রেলৱে মন্ত্রালয়
ভারত লৈঙাক্না কোলকতা সহর অমসুং অকোয়বগী ময়োল্লমগী মফমশিংদা কোলকতা ইস্ত-ৱেস্ত মেত্রো কোরিদোর অয়াবা পীখ্রে
মেত্রো লাইনগী অশাংবা কি:মি: ১৬.৬নি
প্রোজেক্ত মমল লুপা করোর ৮৫৭৫নি
Posted On:
07 OCT 2020 4:08PM by PIB Imphal
লৈঙাক্না রেলৱেজ মন্ত্রালয়গী নৌনা মমল লেপথোক্তুনা লুপা করোর ৮৫৭৪.৯৮ রোম চঙনা শাগদবা কোলকতা ইস্ত ৱেস্ত মেত্রো কোরিদোর প্রোজেক্তগী প্রপোজেল অয়াবা পীখ্রে। প্রোজেক্ত অসিদা ৱেস্ত বেঙ্গলগী সোল্ত লেক সেক্তর-৫তগী হাওরা লম্পাক ফাওবা অপুনবা অশাংবা কি:মি: ১৬.৬ ওইগদবা মেত্রো কোরিদোর শাবগী ৱাফম য়াওরি। প্রোজেক্ত অসি রেলৱেজ মন্ত্রালয়গী মখাদা স্পিসিএল পরপজ ভেহিকল ওইনা লিংখৎখিবা সি.পি.এস.ই. অমা ওইরিবা কোলকতা মেত্রো রেল কোর্পোরেসন লিমিতেদ (কে.এম.আর.সি.এল.)না পায়খৎপনি। লাইচৎ মমাঙদা লৈরমবা লোইশিনবগী পান্দম অসি দিসেম্বর, ২০২১নি। প্রোজেক্ত অসি লোইশিনবদা লাইচৎনা পীবা চৈথেং হন্থহন্নবা থৌরাংশিং লৌখৎলি। প্রোজেক্ত অসিদা ভারতকী ওইনা অচৌবা তুরেলগী মখাদা অহানবা ত্রান্সপোর্তেসন তনেল ওইগদবা গঙ্গা তুরেলগী মখাদা তনেল হুৎপা লোয়ননা ভারতকী খ্বাইদগী লুপা মেত্রো স্তেসন ওইগদবা হাউরা স্তেসননচিংবা তেক্নোলোজীগী অচৌবা শীংনবশিং য়াওরি।
অচৌবা প্রোজেক্ত অসিদা শাফবা, য়ৌশিনবা য়াবা অমদি নুংঙাইরবা পব্লিক ত্রান্সপোর্তকী খুত্থাঙদা কোলকতাগী বিজিনেস দিস্ত্রিক্কা নোংচুপ্তা হাওরা সহর অমসুং নোংপোক্তা সোল্ত লেক সহরগা মওং চুম্বা ত্রাঞ্জিৎ কন্নেক্তিভিতী শেমগৎনবা ৱাফম য়াওরি। কোরিদোর অসিনা কোলকতা মেত্রোপোলিতান এরিয়াগী খ্বায়দগী মরুওইবা শরুক অহুম হায়বদি হাওরা, কোলকতাগী বিজিনেস এরিয়া অমসুং সোল্ত লেক্কী অনৌবা সেত্তলমেন্ত শম্নহন্দুনা মসিনা কোলকতা অমসুং নক্নবা হাওরা অমদি বিধানগরগী মরক্তা মাস রেপিদ ত্রান্সপোর্তকী ফীভমদা অহোংবা অমা পুরক্লগনি। মসিনা হাওরা, সীলদাহ, এসপ্লেনেদ অমসুং আই.তি. হব অমা ওইরিবা সোল্ত লেক সেক্তর-৫গুম্বা মরুওইবা মফমশিং শমজিন্নহনগনি।
মসিনা মেত্রো, সব-অর্বান রেলৱেজ, ফেরী অমসুং বস ত্রান্সপোর্তকুম্বা তোঙান তোঙানবা মখলগী চত্থোক চৎশিনগী পাম্বৈশিং ইন্তরচেঞ্জ হবশিং শেমগত্তুনা পুনশিনগনি। মসিনা নুংতিগী চত্থোক চৎশিন তৌবা মীওই লাখ কয়াদা অপনবা লৈতবা চত্থোক চৎশিনগী পাম্বৈ পীগনি।
প্রোজেক্তকী কান্নবশিং:
- শাফবা, মতিক চাবা অমদি অকোয়বগী ফীভমগা চুনবা ত্রান্সপোর্ত সিস্তেম পীদুনা মীয়ামদা কান্নবা পীগনি।
- চত্থোক চৎশিনগী মতম হন্থহনগনি।
- থাউ চাবা হন্থহনগনি।
- লম্বীগী মচাক মথুমদা কেপেক্স হন্থহনগনি।
- পোলুসন অমসুং এক্সিদেন্ত হন্থহনগনি।
- ইনহেন্স ত্রাঞ্জিৎ ওরিএন্তেদ দেভেলপমেন্ত (তি.ও.দি.)
- কোরিদোর অসিদা লেন্দ বেঙ্কগী মমল হেনগৎহন্দুনা অহেনবা শেনফম লাকহনগনি।
- থবক শেমগৎকনি।
- কোলকতাদা ত্রাফিক চিনবা হন্থহনগনি অমদি কোলুসন কন্ত্রোল তৌবদা মতেং ওইগনি।
- চত্থোক চৎশিনগী মতম হন্থহনগনি।
****
(Release ID: 1662382)
Visitor Counter : 139