রেলৱে মন্ত্রালয়
লোকদাউনগী মমাংদা তৌরম্বগুম্না ত্রেন থাবগী মিনিৎ ৩০গী মমাংদা রিজর্বেসনগী অনিশুবা চার্ত পীবা হৌরগনি
তিকেৎ ককফম, ওনলাইন অমসুং পি.আর.এস. তিকেৎ কাউন্তর অনিমক অসি অনিশুবা চার্ত থোক্ত্রিবা ফাওবা থবক তৌগনি
Posted On:
06 OCT 2020 6:28PM by PIB Imphal
ইন্দিয়ন রেলৱেজনা হান্নবা চৎনরম্বা রিজর্বেসনগী অনিশুবা চার্ত পীবগী থৌওং অসি ১০/১০/২০২০দগী নৌহৌননা অমুক চৎনহন্নবা ৱারেপ লৌখ্রে।
কোবিদ মমাংগী কাঙলোনগী মতুং ইন্না রিজর্বেসনগী অহানবা চার্ত অসি ত্রেন থাগদবা মতমগী পুং ৪গী মমাংদা থোক্লম্বনি। মদুগী মতুং ইন্না অহাঙবা মফমশিং অসি পি.আর.এস. কাউন্তর খুদিংদগী অমসুং ইন্তর্নেত্তগী অহানবা লাকপদা খুদোংচাবা পীবগী থৌওং য়ুম্ফম ওইদুনা রিজর্বেসনগী অনিশুবা চার্ত থোক্ত্রিবা ফাওবগী মনুংদা তিকেৎ ককপা য়ারম্বনি।
রিজর্বেসনগী অনিশুবা চার্ত অসিনা ত্রেন থাবগী মিনিৎ ৩০দগীনা ৫ ফাওবগী মনুংদা শেম্বনি। মসিগী মতম অসিগী মনুংদা রীফন্দ রুলসকী মতুং ইন্না হান্না ককখিবা তিকেৎশিং কেন্সেল তৌবসু য়ারম্মি।
লায়চৎ অসিনা মরম ওইবদগী রিজর্বেসনগী অনিশুবা চার্ত থোকপা অসি ত্রেন থাবগী পুং ২গী মমাংদা ওইনা থোকপা হায়না শেমদোকখি।
জোনেল রেলৱেশিংনা হায়জরকপগী মতুং ইন্না রেল পেসেঞ্জরশিংগী নুংঙাইবগী খল্লদুনা মসিগী ৱাফম অসি য়েংশিনখি অমসুং ত্রেন থাবগী মতমগী মিনিৎ ৩০গী মমাংদা রিজর্বেসনগী অনিশুবা চার্ত থোকপগী ৱারেপ অসি লৌখিবনি।
মসিগা চান্নবা থৌওং অমা ওইনা মসিগী অনিশুবা চার্ত অসি থোক্ত্রিবা ফাওবা তিকেৎ ককপগী খুদোংচাবা অসি ওনলাইন অমসুং পি.আর.এস.কী কাউন্তরদা ফংগনি।
সি.আর.আই.এস.তসু মসিগী অনৌবা থৌওং অসিগা মরী লৈনবা শেমদোকপশিং ১০/১০/২০২০দগী হৌদুনা শেমদোক্নবা ৱাফমসু খঙহনখ্রবনি।
*****
(Release ID: 1662158)
Visitor Counter : 229