হাউজিং অমসুং অর্বান এফ্যার্স মন্ত্রালয়গী সেক্রেতরী শ্রী দুর্গা শঙ্কর মিস্রানা হিমাচল প্রদেশ অমসুং উত্তরাখন্দ স্তেতকী চীফ সেক্রেতরী/প্রিন্সিপাল সেক্রেতরী/ মকোক থোংবা ওফিসিএলশিংগা মমাঙ থাদা ৱারী ৱাতায় শানবা মতমদা মখোয়গী ময়োল্লমশিং জি.এফ.সি. সর্তিফিকেসন ফংননবা ইচঙ থৌবা খোঙথাঙ লৌখৎনবা ৱাফম থমখিবগা লোয়ননা মখোয়গী য়ু.এল.বি.শিংগী ও.দি.এফ.+, ও.দি.এফ.++কী ফীভম ফগৎহন্নবা অমসুং ২০২২ ফাওবগী মনুংদা মখোয়গী ময়োল্লম তঙ্খায় অমদি স্তার ৩গী জি.এফ.সি.গী থাক ফংবা ঙম্ননবা হোৎননবা ৱাফম থমখি‍।

        ৱারী ৱাতায় শানখিবা অ্রদুদা হিমাচল প্রদেশনা স্তেত অদুদা সীত ১,৫৬৭ শাদুনা সি.তি./পি.তি. সীত ৮৭৬কী পান্দম অদু লান্থোক্লে হায়না পাউদমখি‍। উত্তরাখন্দনা আই.ঐচ.ঐচ.এল. ২০,৭৫০ (চাদা ৭৫) অমদি সীত ২,৬১১গী পান্দমগী মথক্তা সি.তি./পি.তি. সীত ৪,৬৪২ শাখ্রে‍। স্তেতশিং অদুদা মখোয়গী আই.ঐচ.ঐচ.এল.গী পান্দম খুৎলৈ থুনা ফংনবা থৌরাং লৌখৎনবা ৱাফম থমখি‍। হিমাচল প্রদেশনা মখোয়গী ফত্ত-হৌদিগী তি.দি.পি. ৩৬৯.৪৬ (চাদা ৯৮) প্রোসেস তৌরে অদুগা উত্তরাখন্দনা মখোয়গী ফত্ত-হৌদিগী তি.দি.পি. ৯০১.৪৫ প্রোসেস তৌরে হায়না পাউদম্লকখি‍। স্তেতশিং অদুদা এম.আই.এস. চাং নাইনা অপদেত তৌরক্ননবা পাউতাকসু পীখি‍।

        হিমাচল প্রদেশ অমসুং উত্তরাখন্দনা মপং ওইবা ফত্ত-হৌদিশিং য়ুমথোঙ য়ুমথোঙদগী খোমগৎপগী থবক চাদা ১০০ চঙশিনবা ঙম্লে হায়না পাউদম্লকখি‍। হিমাচল প্রদেশতা ৱার্দশিংগী চাদা ১০০দা ফত্ত-হৌদিশিং খন্দোক খঞ্জিন তৌবগী থবক পায়খৎলি অদুগা উত্তরাখন্দা থৌওং অসি ৱার্দশিংগী চাদা ৬৫দা পায়খৎলি‍।এম.ও.ঐচ.য়ু.এ. সেক্রেতরীনা উত্তরাখন্দবু ফত্ত হৌদি খন্দোক খঞ্জিন তৌবগী থবক্তু চাদা ১০০ পায়খৎনবা খোঙলৈ থুনা পায়খৎনবা ৱাফম থম্লদুনা থৌওং অসিনা ফত্ত হৌদি প্রোসেস তৌবদা চঙবা শেনফম হন্থরক্কনি হায়না হায়খি‍।

        ছত্তিসগর লৈঙাক্না পায়খৎলিবা অম্বিকাপুর মোদেল অসি হৌরকফমদগী খন্দোক খঞ্জিন তৌদুনা মমল ভেল্যু হেনগৎহনবগী অফবা খুদম্নি হায়না এম.ও.ঐচ.য়ু.এ. সেক্রেতরীনা পাউদমখি‍। স্তেত লৈঙাকশিং অদুদা মখোয়গী ম্যুনিসিপাল থৌমীশিং অমসুং ফত্ত হৌদি খুন্দোকপা মীওইশিং অম্বিকাপুরদা থাদুনা য়েংহন্নবা পাউতাকসু মহাক্না পীখি‍।

        স্বচ্ছ সর্ভেক্সনদা লাক্লিবা অহোংবশিংগী মতাঙদা শন্দোক্না তাক্লদুনা, এম.ও.ঐচ.য়ু.এ. সেক্রেতরীনা অনৌবা মনা মথুম অসি ‘প্রেরক দ্বার সম্মান’ হায়না কৌগনি হায়না ফোঙদোকখি‍। মনা অসি লৌবা য়াবগী ক্রাইতিরিয়াশিংদি ফত্ত হৌদি খন্দোক খঞ্জিন তৌবা, অচোৎপা ফত্ত হৌদিশিং প্রোসেস তৌবা ঙম্বগী চাং, ফত্ত হৌদি রিসাইকল তৌবা, শেমগৎ-শাগৎপা অমদি থুগায় য়ৈখায়বগী মথি মকুমশিং রিসাইকল তৌবা, কোমদা হৈথখিবা ফত্ত হৌদিশিংগী চাং, অমসুং ময়োল্লমশিংগী সেনিতেসনগী ফীভমদা য়ুম্ফম ওইগনি অমদি রেঙ্কিংনা ‘দিব্য’, ‘অনুপম’, ‘উজ্বল’, ‘উদিত’ অমসুং ‘অরোহি’ হায়না লৈগনি‍। লু-নানবগী মথক্তা কমদৌনা ময়োল্লম অমনা মখোয়গী ফত্ত হৌদিশিং মেনেজ তৌবগে হায়বা মীৎয়েঙসিনা মফম অদুবু ফজহল্লি হায়না হায়রদুনা মহাক্না স্তেতশিং অদুদা মায়কৈ অসিদা ইচঙ থৌনা হোৎননবা ৱাফম থমখি‍। সেক্রেতরী (এম.ও.ঐচ.য়ু.এ.)না স্তেত/য়ু.তি. অনিদুনা য়ামদ্রবদা উজ্বল (সিল্ভর)গী পান্দম থমগদবনি হায়না পাউতাক পীখি‍।

স্তেতশিং অদুনা সাইন্তিফিক ৱেস্ত প্রোসেসিং য়াওনা মিসন অদুগী মখাদা কমদৌনা থৌরাংশিং লৌখৎলিবগে হায়বা ৱাফমশিং থমখি‍। স্তেতশিং অদুগী থবক তৌবগী মওং ফগৎহন্নবা হোৎনবা য়াবা পুম্নমক হোৎনগনি হায়না মখোয়না থাজবা পীরকখি‍। সেক্রেতরী, এম.ও.ঐচ.য়ু.এ.না মিসন অসিগী মখাদা মখোয় মখোয়গী থবক তৌবগী মওং ফগৎহন্নবা স্তেতশিংনা পায়খৎলিবা থৌরাংশিংবু থাগৎখি‍। মসিনা মীয়াম্না ময়োল্লমশিংদা য়েংবা মীৎয়েঙ হোংদোকহন্দুনা ময়োল্লমশিংদা শেন্মিৎলোনলগী খুদোংচাবা ফীভম কয়া পুরক্কনি‍। মীয়াম্না ফত্ত হৌদি খন্দোক খঞ্জিন তৌদুনা থমবা হায়বসি লুপা নানবা অমসুং নুংঙাই য়াইফবগী চঙদ্রবা য়াদ্রবা মচাক্নি হায়রদুনা মহাক্না ইন্দোরদা লিংখৎওইবা বাইও-নেথ্নেসন প্লান্তকী খুদম পীরদুনা প্লান্ত অসিনা অচোৎপা ফত্ত হৌদিশিং লৌনবগীদমক ম্যুনিসিপালিতীদা শেন পীগদৌরি হায়না হায়খি‍। অশঙবা/অচোৎপা ফত্ত হৌদিশিং খন্দোক খঞ্জিন তৌদুনা য়ুমদা/ হোতেলশিংদা/ পার্কশিংদা/ কলেজ অমসুং ইন্সতিত্যৎশিংদা কম্পোস্ত শেমদুনা মফম মফমদুদা শীজিন্ননবার ৱাফম মহাক্না থমখি‍। মহাক্না স্তেত/য়ু.তি.শিংদা পান্দম থম্নবা অমদি মদুবু ফংননবা ময়োল্লমশিংগা পুন্না থবক তৌমিন্ননবা হায়খি‍।

***