনবা অমা পুরক্লগনি অমসুং অনৌবা অমসুং শেন্দোং লৈবা ওন্ত্রেপ্রেনিউয়র অমা ওইনা নহা ওইরিবা মীরোলশিংনা মসিগী শীনফম অসি পায়গদবনি।

দোক্তর জিতেন্দ্রনা হায়খি প্রধান মন্ত্রী নরেন্দ্র মোদীনা হৌদোক্লিবা লৌউ-শিংউগী অওনবশিং অসিনা মনিং তম্না মহৈ-মরোংগী মমল লেপ্পা য়ারগনি অমসুং লৌমীশিংনা মখোয়গী পোৎথোকশিং য়োন্নবা মমল অমসুং লৈগদবা মীওই খন্নবগী মনিংতম্বা পীরে। কন্ত্রেক এগ্রিমেন্ত অমনা লৌমীশিংনা য়ানখিবা মমলদা য়োন্নবগী গরেন্তি ফংলগনি। মসিগী মথক্তা, অনৌবা লো অসিনা লৌমীশিংগী লম য়োনবা, লিজ নৎত্রগা মোর্গেজ তৌবদা অথিংবা থম্লে।

মহাক্না হায়খি মহাক্কী মথক্ত লৌতুনরিবা অসি শন্দোক্না তাক্নবা খুঙ্গং খুদিংদা লৈরিবা লৌমী খুদিংমক থৌমীশিংনা ৱারি শান্নগদবনি। প্রধান মন্ত্রী নরেন্দ্র মোদীনা হৌদোক্লিবা য়াইফ-থৌরাংশিংগী কান্নবশিং লৌমীশিংদা ফংহনগদবনি।

ৱারি শানবা অদুদা বাসোহলিদগী কর্নেল(পোথারবা) মহান সিংহ, রামচান্দ, অজিৎ সিংহ, নারেস বাসোত্রা, জাসপিন্দর সিংহ, কেৱাল সিংহ, বালবিন্দর সিংহ, তেজিন্দর সিংহ, য়ুবকারন সিংঘহ, সুস্মা জামৱাল, সঙ্কর সিংহ, নামান শর্মা অমসুং অতোপ্পশিং শরুক য়াখি।

রিয়াসিদগী শরুক য়াখিবশিংগী মনুংদা পাদম দেব সিংহ, মুন্সি রাম, মোহিন্দর কুমার,সঙ্কর শর্মা অমসুং অতোপ্পশিং য়াওরি।

*****