সাইন্স অমসুং তেক্নোলোজী মন্ত্রালয়

সি.ই.এন.এস.দা সাইন্তিস্তশিংনা এল.ই.দি.শিংনা হাই ক্বালিতী ৱাইৎ লাইৎ পুথোকপগী মতাংদা অনৌবা মওং মতৌ পুথোকখ্রে

Posted On: 06 OCT 2020 5:13PM by PIB Imphal

অঙৌবা লাইৎ ইমিতিং দাইওৎ (এল.ই.দি.শিং)পু মরুওইবা লাইৎ সোর্স ওইনা পুথোক্নবা হোৎনবদা মরুওইবা শিংনবা অমা থেংনরিবসি মচুগী মগুন অসিনি। সাইন্তিস্তশিংনা মখোয়না হাই ক্বালিতী ৱাইৎ লাইৎ পুথোক্নবা পাম্বৈ থিনবা হোৎনবদা অঙৌবা এল.ই.দি.শিং দিজাইন তৌবদা মতেং পাংগদবা মরুওইবা রিএক্সন অমা ফংখ্রে।

দিপার্ত্মেন্ত ওব সাইন্স এন্দ তেক্নোলোজী (দি.এস.তি.)গী মখাদা লৈবা ওতোনোমস রিসর্চ ইন্সতিত্যুৎ অমা ওইরিবা সেন্তর ফোর নেনো এন্দ সোফ মেত্তর সাইন্সেস (সি.ই.এন.এস.)দা লৈবা সাইন্তিস্তশিংনা ইনওর্গানিক কেমিকেল সিজিয়ম লিদ হেলাইদগী নেনোক্রিস্তেলশিংনা ৱাইৎ লাইৎ পুথোকপগী মওং মতৌ থেংনরবসু, নেনোক্রিস্তেলশিংগী তোপ-তোপ্পা মওং মতৌ অমনা মখোয়বু মৈঙাল পুথোকপদা অথিংবা পীবা অমা লৈরি।

অঙৌবা মঙাল পুথোকপা ঙম্বা অসি অসিগুম্বা ক্রিস্তেলশিং অসিনা মখোয়গী হেলাইদ কম্পোজিসনশিং অসি তোখাইহন্দুনা উবা ঙম্বা স্পেক্ত্রম পুম্নমক্তা লায়না ওন্থোকপগী মকাহ পোল্লি। অদুবু মখোয়না সিঙ্গল ইমিসন ওইখিবা নেনোক্রিস্তেলশিংগী মরক্তা লৈবা ইন্তর্পার্তিকল মিক্সিংনা মরম ওইদুনা অঙৌবা মঙাল পুথোকপা ঙমদে। অঙৌবা মঙালশিংদা অঙাং, অশংবা অমসুং হিগোক মচুগী মঙালগী স্পেক্ত্রা চঙই। মসিনা মরম ওইদুনা, করিগুম্বা ক্রিস্তেলশিং অসিনা সিঙ্গল ইমিসন পীখিবা থোক্লবদি, মখোয়দা অঙৌবা মঙাল শেম্বা ঙমদে।

দা. প্রলয় কে. সান্ত্রানা লুচিংবা রিসর্চর কাংবু অমনা ফংলে মদুদি ক্রিস্তেলশিং অসিগী হেলাইদ আইওনশিং অসি পার্তিকল অমদগী অতোপ্পা অমদা রুম তেম্পরেচরদফাওবা হোংবা ঙম্মি অমসুং সিঙ্গল ইমিসন পুথোকপা নেনোক্রিস্তেলগী এলোই শেম্মি। হৌজিক নৈনরিবা অসিদগী ফংলিবা অসি "নেনোস্কেল" হায়বা জর্নেল অমদা ফোংখ্রে। হায়রিবা কাইনেতিক রিএক্সন অসি মুন্না খঙবনা ইন্তর্পার্তিকল মিক্সিং থোকপদগী ঙাকথোকপা ঙমগনি, অমসুং কাংবু অসিনা মগুন ৱাংবা এল.ই.দি. পুথোক্নবা রিসর্চকী থবক পায়খৎলি।

[পব্লিকেসন লিঙ্কঃ দি.ও.আই.: ১০.১০৩৯/দি০এন.আর.০৫৭৭১এ.

অহেনবা ই-পাউগীদমক, দা. প্রলয় কে. সান্ত্রা,  (psantra@cens.res.in)দা পাউ ফাওবীয়ু]

******



(Release ID: 1662120) Visitor Counter : 130